Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
əmir Soruşur Yazılma Tarixi:09.11.2019 09:55:44

salam men 2017 ci ilde lenkeran rayonunda yoxlanisdan kecdim ve yararsiz yazdilar butun senedlerimde yararsizdi ve mene herbi bilet verilmir deyirler yeniden kecmelisen yoxlanisdan yararsiz yazilandan sonra yeniden hansisa sebe kecmeliyem yoxlanisdan butun xerclerideki ozun odemelisen deyirler

Məlum olmuşdur ki, barənizdə rayon çağırış komissiyası tərəfindən qəbul edilən qərarın düzgünlüyünün yoxlanılması üçün, Siz şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Şəhadətləndirilmənin nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Lala Soruşur Yazılma Tarixi:05.11.2019 10:17:23

Salam.Mənim oğlum 9 cu sinifdən orta ixtisas məktəbinə qəbul olub.sonra qiyabi şöbəyə keçdi.Bu il 18 yaşı tamam olur.Ona təhsilini bitirmək üçün möhlət veriləcək?Öncədən təşəkkürümü bildirirəm.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara müddətli həqiqi hərbi xidmətə çağırışdan möhlət verilir.
Qoşqar Soruşur Yazılma Tarixi:02.11.2019 16:05:00

Salam. Rusya federasyonunda magistr bitirən Azərbaycan vətandaşı Azərbaycanda nə qədər vaxt hərbi xidmət keçməlidir?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər.  
Mustafa Soruşur Yazılma Tarixi:02.11.2019 13:14:45

Mən yaşayış yerim Səbail rayonu idi 2018 ci ildə məhkəmə qərarı ilə.çıxardırdım.İndi isə Suraxanı rayonuna prapiskaya düşmək isdəyirəm.İndi isə prapiskaya düşmək üçün vəsiq tələb eliyirlər voenkomatda yaşayış yeri isdiyir biri belə deyir biri belə bir normal.birşey desə bilərikki nağaraq

Portala daxil olan müraciətinizə əsasən bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 7.2 maddəsinə əsasən, hərbi vəzifəlilər və çağırışçılar yaşayış yerini 3 aydan çox müddətə dəyişdirdikdə yaşayış yeri üzrə hərbi qeydiyyatdan çıxmalı və olduğu yer üzrə hərbi qeydiyyata durmalıdırlar. Xidmətin Suraxanı rayon idarəsində hərbi qeydiyyata alınmağınız üçün ərizə, hərbi bilet və DİN-nin Bakı şəhər Suraxanı rayon Polis idarəsi tərəfindən verilən ərizə-anket vərəqəsini Səfərbərlik və Hərbi Xidmətə Çağırış üzrə Dövlət Xidmətinin «Asan» Xidmət Mərkəzlərində fəaliyyət göstərən nümayəndələrinə şəxsən təqdim etdiyiniz halda yaşayış yeri üzrə hərbi qeydiyyatdan çıxarılaraq olduğunuz yer üzrə hərbi qeydiyyata götürüləcəksiniz. Əlavə məlumat almaq üçün Xidmətin Suraxanı rayon idarəsi ilə əlaqə saxlamağınız məqsədəuyğundur.
Hüseyn Soruşur Yazılma Tarixi:30.10.2019 18:56:17

Salam bes meni hec yer ne suruculuk vesiqesi verilmir nedeki iwe goturmuller men ne ede bilerem xahis edirem bu barede mene melumat veresiniz

Portala daxil olan növbəti müraciətinizlə bağlı bildiririk ki, 07.02.2018-ci il tarixdə təkrar tibbi müayinə zamanı Xidmətin Qaradağ rayon idarəsi tərəfindən əlavə tibbi müayinəyə göndərilmiş, «Xəstəliklər cədvəli»nin 14«b» maddəsi ilə «dinc dövr üçün hərbi xidmətə yararsız, müharibə dövrü üçün məhdud yararlı» hesab edilmisiniz və 07.02.2021-ci il tarixədək Sizə həqiqi hərbi xidmətə çağırışa möhlət hüququ verilmişdir.             Qeyd etdiyiniz digər məsələlərə baxılması Səfərbərlik və Hərbi Xidmətə Çağırış üzrə Dövlət Xidmətinin səlahiyyətinə daxil deyil.
Şamil Soruşur Yazılma Tarixi:29.10.2019 01:14:25

Salam sualım budur ki , mənə nə qədər müalicə möhləti verildi?

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün şəxsi işiniz Xidmətin Mərkəzi hərbi həkim komissiyasına təqdim olunacaqdır. Şəhadətləndirilmənin nəticəsinə müvafiq olaraq hərbi xidmətə yararlı olub-olmamağınız haqqında Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır. 
Ümid Soruşur Yazılma Tarixi:28.10.2019 22:07:16

Salam Mənim Dosdum Gürcüstan Vətəndaşıdı.Lakin 10 ildirki Azərbaycanda qalır. Hərbi Xidməti Azərbaycanda Çəkəcəy..?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12-ci maddəsinə əsasən Azərbaycan Respublikasının vətəndaşları müddətli həqiqi hərbi xidmətə çağırılırlar.
Hüseyn Soruşur Yazılma Tarixi:27.10.2019 21:11:46

Salam menim herbi biletimde bele bir xesteliy yazilib amma mende bele bir xestelik yoxdur hecbir yere iwe goturmuller suruculuk vesiqesi ala bilmirem herbi komisarligada gedirem deyir bunu silmek olmur nedeki esgerliye aparmillar men indi ne etmeliyem xahis edirem bu barede mene komek eliyin

Portala daxil olan təkrar müraciətinizlə bağlı bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında» Əsasnamənin 6.3-cü maddəsinə əsasən hərbi xidmətə yararsız hesab edilmiş vətəndaşlar dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi və ya onların sağlam hesab edildikləri halda təkrar şəhadətləndirilirlər. Araşdırma zamanı məlum olmuşdur ki, 07.02.2018-ci il tarixdə təkrar tibbi müayinə zamanı Xidmətin Qaradağ rayon idarəsi tərəfindən əlavə tibbi müayinəyə göndərilmiş, «Xəstəliklər cədvəli»nin 14«b» maddəsi ilə «dinc dövr üçün hərbi xidmətə yararsız, müharibə dövrü üçün məhdud yararlı» hesab edilmisiniz və 07.02.2021-ci il tarixədək Sizə həqiqi hərbi xidmətə çağırışa möhlət hüququ verilmişdir.  
Ülvi Soruşur Yazılma Tarixi:26.10.2019 19:21:55

Salam meni oktyabirin 24 ne cagirmisdilar ama aparmadilar dedilerki noyabrda cagiraciq men erize yazib gede bilerem bu ay

Qeyd etdiyiniz məsələ ilə əlaqədar Xidmətin qeydiyyatda olduğunuz idarə, şöbə və ya bölməsinə müraciət etməyinizi tövsiyə edirik.
Rəşid Soruşur Yazılma Tarixi:23.10.2019 22:54:34

Salam. Mən ayın 25iesger getmək üçün çagirilmisam. Yalnız hal hazırda səhhətimdə problem var. Bu gediş 2 3gun lengiye bilər?

Qeyd etdiyiniz məsələ ilə əlaqədar Xidmətin qeydiyyatda olduğunuz idarə, şöbə və ya bölməsinə müraciət etməyinizi tövsiyə edirik.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.