Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Anar Soruşur Yazılma Tarixi:26.12.2022 00:13:17

Salam,mən hərbi xidmətə yararlı və ya yararsız olduğumu bilmək istəyirdim

Məlum olmuşdur ki, 2023-cü ilin yanvar çağırışına hazırlıqla əlaqədar, Siz Xidmətin Suraxanı rayon idarəsinin hərbi həkim komissiyasında tibbi baxışdan keçirilmiş qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və səhhətiniz ilə əlaqədar Akademik M.C.Cavadzadə adına Respublika Klinik Uroloji Xəstəxanasına əlavə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Suraxanı rayon idarəsinə daxil olduqdan sonra müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.    
Vüqar Soruşur Yazılma Tarixi:25.12.2022 14:44:26

Salam. Mən Sumqayıt dövlət universtetində qiyabi təhsil alan 1-ci kurs tələbəsiyəm.Yanvar çağırışına düşdüyüm üçün hərbi komissiyadan keçmişəm.Lakin epilepsiya xəstəsi olduğuma görə 2 dəfə tibb müəssisələrinə göndərilmişəm.Yanvar ayında təhsil formamı əyaniyə keçirmək üçün mənə möhlət verilə bilərmi? Veriləbilərsə nə etməliyəm

Bildiririk ki, Siz 2023-cü ilin yanvar çağırışına hazırlıqla əlaqədar Səfərbərlik və Hərbi Xidmətə Çağırış üzrə Dövlət Xidmətinin İsmayıllı rayon şöbəsinin çağırış komissiyası tərəfindən tibbi şəhadətləndirilmiş, öyrənilmiş və zərurət yarandığı üçün müvafiq tibb müəssisəsinə əlavə tibbi müayinəyə göndərilmisiniz. Tibbi müayinənin nəticəsi “Sağlamlıq vəziyyətinin müayinə edilməsi aktı” Xidmətin İsmayıllı rayon şöbəsinə daxil olduqdan sonra barənizdə qanunamüvafiq qərar qəbul ediləcəkdir. Əlavə olaraq bildiririk ki,  “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinin tələbləri ilə yalnız əyani təhsilalma formasında təhsil alanlara müddətli həqiqi hərbi xidmətə çağırışdan möhlət verilir.
Tərlan Soruşur Yazılma Tarixi:25.12.2022 14:28:13

Salam Mən Hərbi xidmət keçmək üçün hansi Hərbi hissəyə təyin edilmişəm? Xahis edirəm hərbi hissənin nömrəsini deyəsiniz. Təsək kürələr.

Bildiririk ki, Siz 2023-cü ilin yanvar çağırışında müddətli həqiqi hərbi xidmət keçmək üçün Azərbaycan Respublikasının Dövlət Sərhəd Xidmətinə təyin edilmisiniz. Əlavə olaraq bildiririk ki, xidmət edəcəyiniz hərbi hissəni dəqiqləşdirmək üçün Azərbaycan Respublikasının Dövlət Sərhəd Xidmətinə müraciət etməyiniz tövsiyə olunur.
Elvin Soruşur Yazılma Tarixi:25.12.2022 14:04:20

Dəqiq hara düşəcəyi yer haqında məlumat xayiş edirik düzgün məlumat verin ?

Bildiririk ki, Siz 2023-cü ilin yanvar çağırışında müddətli həqiqi hərbi xidmət keçmək üçün Azərbaycan Respublikasının Dövlət Sərhəd Xidmətinə təyin edilmisiniz. Əlavə olaraq bildiririk ki, xidmət edəcəyiniz hərbi hissəni dəqiqləşdirmək üçün Azərbaycan Respublikasının Dövlət Sərhəd Xidmətinə müraciət etməyiniz tövsiyə olunur.
Azər Soruşur Yazılma Tarixi:25.12.2022 13:30:51

Salam, sizdən 30.11.2022 tarixində hərbi xidmətə yararlı vəya yararsız olduğumu öyrənmək istədiyimi yazdım. Hal hazırda hansı qərarın qəbul edildiyini öyrənmək istəyirəm.

Məlum olmuşdur ki, Siz 2023-cü ilin yanvar çağırışına hazırlıqla əlaqədar Xidmətin Nəsimi rayon idarəsinin hərbi həkim komissiyasında tibbi baxışdan keçirilmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış əlavə olaraq səhhətiniz ilə əlaqədar 30.11.2022-ci il tarixdə Akademik M.Topçubaşov adına Elmi Cərrahiyyə Mərkəzinə müayinəyə göndərilmisiniz. Akademik M.Topçubaşov adına Elmi Cərrahiyyə Mərkəzi tərəfindən tərtib olunan “Sağlamlıq vəziyyətinin müayinə edilməsi Aktı” əsasında Sizin müddətli həqiqi hərbi xidmətə yararlı olub-olmamağınız barədə 2023-cü ilin yanvar çağırışı zamanı Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul ediləcəkdir.
Həsrət Soruşur Yazılma Tarixi:25.12.2022 01:26:38

Hara düşdüyümü necə öyrənə bilərəm?

Bildiririk ki, çağırışçılar müddətli həqiqi hərbi xidmət keçmək üçün Silahlı Qüvvələr üzrə təyinatı ilə bağlı 24.12.2022-ci il tarixdə SMS xidməti vasitəsilə məlumatlandırılmışlar. Əlavə olaraq bildiririk ki, vətəndaşlar həmin tarixdən SHXÇDX-nin rəsmi saytında “Elektron xidmət” bölməsində “Müddətli həqiqi hərbi xidmətə çağırılan çağırışçıların hərbi xidmət keçmə yeri haqqında məlumatlar” altbölməsində çağırışçının adı, soyadı, atasının adı, təvəllüdü və Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğu yerli baş idarə, idarə, şöbə və ya bölməsini daxil edərək xidmət edəcəkləri qoşun növü və hərbi hissə barədə məlumat əldə edə bilərlər. Əks halda Xidmətin qeydiyyatda olduqları struktur bölməsinə müraciət etmələri tövsiyə olunur.
Mənsur Soruşur Yazılma Tarixi:24.12.2022 01:00:23

Salam, Xahiş edirəm ki, şəhidlərimizin dəfni üçün təyin olunmuş 3000manat miqdarında yardımın ayrılması üçün, tələb olunan sənədlərin siyahısını təqdim edəsiniz...

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin saytına ünvanladığınız müraciətə baxılmışdır.Məlumat üçün bildiririk ki, ”Azərbaycan Respublikası Silahlı Qüvvələrinin Qarnizon və qarovul xidmətləri Nizamnaməsi”nin 333-cü maddəsinə əsasən hərbi ehtiram göstərilən şəxslərin dəfninə müvafiq maliyyə yardımının verilməsi üçün həmin şəxslərin valideynləri (yaxın qohumları və ya qanuni nümayəndələri) tərəfindən yaşadığı yer üzrə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölmələrinə aşağıda adları göstərilən təsdiqedici sənədlər təqdim edilməlidir: 1. Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya  bölmə rəisinə ünvanlanmış ərizə (müraciət edən şəxsin şəxsiyyətini təsdiq edən sənədin surəti ilə birlikdə); 2. Vərəsəlik hüququ haqqında notarius tərəfindən təqdim olunmuş şəhadətnamə (vərəsələrin sayı birdən çox olduğu təqdirdə digər vərəsələrin razılıq ərizələri ilə birlikdə); 3. Həqiqi hərbi xidmət zamanı hərbi qulluqçunun həlak olması və ya vəfat etməsi barədə hərbi hissə (müəssisə, idarə və təşkilat) komandirinin (rəisinin) əmrindən çıxarış (ehtiyatda və istefada olan şəxslər üçün ölüm haqqında şəhadətnamə); 4. Dəfn mərasiminin təşkil olunması və dəfn xərclərinin kim tərəfindən ödənilməsi barədə yerli inzibati ərazi dairəsi tərəfindən təqdim olunan arayış;   5. Ərizə ilə müraciət edən şəxsin adına açılmış cari hesab və digər rekvizitlər barədə bank tərəfindən təqdim olunan çıxarış.   Qeyd olunanları nəzərə alaraq, yuxarıda göstərilən təsdiqedici sənədlərlə birlikdə Səfərbərlik və Hərbi Xidmətə Çağırış üzrə Dövlət Xidmətinin Binəqədi rayon idarəsinə müraciət etməyiniz məqsədəuyğun hesab olunur.
Hafiz Soruşur Yazılma Tarixi:23.12.2022 22:35:19

Salam.Mənə Şamaxı rayon hərbi komissarlığı tərəfindən yastıpəncəlik diaqnozu ilə göndəriş verilib.Bundan əlavə mən iki özəl klinikada rengten müayinəsi keçmişəm.Hər iki ayağımda 3-cü dərəcəli yastıpəncəlik müəyyən edilib.Lakin hərbi komissarlığın göndərdiyi Travmatologiya və Ortopediya İnstitutu mənə hər iki ayağa 2-ci dərəcəli yastıpəncəlik yazdı.Mən həqiqi hərbi xidmətə yararsız ola-ola yararlı yazılmağında hansı maraqlar var?Mən məhkəməyə şikayət edə bilərəmmi?

Məlum olmuşdur ki, 2023-cü ilin yanvar çağırışına hazırlıqla əlaqədar Siz Xidmətin Şamaxı rayon şöbəsinin hərbi həkim komissiyası tərəfindən 01.12.2022-ci il tarixdə Elmi Tədqiqat Travmatologiya və Ortopediya İnstitutuna əlavə müayinəyə göndərilmisiniz. Dövlət səhiyyə müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı” Xidmətin Şamaxı rayon şöbəsinə daxil olduqdan sonra, Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. 
Həsən Soruşur Yazılma Tarixi:23.12.2022 16:53:03

Salam.Mənim oğlum skaliyoz xəstəliyindən əziyyət cəkir. 2- ci dərəcəli.ürək bulanma,halsızlıq ,tənginəfəsliyi var. Ancaq buna baxmayaraq ( 2- ci dərəcə olmağına)Tovuz shxçdx -i 1-cidərəcə qeyd ediblər. Bunun ücün sizdən uşağın travmatalogiya inistutuna (düzgün diaqnoz qoyulması ücün) yönləndirilməsini xahiş edirəm.

Məlum olmuşdur ki, 2023-ci yanvar çağırışına hazırlıqla əlaqədar, övladınız 2004-cü il təvəllüdlü Bağırov Kənan Həsən oğlu Xidmətin Tovuz rayon şöbəsinin hərbi həkim komissiyasında tibbi baxışdan keçirilmiş (qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış) və müayinə nəticələrinə əsasən rayon çağırış komissiyası tərəfindən Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq “Hərbi xidmətə yararlıdır” hesab edilmişdir. Bildiririk ki, övladınız K.H.Bağırov 2023-cü ilin yanvar çağırışı zamanı ümumi əsaslarla həqiqi hərbi xidmətə çağırışa cəlb olunacaqdır
Mübah Soruşur Yazılma Tarixi:23.12.2022 16:02:32

Men unversiteti bu il qutarmışam 2001 tevellüdem iyulda esger vetmeliydim skalioza göre aparmadılar bilmey isdiyirem mene herbi bilet hacan verceyler

Müraciətinizlə əlaqədar araşdırma aparılmış və məlum olmuşdur ki,                         Siz Səfərbərlik və Hərbi Xidmətə Çağırış üzrə Dövlət Xidmətinin Xəzər rayon idarəsi tərəfindən 2022-ci ilin oktyabr çağırışına cəlb edilmiş, rayon çağırış komissiyasında tibbi şəhadətləndirilmiş və sağlamlıq vəziyyətinizlə bağlı Sabunçu Tibb Mərkəzinə əlavə tibbi müayinəyə göndərilmisiniz. Lakin tibb müəssisəsində müayinə nəticəsində Sizə təyin olunmuş diaqnoza əsasən barənizdə qərar qəbul edilməsi mümkün olmamış və 16.12.2022-ci il tarixli müvafiq göstərişə əsasən müayinə olunaraq barənizdə yekun qərar verilməsi məqsədilə 09.01.2023-cü il tarixdə ET Travmatologiya və Ortopediya İnstitutuna göndərilmisiniz. Bildiririk ki, göndərildiyiniz tibb müəssisəsindən müayinənin cavabları Xidmətin Xəzər rayon idarəsinə daxil olduqdan sonra nəticələrə əsasən barənizdə müvafiq qərar qəbul ediləcəkdir.
Cədvəldə sətir sayı :14642