Sual/Cavab
HÖRMƏTLİ İSTİFADƏÇİLƏR!

Bu internet səhifə, AR Konstitusiyasının 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Cəlil Soruşur Yazılma Tarixi:03.06.2022 13:54:20

Salam. Voyenkomat məni Bakıya yoxlanışa göndərmişdir. Zəhmət olmasa, ordan gələn cavabın nə olduğunu nəzərimə çatdırasınız.

Məlum olmuşdur ki, səhhətinizlə bağlı şikayətiniz nəzərə alınaraq, Siz Xidmətin Yardımlı rayon bölməsinin hərbi həkim komissiyası tərəfindən 26.05.2022-ci il tarixdə Akademik Z.Əliyeva adına Milli Oftalmologiya Mərkəzinə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Yardımlı rayon bölməsinə daxil olduqdan sonra, Sizin həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Əmir Soruşur Yazılma Tarixi:03.06.2022 13:51:35

Salam. Men DİO dan 2018 ci ilin oktyabr ayinda işden cixmişam. 2022 ilin uyun ayina vaenkamata muraciet etdim herbi biletimi alim. Mene 30 m cerime tedbiq etmelerini bildirdiler vaenkaçatdan. Vaxtomda qeydiyyata duşmemeyime gore. Lakin meni qeydiyyata duşmey barede hec bir xeberdarıiq olunmayib. Bu ne qeder duzgundur? . Yani bu maddede hec bir istisna hal yoxdur? Ki cerime yazilmasin? Çunki menim bu barede çelumatim olmayib ve ucota duşmey baresindede xeberdar olunmamişam.

Portala daxil olan müraciətinizə baxılmışdır. Bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 7.1-ci maddəsinə əsasən, vətəndaşlar ehtiyata keçirlidikdən sonra 7 gün müddətində yaşayış yeri üzrə hərbi qeydiyyata alınmaq üçün Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrinə gəlməlidirlər. Əks halda, hərbi vəzifəlilər hərbi qeydiyyat qaydalarını pozduqda “İnzibati Xətalar Məcəlləsi”nin 606.2.1-ci maddəsinə əsasən 30 (otuz) manat məbləğində cərimə edilir.
Əmir Soruşur Yazılma Tarixi:03.06.2022 13:17:23

Salam. Men DİO dan 2018 ci ilin oktyabr ayinda işden cixmişam. 2022 ilin uyun ayina vaenkamata muraciet etdim herbi biletimi alim. Mene 30 m cerime tedbiq etmelerini bildirdiler vaenkaçatdan. Vaxtomda qeydiyyata duşmemeyime gore. Lakin meni qeydiyyata duşmey barede hec bir xeberdarıiq olunmayib. Bu ne qeder duzgundur? . Yani bu maddede hec bir istisna hal yoxdur? Ki cerime yazilmasim

Portala daxil olan müraciətinizə baxılmışdır. Bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 7.1-ci maddəsinə əsasən, vətəndaşlar ehtiyata keçirlidikdən sonra 7 gün müddətində yaşayış yeri üzrə hərbi qeydiyyata alınmaq üçün Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrinə gəlməlidirlər. Əks halda, hərbi vəzifəlilər hərbi qeydiyyat qaydalarını pozduqda “İnzibati Xətalar Məcəlləsi”nin 606.2.1-ci maddəsinə əsasən 30 (otuz) manat məbləğində cərimə edilir.
Vaqif Soruşur Yazılma Tarixi:03.06.2022 12:42:46

Salam. Hərbi xidmətə çağırış üçün möhlət kağızımı itirmişəm. Ağ bilet olur diyəsən bu. Həmin sənədi haradan yenidən əldə edə bilərəm?

Bildiririk ki, çağırışçılar və hərbi vəzifəlilər hərbi biletin və ya ilkin hərbi qeydiyyata alınma haqqında vəsiqənin qəsdən korlanılmasına və ya itirilməsinə görə Azərbaycan Respublikası İnzibati Xətalar Məcəlləsinin 607-ci maddəsinə əsasən xəbərdarlıq edilir və ya 50 (əlli) manat məbləğində cərimə edilir. Qeyd etdiyiniz məsələ ilə əlaqədar Xidmətin qeydiyyatda olduğunuz struktur bölməsinə müraciət etməyiniz tövsiyə olunur.
Sadiq Soruşur Yazılma Tarixi:03.06.2022 11:54:02

Men yastipenceliye yoxlanisdan kecmisem yararli olub olmadigimi bilmek isdiyirem

Məlum olmuşdur ki, 2022-ci ilin iyul çağırışına hazırlıqla əlaqədar, Siz Xidmətin Bərdə rayon şöbəsinin hərbi həkim komissiyasında tibbi baxışdan keçirilmiş qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və səhhətiniz ilə əlaqədar zərurət yarandığına görə Bərdə rayon Mərkəzi Xəstəxanasına əlavə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Bərdə rayon şöbəsinə daxil olduqdan sonra müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Ülvi Soruşur Yazılma Tarixi:03.06.2022 11:12:17

Salam,xahis edirem cavablandirasiz qardasimla bagli yaziram size onurgasinda 2ci dereceli kifoz(42 derece) xesteliyi varsa herbi xidmete yararli olub olmamasi barede melumat veresiz

Bildiririk ki, “Onurğanın əyrilikləri (I mərhələ, skolioz), o cümlədən osteoxondropatik kifoz (xəstəliyin son mərhələsi)” olan çağırışçılar Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Hərbi xidmətə yararlıdır. A-3” hesab edilirlər.
Vüqar Soruşur Yazılma Tarixi:02.06.2022 20:24:29

İyul ayı çağırışçıları hərbi xidmətə göndərilməmişdən öncə yenidən müayinəyə çağırılırlar ?

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrində hər növbəti çağırışa hazırlıq dövründə həmin çağırışa cəlb olunmuş vətəndaşlar tibbi şəhadətləndirilir, öyrənilir və onlardan hərbi xidmətə yararlı hesab olunan çağırışçılar müddəti həqiqi hərbi xidmət keçmək üçün müvafiq hərbi hissələrə təyin olunaraq, əvvəlcədən tərtib olunmuş qrafik əsasında xidmət yerlərinə göndərilirlər. Bununla yanaşı, Xidmətin yerli struktur bölmələrində tibbi şəhadətləndirilmə və öyrənilmə nəticəsində sağlamlıq vəziyyətinə görə əlavə tibbi müayinəyə göndərilməsi zəruri sayılan çağırışçılar müayinə olunmaq üçün müvafiq səhiyyə müəssisələrinə göndərilir və müayinə başa çatdıqdan sonra təkrar tibbi şəhadətləndirilmək üçün rayon (şəhər) çağırış komissiyasına çağırılırlar.
Səməd Soruşur Yazılma Tarixi:02.06.2022 14:56:44

Salam mənə iyulun birinə çağırış verilib. Həmin gun universitetdə diplom müdafiəsi imtahanı var ve cavabları 2 günə çıxacaq. Diplom işi və sənədlərin tam qaydasına düşməsi üçün 3 _4 gün müddət lazımdır. Bununla bağlı nə etməliyəm? Zəhmət olmazsa cavablandırardız.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə aidiyyəti üzrə baxılmışdır. Bildiririk ki, müddətli həqiqi hərbi xidmət keçmək üçün hərbi hissələrə təyin olunmuş çağırışçılar Xidmətin aidiyyəti baş idarə, idarə, şöbə və bölməsi tərəfindən müvafiq çağırış üzrə əvvəlcədən təyin olunmuş qrafik əsasında xidmət yerlərinə göndərilirlər. Odur ki, qeyd etdiyiniz məsələ ilə əlaqədar Xidmətin qeydiyyatda olduğunuz yerli struktur bölməsinə müraciət etməyiniz tövsiyə olunur.
Vüsal Soruşur Yazılma Tarixi:02.06.2022 11:04:59

Salam.2022-ci il magistratura pilləsi üzrə boş qalan yerlərə yenidən müraciət etmək üçün hərbi xidmətdən möhlət hüququ verilirmi?(Qeyd etmək istəyirəm ki, qəbul yerləri iyul ayında çıxır,boş qalan qalan yerlərə müraciət isə avqustun əvvəli edilir və avqust ayı boyunca müəyyənləşir.Eyni zamanda bunu da qeyd etmək istəyirəm ki,Mən ötən ilin məzunuyam.Keçirdiyim ağır əməliyyatla əlaqədar 1 il möhlət hüququm var idi və artıq bitməkdədir) Yəni iyul ayı çıxan nəticələrdə uğur qazana bilməsəm,boş qalan yerlərə müraciət etmək üçün mənə oktyabr ayına qədər möhlət verilirmi?

Bildiririk ki, Dövlət İmtahan Mərkəzi tərəfindən Respublikanın ali təhsil müəssisələrinin və Milli Elmlər Akademiyasının magistraturalarına keçirilən qəbul imtahanlarında baza fənlərindən müvəffəqiyyətlə keçmiş və ixtisas seçimi mərhələsinə buraxılan çağırışçılara imtahanların növbəti mərhələsində iştirak etmək üçün şərait yaradılır. Bununla əlaqədar çağırışçıların imtahanların birinci mərhələsinin keçid balını toplamalarını sübut edən bakalavrın şəxsi kabinetindən çıxarışın Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduqları struktur bölməsinə təqdim etmələri tələb olunur. Əlavə olaraq bildiririk ki, imtahanların nəticəsi olaraq, ali təhsil müəssisələrinə qəbul olunan çağırışçılara müddətli həqiqi hərbi xidmətə çağırışdan möhlət verilməklə yanaşı, müsabiqə balını toplaya bilməyən vətəndaşlar ümumi əsaslarla müddətli həqiqi hərbi xidmətə çağırılırlar.
Səməd Soruşur Yazılma Tarixi:02.06.2022 00:37:32

Salam. Mən Alı təhsilimi bitirdiyim üçün iyul çağırışında hərbi xidmətə çağırılmışam. Bilmək istəyərdim ki, qoşun növünü seçmə hüququm varmı.

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli struktur bölmələri tərəfindən müddətli həqiqi hərbi xidmətə çağırışa cəlb olunmuş vətəndaşlar rayon (şəhər) çağırış komissiyasında müəyyən olunmuş qaydada tibbi şəhadətləndirilir, öyrənilir və barələrində hərbi xidmətə yararlılıq haqqında qanunamüvafiq qərar qəbul edilir. Müddətli həqiqi hərbi xidmətə göndərilməsi ilə bağlı qərar verilmiş çağırışçıların Silahlı Qüvvələr üzrə bölgüsü Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş “Hərbi-həkim ekspertizası haqqında Əsasnamə”nin sağlamlıq vəziyyətinə dair əlavə tələblər cədvəli nəzərə alınmaqla xüsusi kompüter proqramı vasitəsi ilə aparıldıqdan sonra onlar qoşun növlərinin daxili bölgüsünə əsasən hərbi hissələrə təyin olunurlar.
Cədvəldə sətir sayı :14003