Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nihad Soruşur Yazılma Tarixi:10.10.2017 22:17:44

Salam.Mən oktyabr ayının 16sında hərbi xidmətə çağrılmışam lakin hansi hərbi hissəyə düşdüymü və hansı qoşun növündə xidmət edəcəymi hələdə bilmirəm.Bu haqda necə məlumat ala bilərəm?

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 oktyabr tarixindən etibarən Xidmətin rəsmi saytında yerləşdiriləcəkdir.
Əliağa Soruşur Yazılma Tarixi:10.10.2017 15:55:53

Salam. Məndə həm yastıpəncəlik(ayağın altı yaş olanda yerə qoyarkən tam şəkildə yerə yapışır və ayaqda olan qövs görsənmir) həm də döş qəfəsində deformasiya var. Bilmək istərdim bu xəstəliklər H.X-ya yararsız qəbul edilirmi?

Ayağın orta hissəsi oynaqlarının II mərhələ deformasiyaedici osteoartrozu olmadıqda çağırışçılar II dərəcəli yastıayaqlılıqla Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin tələblərinə əsasən “Hərbi xidmətə yararlıdır. A-3” hesab edilirlər, III  dərəcəli yastıayaqlılıqda (boylama içəri tağın bucağı 155 dərəcədən çoxdur, tağın hündürlüyü 17 mm-dən azdır) çağırışçılar “Sülh dövründə hərbi xidmətə yararsız, müharibə dövründə məhdud yararlı” hesab edilirlər. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Nadir Soruşur Yazılma Tarixi:10.10.2017 01:00:15

Həbiyev Təbriz Firqət oğlu, 4 yanvar 1996cı il təvəllüd,SHXÇDX-in Suraxanı rayon şöbəsi. Sağlamlığı ilə əlaqədər bir neçə dəfə tibbi müayinələrdən keçib, ilk dəfə 3 saylı şəhər klinik xəstəxanasında, daha sonra Mərkəzi Həkim Komissiyada müayinədən keçib. Hərbi xidmətə keçən il çağırılıb. Ancaq hal-hazıradək hərbi xidmətə yararlı və ya yararsız olmağı haqda ona məlumat verilmir. Xahiş olunur, verdiyim məlumatlara əsasən müayinənin nəticələri və hərbi xidmətə yararlı və ya yararsız olduğunu dəqiqləşdirərdiz...

Məlum olmuşdur ki, barəsində rayon çağırış komissiyası tərəfindən qəbul edilən qərarın təsdiq edilməsi üçün, 1996-cı il təvəllüdlü Həbiyev Təbriz Firqət oğlu 05.10.2017-ci il tarixdə nəzarət qaydasında Xidmətin Mərkəzi Hərbi-Həkim Komissiyasına təqdim olunmuşdur. Şəhadətləndirilmə nəticəsinə müvafiq olaraq hərbi xidmətə yararlı olub-olmaması barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul edildikdən sonra Sizə Xidmətin Suraxanı rayon idarəsi tərəfindən əlavə məlumat veriləcəkdir..
İlkin Soruşur Yazılma Tarixi:09.10.2017 20:45:55

Salam. Mənə iyul ayında çağırış gəldi. Tibbi yoxlamadan keçdim və Travmatologiya İnstitutu yararsız olduğum barədə sənədləri imzaladı. Ancaq dedilər ki, oktyabr ayında Hospitala çağrılacam. Ondan sonra rəy veriləcək. Mən bu ayın sonu ölkədən 3 günlük çıxacam. Öyrənmək istəyirəm ki, hər hansı məhdudiyyət varmı, ölkədən çıxa bilərəmmi? Əgər yoxsa, rayon voyenkomatından müvəqqəti arayışla ölkəni tərk etmək mümkündürmü?

Bildiririk ki, müddətli həqiqi hərbi xidmətə çağırılacaq vətəndaşlara çağırış ayınadək sərhədkeçməyə məhdudiyyət qoyulmur.
Elnur Soruşur Yazılma Tarixi:09.10.2017 12:54:00

Salam.Xahiş edirəm qohumumun hansı hərbi hissəyə düşməsi barədə məlumat verəsiniz.Əlili(yev) Mahmud Rafayel oğlu-Ağcabədi hərbi komisarlığından həqiqi hərbi xidmətə çağırılır.oktyabr ayında getməlidi.təvəllüdü 11.01.1998

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 oktyabr tarixindən etibarən Xidmətin rəsmi saytında yerləşdiriləcəkdir.
Yusif Soruşur Yazılma Tarixi:08.10.2017 23:32:05

Salam Mən Kolleci bitirmişəm 2017ci ilin iyul ayında hərbi xidmətə getməli idim . Səbail rayon idarəsindən mənə sənədlərinim gecikdiyi deyildi və bu səbəbdən oktyabrda gedəcəyim bildirildi İndi mənə Səbail rayon idarəsi heç bir əsas göstərmədən hərbi yararsız olduğumu deyillər Xahiş edirəm mənim sualıma bağlı araşdırma aparıb mənə cavab deyəsiniz.

Müəyyən olunmuşdur ki, Siz, 2017-ci ilin iyul çağırışına hazırlıqla əlaqədar, Xidmətin Səbail rayon idarəsinin hərbi həkim komissiyasında tibbi baxışdan keçirilmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış, əlavə olaraq səhhətiniz ilə əlaqədar əlavə müayinəyə göndərilmiş və müayinə nəticəsində təyin olunmuş diaqnoza müvafiq olaraq rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında Əsasnamə»nin «Xəstəliklər cədvəli»nin I qrafasına əsasən “Sıradankənar hərbi xidmətə yararlıdır” hesab edilmisiniz. Barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, razılaşdırılmış qrafikə əsasən 18.07.2017-ci il tarixdə şəxsi işiniz ilə birgə Xidmətin Mərkəzi hərbi həkim komissiyasına komissiyasına təqdim olunmuş və müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz.
Murad Soruşur Yazılma Tarixi:08.10.2017 23:19:54

Salam men FHN a Duwmuwem herbi hissenin nomresin bilmirem

Qeyd etdiyiniz məsələ ilə əlaqədar Azərbaycan Respublikasının Fövqəladə Hallar Nazirliyinə müraciət etməyinizi tövsiyə edirik
Murad Soruşur Yazılma Tarixi:08.10.2017 23:13:41

Salam Men FHN a duwmuwem quba vayenkumatidi ama herbi hissenin nomresin nece oyrenmey olar?

Qeyd etdiyiniz məsələ ilə əlaqədar Azərbaycan Respublikasının Fövqəladə Hallar Nazirliyinə müraciət etməyinizi tövsiyə edirik
Rauf Soruşur Yazılma Tarixi:07.10.2017 16:50:30

Salam mən sizə işə qəbulla bağlı müraciət etmişəm .Sənədlərimi poçt vasitəsiilə sizin ünvanınıza göndərdim və ordanda xəbər gəldiki sizin ixtisasınız bizim vakant yerlərə uyğun gəlmir.Mən Bərdə dövlət idarəetmə və texnalogiya kollecinin nəqliyyat vasitələrinin texniki istismarı fakultəsini bitirmişəm.Nəyə görə bu ixisas SHXÇDX-də gizir kimi işləməyə uyğun gəlmir.?

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulla əlaqədar müraciət edən vətəndaşın təhsili və ixtisası Xidmətin komplektləşdiril­məsi üçün mövcud olan vəzifələrin ixtisas profilinə uyğun olduqda və buna  uyğun vakansiya olduğu təqdirdə, onların həqiqi hərbi xidmətə (işə) qəbul edilməsinin mümkünlüyünə baxılır. Vətəndaşın ixtisasının Xidmətin komplektləşdiril­məsi üçün mövcud olan vəzifələrin ixtisas profilinə uyğun olmaması və ya ixtisasına uyğun vakansiyanın (boş vəzifənin) olmaması, onun həqiqi hərbi xidmətə (işə) qəbul edilməsinə imtina üçün əsasdır. Nəzərə almağınızı tövsiyə edirik.
Ümid Soruşur Yazılma Tarixi:07.10.2017 15:26:58

men oktiyabirin 12si herbi xidmete gediren bilmey isdiyirem hara dusmusem

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 oktyabr tarixindən etibarən Xidmətin rəsmi saytında yerləşdiriləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.