Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Kənan Soruşur Yazılma Tarixi:24.10.2017 00:17:10

Salam men oktiyabrin iyirmisi merbi xidmete gedecekdim ama meni alti ay saxladilar ve deri zohrebi prablimi askar olinub men bu alti ay erzunde aldiqim mualiceni uc aya alsam yanvarda herbi xidmete gede bilerem bu mumkundur

Möhlət hüququ bitdikdə, Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Natiq Soruşur Yazılma Tarixi:23.10.2017 20:58:51

salam menim qardasimin her iki goz anadan gelme getdikce zeyifleyir her iki gozune Z.Eliyevada qoyulan diyaqnoz 3.25 dir her kurs mualice alir ozudeki acqi ile gezir acqisin cixardigi halda dahada zeyifleyecek ve agir neticelere getirib cixaracaq buna baxmayaraq onu herbi xidmete apardilar hecneyi nezere almadan onu Naxcivana gonderdiler bilmek isteyirem gozden xeste on cepede olmalidir yoxsa arxa cepede biz nece edeki onu arxa cepeye ve yaxin rayonlara versinlerki onun mualicelerin etdire bilek xahis edirem bize qanuni yolunu diyesiniz ve bu meseleye reyinii bildirmeyinizi xais edirem

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Əlavə olaraq bildiririk ki, çağırışçıların eynək taxması xüsusi qoşun növləri istisna olmaqla digər qoşun növlərində həqiqi hərbi xidmət keçməyə maneçilik törətmir.  
Məhərrəm Soruşur Yazılma Tarixi:23.10.2017 19:12:52

Mən 26.07.1998 ci il təvəllüd.2015-ci ildə Ukrayna Respublikasının Kiev şəhəri Polis Akademyasına qebul olmuşam daha sonra 2017-ci ilin may ayının sonunda həmin adı keçən (Yeni dərs ilində oxumaq üçün) Akademyadan ixtisasımı dəyişərək Xarkov Milli avtomobil-yol Universitetinə Müəssisəsi İqtisadiyatı ixtisasına keçmişəm. Bu ilin Sentyabr ayında Azərbaycanan Ukraynaya getmək istəyərkən havalimanından mənə adımda STOP oldugun bildirdilər və getməyimə icazə verilmədi. Səfərbərlik və Hərbi Xidmətə Çağırış üzrə Dövlət Xidmətinin Summqayıt şəhər şöbəsinə yaxınlaşdıqda isə mənən Universtetin arayışın tələb etdilər daha sonra mənə Universitetdən arayışı göndərdilər. Səfərbərlik və Hərbi Xidmətə Çağırış üzrə Dövlət Xidmətin arayışı təqdim etdim lakin adıma olan STOP-u hələdə götürməyiblər. Mən nə etməliyəm artıq dərsə yetərincə gecikmişəm.

Bildiririk ki, “Təhsil haqqında” Azərbaycan Respublikası Qanununun 32.3.7-ci maddəsində təhsilalanın müəyyən edilmiş qaydada təhsil müəssisəsini və ixtisasını dəyişmək hüququnun olduğunu nəzərə alaraq, Siz təhsil aldığınız fakültədən digərinə keçdiyiniz halda, həmin fakültəyə hansı əsaslarla köçürülməyiniz barədə sənədləri Xidmətin Sumqayıt şəhər idarəsinə təqdim etdikdən sonra barənizdə qanunamüvafiq qərar qəbul ediləcəkdir.
Atilla Soruşur Yazılma Tarixi:23.10.2017 15:52:58

Salam.Ayın 23u oldu ama menim hara düşdüyüm çıxmıyib. Bütün məlumatları düzgün Azərbaycan sriftleri ilə yazıram ama çağırışçı tapılmadı deyir.9100 mesaj göndərdim bugün ayın 23u. Ordada eyni şey yazılır çağırışçı tapılmadı. Xaiş edirəm mənə məlumat verin.

Bildiririk ki, Siz barənizdə yekun qərarın qəbul edilməsi üçün Xidmətin Binəqədi   rayon idarəsi tərəfindən Mərkəzi hərbi həkim komissiyasına 13.10.2017-ci il tarixdə təqdim olunmusunuz. Müayinənin nəticəsi («Sağlamlıq vəziyyətinin  müayinə edilməsi aktı») Xidmətin Binəqədi rayon idarəsiinə daxil olduqdan sonra barənizdə qanunamüvafiq qərar qəbul ediləcəkdir.  
Əli Soruşur Yazılma Tarixi:22.10.2017 10:39:23

Mən 30 sentyabr 1999- cu ildə anadan olmusam.Göndərişinizə əsasəngözümdə problem olduğu üçün mən Z.Əliyeva adına Göz xəstəxanasına yoxlanışdan keçmişəm. Lakin mənə hələ əsgərliyə çagırış gəlməyib,Səbəbi nədir ?

Siz, 2017-ci ilin oktyabr çağırışına hazırlıqla əlaqədar, Xidmətin Xətai rayon idarəsinin hərbi həkim komissiyasında tibbi baxışdan keçirilərək səhhətinizlə əlaqədar aidiyyəti üzrə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi aktı” Xidmətin Xətai rayon idarəsinə daxil olduqdan sonra, Siz, həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 20.08.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Əfşan Soruşur Yazılma Tarixi:22.10.2017 10:28:16

Salam. Men ise qebul olmaq ücün hara muraciet etmekiyem? Onuda qey edimki imtahanda olmuşam. Ama qebul olmamışam. Zehmet olmasa etraflı melumat vererdiz mene

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, 26.10.2016-cı il tarixdə keçirilmiş müsabiqənin nəticələrinə əsasən, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınız məqsədəuyğun hesab edilməmişdir.  
Elbrus Soruşur Yazılma Tarixi:22.10.2017 01:48:08

esgerliye dusduyum yeri bilmek isteyirem?

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.
Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur. 
İlkin Soruşur Yazılma Tarixi:22.10.2017 01:20:56

salam 9100 sms yolladim cavab cixdi burda ise bilinmir harda xidmet elemeyim melumat vererdiz zehmet olmasa

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.
Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur. 
Hüseyn Soruşur Yazılma Tarixi:21.10.2017 22:40:06

Salam.Sentyabrin 26si baş qospitala apardılar hərbi komissarliqdan.Ama hələ də bir cavab yoxdur.Bir aya yaxındır vaxt keçibdir.İyulda da belə vəziyyət yaranmışdır.Yararliyamsa xidmətə getməyə hazıram,amma əgər yararlı deyiləmsə indidən desinlər bilim işimi.Artiq 4aydan çoxdur işimnən gücümnən məşğul ola bilmirəm.Xahiş edirəm bu işlə bir daha maraqlanasiniz.Qeyd edimki Suraxanı rayon komissarlığından xəbər gözləyirəm.Zəhmət olmasa smsimə 3-4gundən tez cavab yazasiniz, çünki vaxtımdan gedir,nə edəcəyimi bilmirəm.Təsəkkurlər.

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz razılaşdırılmış qrafikə əsasən (26.09.2017-ci il tarixdə) şəxsi işiniz ilə birgə Xidmətin Mərkəzi hərbi həkim komissiyasına təqdim olunmusunuz və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövr üçün hərbi xidmətə yararsız, müharibə dövrü üçün məhdud yararlıdır” hesab edilmisiniz. Barənizdə rayon çağırış komissiyası tərəfindən qəbul edilən qərar təsdiq olduğu üçün, Siz hərbi biletlə təmin olunacaqsınız. Odur ki, qeyd etdiyiniz məsələ ilə bağlı Xidmətin Suraxanı rayon idarəsinə müraciət etməyiniz tövsiyə olunur.
Pərviz Soruşur Yazılma Tarixi:21.10.2017 18:18:55

Salam aleykum men komisyadan kecende mende od dasi askarlandi sonra bakiya muayineye gonderdiler zehmet olmasa deyerdiz menim haqqimda ne qerar cixdi rayon komissarligina gede bilmirem isimle elaqedar birde hansi dioaqoz qoyuldu cox sagolun..

Müraciətinizlə bağlı müvafiq araşdırmanın aparılması məqsədi ilə  təvəllüdünüz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.