Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Məhəmməd Soruşur Yazılma Tarixi:20.10.2024 06:07:05

Salam. Mənim 2ci dərəcə varikosel narahatlığım var. Fiziki hərəkətlər zamanı ağrılar olur. Bundan əlavə və əsas olaraq da anadangəlmə xroniki autoimmum tireoidit xəstəliyim olduğu üçün daimi dərman atmalıyam, bununla bağlı nəbzim 100dən yuxarı olur. Həmçinin də təzyiqim 2 3 gündən bir 140dan yuxarı olur. Təzyiqin səbəbi isə hələ məlum deyil. Bütün bunlar nəzərə alındıqda mən xidmətə yararlı yoxsa yararsız sayılıram? Yoxlanışlardan keçmişəm, Xəbər yoxdur.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Bildiririk ki, “Qan dövranı sistemi xəstəlikləri üzrə: I-II (birinci-ikinci) dərəcəli varikosele” diaqnozu ilə tibbi şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Hərbi xidmətə yararlıdır” hesab edilirlər. Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafası üzrə şəhadətləndirilən çağırışçılarda hipertoniya xəstəliyinin diaqnozu stasionar müayinə və dispanser müşahidənin nəticələri ilə təsdiq olunmalıdır. Arterial hipertenziyanın ilk dəfə aşkar edildiyi və müşahidə müddətinin kifayət qədər olmadığı hallarda hipertoniya xəstəliyinin olması ixtisaslaşdırılmış bölmədə təsdiq edilməlidir. Hipertoniya xəstəliyinin bütün hallarında simptomatik hipertenziyalarla differensial diaqnostika aparılmalıdır. Simptomatik arterial hipertenziyası olan şəxslər əsas xəstəliyə görə şəhadətləndirilirlər. “Endokrin sisteminin xəstəlikləri, qidalanma və maddələr mübadiləsi pozulmaları üzrə: Xroniki fibroz və autoimmun tireoiditi olan şəxslər qalxanabənzər vəzinin funksiyasının pozulma dərəcəsindən asılı olaraq, “a”, “b” və ya “c” bəndi üzrə (funksiyaların pozulması olmadıqda, 12-ci maddənin “c” bəndi üzrə) şəhadətləndirilirlər. “ç” bəndinə qalxanabənzər vəzidə, digər endokrin vəzilərdə operativ müdaxilələrdən sonrakı hallar, kəskin və yarımkəskin tireoiditlərin müalicəsindən sonrakı hallar aiddir. Hərbi xidmətə çağırılarkən, hərbi xidmətə könüllü daxil olarkən vətəndaşlar 6 ay müddətinə hərbi xidmətə müvəqqəti yararsız hesab edilirlər. Çağırışçılar qeydiyyatda olduğu Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və bölməsi) çağırış komissiyası tərəfindən tibbi baxışdan keçirilir, ehtiyac olduğu halda tibb müəssisəsində müayinəsi təmin olunur və hərbi xidmətə yararlı olub-olmaması barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul edilir.
Bəxtiyar Soruşur Yazılma Tarixi:19.10.2024 16:44:35

Salam,oktyabrın sonu əsgər gedirəm,düşdüyüm yeri necə öyrənə bilərəm?

Bildirilir ki, Siz dəfələrlə Səfərbərlik və Hərbi Xidmətə Çağırış üzrə Dövlət Xidmətinin Ağdaş rayon şöbəsinə dəvət olunmuş, lakin mütləq müayinələrdən keçmədiyiniz üçün DTSERA-ya təqdim edilməyiniz mümkün olmamışdır. Sizin Xidmətin Ağdaş rayon şöbəsinə müraciət etməyiniz zəruridir. Müayinə nəticələrinə əsasən Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra Sizin müddətli həqiqi hərbi xidmətə yararlığınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Elşən Soruşur Yazılma Tarixi:19.10.2024 04:55:43

Salam mən bilmək istiyirdim ki mənim hərbi biletim var yararsız amma hərbi xidmətə yararlıyam 3 illik təkrar müayinələrdən keçmişəm və hərbi xidmətə getmək istiyirəm bu ay gedə bilərəm hərbi xidmətə

Hərbi xidmətə göndərilməyinizə dair Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır. Bildiririk ki, 23 dekabr 2011-ci il tarixli 274 İVQ nömrəli “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.              Məlum olmuşdur ki, təkrar tibbi müayinəyə cəlb edilmisiniz. Nəzərdə tutulan tibbi müayinələr tam yekunlaşdıqdan sonra Xidmətin Bakı şəhəri Nizami rayon idarəsi tərəfindən qəbul ediləcək qərar barədə Sizə məlumat veriləcəkdir.
Vaqif Soruşur Yazılma Tarixi:18.10.2024 12:18:25

Salam. Mən 44 günlük Vətən müharibəsi iştirakçısıyam və Veteran kitabçasını hələdə əldə etməmişəm. Zəhmət olmasa ən tez zamanda hardan və necə əldə edə biləcəyim barədə məlumat verərdiz . Qeydiyyatım Cəlilabad rayonuna olsada hal hazırda Bakı şəhərində dövlət qurumunda çalışıram deyə işlə əlaqədar olaraq tərk edə bilmirəm şəhəri. Zəhmət olmasa, Bu mövzuda kömək edərdiz.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron poçt ünvanına “Müharibə veteranı” vəsiqənizin verilməməsinə dair daxil olmuş müraciətinizə baxılmışdır.                                                                                             Bildiririk ki, Azərbaycan Respublikası Müdafiə Nazirliyindən daxil olmuş “Müharibə veteranı” vəsiqənizin sizə təqdim olunması üçün şəxsiyyət vəsiqəsi ilə Xidmətin Cəlilabad rayon şöbəsinə müraciət etməyiniz tövsiyə olunur.  
Ayxan Soruşur Yazılma Tarixi:17.10.2024 22:32:05

Salam sizden artix derecede xais edirem menim haqimda tekun qerar veresiz 2023 cu il oktyabr ayin herbi xidemete getmeliydim 1 ildi bakiya gedirem mohlet aliram xais edirem menim haqqimda melumat verib yekun qerar vererdiz tesekur edirem

Müəyyən edilmişdir ki, Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyi tərəfindən Sizin yekun tibbi müayinəniz aparılmış və  Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə müvafiq olaraq “Sıradankənar hərbi xidmətə yararlıdır” hesab edilmisiniz.
Mahsun Soruşur Yazılma Tarixi:16.10.2024 20:49:33

Sualim budurki men talesemiya daşiyicısiyam meni esgerliye apara bilerlermi 2 uşagim var 25 yaşindayam. Xahis edirem cavab yazin

Hal-hazırda qüvvədə olan Azərbaycan Respublikası Nazirlər Kabinetinin  29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Talassemiya xəstəliyinin gen daşıyıcısı” diaqnozu ilə şəhadətləndirilən çağırışçılar “A-3 təyinat göstəricisi ilə hərbi xidmətə yararlıdır” hesab edilirlər.
Fərid Soruşur Yazılma Tarixi:16.10.2024 11:54:13

Salam,mən 22.07.2014-cu ildə xəstəliklər cədvəlinin 1-ci qrafasının 66b maddəsinə əsasən dinc dövrdə hərbi xidmətə yararsız qəbul edilmisəm.Təkrar müayinədən kecmişəm L4-L5 diskdə anulyar fissurla müşaiyət olunan 3.4mm protruziya və L5-S1 diskdə santral və bilateral para-santral yerləşimli 5.5mm psevdo protruziya askar olunmuşdur.Bu problemlə hərbi xidmətə yararlı sayılırammı ?

Müəyyən edilmişdir ki, növbəti təkrar tibbi müayinə zamanı Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Binəqədi rayon idarəsinin hərbi həkim komissiyasında tibbi baxışdan keçirilmiş və səhhətiniz ilə bağlı 17.10.2024-cü il tarixdə Mərkəzi Neftçilər Xəstəxanasına göndərilmisiniz. Dövlət səhiyyə müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı” Xidmətin Binəqədi rayon idarəsinə daxil olduqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Mircəlal Soruşur Yazılma Tarixi:16.10.2024 10:34:42

Salam. Xəstəliyimlə əlaqədar 3 ildən bir yoxlanışdan keçirəm Bu il də həmçinin yoxlanışdan keçdim. Artıq 2 aydır keçdiyim amma bir xəbər yoxdur. Bilmək istəyirəm nə zaman xəbər edərlər?

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Siz qeydiyyatda olduğunuz Xidmətin Saatlı rayon şöbəsi tərəfindən növbəti tibbi şəhadətləndirilməyə cəlb edilərək, rayon hərbi həkim komissiyasında tibbi baxışdan keçirilmiş və səhhətiniz ilə bağlı Akademik M.Ə.Mirqasımov adına Respublika Klinik Xəstəxanasına, Akademik Z.Əliyeva adına Milli Oftalmologiya Mərkəzinə əlavə müayinələrə göndərilmisiniz. Səhiyyə müəssisələrinin tərtib etdiyi “Sağlamlıq vəziyyətinin müayinə edilməsi Akt”larına müvafiq olaraq Sizin yekun tibbi müayinəniz ƏƏSMN-nin tabeliyində Dövlət Tibbi-Sosial Ekspertiza və Reabilitasiya Agentliyinə aparılacaq və barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul ediləcəkdir. Bu barədə Sizə Xidmətin Saatlı rayon şöbəsi tərəfindən məlumat veriləcəkdir.
Elçin Soruşur Yazılma Tarixi:15.10.2024 23:39:52

Salam məndə skalyoza göre Sabunçu tramatologiyaya göndərmişdiler oranın cavabı çıxıbmı?

Müəyyən edilmişdir ki, Siz 2024-cü ilin oktyabr çağırışı zamanı qeydiyyatda olduğunuz Xidmətin Ağdam rayon şöbəsinin hərbi həkim komissiyasında tibbi baxışdan keçirilmiş və səhhətiniz ilə bağlı 02.09.2024-cü il tarixdə Sabunçu Tibb Mərkəzinə əlavə müayinəyə göndərilmisiniz. Dövlət səhiyyə müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı”na müvafiq olaraq Sizin yekun tibbi müayinəniz Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyində aparıldıqdan sonra müddətli həqiqi hərbi xidmətə yararlığınız barədə qərar qəbul ediləcəkdir. Bu barədə Sizə Xidmətin Ağdam rayon şöbəsi tərəfindən məlumat veriləcəkdir.
Əli Soruşur Yazılma Tarixi:15.10.2024 17:05:03

Mən sizə yazıb bildirmək istəyirəm ki, yekun hərbi tibbi müayinənin nəticəsi ilə razı deyiləm. Və təkrar müayinə olunmaq istəyirəm. Mənim ayaqıarımda anadangəlmə əzələ dartılması var və sağ ayağım sol ayağıma nisbətən qısadır. Mən yeriməkdə çətinlik çəkirəm. Mənə tibbi müayinədə skolyoz 1 dərəcə ilə yararlı statusu verilib. Mənim gözümdə ikili görmə problemi var. Mene sms geleceyi deyilib

Müəyyən edilmişdir ki, Siz Xidmətin Mərkəzi hərbi həkim komissiyası tərəfindən tibbi baxışdan keçirilmiş, komissiyanın rəyinə əsasən 29.05.2024-cü il tarixdə Elmi-Tədqiqat Travmatologiya və Ortopediya İnstitutuna əlavə müayinəyə göndərilmisiniz. Səhiyyə müəssisəsi tərəfindən tərtib olunan “Sağlamlıq vəziyyətinin müayinə edilməsi Akt”ına müvafiq olaraq Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin ”Xəstəliklər cədvəli”nin I qrafasına əsasən “A-3 təyinat göstəricisi ilə hərbi xidmətə yararlıdır” hesab edilmiş, 28.10.2024-cü il tarixdə müddətli həqiqi hərbi xidmətə göndərilmisiniz. Bildirilir ki, hal-hazırda müddətli həqiqi hərbi xidmətdə olduğunuz üçün, ərizənizdə qeyd olunan məsələ ilə bağlı aidiyyəti üzrə xidmət etdiyiniz hərbi hissə komandirinə müraciət etməyiniz məqsədəuyğundur.  
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.