Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Babək Soruşur Yazılma Tarixi:18.01.2014 00:30:32

salam işə qəbul olmaq üçün müraciət etmişdim.müvafiq sənədləri tədim etmişdim . işə qəbul olub olmamağım haqqında məlumat əldə etmək istəyirəm.

Nəzərinizə çatdırırıq ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınızla bağlı ərizədə özünüz haqda ətraflı məlumat vermədiyinizə görə barənizdə qərar qəbul olunması mümkün hesab edilməmişdir.
Orxan Soruşur Yazılma Tarixi:17.01.2014 22:13:52

Salam.o duzdur ki herbi xitmede hansi gun gedecikse o gunde texris olunaciq? evelki kimi "qarantin" vaxtini gecikdirib,5-10gun sora getsek.bu herbi muddetimize daxildi ya vaxtimizdan silinecek???

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 37.1.1 maddəsinə əsasən çağırışçılar üçün hərbi xidmətin başlanğıcı onların Xidmətin müvafiq rayon (şəhər) idarə, şöbə və ya bölməsi tərəfindən hərbi hissəyə göndərildikləri gündən hesablanır.
Nurlan Soruşur Yazılma Tarixi:17.01.2014 19:13:31

Mən bilmək istəyirəm ki mənim 18 yaşım var ama hələdə hara təyin olunduğumu bilmirəm

Qeyd etdiyiniz məsələ ilə bağlı Xidmətin qeydiyyatda olduğunuz idarə, şöbə və ya bölməsinə müraciət etməyiniz tövsiyə olunur.
Nurlan Soruşur Yazılma Tarixi:17.01.2014 19:04:28

Mən bilmək istəyirəmki Azərbaycanda neçə yaşı tamam olmuş gəncləri Əsgə aparırlar?

"Hərbi vəzifə və hərbi xidmət haqqında" Azərbaycan Respublikası Qanununun 12.3-cü maddəsinə uyğun olaraq Azərbaycan Respublikası Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək çağırış günü üçün 18 yaşı tamam olmuş 35 yaşınadək vətəndaşlar müddətli həqiqi hərbi xidmətə çağırılırlar.
ELİFAGA Soruşur Yazılma Tarixi:17.01.2014 14:40:45

HARA DUSMUSEM

Çağırışçıların təyin olunduqları hərbi hissə haqqında məlumatı şəxsi məlumatlarını daxil etməklə, 31 dekabr 2013-cü il tarixdən etibarən Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər.
meher Soruşur Yazılma Tarixi:17.01.2014 13:39:41

19 xidmete getmeliyem amma getdiyim yer beli deyil

Özünüz haqda məlumatları dəqiq, Azərbaycan dilində sayta daxil edib cavab ala bilərsiz. Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyyə olunur.
rafael Soruşur Yazılma Tarixi:17.01.2014 13:02:55

salam.menim qardasim DSXne dusub.hansi rayonlara dusmeyi gozlenilir?ehtimal haradir?zehmet olmasa etrafli cavab yazin ,cox xahis edirem.cox narahatiq.

Həqiqi hərbi xidmətə çağırılmış vətəndaşlar Azərbaycan Respublikası Silahlı Qüvvələrinin və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrin arasında bölünür. Çağırışçılar hansı hərbi hissədə xidmət keçməsi məsələsinə yuxarıda göstərilmiş qurumlarda baxılır.
Ramiz Soruşur Yazılma Tarixi:17.01.2014 12:46:34

Menim 34 yashim var ve xaricde yashiyiram. Azerbaycana gayidmag fikrindeyem. Meni herbi xidmete gonderecekler mi?

Azərbaycan Respublikasl Konstitusiyasının 76-cı maddəsinin 1 hissəsinə uyğun olaraq Vətəni müdafiə hər bir vətəndaşın borcudur.\n"Hərbi vəzifə və hərbi xidmət haqqında" Azərbaycan Respublikası Qanununun 3.2-ci maddəsinə əsasən Azərbaycan Respublikasının 18 yaşına çatmlş vı sağlamlıq vəziyyətinə görə hərbi xidmətə yararlı hər bir kişi cinsli vətəndaşı, Azərbaycan Respublikası Silahlı Qüvvələrində və qanunvericliyiə uyğun olaraq yaradılmış başqa silahlı birləşmələrdə bu Qanunla müəyyən edilmiş qaydada müddətli həqiqi hərbi xidmət keçməlidirlər.
Şamxal Soruşur Yazılma Tarixi:17.01.2014 12:34:15

Salam mən Səfərbərlik və Hərbi Xidmətə Çağırış Üzrə Dövlət Xidmətinə işə qəbul olunmaq üçün müraciət etmişdim və mən 28.10.2013 tarixdə Azərbaycan Respublikası Səfərbərlik və Hərbi Xidmətə Çağırış Üzrə Dövlət Xidmətinin kadrlar və kadrlar hazırlığı idarəsinə çağırılmışam və sənədləri yazıb hazırlayıb vermişəm.Lakin hələ növbəti komissiyaya çağırılmamışam.növbəti komissiya nə vaxt olacağı barədə xahiş edirəm məlumat verəsiniz.

Bildiririk ki, həqiqi hərbi xidmətə (işə) qəbulla bağlı müraciət etmiş vətəndaşların sayı çox olduğundan onların Xidmətin Aparatına müsabiqəyə dəvət olunmaları növbəli qaydada həyata keçirilir.\nMüsabiqəyə dəvət olunmağınız barədə Sizə əlavə məlumat veriləcəkdir.
Səxavət Soruşur Yazılma Tarixi:17.01.2014 11:29:00

16 yaşı tamam olmuş vətəndaşlara şəxsiyyət vəsiqəsi almaq üçün o cümlədən, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti tərəfindən verilmiş təhkim olunma haqqında şəhadətnamə tələb olunur. \nBu şəhadətnaməni hansı sənədlər əsasında almaq olar ?

"Hərbi vəzifə və hərbi xidmət haqqında" Azərbaycan Respublikası Qanununun 6-cı maddəsinin 6.4-cü bəndinə əsasən Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində ilkin hərbi qeydiyyata alınmalı olan vətəndaşlar aşağıdakı sənədləri təqdim etməlidirlər:\n1. Doğum haqqında şəhadətnamənin sürəti\n2. Ailə tərkibi haqqında arayış\n3. Təhsil haqqında sənəd (təhsil müəssisəsini bitirənlər üçün)\n4. Təhsil (təhsil müəssisəsini bitirməyənlər üçün) və iş yerindən arayış\n5. Tərcümüyi-hal\n6. 6 ədəd şəkil 3x4 ölçüdə
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.