Sual/Cavab
HÖRMƏTLİ İSTİFADƏÇİLƏR!

Bu internet səhifə, AR Konstitusiyasının 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Bəymirzə Soruşur Yazılma Tarixi:31.03.2021 9:17:11

Salam hər vaxtınız xeyir olsun. Mən Universiteti 2_ci kursdan sonra dondurmuşam və aprel ayında hərbi xidmətə gedəcəyəm. Sualım bundan ibarətdir ki, mən hal hazırda Ali Təhsilli olaraqmı hərbi xidmətə gedirəm yoxsa Natamam Ali Təhsilli olaraqmı?

Bildiririk ki, Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər. Ali təhsilli müddətli həqiqi hərbi xidmət hərbi qulluqçuları təhsil müəssisəsindən verilmiş diplomun notarial qaydada təsdiq edilmiş kserosurətini xidmət etdikləri hərbi hissəyə təqdim etdikdə onlar 1 ildən sonra ordu sıralarından tərxis olunurlar.
Məhəmməd Soruşur Yazılma Tarixi:30.03.2021 20:22:08

Salam. Mən aprelin 5 i çağırışcıyam. Hərbi xidmətə Sərhəd qoşunlarına təyin olunmuşam. Mən öyrənə bilərəm ki hansı bölgəyə təyin olunmuşam?

Salam. Aidiyyəti üzrə Xidmət edəcəyiniz qoşun növünə müraciət edin.
Zaminəli Soruşur Yazılma Tarixi:30.03.2021 8:48:53

Salam Mən Klinikaya Göndərilmişdim Yoxlanışla Bağlı, Adım Çıxmadı Bu Saytda Hara Düşdüyüm ,Və Sms Də Gəlmədi.dedilər 2 ci Partiya Çıxacacaq adın , Bu 2 Ci Partiya Aprelin Neçəsi Çıxacaq? Qeyd edimki 21 Əsgər Gedirəm

Bildiririk ki, vətəndaşların hərbi hissələrə təyin olunmaları haqqında növbəti məlumat 22-25 aprel tarixindən etibarən sms vasitəsilə veriləcəkdir. Bununla yanaşı, SHXÇDX-nin rəsmi saytında “Elektron xidmət” bölməsinə daxil olaraq özünüz haqqında məlumatları dəqiq, Xidmətin saytına daxil edərək xidmət edəcəyiniz qoşun növünü dəqiqləşdirə bilərsiniz. Əks halda Xidmətin qeydiyyatda olduğunuz Sabirabad rayon şöbəsinə müraciət etməyiniz tövsiyə olunur.
Rəmzi Soruşur Yazılma Tarixi:29.03.2021 20:10:21

Salam. 2021 aprel cagiriscisiyam martin 27-si xidmet yerim haqqinda SMS gelmeli idi, ama gelmedi. Bunun haqqinda melumat almaq isteyirem. Həmzəyev Rəmzi Ramiz 01.04.2021 Şirvan

Bildiririk ki, müayinənin nəticəsi («Sağlamlıq vəziyyətinin  müayinə edilməsi aktı») Xidmətin Şirvan şəhər şöbəsinə daxil olduqdan sonra barənizdə qanunamüvafiq qərar qəbul ediləcəkdir.
Hüseyn Soruşur Yazılma Tarixi:29.03.2021 16:58:30

Salam mən 2003 cu ildənəm 18 yaşım Mayda tamam olacaq.Özüm Kollecde 1 ci kursda oxuyuram 2020 də qəbul olmuşam.Birinci kursu başa vurub gedecem Hərbi Xidmətə.Bunu bilmək istəyirəm ki mənə möhlət verilə bilər 1 il oxumağa?Verilə bilərsə bunun üçün nə etməliyəm?Kollec 2 illik di.Bunuda bildirim ki Atam rəhmətə gedib Anamla 2 miz yaşayırıq.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.3-cü maddəsinə əsasən orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara müddətli həqiqi hərbi xidmətə çağırışdan möhlət verilir.  
Aqil Soruşur Yazılma Tarixi:29.03.2021 15:38:36

Salam mən 2021 ci ilin aprel çağırışçı siyam harda xidmət eliyəcəyim barədə sms gəlmir 9100 sms də göndərirəm cavab gəlirki belə çağırışçı mövcud deyil

Bildiririk ki, müayinənin nəticəsi («Sağlamlıq vəziyyətinin  müayinə edilməsi aktı») Xidmətin Xaçmaz rayon şöbəsinə daxil olduqdan sonra barənizdə qanunamüvafiq qərar qəbul ediləcəkdir.
Əliqüdrət Soruşur Yazılma Tarixi:29.03.2021 10:56:03

Salam.Sizden xahis edirem men egerliye getmək istəyirəm.Yararsız hərbi bilet almışam. 2013 cu ildə. Hərbi biletdə yazılıb guya ürək xəstəsi. Necə dəfə lənkaran səfərbərlik və hərbi xidmətə müraciət etmişəm. Getməyə görə Ali diplom almışam Lənkaran dövlət universitetinini bitirmişəm.Evliyəm 2 uşağım var. Hər 3 də hərbi biletə paçat vurmağa 100 manat vermişəm.Muharibə vaxtı səfərbərlik.gov.az qeydiyyatdan keçmişəm. Hərbi biletdə yazılıb guya ürək xəstəsi. Sağlamam. Cənab Prezident İlham Əliyev sərəncam versəydi niqodni hərbi bilet alanlar təzədən yolanılsın.

“Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövr üçün hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində, digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Xidmətin Lənkəran rayon şöbəsinə təqdim edildiyi halda mümkündür.    
Oqtay Soruşur Yazılma Tarixi:29.03.2021 5:55:50

Mən Türkiyədə ali təhsil pilləsindəyəm.Türkiyənin qanunvericiliyinə uyqun olaraq 4 illik proqramı 7 ilə bitirmək hüququm var. 21.1.5m. əsasən mənim təhsilim 7 ilə bitsə də mənə möhlət verilməlidir? Verilməməlidir sə, səbəbin qanun və maddəsini göstəriniz.

Bildiririk ki, hal-hazırda “Hərbi vəzifə və hərbi xidmət haqqında “Azərbaycan Respublikası Qanununun 21.1.5-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsinin bakalavriat, magistratura və doktorantura səviyyələrində, tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək həqiqi hərbi xidmətə çağırışdan möhlət verilir.        Müraciətinizlə əlaqədar bildiririk ki, təhsilə görə həqiqi hərbi xidmətə çağırışdan möhlət verilməsi üçün tərcümə olunaraq notarial qaydada təsdiq olunmuş təhsil almağınız barədə arayışı Xidmətin qeydiyyatda olduğunuz yerli baş idarə, idarə, şöbə və ya bölməsinə təqdim etdiyiniz halda barənizdə qanunamüvafiq qərar qəbul ediləcəkdir.
Eltun Soruşur Yazılma Tarixi:29.03.2021 0:16:54

Salam. Mən 2019 cu ildə ali təhsilimi bitirmişəm və həmin il iyun ayı çağırışçısı idim. İki dəfə 6 aylığ möhlət hüququ təyin edildiyi üçün qalmışam. Son olarağda 2021 ci il yanvar ayında yenidən həkim yoxlanışında olmuşam. Nəticə olarağ hələdə heçbir məlumat verilməyibki mən niyə çağırılmıram. Səbənin nə olduğunu və diaqnozu bilmək istəyirəm. Öncədən təşəkkürlər. İmişli rayonu

Barənizdə rayon çağırış komissiyası tərəfindən qəbul edilən qərarın təsdiq edilməsi üçün Siz şəxsi işiniz birgə Xidmətin Mərkəzi hərbi həkim komissiyasına təqdim olunmusunuz. Müayinə nəticəsinə müvafiq olaraq Siz Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə, Siz təkrar tibbi müayinəyə cəlb olunacaq və barənizdə qanunamüvafiq qərar qəbul olunacaqdır.
Əkbər Soruşur Yazılma Tarixi:28.03.2021 18:08:11

Salam,Mən İqtisad Universitetinin Zaqatala Filialının 4cü kurs tələbəsiyəm, Türkiyədə magistratura oxumaq istəyirəm amma məni İyul ayında hərbi xidmətə çağıracaqlar.Sənədlərimi göndərdikdən sonra Türkiyədəki universtetler qeydiyyatı iyul ayından aparacaqlar.Mən 1, 2 aylıq möhlət hüquqununu necə ala bilərəm.Qeydiyyat iyulda başladığı üçün universtet mənə təsdiq sənədini iyulda göndərə bilmir.Xahiş edirəm mənə köməklik göstərəsiniz.

Bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.1.5-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsinin bakalavriat, magistratura və doktorantura səviyyələrində, tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək həqiqi hərbi xidmətə çağırışdan möhlət verilir.         
Cədvəldə sətir sayı :13271