Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Eldost Soruşur Yazılma Tarixi:27.03.2024 20:12:33

Hara duşduyumu öyrənək istirəm?

Müraciətinizlə əlaqədar olaraq bildiririk ki, vətəndaşların Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü zamanı Azərbaycan Respublikasının Müdafiə Nazirliyinə, Müdafiə Nazirliyinin daxili bölgüsünə əsasən isə müddətli həqiqi hərbi xidmət keçmək üçün müvafiq hərbi hissəyə təyin olunmusunuz.       Məlumat üçün bildiririk ki, çağırışçılar müddətli həqiqi hərbi xidmət keçmək üçün təyin olunduqları qoşun növü və hərbi hissə barədə məlumatı Səfərbərlik və Hərbi Xidmətə Çağırış üzrə Dövlət Xidmətinin rəsmi internet səhifəsinin elektron xidmətlər bölməsindən (exidmet.seferberlik.gov.az), şəxsiyyət vəsiqələrinin nömrələrini 9100 qısa nömrəsinə mesaj şəkildə göndərməklə və ya Xidmətin qeydiyyatda olduqları yerli baş idarə, idarə, şöbə və bölməsinə müraciət edərək öyrənə bilərlər.  
Niyaz Soruşur Yazılma Tarixi:27.03.2024 20:10:13

Salam mənim gözümdə zəiflik belimdə skayloz 1 dərəcə sinir problemləri var və hərbi bilitem haqqda heç bir xəbər yoxdur

Müəyyən edilmişdir ki, Siz Xidmətin Abşeron rayon şöbəsinin hərbi həkim komissiyası tərəfindən nəzarət qaydasında 14.03.2024-cü il tarixdə 2 saylı Kliniki Psixiatriya Xəstəxanasına və Nizami Tibb Mərkəzinə əlavə müayinələrə göndərilmisiniz. Səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Akt”ları Xidmətin Abşeron rayon şöbəsinə daxil olduqdan sonra müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Aytac Soruşur Yazılma Tarixi:27.03.2024 18:05:48

Salam mən qardaşim üçün hansı hərbi hissəyə düşdüyünü bilmək üçün 9100 şəxsiyyət seria nömrəsini yazıram cavab olaraq ele bir çağırışçı olmadığı gəlir. Məmmədov Orxan Vidadi 25.03.2006 Bərdə rayon zəhmət olmasa deyə bilərsiz hara düşdüyünü.

          Müraciətinizlə əlaqədar olaraq bildiririk ki, qardaşınız vətəndaşların Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü zamanı Azərbaycan Respublikasının Müdafiə Nazirliyinə, Müdafiə Nazirliyinin daxili bölgüsünə əsasən isə müddətli həqiqi hərbi xidmət keçmək üçün müvafiq hərbi hissəyə təyin olunub.       Məlumat üçün bildiririk ki, çağırışçılar müddətli həqiqi hərbi xidmət keçmək üçün təyin olunduqları qoşun növü və hərbi hissə barədə məlumatı Səfərbərlik və Hərbi Xidmətə Çağırış üzrə Dövlət Xidmətinin rəsmi internet səhifəsinin elektron xidmətlər bölməsindən (exidmet.seferberlik.gov.az), şəxsiyyət vəsiqələrinin nömrələrini 9100 qısa nömrəsinə mesaj şəkildə göndərməklə və ya Xidmətin qeydiyyatda olduqları yerli baş idarə, idarə, şöbə və bölməsinə müraciət edərək öyrənə bilərlər.
Rafiq Soruşur Yazılma Tarixi:26.03.2024 22:41:46

Salam, itirilmiş və ya korlanmış hərbi biletin yenisi ilə əvəz edilməsi üçün hara müraciət edilməlidir?

İtirilmiş və ya korlanmış hərbi biletin əvəzinə yenisinin verilməsinə dair Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə ünvanladığınız müraciətinizə baxılmışdır.            Bildiririk ki, hərbi bilet etinasız saxlanılması nəticəsində korlandığı və ya itirildiyi halda, inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) hərbi vəzifəlilərin hərbi qeydiyyatda olduqları yer üzrə Xidmətin strukturuna daxil olan qurumlar tərəfindən aşağıda göstərilən sənədlər əsasında verilir:            1. ərizə;            2. şəxsiyyət vəsiqəsinin surəti (təsdiq olunmuş);            3. 3x4 ölçüdə 2 ədəd fotoşəkil;            4. Azərbaycan Respublikası Daxili İşlər Nazirliyinin rayon (şəhər) polis idarələri və ya şöbələrindən hərbi biletin tapılmamasına dair arayış.  
Rahil Soruşur Yazılma Tarixi:25.03.2024 22:08:00

Salam, mən Zülfüqarlı Rahil Fazil oğlu. ( Laçın rayon bölməsi) Mən gözümlə bağlı 2 dəfə hərbi müayinədən keçmişəm. Birinci dəfə 6 ay, ikinci dəfə 3 ay möhlət vermişdilər. 2 ci dəfə möhlət verəndən sonra fevral ayında yenidən yoxlanışa çağıracaqlarını demişdilər, ancaq hələ də mənə bir xəbər verən yoxdu. Özüm Laçın rayon bölməsinə zəng edirəm amma zəngi açmırlar. Xahiş edirəm mənə haqqımda məlumat verəsiniz.

Məlum olmuşdur ki, səhhətiniz ilə əlaqədar verilmiş möhlət hüququ bitdiyi üçün, Siz Xidmətin Laçın rayon çağırış komissiyası tərəfindən tibbi baxışdan keçirilmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və səhhətiniz ilə əlaqədar 16.11.2023-cü il tarixdə Akademik Z.Əliyeva adına Milli Oftalmologiya Mərkəzinə əlavə tibbi müayinəyə göndərilmisiniz. Müayinə nəticələrinə əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq “3 (üç) ay müddətinə hərbi xidmətə müvəqqəti yararsızdır” hesab edilərək, 26.04.2024-cü il tarixədək həqiqi hərbi xidmətə çağırışdan möhlət hüququ verilmişdir. Əlavə olaraq bildiririk ki, səhhətiniz ilə əlaqədar verilmiş möhlət hüququ bitdikdən sonra, təkrar tibbi müayinəyə cəlb olunacaq və barənizdə qanunamüvafiq qərar qəbul ediləcəkdir.
Mehrac Soruşur Yazılma Tarixi:24.03.2024 14:21:44

Salam. Mən Quliyev Mehrac Zahid oğlu. 2024 sentyabr ayında mənim tibbi müayinəm olacaq. Ancaq mən 2024 apreldə xidmət keçmək istəyirəm bilmək istəyirəmki tibbi müayinə hal lazirda davam edirmi, olmasa belə iyul prizivdə getmək isdəyirəm bu ərizə ilə mümkündürmü

Bildiririk ki, Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xidmətin Şuşa şəhər şöbəsinə təqdim edildiyi halda mümkündür.
Məhəmməd Soruşur Yazılma Tarixi:24.03.2024 04:58:49

Salam. Mən hal hazırda Bakı mühəndislik universitetində üçüncü kursda oxuyuram. Universiteti bitirdikdən sonra Almaniyada ausbildung etmək, yəni peşə təhsili almaq istəyirəm. Almaniyadakı təhsilimi bitirib hərbi xidmətə daha sonra gedə bilərəm yoxsa daha əvvəl etməliyəm? Mən təhsil alarkən hərbi xidmətlə bağlı hər hansı problem yarana bilər? zəhmət olmazsa cavablandırarsız.

         Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1-ci maddəsinə əsasən mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında, müvafiq icra hakimiyyəti orqanının müəyyən etdiyi elmi təşkilatda təhsilini davam etdirmək üçün çağırışçılara möhlət yalnız bir dəfə verilir.  Məlumat üçün bildiririk ki, Qanununun 21.1.2-ci maddəsinə əsasən peşə təhsili müəssisələrində təhsil alan, bu müəssisələrə daxil olana qədər tam orta təhsil almamış 20 yaşınadək çağırışçılara müvafiq təhsilini bitirənədək müddətli həqiqi hərbi xidmətə çağırışdan möhlət verilir.
Məhəmməd Soruşur Yazılma Tarixi:24.03.2024 04:55:42

Salam. Mən hal hazırda Bakı mühəndisliyi universitetində üçüncü kursda oxuyuram. Universiteti bitirdikdən sonra Almaniyada ausbildung etmək, yəni peşə təhsili almaq istəyirəm. Almaniyadakı təhsilimi bitirib hərbi daha sonra hərbi xidmətə gedə bilərəm yoxsa daha əvvəl etməliyəm? Mən təhsil alarkən hərbi xidmətlə bağlı hər hansı problem yarana bilər? zəhmət olmazsa cavblandırarsız

         Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1-ci maddəsinə əsasən mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında, müvafiq icra hakimiyyəti orqanının müəyyən etdiyi elmi təşkilatda təhsilini davam etdirmək üçün çağırışçılara möhlət yalnız bir dəfə verilir.  Məlumat üçün bildiririk ki, Qanununun 21.1.2-ci maddəsinə əsasən peşə təhsili müəssisələrində təhsil alan, bu müəssisələrə daxil olana qədər tam orta təhsil almamış 20 yaşınadək çağırışçılara müvafiq təhsilini bitirənədək müddətli həqiqi hərbi xidmətə çağırışdan möhlət verilir.
Əli Soruşur Yazılma Tarixi:23.03.2024 18:06:16

Salam, hər vaxtınız xeyir. IV dərəcə toxumluq ciyəsi venasının varikoz genişlənməsi diaqnozu qoyulmuş çağırışçı hərbi xidmətə yararlıdırmı?

“Xəstəliklərin Beynəlxalq Təsnifatı”na əsasən “IV dərəcəli” toxum ciyəsi venalarının varikoz genişlənməsi xəstəliyi mövcud deyil. Əlavə olaraq bildiririk ki, III dərəcəli toxum ciyəsi venalarının varikoz genişlənməsi xəstəliyi ilə şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 45-ci maddəsinin “c” bəndinin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.  
Hüseyn Soruşur Yazılma Tarixi:23.03.2024 17:40:25

Salam bilmək istərdik Dinc dövrdə hərbi xidmətə yararsız, müharibə dövründə məhdud yararlı hesab edilərək hərbi bilet verilibsə yenidən həkim müayinəsindən keçdikdən sonra səhətində hər hansı problem aşkar olunmasa hərbi xidmətə gedə bilər ya yox?

Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilir və sağlam olduğu halda, müddətli həqiqi hərbi xidmətə yararlı hesab edilirlər.
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.