Sual/Cavab
HÖRMƏTLİ İSTİFADƏÇİLƏR!

Bu internet səhifə, AR Konstitusiyasının 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elnur Soruşur Yazılma Tarixi:17.12.2020 17:48:09

Salam size sualim odurki bu oktyabrda muddeti bitmis muddetli herbi qulluqcular ne zaman buraxilacaq?

Bildiririk ki, mövcud vəziyyətlə əlaqədar Azərbaycan Respublikası Prezidentinin 28.09.2020-ci il tarixli Sərəncamı ilə Azərbaycan Respublikasında qismən səfərbərlik elan edilmişdir. “Hərbi xidmətkeçmə haqqında” Əsasnamənin 186-cı maddəsinin tələblərinə əsasən səfərbərlik elan edildikdə: həmin müddət ərzində Azərbaycan Respublikası Silahlı Qüvvələri sıralarında xidmət edən bütün şəxslər, o cümlədən toplanışlara çağırılmış hərbi vəzifəlilər xüsusi sərəncam alınanadək saxlanılırlar (bu Əsasnamənin 21-ci maddəsi). Hərbi hissələrin heyətləri siyahısından çıxarılmamış hərbi qulluqçuların həqiqi hərbi xidmətdən buraxılmaları barədəki əmrlər, xəstəliklərinə görə istefaya buraxılanlardan başqa ləğv edilir.             Odur ki, qanunla müəyyən edilmiş xidmət müddəti başa çatan müddətli həqiqi hərbi xidmət hərbi qulluqçuları xüsusi sərəncam verildikdən sonra ehtiyata buraxılacaqlar.
Mehriban Soruşur Yazılma Tarixi:17.12.2020 13:12:06

salam, biz 5ci gün rəis müavinin qəbulunda olmaq istəyirik, elektron müraciyəti goöndərmək mümkün olmadı.Qəbula yazilmaq lazımdi? sumqayıtdan icazəynən gələ bilərik? Məlumat vererdiz zəhmət olmasa

Sizin Səfərbərlik və Hərbi Xidmətə Çağırış üzrə Dövlət Xidmətinin «sual-cavab» bölümünə göndərdiyiniz  müraciətinizə  tərəfimizdən baxılmışdır.    Hal-hazırda koronavirus (COVİD-19) infeksiyasının yayılması ilə əlaqədar karantin rejimi tətbiq edilməsini Səfərbərlik və Hərbi Xidmətə Çağırış üzrə Dövlət Xidmətində vətəndaşların qəbulunun keçirilməsi müvəqqəti olaraq dayandırılmışdır.                Nəzərinizə çatdırırıq ki, Səfərbərlik və Hərbi Xidmətə Çağırış üzrə Dövlət Xidmətinin səlahiyyətlərinə aid hər hansı bir məsələ ilə bağlı 493-06-52 (9100) Çağrı Mərkəzi, 493-79-14, 493-79-26 telefon nömrələri vasitəsilə “Qaynar xətt”lə əlaqə saxlaya, eləcə də info@seferberlik.gov.az Xidmətin elektron ünvanına müraciət edə bilərsiniz.  
Aslan Soruşur Yazılma Tarixi:16.12.2020 15:07:59

Salam,mən əsqərliyə getməmişəm (Universitet 2-ci kurs),lakin könüllü olaraq ərazi bütövlüyü uğrunda döyüşlərdə iştirak etmək üçün qeydiyyata yazılmışdım. Mən vətən uğrunda döyüşlərə çağrıla bilərəmmi? Hətda AKM və Makarov sılahlarını sokməyi və onlardan istifadəni öyrənmişəm.(YouTube mənbəsindən) Təşəkkürlər diqqət ayırdığınız üçün.

Bildiririk ki, səfərbərlik üzrə çağırışa ehtiyatda olan hərbi vəzifəlilər, müddətli həqiqi hərbi xidmətə isə Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları çağırılırlar. Təhsilə görə möhləti olan vətəndaşlar möhlət müddəti bitdikdən sonra ümumi əsaslarla müddətli həqiqi hərbi xidmətə çağırışa cəlb edilirlər. Eyni zamanda, təhsilini hərbi xidmətini başa vurduqdan sonra davam etdirmək istəyən vətəndaşlar akademik məzuniyyət götürərək hərbi xidmətə gedə bilərlər.
Elzamin Soruşur Yazılma Tarixi:16.12.2020 10:51:00

Salam,mənim sualım odur ki, mənim yaxın qohumum 2-ci Qarabağ müharibəsinə könüllü gedib.Hal-hazırda Allaha şükür ki, qələbə xəbərini eşitdik.Könüllü olaraq Vətən müharibəsinə gedənlər nə vaxt geri qayıdacaqlar?

Bildiririk ki, “bir qrup hərbi qulluqçunun səfərbərlik üzrə hərbi xidmətdən tərxis edilməsi haqqında” Azərbaycan Respublikası Prezidentinin 01.12.2020-ci il tarixli sərəncamına əsasən hərbi xidmətə çağırılmış aşağıda qeyd olunan kateqoriyadan olan hərbi qulluqçular səfərbərlik üzrə hərbi xidmətdən təxris edilirər: 1. üç və ya daha çox uşağı olan; 2. himayəsində I dərəcəli əlilliyi müəyyən edilmiş şəxs olan; 3. himayəsində yetkinlk yaşına çatmayan bacısı və ya qardaşı olan; 4. ailənin tək övladı olan; 5. ataları və ya qardaşları döyüş əməliyyatları, habelə hərbi xidmət üzrə vəzifələrin icrası zamanı həlak olmuş və ya vəfat etmiş; 6. döyüş əməliyyatları zamanı yaralanmış, habelə hərbi-həkim komissiyaları tərəfindən dinc dövrdə hərbi xidmətə yararsız, müharibə dövründə məhdud yararlı sayılan; 7. yaxın qohumları Ermənistan Respublikasının hərbi təxribatları və Azərbaycan Respublikasının ərazilərini atəşə tutması nəticəsində həlak olmuş; 8. əyani təhsil alan. Əlavə olaraq bildiririk ki, “Hərbi Xidmətkeçmə Haqqında” Əsasnamənin 186-cı maddəsinin “a” bəndinə əsasən səfərbərlik elan edildikdə həmin müddət ərzində Azərbaycan Respublikası Silahlı Qüvvələri sıralarında xidmət edən bütün şəxslər, o cümlədən toplanışlara çağırılmış hərbi vəzifəlilər xüsusi sərəncam alınanadək saxlanılırlar.  
Qədir Soruşur Yazılma Tarixi:15.12.2020 17:52:46

Salam. Oktyabr ayında xidmət müddəti bitmiş müddətli hərbi xidmət edən hərbi qulluqçuların tərxis olunması ilə bağlı cənab prezidentin sərəncamı var idi. Hərbi vəziyyətə görə həmin sərəncam dondurulmuş hesab olunurdu. Bəs niyə hərbi vəziyyət bitdikdən sonra sərəncam avtomatik qüvvəyə minmir?

Bildiririk ki, mövcud vəziyyətlə əlaqədar Azərbaycan Respublikası Prezidentinin 28.09.2020-ci il tarixli Sərəncamı ilə Azərbaycan Respublikasında qismən səfərbərlik elan edilmişdir. “Hərbi xidmətkeçmə haqqında” Əsasnamənin 186-cı maddəsinin tələblərinə əsasən səfərbərlik elan edildikdə: həmin müddət ərzində Azərbaycan Respublikası Silahlı Qüvvələri sıralarında xidmət edən bütün şəxslər, o cümlədən toplanışlara çağırılmış hərbi vəzifəlilər xüsusi sərəncam alınanadək saxlanılırlar (bu Əsasnamənin 21-ci maddəsi). Hərbi hissələrin heyətləri siyahısından çıxarılmamış hərbi qulluqçuların həqiqi hərbi xidmətdən buraxılmaları barədəki əmrlər, xəstəliklərinə görə istefaya buraxılanlardan başqa ləğv edilir.             Odur ki, qanunla müəyyən edilmiş xidmət müddəti başa çatan müddətli həqiqi hərbi xidmət hərbi qulluqçuları xüsusi sərəncam verildikdən sonra ehtiyata buraxılacaqlar.
Nail Soruşur Yazılma Tarixi:14.12.2020 13:42:07

Mənim də sualımı cavablandırardız zəhmət olmasa.

Bildiririk ki, Azərbaycan Respublikası Silahlı Qüvvələrinin Təlim və Tədris Mərkəzində təşkil ediləcək növbəti “Ehtiyat zabit hazırlığı kursu”nda oxumaq üçün qanunvericiliklə nəzərdə tutulmuş müddətli həqiqi hərbi xidmətini başa vurmuş, ali təhsilli hərbi vəzifəlilər sırasından namizədlər seçilir. Siz yuxarıda qeyd olunan tələblərə cavab verdiyiniz halda, SQ TTM-də təşkil ediləcək növbəti kursda oxumaq üçün adınızın namizəd kimi siyahıya daxil edilməsi və hansı sənədlərin hazırlanaraq təqdim edilməsi barədə hərbi qeydiyyatda olduğunuz Xidmətin yerli idarə, şöbə və bölməsinə müraciət etməlisiniz. Nəzərinizə çatdırırıq ki, SQ TTM-də keçiriləcək “Ehtiyat zabit hazırlığı kursu”nun vaxtı və müddəti Azərbaycan Respublikasının Müdafiə Nazirliyi tərəfindən müəyyən edilir.   
İbrahim Soruşur Yazılma Tarixi:14.12.2020 12:18:00

Zəhmət olmasa sualımı cavablandırardınız.

Məlumat üçün bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar. Eyni zamanda, təhsilini hərbi xidmətini başa vurduqdan sonra davam etdirmək istəyən vətəndaşlar akademik məzuniyyət götürərək hərbi xidmətə gedə bilərlər.  
Ayxan Soruşur Yazılma Tarixi:12.12.2020 21:46:03

Salam mən könülü olaraq ordu sralarna daxil olmaq isdəyrəm.ama DG xidmət etdiyim üçün məni qarabağ uğrnda gedən döyşlərə çağrlmadm.məndə öz börcmu qaytarmaq istəyrəm

Portala daxil olan müraciətinizə əsasən bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Bu səbəbdən qeyd etdiyiniz məsələ ilə bağlı xidmət keçmək istədiyiniz qoşun növü üzrə aidiyyəti nazirliyə və ya müvafiq hərbi hissə komandanlığına müraciət etməyiniz məqsədəuyğundur.
Balabəy Soruşur Yazılma Tarixi:12.12.2020 14:52:28

Salam men SHÇDXnin xaçmaz şobesine muraciyet edirem deyiler mumkun deyil 3il tamam olmalidi necə edimki meni qəbul etsinler

Bir daha bildiririk ki, Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində, digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xaçmaz rayon şöbəsinə təqdim edildiyi halda mümkündür. Bu səbəbdən Sizin Xaçmaz rayon şöbəsinə müraciət etməyiniz məqsədəuyğundur.
İbrahim Soruşur Yazılma Tarixi:12.12.2020 12:48:20

Salam mənim 20 yaşım var universitetdə oxuyuram. Sualım odur ki, mən Universiteti dondursam və ya universitetdən çıxsam nə vaxta çağrılacam hərbi xidmətə? Məsələn Aprel ayı Çağrışı üçün Universitetdən nə vaxt çıxmalıyam? Çünki hərbiyə getmək istəyirəm. Əvvəlcədən təşəkkürlər.

Bildiririk ki, Siz oxuduğunuz təhsil müəssisəsindən xaric olunmağınız barədə sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunamüvafiq qərar qəbul ediləcəkdir.          Məlumat üçün bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.
Cədvəldə sətir sayı :13113