Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elxan Soruşur Yazılma Tarixi:04.09.2023 21:58:11

Təlimlərdə necə iştirak edə bilərəm?

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş müraciətlərinizə baxılmışdır.
Bildiririk ki, gələcəkdə keçirilməsi nəzərdə tutulan təlim toplanışları ilə əlaqədar Azərbaycan Respublikası Müdafiə Nazirliyi tərəfindən verilmiş sifarişlərə əsasən yaş kateqoriyanız, qöşun növünüz, vəzifəniz, hərbi uçot ixtisasınız və s. tələblərə uyğun olduğu halda, hərbi qeydiyyatda olduğunuz Xidmətin yerli struktur bölməsi tərəfindən müvafiq tədbirlərə cəlb oluna bilərsiniz.
Cavad Soruşur Yazılma Tarixi:02.09.2023 15:04:07

Salam.Cebhe bolgesinde olan son vezyeti nezere alaraq menide konullu olaraq ordu siralarina qatmaginizi sizden xahs edirem.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş müraciətlərinizə baxılmışdır.
Müraciətinizə görə təşəkkür edirik.
Bildiririk ki, zərurət yarandığı halda mövcud qanunvericiliyin tələblərinə əsasən hərbi qeydiyyatda olduğunuz Xidmətin yerli struktur bölməsi tərəfindən müvafiq tədbirlərə cəlb olunacaqsınız.
Cavad Soruşur Yazılma Tarixi:02.09.2023 14:58:02

Salam.Sizden xahsm odur ki cebhe bolgesinde olan son vezyeti nezere alaraq menide ordu sirlarina cagirasiz.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş müraciətlərinizə baxılmışdır.
Müraciətinizə görə təşəkkür edirik.
Bildiririk ki, zərurət yarandığı halda mövcud qanunvericiliyin tələblərinə əsasən hərbi qeydiyyatda olduğunuz Xidmətin yerli struktur bölməsi tərəfindən müvafiq tədbirlərə cəlb olunacaqsınız.
Seymur Soruşur Yazılma Tarixi:01.09.2023 21:22:21

Mən 25.04.2023 cü il tarixində Quba rayon Hərbi komisarlığı tərəfindən hərbi xidmətə yararlı sayılaraq hərbi xidmətə göndərilmiş 31.08 2023 cü il tarixində yararsız olaraq təxris olmuşam mənə bu problemə görə təzminat ödənməlidirmi əyər ödənməlidirsə necə və nə qədər götürə bilərəm

Sizin müraciətinizə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətində baxılmışdır. Xidmətə yararsız olma ilə əlaqədar müddətli həqiqi hərbi xidmətdən tərxis zamanı araşdırma aparılmadan və müvafiq səbəb əlaqələri müəyyən edilmədən mövcud qanunvericiliyin müddəalarına əsasən təzminat ödənilməsi nəzərdə tutulmayıb. Bununla yanaşı,  “Hərbi qulluqçuların dövlət icbari şəxsi sığortası haqqında” 20 may 1997-ci il tarixli 296-IQ nömrəli Azərbaycan Respublikası Qanununa əsasən, Sizin həqiqi hərbi xidmətə yararsız hesab edilməniz sığorta hadisəsi hesab olunarsa, sığorta ödənişini ödəməli sığortaçı barədə məlumat verilməsi və ilkin sənədlərin təqdim edilməsi üçün aidiyyəti üzrə Sizə münasibətdə sığortalı hesab edilən Azərbaycan Respublikası Müdafiə Nazirliyinə müraciət edə bilərsiniz.
Cəbrayıl Soruşur Yazılma Tarixi:01.09.2023 12:36:47

Salam mən müharibə iştirakçısıyam, SHXÇDX- bu yaxında mətbuata bildirdi ki, hərbi vəzifəsi olmayanlar da, təlim toplanışlara cəlb edilirlər mən ehtiyatda olan əsgər və müharibə iştirakçısı kimi bu toplanışlara könüllü şəkildə qatılmaq istəyirəm və ya təyin olunmuş qayda da. Bunun üçün haradan necə qeydiyyatdan keçməliyəm, zəhmət olmasa yardımçı olardınız.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş müraciətlərinizə baxılmışdır.
Bildiririk ki, gələcəkdə keçirilməsi nəzərdə tutulan təlim toplanışları ilə əlaqədar Azərbaycan Respublikası Müdafiə Nazirliyi tərəfindən verilmiş sifarişlərə əsasən yaş kateqoriyanız, qöşun növünüz, vəzifəniz, hərbi uçot ixtisasınız və s. tələblərə uyğun olduğu halda, hərbi qeydiyyatda olduğunuz Xidmətin yerli struktur bölməsi tərəfindən müvafiq tədbirlərə cəlb oluna bilərsiniz.
Kənan Soruşur Yazılma Tarixi:28.08.2023 21:56:56

Salam mən LGBTQ fərdiyəm bele deyim ki geyəm oğlanlardan xoşum gəlir bu halda əsgərlik məcburidirmi zəhmət olmasa sualımı cavablandırardız

Müraciətinizlə əlaqədar bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 15.1-ci maddəsinə əsasən müddətli həqiqi hərbi xidmətə çağırılan bütün vətəndaşlar Səfərbərlik və Hərbi Xidmətə çağırış üzrə Dövlət Xidmətinin qeydiyyatda  olduqları yerli struktur bölmələrində  həkim mütəxəssislər tərəfindən, əlavə tibbi müayinəyə ehtiyac olduqda isə digər müalicə müəssisələrində hökmən tibbi müayinədən keçirilirlər.
Aparılan tibbi müayinənin nəticəsində yalnız müddətli həqiqi hərbi xidmətə yararlı hüsab olunan və çağırışa  möhlət hüququ olmayan çağırışcılar ümumi əsaslarla müddətli həqiqi hərbi xidmətə çağırılırlar.
Nəzərə almağınızı xahiş edirik.
Nicat Soruşur Yazılma Tarixi:28.08.2023 13:43:27

Salam,yazmışdım zəhmət olmasa cavab verərdiniz.Mən həkim yoxlanışlarından keçmişəm,travmagologiyadan da keçmişəm yastıpəncəliyə görə.Bilmək istərdim yararlıyam ya yararsız?

Müəyyən edilmişdir ki, Siz Xidmətin Füzuli rayon şöbəsinin hərbi həkim komissiyası tərəfindən tibbi baxışdan, çağırışçılar üçün nəzərdə tutulmuş bütün məcburi diaqnostik müayinələrdən keçirilmiş və səhhətiniz ilə əlaqədar Elmi-Tədqiqat Travmatologiya və Ortopediya İnstitutuna, Akademik M.Ə.Mirqasımov adına Respublika Klinik Xəstəxanasına əlavə müayinələrə göndərilmisiniz. Dövlət səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”ları Xidmətin Füzuli rayon şöbəsinə daxil olduqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Nicat Soruşur Yazılma Tarixi:28.08.2023 13:42:45

Salam,yazmışdım zəhmət olmasa cavab verərdiniz.Mən həkim yoxlanışlarından keçmişəm,travmagologiyadan da keçmişəm yastıpəncəliyə görə.Bilmək istərdim yararlıyam ya yararsız?

Müəyyən edilmişdir ki, Siz Xidmətin Füzuli rayon şöbəsinin hərbi həkim komissiyası tərəfindən tibbi baxışdan, çağırışçılar üçün nəzərdə tutulmuş bütün məcburi diaqnostik müayinələrdən keçirilmiş və səhhətiniz ilə əlaqədar Elmi-Tədqiqat Travmatologiya və Ortopediya İnstitutuna, Akademik M.Ə.Mirqasımov adına Respublika Klinik Xəstəxanasına əlavə müayinələrə göndərilmisiniz. Dövlət səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”ları Xidmətin Füzuli rayon şöbəsinə daxil olduqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Pərviz Soruşur Yazılma Tarixi:28.08.2023 13:38:45

Salam.Talesemiyya daşıyıcısı xəstəliyiniz çıxdı.Əsgər getdiyim vaxt problem yaradırmı?

Bildiririk ki, Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Talassemiya xəstəliyinin gen daşıyıcısı” diaqnozla şəhadətləndirilən çağırışçılar “Həm dinc dövrdə, həm də müharibə dövründə hərbi xidmətə yararsızdır” hesab edilirlər.
Vahid Soruşur Yazılma Tarixi:28.08.2023 10:49:28

Salam.Mən keçən səfər sual verəndə cavab deyiıdiki sizin Mərkəzi həkim kamisiyasına təqdim olunmağınıız nəzərdə tutulmuşdur.Mən bilmək istəyirdim yenidən yoxlanışa gedəcəmmi və nə zaman aparacaqlar məni?Əgər yararlı olsam oktyabr çağırışında gedə bilərəmmi?

Müəyyən edilmişdir ki, 2023-cü ilin iyul çağırışına hazırlıqla əlaqədar Siz Xidmətin Ağcabədi rayon çağırış komissiyasında tibbi baxışdan, çağırışçılar üçün nəzərdə tutulmuş bütün məcburi diaqnostik müayinələrdən keçirilmiş və səhhətiniz ilə əlaqədar 20.06.2023-cü il tarixdə Akademik M.Ə.Mirqasımov adına Respublika Klinik Xəstəxanasına əlavə müayinəyə göndərilmisiniz. Müayinənin nəticəsinə əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin tələblərinə müvafiq olaraq “dinc dövrdə hərbi xidmətə yararsız, müharibə dövründə məhdud yararlı” hesab edilmisiniz. Barənizdə qəbul edilən qərarın “Sağlamlıq vəziyyətinin müayinə edilməsi Akt”ına uyğunluğu yoxlanıldıqdan sonra yekun qərar qəbul ediləcəkdir.  
Cədvəldə sətir sayı :13550

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.