Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Orxan Soruşur Yazılma Tarixi:09.04.2025 17:25:53

Salam. Mən çağırışçıyam. 4 aprel 2025-ci il tarixində Tibbi-Sosial Ekspertiza və Reabilitasiya Agentliyində tibbi şəhadətlənmədən keçmişəm. Agentlikdən bildirildi ki, nəticələrlə bağlı Səfərbərlik və Hərbi Xidmətə Çağırış üzrə Dövlət Xidmətinə müraciət etməliyəm. Xahiş edirəm, həmin şəhadətnamənin nəticələrinin nə zaman açıqlanacağı və ya necə öyrənə biləcəyim barədə məlumat verəsiniz.

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır.  Müəyyən edilmişdir ki, Siz Xidmətin Xətai rayon idarəsinin hərbi həkim komissiyası tərəfindən tibbi baxışdan keçirilmiş və səhhətiniz ilə bağlı dövlət tibb müəssisələrinə əlavə müayinələrə göndərilmisiniz.              Dövlət tibb müəssisələrinin təqdim etdiyi “Sağlamlıq vəziyyətinin müayinə edilməsi Akt”larına müvafiq olaraq yekun tibbi müayinəniz Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyində aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin              I qrafasına əsasən “hərbi xidmətə müvəqqəti yararsızdır” hesab edilmisiniz.
Fərid Soruşur Yazılma Tarixi:09.04.2025 17:24:25

Salam. Xahiş edirem cavablandirin. Dişdə breket taxilanda esgerliye yararli sayılır ya mohlet verilir??

Bildirilir ki, “Həzm sistemi xəstəlikləri üzrə: Çağırışçılar çənə anomaliyalarının breketlə müalicəsi zamanı ortoqnatik dişləm vəziyyət” diaqnozu ilə tibbi şəhadətləndirilən çağırışçılara ilkin olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 (altı) ay müddətinə “Hərbi xidmətə müvəqqəti yararsız” hesab edilirlər.  
Röyal Soruşur Yazılma Tarixi:09.04.2025 14:07:41

Salam, mən sağlamlığımla əlaqədər olaraq möhlətim var, 2016-2019, 2019-2022, 2022-2025 Aprel ayları idim həmişə. Lakin sonuncu möhlətimi gecikdirmişdilər, bununla bağlı şikayətimi də bildirmişdim. Möhlət hüququnun peçatını mənə 2022 də Aprel ayında yox İyun ayında vurmuşdular. Bilmək istərdim, çağırışım bu ay yəni Apreldə gələcək təkrar müainə üçün yoxsa?

Növbəti təkrar tibbi müayinənin vaxtının öyrənilməsinə dair Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır. Bildiririk ki, 23 dekabr 2011-ci il tarixli 274 İVQ nömrəli “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, sağlamlıq vəziyyətinə görə 1 il müddətinədək möhlət verilmiş çağırışçılar möhlət müddəti bitdikdən sonra, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar isə 30 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Müəyyən edilmişdir ki, Sizə səhhətinizlə əlaqədar 21.06.2025-ci il tarixədək müddətli həqiqi hərbi xidmətə çağırışdan möhlət hüququ verilmişdir. Göstərilənləri nəzərə alaraq, səhhətinizə görə verilmiş möhlət müddəti bitdikdə təkrar tibbi müayinə olunmağınız üçün hərbi qeydiyyatda olduğunuz Xidmətin Bakı şəhəri Nizami rayon idarəsinə müraciət etməyiniz zəruridir.
Pünhan Soruşur Yazılma Tarixi:09.04.2025 11:21:44

Salam son tibbi yoxlanışın nəticələrini bilmək istəyirəm 07.04.2025 dəfələrlə müraciət etmişəm cavab verilmir sualıma baxmağınızı xahiş edirəm

Müəyyən edilmişdir ki, 2025-ci ilin aprel çağırışına hazırlıqla əlaqədar Siz Səfərbərlik və Hərbi Xidmətə Çağırış üzrə Dövlət Xidmətinin Ucar rayon şöbəsinin                    hərbi həkim komissiyası tərəfindən tibbi müayinələrdən keçirilmiş və müayinə nəticələrinə əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq “hərbi xidmətə yararlı” hesab edilərək, 03.04.2025-ci il tarixdə Daxili Qoşunların hərbi hissəsinə təhvil verilmisiniz. Lakin Siz “Arterial hipertenziya. A/T 150/100 mm st” diaqnozu ilə hərbi hissədən geri qaytarılaraq, 04.04.2025-ci il tarixdə Akademik C.M.Abdullayev adına Elmi-Tədqiqat Kardiologiya İnstitutuna əlavə tibbi müayinəyə göndərilmisiniz. Müayinə nəticələrinə əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq “hərbi xidmətə yararlı” hesab edilmisiniz. Sizin 2025-ci ilin aprel çağırışı zamanı ümumi əsaslarla müddətli həqiqi hərbi xidmətə göndərilməyiniz nəzərdə tutulmuşdur.
Rail Soruşur Yazılma Tarixi:09.04.2025 00:45:36

Salam mən 11.03.2025 tarixində DTSERA da yekun tibbi müayinədən keçmişəm. Mənə 1 ildən çoxdurki müvəqqəti yararsızlıq(2 dəfə 6ay) verilib .Əgər yenidən 6 ay verilerse bu dərəcədə düzgündür?. Müayinənin nəticəsində indi hansı qərar verilib?

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Bildiririk ki, Sizin yekun tibbi müayinəniz Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyində aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 ay müddətinə “Hərbi xidmətə müvəqqəti yararsızdır” hesab edilmisiniz. Əlavə olaraq bildiririk ki, “Hərbi vəzifə və hərbi xidmət haqqında” Azərbaycan Respublikasının Qanununun 20.2-ci maddəsinə əsasən “Sağlamlıq vəziyyətinə görə çağırışa möhlət 3 il müddətinədək, hər dəfə 1 ildən artıq olmamaq şərti ilə verilir. 3 ildən sonra, sağlamlıq vəziyyətindən asılı olaraq möhlət almış çağırışçılar ya müddətli həqiqi hərbi xidmətə çağırılır, ya həm dinc dövrdə, həm də müharibə dövründə hərbi xidmətə yararsız hesab edilərək hərbi qeydiyyatdan çıxarılır, ya da dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilirlər.  
Əliəkrəm Soruşur Yazılma Tarixi:08.04.2025 21:49:15

Salam necəsiniz?Hərbi xidmət üzrə ilkin yoxlanış biletimdə yararlı və ya yararsız olma yazızı pis xətlə yazılıb oxunmur.Hərbi xidmətə yararlı olub olmadığıma Onlayn şəkildə baxmaq istəyirəm.Çox sağolun.

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Bildiririk ki, Siz Xidmətin Lənkəran rayon şöbəsi tərəfindən 01.07.2027-ci il tarixədək təhsilə görə verilmiş möhlət hüququna maliksiniz. Əlavə olaraq bildiririk ki, möhlət müddətiniz bitdikdən sonra Siz Xidmətin Lənkəran rayon şöbəsi tərəfindən təkrar tibbi müayinələrə cəlb olunacaq, ehtiyac olduğu halda dövlət tibb müəssisəsində müayinə olunacaq və hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə” nin “Xəstəliklər cədvəli”nin           I qrafasının tələblərinə əsasən qanunamüvafiq qərar qəbul ediləcəkdir.
Mübariz Soruşur Yazılma Tarixi:08.04.2025 10:27:28

Salam. Bilmək istəyirəm ki, 15 yaşı tamam olmamış şəxsin ilkin qeydiyyatı necə həyata keçirilir ? 2). Tibbi müayinə xərclərini vətəndaş ödəməlidirmi ?

Bildirilir ki, vətəndaş qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) ilkin hərbi qeydiyyata alma komissiyası tərəfindən tibbi baxışdan keçirilir, ehtiyac olduğu halda dövlət tibb müəssisələrində müayinə olunur və müddətli həqiqi hərbi xidmətə yararlı  olub-olmaması barədə Azərbaycan Respublikası Nazirlər Kabinetinin 29.02.2008-ci il tarixli   59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul edilir. Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin tələblərinə əsasən tibbi baxışların, müayinələrin (müşahidələrin), müalicə-sağlamlıq tədbirlərinin və profilaktik peyvəndlərin təşkili və keçirilməsi tibb müəssisələrinə həvalə olunmuşdur.  
Rəhim Soruşur Yazılma Tarixi:08.04.2025 10:12:15

Salam məni Binəqədi tibb mərkəzinə göndərdiler onun cavabı necə oldu yararsızam yoxsa yararlı?

Müəyyən edilmişdir ki, Siz növbəti tibbi şəhadətləndirilməyə cəlb edilərək                  Səfərbərlik və Hərbi Xidmətə Çağırış üzrə Dövlət Xidmətinin Xəzər rayon hərbi həkim komissiyası tərəfindən 01.04.2025-ci il tarixdə Binəqədi Tibb Mərkəzinə əlavə müayinəyə göndərilmisiniz. Dövlət tibb müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı” Xidmətin Xəzər rayon idarəsinə daxil olduqdan sonra Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Hüseyn Soruşur Yazılma Tarixi:08.04.2025 02:30:27

Salam mənim 30 yaşım olmağıma 92 gün qalıb daha öncə 1-ci qrafa 40 maddəyə əsasən yararsız hesab edilmişəm hər 3 ildən bir tibbi müayinədən qulağımla bağlı problemlər səbəbindən 2014,2017,2021-ci illərdə zəhmət olmasa mənə yenidən tibbi müayinədən keçib keçməməklə məlumat verərsiniz qanunda 30 yaşa qeyd etmisiniz

Müəyyən edilmişdir ki, Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Füzuli rayon şöbəsi tərəfindən növbəti tibbi şəhadətləndirilməyə cəlb edilmiş və rayon hərbi həkim komissiyaı tərəfindən mütləq müayinələrə göndərilmsiniz. Mütləq müayinələriniz yekunlaşdıqdan sonra rayon hərbi həkim komissiyasında tibbi baxışdan keçiriləcək, ehtiyac olduğu halda aidiyyəti üzrə dövlət tibb müəssisəsinə əlavə müayinəyə göndəriləcək və müddətli həqiqi hərbi xidmətə yararlı                 olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 20-ci maddəsinin 20.3 bəndinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 30 yaşa çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.
Ağadadaş Soruşur Yazılma Tarixi:07.04.2025 14:54:43

Mən həqiqi hərbi xidmətə yarasız olaraq qeydə alınmışam lakin bu günkü gün hərbi xidmətə getmək istəyirəm

Bildirilir ki, müraciətiniz nəzərə alınaraq Siz Səfərbərlik və Hərbi Xidmətə Çağırış üzrə Dövlət Xidmətinin Xətai rayon hərbi-həkim komissiyası tərəfindən 11.04.2025-ci il tarixdə Sabunçu Tibb Mərkəzinə əlavə müayinəyə göndərilmisiniz. Dövlət tibb müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı” Xidmətin Xətai rayon idarəsinə daxil olduqdan sonra Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.