Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Turgut Əliyev Soruşur Yazılma Tarixi:06.05.2013 01:46:41

Salam,mən 2013-cü il iyulunda ali təhsilli kimi hərbi xidmətə gedəcəm. bilmək istəyirəm ki zabit kimi getmək üçün hara muraciət etməliyəm,neçə ay kurs keçəcəm və əskərlikdə neçə ay əsgər kimi xidmət göstərəcəm?

2013-cü ilin iyul çağırışına hazırlıqla əlaqədar Azərbaycan Respublikası Müdafiə NAzirliyindən daxil olan sifarişə əsasən Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə müvafiq göstərişlər veriləcəkdir.
Vüsal Soruşur Yazılma Tarixi:04.05.2013 10:24:52

salam mən bu idaərəd işləmək istiyrəm bunun üçün nə edə bilərəm mənim 23 yaşım var əsgərlik etmişəm ali təhsilliyəm yəni bura işə qəbul üçün hansı sənədlər qəbul olunurşxahiş edirəm sualıma cavab yazasınız.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınızla əlaqədar ünvanladığınız sorğuya cavab olaraq Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə ərizə ilə müraciət etməyiniz tövsiyyə olunur.
Pervin Tagiyev Soruşur Yazılma Tarixi:03.05.2013 16:29:20

Salam.men iyun 30da ayinda herbi vezifeye cagirilmiwam.universitete sened vermek isteyirem.Tagiyev Pervin Merdan oglu 02.22.1995. Nesimi herbi komisarligi.Herbi kamisarliqdan mohlet vereqesi almagimi istediler.Mohlet vereqesini nece ala bilerem ?

"Hərbi vəzifə və hərbi xidmət haqqında" Azərbaycan Respublikası Qanununun 21.1-ci maddəsinə əsasən mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında təhsilini davam etdirmək üçün çağırışçılara möhlət yalnız bir dəfə verilir.Yuxarıda göstərilənlərə əsaslanaraq bildiririk ki, Siz ikinci bir təhsil müəssisəsində təhsil almaq üçün hərbi xidmətə çağırışdan möhlət hüququna malik deyilsiniz və 2013-cü ilin iyul çağırışında ümumi əsaslarla həqiqi hərbi xidmətə cəlb ediləcəksiz.
Tünzalə Kazımova Soruşur Yazılma Tarixi:03.05.2013 12:28:39

Salam. Müəssisələrdə hərbi qeydiyyatın və hesabatın (T2 forması) aparılması hansı əsaslarla, şərtlərlə və hansı qanunla nizamlanır? Doğru aparılmaması və ya heç aparılmamasına görə tətbiq olunan cəza növləri və ya məbləği hansılardır?

Bildiririk ki, təşkilatlarda(müəssisələrdə) hərbi vəzifəlilərin və çağırışçıların hərbi uçotu Azərbaycan Respublikası Nazirlər Kabinetinin 1994-cü il 27 may tarixli 217-9 saylı qərarı ilə təsdiq edilmiş "Hərbi mükıllıfiyyətlilərin və çağırışçıların hərbi qeydiyyatı haqqında Əsasnamə"yə əsasən aparılır. Azərbaycan \nRespublikasının İnzibati Xətalar Məcəlləsinin 352-ci maddəsinə əsasən, mənzil-istismar təşkilatlarının və evləri istismar edən başqa təşkilatların mülkiyyət formasından asılı olmayaraq müəssisələrin, idarələrin rəhbərləri və ya hərbi uçot işi üçün məsuliyyət daşıyan digər vəzifəli şəxslərin, habelə ev sahibləri tərəfindənhərbi vəzifəlilərin və çağırışçıların hərbi uçota qəbulunun, uçotdan çıxarılmasının rəsmiləşdirilməsi və ya uçot məlumatının tutuşdurulması üçün lazım olan sənədlərin Səfərbərlik və Hərbi Xidmətə Çağırış üzrə Dövlət Xidmətinin müvafiq yerli idarə, şöbə və bölmələrnə vaxtında təqdim etməmələrinə görə inzibati məsuliyyətə cəlb olunurlar. Eyni zamanda nəzərinizə çatdırırıq ki, "Hərbi vəzifə və hərbi xidmət haqqında" Azərbaycan Respublikası Qanununun tətbiqi barədə Azərbaycan Respublikası Prezidentinin 13 fevral 2012-ci il tarixli Fərmanına əsasən, çağırışçıların və hərbi vəzifəlilərin hərbi uçotunun aparılması qaydasının "Hərbi vəzifə və hərbi xidmət haqqında" Azərbaycan Respublikası Qanununa uyğunlaşdırılaraq yenidən müəyyən edilməsi Azərbaycan Respublikasının Nazirlər Kabinetinə tapşırılmışdır.
Şəmistan Soruşur Yazılma Tarixi:02.05.2013 14:54:05

Salam.Mən gələn il universiteti bitirecem və mən hərbi xidmətimi zabit kimi xidmət edə bilərəm? Əgər bu mümkündürsə mən nə etməliyəm və hansı sənətləri toplamaliyam.

2013-cü ilin iyul çağırışına hazırlıqla əlaqədar Azərbaycan Respublikası Müdafiə Nazirliyindən daxil olan sifarişə əsasən Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə müvafiq göstərişlər verilcəkdir.
Pervin Tagiyev Soruşur Yazılma Tarixi:02.05.2013 11:46:39

Salam.men iyun 30da ayinda herbi vezifeye cagirilmiwam.universitete sened vermek isteyirem.Herbi kamisarliqdan mohlet vereqesi almagimi istediler.Mohlet vereqesini nece ala bilerem ?

Özünüz haqda verdiyiniz məlumatlar tam olmadığı üçün sualınıza cavab vermək mümkün deyil.Xahiş edirik soyadınızı, adınızı, atanızın adını, təvəllüdünüzü və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölməsini qeyd edəsiniz.
Alim Alizade Soruşur Yazılma Tarixi:02.05.2013 04:45:42

Salam Men herbi biletimi itirmişem dublikatını almaq mümkündürmü vr bununla elaqadar ne etmeliyem ve nece gun içinde hell oluna bıler?\\nTesekkurler

Bildiririk ki, mövcud qanunvericiliyin tələblərinə əsasən, hərbi bilet həqiqi hərbi xidmətdə olan Azırbaycan Respublikası vətəndaşının şəxsiyyətini təsdiq edən yeganə müddətsiz sənəddir və hərbi vəzifəlilərin hərbi xidmətə münasibətini təyin edir.\n İtirilmiş və ya korlanmış hərbi biletlərin əvəzinə hərbi vəzifəlilərə yeni hərbi biletlərin verilməsi əvvəlki hərbi biletlərin itirilməsi və ya korlanması səbəbləri araşdırıldıqdan sona verilir. \n Bu səbəbdən itirilmiş hərbi biletinizin əvəzinə yeni hərbi biletlə təmin edilməniz üçün Siz sənədlərinizlə (şəxsiyyət vəsiqəsinin surəti, 3x4 ölçüdə 2 ədəd fotoşəkil və ərizə) hərbi qeydiyyatda olduğunuz yer üzrə Xidmətin yerli idarəsinə (şöbəsinə, bölməsinə) müraciət etməlisiniz.\n Bundan sonra Xidmətin yerli idarəsi (şöbəsi, bölməsi) tərəfindən DİN-nin yerli orqanına itirilmiş hərbi biletinizin aşkar olunub-olunmaması barədə sorğu göndəriləcək və cavab alındıqdan sonra Azərbaycan Respublikasının İnzibatı Xətalar məcəlləsinin 355-ci maddəsinə əsasən barənizdə qərar qəbul edildikdən sonra, Siz qısa müddət ərzində hərbi biletlə təmin olunacaqsız.
Sərxan Soruşur Yazılma Tarixi:01.05.2013 20:53:55

Salam mən ali məktəbi bitirən tələbələrin hərbi rütbə alaraq hərbi xidməti keçmə imkanları, bu prosesin şərtləri, qaydaları, ali məktəb diplomuna və hərbi xidmət müddətinə nə dərəcədə təsir edəcəyini öyrənmək istərdim.

Bildiririk ki, "Hərbi xidmətkeçmə haqqında" Əsasnamənin 58-ci maddəsinin "e" bəndinə əsasən, ehtiyyatda olan zabit hazırlığı proqramı üzrə müəyyən edilən imtahanları vermiş ali təhsilli əsgər, matros və çavuşlara müddətli həqiqi hərbi xidməti bitirdikdə "Leytenant" hərbi rütbəsi verilir. "Hərbi vəzifə və hərbi xidmət haqqında" Azərbaycan Respublikası Qanununun 38.1.1-ci maddəsinə əsasən, dinc dövrdə həqiqi hərbi xidmətin müddətləri təqvim hesabı ilə müddətli həqiqi hərbi xidmət hərbi qulluqçulara: - ali təhsili olanlara- 1 il, qalan bütün əsgərlərə, matros və çavuşlara- 1 il 6 ay müəyyənləşdirilmişdir. Həmin Qanunun 38.1.5-ci maddəsinə əsasən, dinc dövrdə həqiqi hərbi xidmətin müddətləri təqvim hesabı ilə zabitlər üçün: - ehtiyyatdan müddətli həqiqi hərbi xidmətə çağırılanlara və ya bağlaşma əsasında həqiqi hərbi xidmətə könüllü daxil olanlara - 1 il 6 ay müəyyənləşdirilir (bu müddət bitdikdən sonra tərəflərin razılığı ilə onlar kadr zabit heyatinə keçirilirlər)
Pervin Tagiyev Soruşur Yazılma Tarixi:30.04.2013 07:51:06

Salam.Aprelin 26 si herbiye cagiris vereqesi gelmisdi.Herbi komisarliga getdim.adim siyahida olmadiginnan Iyun ayinin 30 gedeceyimi dediler.Men hara duweceyim haqda melumati hardan orgene bilerem ?

izə təyin olduğunuz hərbi hissə haqqında məlumatları 30 iyun 2013-cü il tarixdən etibarən şəxsi məlumatları daxil etməklə, Səfərbərlik və Hərbi Xidmətə Çağırış üzrə Dövlət Xidmətinin saytının "Hərbi Xidmət" bölümündən əldə edə biləcəksiz
Vüsal İsgəndərov Soruşur Yazılma Tarixi:29.04.2013 10:47:17

Salam mən Səfərbərlik və Hərbi Xidmətə Çağırış üzrə Dövlət Xidmətinə işə qəbul üçün sənədlərimi vermişəm. Ordan məni Dövlət sərhəd xidmətinin polikninikasında tibbi komisiyadan keçmək üçün göndərdilər lakin üzürlü səbəblərdən mən komisiyanın təyin etdiyi vaxtda tibbi komisiyadan keçə bilmədim. bilmək istərdim ki mən yenidən həmin komisiyadan keçib Səfərbərlik və Hərbi Xidmətə Çağırış üzrə Dövlət Xidmətinə reyi verə bilərəm?

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul məsələnizə baxılması ilə əlaqədar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Nəzərinizə çatdırırıq ki, özünüzlə şəxsiyyət vəsiqəsinin olması vacibdir.
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.