Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Əli Soruşur Yazılma Tarixi:22.10.2024 20:45:56

salam mən iyun ayı kamisyadan kevdim və məni zərifə əliyeva adına göz kilinikasına yazdılar orda mən yararlı cıxdı buna baxmayaraq yardımlı vayunkumatı məni hərbi xidmətə yollamadı və yenidən zərfə əliyeva vayunkuat yolladı Avqust ayı 1 həkimin yoxlanışında 2 dəfə olduqma görə həkim qorxub həkim mənim sənədərmi pis yazdı amma vayunkummat mənə nə niqodnu deyir nədə hərbiyə göndərir məni yola verirlər mənim hec bir xəsdəliyim olmuya olmuya məni yenidən kamisya göndərməy isdiyirlər könülü də orduya qatılmaq isdəyirəm onada köməklik etmirlər sizdən xaiş edirəm mənim bu şikayətmi tez bir zamanda cavablayasız mən gedməy isdəyirəm hərbiyə

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Müəyyən edilmişdir ki, Siz 2024-cü ilin iyul çağırışına hazırlıqla əlaqədar hərbi qeydiyyatda olduğunuz Xidmətin Yardımlı rayon bölməsinin hərbi həkim komissiyası tərəfindən tibbi baxışdan keçirilmiş və səhhətiniz ilə bağlı Akademik Zərifə Əliyeva adına Milli Oftalmologiya Mərkəzinə və Respublika Psixiatriya Xəstəxanasına əlavə müayinələrə göndərilmisiniz. Səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”larına müvafiq olaraq Azərbaycan Respublikası Nazirlər Kabinetinin  29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının 34 “b” və 32 “a” maddələrinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz. Səhiyyə müəssisələrinin təqdim etdiyi “Sağlamlıq vəziyyətinin müayinə edilməsi Akt”larına müvafiq olaraq Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra müddətli həqiqi hərbi xidmətə yararlığınız barədə qərar qəbul ediləcəkdir.    
Fuad Soruşur Yazılma Tarixi:22.10.2024 14:32:36

Salam mene çağırış vereqesi gelmir bir müddet qabaq Bakıya yoxlanışa gönderdiler ureyimle bağlı problem çixmadi. Yanvar ayina qalma ehtimalim var?

Müəyyən edilmişdir ki, Siz Səfərbərlik və Hərbi Xidmətə Çağırış üzrə Dövlət Xidmətinin Lerik rayon çağırış komissiyası tərəfindən çağırışçılar üçün nəzərdə tutulmuş bütün məcburi diaqnostik müayinələrdən keçirilmiş, səhhətiniz ilə əlaqədar 20.05.2024-cü il tarixdə və 19.08.2024-cü il tarixdə Akademik C.M.Abdullayev adına Elmi-Tədqiqat Kardiologiya İnstitutuna əlavə müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Akt”ına müvafiq olaraq Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra Sizin müddətli həqiqi hərbi xidmətə yararlığınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Bu barədə Sizə Xidmətin Lerik rayon şöbəsi tərəfindən əlavə məlumat veriləcəkdir.
Nurlan Soruşur Yazılma Tarixi:22.10.2024 09:04:14

Salam Sabahınız Xeyir Olsun Hörmətli SHXÇDX Avqust ayında kamisiyyadan keçmişəm nəticəsini,deyərdizdə zəhmət olmasa

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Siz qeydiyyatda olduğunuz Xidmətin Ağcabədi rayon çağırış komissiyası tərəfindən səhhətiniz ilə bağlı Nizami Tibb Mərkəzinin endokrinologiya şöbəsinə əəlavə müayinəyə göndərilmisiniz. Səhiyyə müəssisəsində müayinələrdən tam keçmədiyiniz üçün müayinələriniz yekunlaşmamışdır. Yararlılıq kateqoriyanız barədə qərar qəbul edilməsi üçün qeyd edilən səhiyyə müəssisəsində müayinələrdən keçməyiniz vacibdir.
İlkin Soruşur Yazılma Tarixi:22.10.2024 03:34:58

Salam Men 2006da emeliyyat olmusam yasti pencelige gore ve bu oktyabrda da esger aparillar Kamisyadan keçende ise 3 Problemim cixdi eyag Göz kekeleme bu Rağmen esger aparillar eyagim sudurga tutur heç bir hekim baxmir ne edim men eyagimdada 3yerden tikiş var Xaiş edirem cavab verin.

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Müəyyən edilmişdir ki, Siz 2024-cü ilin oktyabr çağırışına hazırlıqla əlaqədar hərbi qeydiyyatda olduğunuz Xidmətin Xaçmaz rayon şöbəsinin hərbi həkim komissiyası tərəfindən tibbi baxışdan keçirilmiş və səhhətiniz ilə bağlı Quba Rayon Mərkəzi Xəstəxanasına və Nizami Tibb Mərkəzinə əlavə müayinələrə cəlb olunmusunuz.     Səhiyyə müəssisələrinin təqdim etdiyi “Sağlamlıq vəziyyətinin müayinə edilməsi Akt”larına müvafiq olaraq Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra müddətli həqiqi hərbi xidmətə yararlığınız barədə qanunamüvafiq qərar qəbul ediləcəkdir.
ŞAHVƏLƏD Soruşur Yazılma Tarixi:21.10.2024 19:32:30

Salam mənim belimde 4mm qirija var herbi xidmete yararlıyamı?

Bildirilir ki, onurğa sütununda 5mm yuxarı yırtıq olan çağırışçılar Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.
İntiqam Soruşur Yazılma Tarixi:21.10.2024 17:36:14

Salam, mən hərbi həkim komissiyasından yoxlamadan keçmişdim. 9 oktyabr tarixində Sosial Müdafiə Nazirliyinin Reabilitasiya Agentliyindən də yoxlamadan keçdim. Yekun qərarla bağlı məlumatı hradan əldə edə bilərəm?

Müəyyən edilmişdir ki, Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyi tərəfindən Sizin yekun tibbi müayinəniz aparılmış və  Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə müvafiq olaraq “Dinc dövrdə hərbi xidmətə yararsız, müharibə dövründə məhdud yararlı” hesab edilmisiniz.  
Fərid Soruşur Yazılma Tarixi:21.10.2024 15:34:50

Salam məndə təkrar tibbi müayinə oktyabr ayının 26 sidi ayın 24 u gəlib keçə bilərəm vaxtindan əvvəl

“Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşı tamam olana qədər hər 3 ildən bir təkrar tibbi müayinədən keçirilirlər. Səhhətiniz ilə əlaqədar müddətli həqiqi hərbi xidmətə çağırışa möhlət müddəti bitdikdə, Sizin təkrar tibbi müayinə olunmağınız üçün hərbi qeydiyyatda olduğunuz Xidmətin strukturuna daxil olan quruma müraciət etməyiniz vacibdir.
Səftər Soruşur Yazılma Tarixi:20.10.2024 21:42:55

Salam. Oktyabr ayında həkim yoxlanışından keçmişəm. Səhhətimlə bağlı hansı rəy verilmişdir. Zəhmət olmasa deyə bilərsinizmi?

                                                     Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müarciətə baxılmışdır. Müəyyən edilmişdir ki, Siz qeydiyyatda olduğunuz Xidmətin Nərimanov rayon idarəsi tərəfindən 2024-cü ilin oktyabr çağırışına cəlb edilərək rayon çağırış komissiyasında tibbi baxışdan keçirilmiş və səhhətiniz ilə əlaqədar Sabunçu Tibb Mərkəzinə əlavə müayinəyə göndərilmisiniz. Səhiyyə müəssisəsinin barənizdə təqdim etdiyi “Sağlamlıq vəziyyətinin müayinə edilməsi Aktı”na müvafiq olaraq rayon çağırış komisisiyası tərəfindən şəhadətləndirilmiş və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “A-4 təyinat göstəricisi ilə hərbi xidmətə yararlıdır” qərarı ilə 28.10.2024-cü il tarixdə təyin olunduğunuz Fövqəladə Hallar Nazirliyinə müddətli həqiqi hərbi xidmətə göndərilmisiniz. Hal-hazırda müddətli həqiqi hərbi xidmətdə olduğunuz üçün müraciətinizdə qeyd olunan məsələ ilə bağlı aidiyyəti üzrə xidmət etdiyiniz hərbi hissə komandirinə müraciət etməyiniz məqsədəuyğundur.
Tərlan Soruşur Yazılma Tarixi:20.10.2024 17:17:37

Salam. Mənim 18 yaşım olanda məni əsgərliydən saxladılar 3 ildən sonra təkrar yoxlanışa çağırdılar hələ qərar qəbul edilməyib dedilər. Üstündən çox vaxt keçib mən bilmək istəyirəmki mən yenə yararsızam hərbiyə yoxsa yararlıyam zəhmət olmasa cavablandırarsız.

Müəyyən edilmişdir ki, Siz növbəti tibbi şəhadətləndirilmə zamanı Səfərbərlik və Hərbi Xidmətə Çağırış üzrə Dövlət Xidmətinin Suraxanı rayon idarəsinin hərbi həkim komissiyasında tibbi baxışdan keçirilmiş və səhhətiniz ilə əlaqədar Sabunçu Tibb Mərkəzinə, Nizami Tibb Mərkəzinə əlavə müayinələrə göndərilmisiniz. Dövlət səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”larına müvafiq olaraq Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Bu barədə Sizə Xidmətin Suraxanı rayon idarəsi tərəfindən məlumat veriləcəkdir.
Əlihəsən Soruşur Yazılma Tarixi:20.10.2024 13:44:25

Salam aleykom mənim ayağımda sol ayağımda2.sag ayağımda 3 yastı pencəlik var mən əsgər gedəcəm buna rəğmənde heç şikayətim yoxdur sənəddə yazılıb usagligdan var

Azərbaycan Respublikasının Nazirlər Kabinetinin 29.02.2008-ci il tarixli      59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən III dərəcə yastıayaqlılıq diaqnozu ilə şəhadətləndirilən çağırışçılar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər. Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və bölməsi) çağırış komissiyası tərəfindən tibbi baxışdan keçiriləcək, ehtiyac olduğu halda tibb müəssisəsində müayinə olunacaq və hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul ediləcəkdir.
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.