Sual/Cavab
HÖRMƏTLİ İSTİFADƏÇİLƏR!

Bu internet səhifə, AR Konstitusiyasının 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Hafiz Soruşur Yazılma Tarixi:12.04.2021 14:04:08

Mən əvəlki ilin məzunuyam 18 yasim mayda bitir. Une hazirlaşıram men 3 ay herbi mohlet nece ala bilerem.

Bildiririk ki, 2020-ci ilin məzunu olan çağırış yaşlı vətəndaşlar Respublikanın ali və orta ixtisas təhsili müəssisələrinə 2021-ci ildə keçiriləcək qəbul imtahanlarında sağlamlıq və ya ailə vəziyyətinə görə möhlət hüquqları olduğu halda iştirak edə bilərlər.  
Aqil Soruşur Yazılma Tarixi:12.04.2021 12:32:28

Salam qan necə faizdən aşağı olduqda əsgər aparilmir

Çağırışçılarda “Qanın və qanyaradıcı orqanların xəstəlikləri” üzrə tibbi şəhadətləndirilmə Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 11-ci maddəsinin “a” bəndinin I qrafasına əsasən talassemiya və talassemiya daşıyıcısı xəstəliyi olan çağırışçılar “Həm dinc dövrdə, həm də müharibə dövründə hərbi xidmətə yararsızdır” hesab edilirlər.
İbrahim Soruşur Yazılma Tarixi:12.04.2021 12:30:21

Mən məzuniyyətə gəlmişəm. Vaynkamatda peçat vurdurum? şəhərə gəldiyimə görə

Bildiririk ki, Azərbaycan Respublikası Silahlı Qüvvələrinin Qarnizon və Qarovul xidmətləri Nizamnaməsinin 5 saylı əlavəsinə əsasən, ezamiyyət yaxud məzuniyyət yerinə gəlmiş hər bir hərbi qulluqçu hərbi komendantlıqda (onun olmadığı yerlərdə Səfərbərlik və Hərbi Xidmətə Çağırış üzrə Dövlət Xidmətinin ən yaxın struktur bölməsində) uçota durmalı, getməzdən qabaq isə uçotdan çıxmalıdır. Qarnizon hərbi komendantlığı, yaxud Səfərbərlik və Hərbi Xidmətə Çağırış üzrə Dövlət Xidmətinin struktur bölməsi hərbi qulluqçunun olacağı yerdən 10 kilometrdən çox uzaq olduqda, hərbi qulluqçu yerli icra hakimiyyətində uçota dura (uçotdan çıxa) bilər.
Əliağa Soruşur Yazılma Tarixi:11.04.2021 13:07:55

Salam, men anadangelme elilem ve buna gorede usaqliqdan beri dovlet terefinden pensiya da aliram. Meni vaenkamatdan Respublika xestaxanasina gonderdiler. Xestexanada da elil diaqnozu qoyuldu. Ama cavablari ozleri vaenkamata gedecek dediler. 1 ay kecib ama xeber yoxdu vaenkamatdan. Men ne etmeliyem hal hazirda? Tekrar yaxinlasmaliyam yoxsa gozlemeliyem?

Məlum olmuşdur ki, 2021-ci ilin aprel çağırışına hazırlıqla əlaqədar Siz qeydiyyatda olduğunuz Xidmətin Sumqayıt şəhər baş idarəsinin hərbi həkim komissiyasında tibbi baxışdan keçirilmiş və səhhətiniz ilə əlaqədar Akademik M.Ə.Mirqasımov adına Respublika Klinik Xəstəxanasına müayinəyə göndərilmisiniz. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” qeydiyyatda olduğunuz Sumqayıt şəhər baş idarəsinə daxil olduqdan sonra, Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.    
Hüseyn Soruşur Yazılma Tarixi:09.04.2021 22:04:25

Salam, sualım sülhnəramlı qüvvələrlə bağlı idi. Belə ki, əsgərlik müddəti zamanında mövcud hərbi hissə komandanlığına müraciət edərək sülhməramlı qüvvələrdə xidmət etmək mümkündürmü və ya çağırışçı kimi sülhməramlı qüvvələrdə xidmət etmə ehtimalı nədir?

Bildiririk ki, həqiqi hərbi xidmətə çağırılmış vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü xüsusi kompüter proqramı vasitəsi ilə aparıldıqdan sonra onlar təyin olunduqları qoşun növlərinin daxili bölgüsünə əsasən hərbi hissələrə təyin edilirlər.  
Fəqan Soruşur Yazılma Tarixi:09.04.2021 15:08:39

Salam, xalamoğlu aprel ayında 18 yaşı tamam olur və hərbi xidmətə getməlidi. 1 həftə qabaq səhətində problem yarandı və həkimə apardılar. Həkim onun korbağırsağında əməliyyat olunmalı olduğunu bildirdi. Amma, çağırışçı olduğu üçün onu əməliyyat edə bilməyəcəyini söylədi. İcazə almaq üçün necə müarciət etməliyik? Və möhlət veriləcək yoxsa əməliyyatdan sonra xidmətə gedə bilər? Öncədən təşəkkürlər.

Bildiririk ki, həqiqi hərbi xidmətə çağırılmış çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamənin sağlamlıq vəziyyətinə dair əlavə tələblər cədvəli nəzərə alınmaqla tibbi müayinə olunurlar. Çağırışçılar hərbi həkim komissiyasında tibbi şəhadətləndirilir və səhhətilə əlaqədar hər hansı porblem olduqda müvafiq tibb müəssisəsinə əlavə müayinəyə göndərilirlər.
Nurlan Soruşur Yazılma Tarixi:08.04.2021 14:27:16

Salam. Mənim uzağı görmədə -4 miyopum var, əsgərliyə yararlı hesab edilirəmmi?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 34-cü maddəsinin I qrafasının tələblərinə əsasən hər hansı gözün meridianlardan birində 3,0 DPTR-dən artıq və 6,0 DPTR-ə qədər yaxıngörməsi olan çağırışçılar “Hərbi xidmətə yararlıdır. A-3” hesab edilirlər.
Əli Soruşur Yazılma Tarixi:07.04.2021 17:42:09

3 defe 3 ayliq muveqqeti yararsiz verilende nigodnu herbi biletini verirler yoxsa ?

Portala daxil olan müraciətinizə əlaqədar hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və ya bölməsinə müraciət etməyiniz məqsədəuyğundur.
Elməddin Soruşur Yazılma Tarixi:07.04.2021 17:23:35

Imtahan Merkezi subbakalavrlarin musabiqede iştirak ede bileceyini deyir. Men neylemeliyem ? Ali Hərbi Məktəbə qebul olmaq isteyirem. Oktyabr ayina kimi möhlət huququ almalıyam. Hardan alım ? Zehmet olmasa cavablandırın.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1-ci maddəsinə əsasən, mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında təhsilini davam etdirmək üçün çağırışçılara möhlət yalnız bir dəfə verilir.
Sərhəd Soruşur Yazılma Tarixi:07.04.2021 12:06:48

Salam, müddətli hərbi xidmətə çağırılarkən çağırışçı çalışdığı iş yerinə hansı məlumat və sənədləri (həmçinin nə zaman) təqdim etməlidir ki, ona həm orta əmək haqqının 3 mislindən az olmayaraq müavinət ödənilsin həm də iş yerində vəzifəsi saxlanılmaqla hərbi xidməti başa vuranadək işdən azad edilsin?

Bildiririk ki, müddətli həqiqi hərbi xidmətə çağırılmış vətəndaşlar hərbi xidmətə göndərilmələri barədə arayışı iş yerlərinə təqdim etdikdə qanunvericiliklə müəyyən edilmiş hüquqlardan istifadə edə bilərlər.        Eyni zamanda bildiririk ki, vətəndaşların müddətli həqiqi hərbi xidmətə göndərilməsinə dair arayışın verilməsi üçün müddətli həqiqi hərbi xidmətə göndərilən şəxsin ailə üzvlərinin (ata və ya ana-şəxsiyyət vəsiqəsi, həyat yoldaşı- nigah haqqında şəhadətnamə və şəxsiyyət vəsiqəsi, övladlar, qardaş və bacı müraciət etdikdə-doğum haqqında şəhadətnamə və şəxsiyyət vəsiqəsi ilə) Xidmətin qeydiyyatda olduğu struktur bölmələrinə və ya Asan xidmət mərkəzlərinə müraciət etmələri tövsiyə olunur.
Cədvəldə sətir sayı :13225