Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Turqay Soruşur Yazılma Tarixi:01.04.2023 10:32:04

salam men yararsiz herbi biletimi almisam 17d ve 66c maddeleri ile mene pensiya dusurmu ve men hara muraciet etmeliyem hansi senedler lazimdir

Bildiririk ki, Pensiya təminatı sosial təminat orqanları tərəfindən həyata keçirilir. Əlillik qrupları, əlilliyin, habelə onların başvermə müddəti müvafiq icra hakimiyyəti orqanı tərəfindən qanunvericiliyə uyğun olaraq müəyyən olunur. Bu səbəbdən Sizin Əmək və Əhalinin Sosial Müdafiəsi Nazirliyinin ərazi üzrə tibbi-sosial ekspert komissiyasına müraciət etməyiniz məqsədəuyğundur.  
Nihat Soruşur Yazılma Tarixi:31.03.2023 20:53:11

Hara düşmüşəm?

Müraciətinizlə əlaqədar bildiririk ki, Siz 2023-cü ilin aprel çağırışına hazırlıqla əlaqədar Xidmətin Xəzər rayon idarəsində tibbi şəhadətləndirilmiş, öyrənilmiş və hərbi xidmətə yararlı hesab edilmisiniz. Sizin 2023-cü ilin aprel çağırışında müddətli həqiqi hərbi xidmətə göndərilməyiniz nəzərdə tutulmuşdur. Qeyd edirik ki, vətəndaşların hərbi hissələrə təyin olunmaları haqqında növbəti məlumat 2023-cü il 20-25 aprel tarixlərində Xidmətin saytında  yerləşdiriləcəkdir. Bununla yanaşı, çağırışçılar hərbi hissələrə təyin olunmaları barədə SMS vasitəsilə məlumatlandırılacaqlar.
Zaur Soruşur Yazılma Tarixi:31.03.2023 20:07:36

Salam, Məndə Revmatizm nəticəsində Ürəyin aortal ve mitral qapaqlarında qalınlaşma aşkarlanıb,və buna görə 7-ci sinifdən müalicə alıram.Həkimlərin göstərişi ilə ildə iki dəfə payız-yaz aylarında müalicə alıram ki, qalınlaşma çoxalıb paroka çevrilməsin.Bu səbəbdən 3 il əvvəl Hərbi komisarlığın göndəriş ilə Kardiologiya institu tərəfindən qüsur aşkarlanıb və möhlət verilib. Amma sonuncu göndəriş zamanı nədənsə bu qüsur aşkalanmayıb , və məni Həqiqi Hərbiyə yararlı hesab ediblər.Baxmayaraq ki, yoxlanışdan 2 ay evvel yoxlanıb eyni qüsura görə müalicə almışam. Bildirmək istəyirəm ki , bu qüsur əvvəlkinə nisbətən dahada artıb və məndə yenədə tənginəfəslik, ağrılar, sancılar, ürək getmələr, əllərdə dırnaqlarda göyərmələr var, yenidən müalicə üçün xəstəxanaya müraciət edəcəm. Bu məsələnin araşdırılmasını yenidən Nəzarət altında yoxlanışa getməyəmə kömək edəsiz.Müraciətimi nəzərə alıb mənə geri dönüş etməyinizi xaiş edirəm.

Məlum olmuşdur ki, səhhətiniz ilə əlaqədar verilmiş möhlət hüququ bitdiyindən Siz Xidmətin Sumqayıt şəhər baş idarəsinin hərbi həkim komissiyası tərəfindən təkrar tibbi baxışdan keçirilmiş və səhhətiniz ilə əlaqədar Akademik C.M.Abdullayev adına Elmi-Tədqiqat Kardiologiya İnstitutuna əlavə müayinəyə göndərilmisiniz. Müayinə nəticəsində təyin edilmiş diaqnoza müvafiq olaraq Siz Xidmətin Mərkəzi hərbi həkim komissiyası tərəfindən Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Hərbi xidmətə yararlıdır. A-3” hesab edilmisiniz. Bildiririk ki, Siz 2023-cü il aprel çağırışı zamanı müddətli həqiqi hərbi xidmətə göndəriləcəksiniz.
Ülvi Soruşur Yazılma Tarixi:29.03.2023 21:45:12

Salam hara düşdüyüm və havaq gedeceyim barede melumat vere bilersiz?

Portala daxil olan müraciətinizə baxılmışdır.             Bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.             Yuxarıda göstərilənlərə əsasən qeyd etdiyiniz məsələ ilə bağlı şəxsiyyətinizi təsdiq edən sənədlə şəxsən qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Xətai rayon idarəsinə şəxsən müraciət etməlisiniz.
Sənan Soruşur Yazılma Tarixi:29.03.2023 17:11:26

Salam mən harda xidmət edəcəm

Müraciətinizlə əlaqədar bildiririk ki, Siz müddətli həqiqi hərbi xidmət keçmək üçün Azərbaycan Respublikası Prezidentinin Təhlükəsizlik Xidmətinin Milli Qvardiyasına təyin olunmusunuz.
Sənan Soruşur Yazılma Tarixi:29.03.2023 16:53:20

Salam mən hara əsgərliyə düşmüşəm

Müraciətinizlə əlaqədar bildiririk ki, Siz müddətli həqiqi hərbi xidmət keçmək üçün Azərbaycan Respublikası Prezidentinin Təhlükəsizlik Xidmətinin Milli Qvardiyasına təyin olunmusunuz.
Kibar Soruşur Yazılma Tarixi:29.03.2023 13:44:56

Xusanov Kibar 2005 mart 4 oğuz rayon vaynkamatı hara düşmuşem deye bilersiz ?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz 2023-ci ilin aprel çağırışına hazırlıqla əlaqədar Səfərbərlik və Hərbi Xidmətə Çağırış üzrə Dövlət Xidmətinin Oğuz rayon bölməsi tərəfindən tibbi şəhadətləndirilmiş, öyrənilmiş və zərurət yarandığı üçün 08.02.2023-cü il tarixli göndərişlə Elmi-Tədqiqat Kardiologiya İnstitutuna və Elmi-Tədqiqat Hematologiya və Transfuziologiya İnstitutuna əlavə tibbi müayinəyə göndərilmisiniz. Tibbi müayinənizin nəticələri (“Sağlamlıq vəziyyətinin müayinə edilməsi aktı”) Xidmətin Oğuz rayon bölməsinə daxil olduqdan sonra barənizdə qanunamüvafiq qərar qəbul ediləcəkdir.
Kənan Soruşur Yazılma Tarixi:29.03.2023 00:13:34

Mən hara dusmusem.?

Bildiririk ki, Siz 2023-cü ilin aprel çağırışında Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Dövlət Sərhəd Xidmətinin Sərhəd Qoşunlarına təyin olunmusunuz.
MUSA Soruşur Yazılma Tarixi:28.03.2023 23:37:50

Hara düşmüşəm

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz 2023-cü ilin aprel çağırışına hazırlıq dövründə Xidmətin Bərdə rayon şöbəsi tərəfindən tibbi şəhadətləndirilmiş, öyrənilmiş və rayon çağırış komissiyasının qərarı ilə 25 fevral 2023-cü il tarixdə sağlamlıq vəziyyətinizlə bağlı akademik M.Mirqasımov adına Respublika Klinik Xəstəxanasına əlavə tibbi müayinəyə göndərilmisiniz. Bildiririk ki, Sizin tibbi müayinə nəticələriniz Xidmətin Bərdə rayon şöbəsinə daxil olduqdan sonra barənizdə qanunamüvafiq qərar qəbul olunacaqdır.
Nihat Soruşur Yazılma Tarixi:28.03.2023 22:21:42

Hara düşmüşəm?

Müraciətinizlə əlaqədar bildiririk ki, Siz 2023-cü ilin aprel çağırışına hazırlıqla əlaqədar Xidmətin Xəzər rayon idarəsində tibbi şəhadətləndirilmiş, öyrənilmiş və hərbi xidmətə yararlı hesab edilmisiniz. Sizin 2023-cü ilin aprel çağırışında müddətli həqiqi hərbi xidmətə göndərilməyiniz nəzərdə tutulmuşdur. Qeyd edirik ki, vətəndaşların hərbi hissələrə təyin olunmaları haqqında növbəti məlumat 2023-cü il 20-25 aprel tarixlərində Xidmətin saytında  yerləşdiriləcəkdir. Bununla yanaşı, çağırışçılar hərbi hissələrə təyin olunmaları barədə SMS vasitəsilə məlumatlandırılacaqlar.
Cədvəldə sətir sayı :14949

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.