Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Davud Soruşur Yazılma Tarixi:21.08.2023 17:34:52

salam,menim 18 yasim var ve mende duzdabanlig var cagiris zamani men tezeden medkomisiyani kece bilerem?Cunki mende 3 seviye duzdabanligdi

Müəyyən olunmuşdur ki, Siz müddətli həqiqi hərbi xidmətə çağırışa cəlb olunan zaman qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər baş idarəsinin hərbi həkim komissiyasında tibbi baxışdan keçiriləcək, ehtiyac olduğu halda səhiyyə müəssisələrində müayinə olunacaq və hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul ediləcəkdir.
Pərvin Soruşur Yazılma Tarixi:21.08.2023 13:31:36

Xahiş edirəm mənim sualıma cavab yazasınız

Müəyyən edilmişdir ki, Siz 2020-ci ilin oktyabr çağırışı zamanı Xidmətin İsmayıllı rayon şöbəsinin hərbi həkim komissiyasında tibbi baxışdan (qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri) keçirilmiş və səhhətiniz ilə əlaqədar Elmi Tədqiqat Travmatologiya və Ortopediya İnstitutuna, İsmayıllı Rayon Mərkəzi Xəstəxanasına əlavə müayinələrə göndərilmisiniz. Müayinələr nəticəsində təyin olunmuş diaqnozlara müvafiq olaraq rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz. Barənizdə rayon hərbi həkim komissiyası tərəfindən qəbul edilən qərar Xidmətin Mərkəzi hərbi həkim komissiyasında təsdiq olunmuşdur. Möhlət hüququna malik olduğunuzdan 07.10.2023-cü il tarixdə növbəti təkrar tibbi şəhadətləndirilməyə cəlb olunacaq və barənizdə qanunamüvafiq qərar qəbul ediləcəkdir.  
Namiq Soruşur Yazılma Tarixi:21.08.2023 13:29:00

Salam, mən həkimlərin işə qəbulu ilə maraqlanıram. Göz həkimi BAKI ŞƏHƏRİNDƏ işləmək üçün hara müraciət etməlidi? Sertifikasiyadan keçib təcrübə 15 il. Hərbi həkim komissiyası işini çox yaxşı bilir. Bu sahədə təcrübə var. Yaş 39. Yaşayış yeri Bakı şəhəri. Əıavə nə məlumat lazımdırsa 0702891520 nömrəsi ilə və ya mail ünvan vasitəsi ilə maraqlana bilərsiniz.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Tibb idarəsinə ünvanladığınız müraciətə baxılmışdır. Bildiririk ki, Sizin Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız üçün Qaradağ rayonu, Lökbatan qəsəbəsi, Lökbatan-Qobu yolunun şərq hissəsində yerləşən Xidmətin Mərkəzi Çağırış Məntəqəsi Kompleksinə anket məlumatları (CV) ilə birgə yaxınlaşmağınız məqsədəmüvafiqdir.  
Xamiz Soruşur Yazılma Tarixi:20.08.2023 01:13:18

Salam mən əsgər kimi sentiyabırda anti - teror əməlyatlarında iştrak etmişəm . Bilmək istiyərdimki mənə orden yaxud fərqlənmə medalı veriləcək . Birdə veteranlıq veriləcəkmi ?

Bildiririk ki, “Veteranlar haqqında” Azərbaycan Respublikası Qanununun və Azərbaycan Respublikası Nazirlər Kabinetinin 22 sentyabr 1995-ci il tarixli 216 nömrəli qərarı ilə təsdiq olunmuş “Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında” Əsasnamənin tələblərinə əsasən, müharibə veteranı adı və müvafiq veteran vəsiqəsi (o cümlədən, onun dublikatı) şəxsin hal-hazırda xidmət keçdiyi (qulluq etdiyi), əvvəllər ehtiyata və istefaya buraxılmış şəxslərə isə sonuncu xidmət keçdiyi (qulluq etdiyi) yerdən asılı olaraq, aidiyyəti üzrə müvafiq dövlət orqanları nəzdində yaradılmış komissiyaların rəyi ilə verilir. Əlavə olaraq, “Azərbaycan Respublikası Silahlı Qüvvələrində Azərbaycan Respublikasının orden və medalları ilə təltif etmə, fəxri adlar və mükafatların verilmə qaydaları haqqında” Təlimatın tələblərinə müvafiq olaraq, yalnız hərbi qulluqçuların xidmət etdikləri hərbi hissə komandirlərinin təqdim etdikləri və yuxarı qərargahlarda müsbət baxılmış təqdimatlar əsasında verilir. Odur ki, müraciətdə qeyd etdiyiniz məsələlər Səfərbərlik və Hərbi Xidmətə Çağırış üzrə Dövlət Xidmətinin səlahiyyətinə aid olmadığından, Sizə “müharibə veteranı” adı və vəsiqəsinin verilməsi, həmçinin müvafiq medalla təltif edilməyinizə dair məsələyə baxılması üçün mövcud sənədlərlə xidmət keçdiyiniz aidiyyəti dövlət orqanına müraciət etməyiniz məqsədəuyğundur. 
Zülfüqar Soruşur Yazılma Tarixi:19.08.2023 22:21:29

Salam Hecbir Prablemii olmuyan Lakin bir borek yoxdursa Herbi xidmete konullu gedmek olar ? Bir boreyli insan herbi xidmet kece biler 1 il 6 ay

Bildiririk ki, “Vahid (sağ və ya sol) böyrək” diaqnozla şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.
Əlihəsən Soruşur Yazılma Tarixi:19.08.2023 14:01:11

Salam. Xahiş edirəm sualımı cavablandırın. Mənim müayinə cavablarım necə çıxdı? Əsgərliyə yararlıyam ya yox?

Müəyyən edilmişdir ki, 2023-cü ilin iyul çağırışı zamanı Siz qeydiyyatda olduğunuz Xidmətin Şabran rayon bölməsinin çağırış komissiyası tərəfindən tibbi müayinələrdən keçirilmiş və səhhətiniz ilə əlaqədar Sumqayıt Tibb Mərkəzinə, Nərimanov Tibb Mərkəzinə əlavə müayinələrə göndərilmisiniz. Səhiyyə müəssisələrinin təqdim etdiyi “Sağlamlıq vəziyyətinin müayinə edilməsi Akt”larına əsasən rayon çağırış komissiyası tərəfindən “Hərbi-həkim ekspertizası haqqında Əsasnamə”nin tələblərinə uyğun olaraq “Dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz. Rayon çağırış komissiyası tərəfindən qəbul edilən qərar Xidmətin Mərkəzi hərbi həkim komissiyasında təsdiq edildikdən sonra Siz hərbi biletlə təmin olunacaqsınız.  
Mətləb Soruşur Yazılma Tarixi:19.08.2023 00:13:23

Salam. Her vaxtiniz xeyir. Doktora seviyyesinde xaricde tehsil alan sexs, herbi xidmetden azad olunurmu? Azad olunma üçün nələr lazımdır?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş təkrar müraciətinizə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.5-ci maddəsinin tələblərinə görə, xarici ölkələrdə doktoranturada əyani təhsilalma formasında təhsil alan çağırışçılar müvafiq təhsilini bitirənədək (doktorantura səviyyəsi üzrə təhsil aldığı müddətdə) müddətli həqiqi hərbi xidmətə çağırışdan möhlət hüququna malikdir. Bununla bağlı həmin çağırışçılara rayon (şəhər) çağırış komissiyası tərəfindən möhlət verilməsi üçün onların xarici ölkələrin təhsil müəssisələrində təhsil almalarını sübut edən, apostil olunduqdan sonra tərcümə və notarial qaydada təsdiq olunan arayışı Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduqları yerli baş idarə, idarə, şöbə və ya bölməsinə təqdim etmələri tələb olunur. Həmçinin qeyd edirik ki, “Hərbi vəzifə və hərbi xidmət haqqında” Azərbaycan Respublikası Qanununun 23-cü maddəsinə uyğun olaraq, doktorantura səviyyəsində təhsilini başa vurmuş bütün şəxslər deyil, həmin səviyyəni müvəffəqiyyətlə bitirərək, fəlsəfə doktoru və elmlər doktoru elmi dərəcəsi almış vətəndaşlar dinc dövrdə müddətli həqiqi hərbi xidmətə çağırışdan azad edilirlər. Bununla əlaqədar müvafiq elmi dərəcəsi olan vətəndaşların “Hərbi vəzifə və hərbi xidmət haqqında” Azərbaycan Respublikası Qanununun 23.0.1-ci maddəsi ilə Azərbaycan Respublikasında müddətli həqiqi hərbi xidmətə çağırışdan azad edilməsi üçün həmin çağırışçıların xarici ölkələrdə verilmiş fəlsəfə doktoru və ya elmlər doktoru elmi dərəcələrinin Azərbaycan Respublikasının ərazisində müvafiq elm sahəsində fəlsəfə doktoru və ya elmlər doktoru elmi dərəcələrinə ekvivalent sayılması və ölkəmizin ərazisində hüquqi qüvvəyə malik olmasının təsdiq edilməsi məqsədilə xarici dövlətlərin səlahiyyətli orqanları tərəfindən verilmiş elmi dərəcə verən sənədin (diplomun yaxud başqa bir şəhadətnamənin) Azərbaycan Respublikasının Prezidenti yanında Ali Attestasiya Komissiyasında nostrifikasiyadan və ya təkrar attestasiyadan keçirilməsi və Xidmətin aidiyyəti yerli struktur bölməsinə təqdim etmələri tələb olunur.  
Vüsal Soruşur Yazılma Tarixi:18.08.2023 21:42:24

Salam. Mən Bakı şəhəri Binəqədi rayonunda yaşayıyaram. Sentyabrda 18 yaşım olacaq. Vayonkamatdan çağırmışdılar gedib yoxlanışdan keçmişəm. Çağırış vərəqəsi nə vaxt verilir? Ya mən özüm getməliyəm onu almaq üçün?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz 2023-cü ilin oktyabr çağırışına hazırlıqla əlaqədar Xidmətin Binəqədi rayon idarəsi tərəfindən tibbi şəhadətləndirilmiş, öyrənilmiş, sağlamlıq və ailə vəziyyətinizdə, eləcə də təhsilinizi davam etdirmək üçün müddətli həqiqi hərbi xidmətə çağırışdan möhlət verilməsinə əsas verən xüsusat aşkar edilməmiş və Binəqədi rayon çağırış komissiyası tərəfindən hərbi xidmətə yararlı hesab olunmusunuz.             Sizin oktyabr çağırışında müddətli həqiqi hərbi xidmətə göndərilməyiniz nəzərdə tutulmuşdur.    Məlumat üçün bildiririk ki, Siz təyin olunacağınız hərbi hissəyə göndərilməyiniz barədə Xidmətin qeydiyyatda olduğunuz Binəqədi rayon idarəsi tərəfindən çağırış vərəqəsi vasitəsi ilə qabaqcadan məlumatlandırılacaqsınız.
Yunis Soruşur Yazılma Tarixi:18.08.2023 21:40:30

Salam. Qardaşım bu il orta təhsili bitirərək Türkiyədə yerləşən universitetlərə ali təhsil almaq üçün müraciət etmişdir. Qəbul olunmayacağı təqdirdə oktyabrda müddətli həqiqi xidmətə çağırılacaq. Türkiyə universitetləri də müxtəlif vaxtlarda qəbul nəticələrini açıqlayır. Elə universitetlər var ki, sentyabr, hətta oktyabr ayında qəbul nəticəsini elan edir. Bilmək istərdim ki, qardaşımın ölkədən çıxışının məhdudlaşdırılması kimi hal mövcuddurmu? Əgər belə bir hal mümkündürsə, nə zamandan etibarən bu qadağa qoyula bilər?

Müraciətinizlə əlaqədar bildiririk ki, Səfərbərlik və Hərbi Xidmətə Çağırış üzrə Dövlət Xidməti tərəfindən müddətli həqiqi hərbi xidmətə çağırışa cəlb olunan vətəndaşlara çağırış ayınadək (indiki halda 2023-cü ilin oktyabr ayınadək) Azərbaycan Respublikasının dövlət sərhədindən sərbəst hərəkətinə məhdudiyyət tətbiq olunmur.  
Rüstəm Soruşur Yazılma Tarixi:18.08.2023 20:20:13

Salam.Beta talassemiya gen daşıyıcısı həqiqi hərbi xidmətə yararlıdır?

Bildiririk ki, Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Talassemiya xəstəliyinin gen daşıyıcısı” diaqnozla şəhadətləndirilən çağırışçılar “Həm dinc dövrdə, həm də müharibə dövründə hərbi xidmətə yararsızdır” hesab edilirlər.
Cədvəldə sətir sayı :13550

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.