Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Rahim Soruşur Yazılma Tarixi:20.12.2017 12:27:37

1-Salam yanvar çağırışçıları hansı hərbi hissədə xidmət edəcəkləri nə vaxt bilinəcək. 2-çağırışçı qoşun növünü dəişə bilərmi

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Əlavə olaraq qeyd edirik ki, çağırışçılar müddətli həqiqi hərbi xidmət keçmək üçün təyin olunduqları xidmət yerləri barədə mesaj vasitəsilə məlumatlandırılacaqlar.
Rahim Soruşur Yazılma Tarixi:18.12.2017 21:59:12

Sosial şəbəkələrdə hərbi xidmətin orta təhsililər üçün 2 il,ali təhsililər üçün isə 1.6 il məlumatı yayılıb.Bununla bağlı nə deyə bilərsiniz?

“Hərbi vəzifə və hərbi xidmət haqqında” Azərbaycan Respublikasının 2011-ci il 23 dekabr tarixli 274-IVQ nömrəli Qanununun 38.1.1-ci maddəsinə əsasən, dinc dövrdə həqiqi hərbi xidmətin müddətləri təqvim hesabı ilə ali təhsili olan müddətli həqiqi hərbi xidmət hərbi qulluqçuları üçün – 1 il, qalan bütün əsgərlər, matroslar və çavuşlar üçün – 1 il 6 ay kimi müəyyənləşdirilmişdir.
Aleks Soruşur Yazılma Tarixi:18.12.2017 20:52:22

salam.4may 2018-ci ilde menim 18 yasim tamam olur. Men bilmek isteyirem ki menim 2018-ci ilin qebul imtahanlarinda istirak edib,ixtisas secimi ede bileremmi?xahis edirem menim sualimi cavablandirasiniz

Müraciətinizlə əlaqədar bildiririk ki, ali təhsil müəssisəsinin qəbul imtahanlarında iştirak etməyiniz barədə hər hansı sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər. 
Ramiz Soruşur Yazılma Tarixi:18.12.2017 20:52:00

Salam,axşamınız xeyir.Bilmək istəyirəm ki,ehtiyyatda olan gizir təkrar müdafiə nazirliyinə xidmətə çağrıldıqda,yəni Müdafiə Nazirliyindən Səfərbərlik və hərbi xidmətə çağrış üzrə dövlət xidmətinin rayon şöbələrinə məktub daxil olduqda bu bölmələr ehtiyyatda olan gizirin şəxsi işini müdafiə nazirliyinə göndərməlidirlər və ya BAŞ idarədən bu barədə yazılı icazə almalıdırlar?

Bildiririk ki, təkrar həqiqi hərbi xidmətə daxil olan ehtiyatda olan hərbi vəzifəlilərin şəxsi işlərinin göndərilməsi barədə Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölmələrinə Azərbaycan Respublikası Müdafiə Nazirliyindən və ya qanunvericiliyə uyğun olaraq yaradılmış başqa silahlı birləşmələrdən məktub daxil olduqda Xidmətin yerli idarə, şöbə və ya bölmələri şəxsi işlərin tələb olunan ünvana göndərilməsi barədə müvafiq qərar qəbul edilməsi üçün Xidmətin Aparatına yazılı məruzə etməlidirlər. 
İbrahim Soruşur Yazılma Tarixi:18.12.2017 12:42:29

salam men yanvarin 8 i herbi xidmete gedecem ve bilmek isdeyiremki hara dusduyumu

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. Eyni zamanda Siz qeydiyyatda olduğunuz yerli idarə, şöbə və ya bölməyə müraciət edə bilərsiniz.
Orxan Soruşur Yazılma Tarixi:18.12.2017 11:36:51

Salam mən iyul çağırışçısı idim,səhətimdəki problemə görə 6 aylıq mənə möhlət verilmişdi.Dekabr ayında yenidən hərbi kamissiyadan keçdim cavabı necə öyrənə bilərəm.Qeyd edim həkim mənim sağlam olduğumu vurgulasa da qeydiyyatda olduğum Bərdə rayon kamisarlığı mənim xidmətə göndərmir.bu nə dərəcə düzgündür?

Məlum olmuşdur ki, Siz, 2018-ci ilin yanvar çağırışına hazırlıqla əlaqədar Xidmətin Bərdə rayon şöbəsinin hərbi həkim komissiyasında tibbi baxışdan keçirilmiş və səhhətiniz ilə əlaqədar aidiyyəti üzrə müayinəyə göndərilmisiz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Hərbi xidmətə yararlıdır. A-3” hesab edilmisniz. Bildiririk ki, Siz 2018-ci ilin yanvar çağırışı zamanı ümumi əsaslarla həqiqi hərbi xidmətə çağırışa cəlb olunacaqsınız.
Hüseyn Soruşur Yazılma Tarixi:18.12.2017 09:07:15

Öncəliklə salam mən xəstəliyim ilə bağlı hərbi xidmete getmek fikrim yoxdur hormonlarla elaqeli problemim var. mənə marağlıdırkı belə problemi olanları hərbi xidmətə aparırlar? Davamlı dərman istifadə etməliyəm əsgərliydə derman istifadəsinə icazə olsa təbii ki mənə getmək istərdim.

Bildirilir ki, həqiqi hərbi xidmətə çağırılmış çağırışçılar  Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamənin sağlamlıq vəziyyətinə dair əlavə tələblər cədvəli nəzərə alınmaqla tibbi müayinə olunurlar.
Vüqar Soruşur Yazılma Tarixi:17.12.2017 18:54:38

Menim ovladim Silahli Quvvelerden 9-cu ayinda xestelik sebebi ile texris edildi. Xestelik sebebi 17B 2ci qrafa ile neticelenmishdir. Bildiyime gore, bu xestelikle texris olunanlar sigorta ve kompensasiya ile temin olunur. Bilmek isteyirem ki, hemin sigortani ve kompensasiyani hansi qurum temin edir ? Oglumun rutbesi esgerdir

Portala daxil olan müraciətinizə əsasən bildiririk ki, «Hərbi qulluqçuların dövlət icbari şəxsi sığortası haqqında» Azərbaycan Respublikasının Qanununa əsasən hərbi xidmət dövründə xəstəliyə görə həqiqi hərbi xidmətə yararsız hesab edilərək ehtiyata buraxılan hərbi vəzifələrə üç il müddətində əlillik təyin olunduqda sığorta ödənişləri verilir. Qeyd olunan Qanunun tələblərinə əsasən sığorta olunana və ya onun vərəsələrinə sığorta ödənişləri Azərbaycan Respublikası Dövlət Sığorta Kommersiya Şirkəti tərəfindən həyata keçirilir. Bu barədə Sizə əvvəlki müraciətinizlə bağlı cavab verilmişdir. Əlavə edirik ki, əlillik qrupları, əlilliyin səbəbləri, habelə onların başvermə müddətinin müəyyən edilməsi Əmək və Əhalinin Sosial Müdafiəsi Nazirliyinin səlahiyyəti daxilindədir. 
Ramiq Soruşur Yazılma Tarixi:16.12.2017 20:34:14

yanvar ayında əsgər gedəcəm hara düşməyimi öyrənmək mümkündür

Bildiririk ki, SHXÇDX-nin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir. Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. Eyni zamanda Siz qeydiyyatda olduğunuz yerli idarə, şöbə və ya bölməyə müraciət edə bilərsiniz.
Vüqar Soruşur Yazılma Tarixi:16.12.2017 00:22:02

Salam.Sualim işə qəbulla bağlidi.Elektron qaydada sənəd verməliyəm yoxsa Baş İdarəyə gəlib ərizə yazmaliyam?Öncədən təşəkkür

Nəzərinizə çatdırırıq ki, müraciətinizdə özünüz haqqında ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, istəyinizdən aşlı olaraq müraciət edə bilərsiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.