Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Həsənli Elçin Vaqif Soruşur Yazılma Tarixi:14.06.2014 16:21:34

Ağstafa rayonundan herbi xidmətə getməliyəm, bilmək istəyirəm ki, hansı hərbi hissəyə düşmüşəm.

Çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən şəxsi məlumatları daxil etməklə Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər.\n
Huseynli Zulfiyye Soruşur Yazılma Tarixi:14.06.2014 13:44:19

Salam zehmet olmasa sualimi cavablandirin.\nBezi internet portallarinda melumat var ki, bu il iyul ayindan ehtiyata buraxilmali olan eskerler oktuyabir ayina kimi artiq xidmetde qalacaqlar. Bu melumat ne derecede duzgundu? Heqiqeten elave xidmet olacaq?

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 38.1-ci maddəsinə əsasən qanunla müəyyən olunmuş hərbi xidmət müddətlərini başa vurmuş müddətli həqiqi hərbi xidmət hərbi qulluqçuları, hər il yanvar, aprel, iyul və oktyabr aylarının 1-dən 30-dək Azərbaycan Respublikası Prezidentinin müvafiq Sərəncamı əsasında ordu sıralarından tərxis olunurlar.
ilqar Soruşur Yazılma Tarixi:14.06.2014 12:25:16

salam , bedeninde tatoosu olanlar esgere aparilmir ?

Çağırışçıların mənəvi-psixoloji durumu norma daxilində olduğu halda, onlar müddətli həqiqi hərbi xidmətə çağırılırlar.
Araz_Qasimov Soruşur Yazılma Tarixi:14.06.2014 08:36:27

salam sizden xais edirem ki sikayyetime baxin bineqedi rayon herbi komissarliq kecen il oktyabr 4-de 2-nomreli xesdexanaya gondermisdi ve bas hekim duzgun diyaqnoz qoymayibdi guya mende usaq vaxdinda ruhi xesdeliyim olub bu bele deyil ancaq dilimde az miqdarda problem olub indi ise hec bir seyim yoxdu he birde ki firdofsin hekim valdeyime deyib ki gedin pensiya karti cixardin bu soze gore sikayyetciyem birde deyib ki hec vaxt aparmariq niye ele deyibdi ne ixtiyari bileti geri qaytaracaqam sizden xais edirem bu meseleynnen maraqlanin tessekur edirem.qasimov.araz.imani 26.01.1995-ci il

2 saylı Kliniki Psixiatriya Xəstəxanası Səhiyyə Nazirliyinin tabeçiliyində olduğuna görə qeyd etdiyiniz məsələ ilə bağlı müvafiq qaydada Azərbaycan Respublikasının Səhiyyə Nazirliyinə müraciət etməlisiniz.\nƏlavə olaraq bildiririk ki, Sizin vaxtından əvvəl təkrar tibbi şəhadətləndirilməniz dövlət səhiyyə sistemi müəssisələrindəvı ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya saölam hesab edildiyiniz barədə tibbi sənədlərin Xidmətin Bakı şəhəri Binəqədi rayon idarəsinə təqdim edildiyi halda mümkündür.
Nəcəf Soruşur Yazılma Tarixi:13.06.2014 17:18:54

Mən bu il iyul ayı üçün çağırışda olmalıyam. Məni 2-sayılı psixiatriya xəstəxanasına yoxlanışa göndərdilər. Orada iki gün qaldım. Mənə orada yoxlama zamanı epilepsiya xəstəliyinin izlərinin aşkarlandığını dedilər. Məni ora uşaq vaxtı keçirdiyim travma və nevroz xəstəliklərinə göndərmişdilər.\nBu hallarda mən hərbi xidmətə yararlı sayılıram mı?\nYanlış qərara etiraz etmək hüququm var mı?\nBir də mən ali təhsilliyəm\nMilli Orduda leytenant olmaqla bağlı prosedur necədi. Deyilənə görə ali təhsillilərin leytenant olması üçün karantin müddəti bitdikdən sonra ərizə ilə müraciət edirlər\nHəmçinin təxrislə bağlı müdafiə nazirliyi ni-kadr leytenantlara çətinlik yaratması doğrudur mu?

Müraciətinizlə bağlı müvafiq araşdırmanın aparılması məqsədi ilə soyadınız, atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Həsən Soruşur Yazılma Tarixi:13.06.2014 16:52:26

Mənim atam 10 aydir ki dünyasını dəyişib. Ailəmiz 3 nəfərdən ibarətdir anam,bacım və mən.Ali məktəbin 4-cü kursunu yeni bitirmişəm Bilmək istərdim ki mən hərbi xidmətə getməyə bilərəm ailə başçısını itirdiyimə görə?

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 19.1.1 maddəsinə əsasən yalnız başqa övladı olmayan I qrup əlil atası və ya anası olan çağırışçılara müddətli həqiqi hərbi xidmətə çağırışdan möhlət verilir.
gunay Soruşur Yazılma Tarixi:13.06.2014 14:27:35

men bilmek isteyiremki,eger anadangelme xayanln biri yoxdursa herbi xidmete yararslzdlr yoxsa yararll?

"Anadangəlmə bir xayanın olmaması" diaqnozu tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 80-ci maddəsinin "c" bəndinin I qrafasının tələblərinə əsasən "Sülh dövründə hərbi xidmətə yararsız, müharibə dövründə məhdud yararlı" qərarına uyğundur.
siruz Soruşur Yazılma Tarixi:13.06.2014 10:54:07

Herbi xidmete dusduyum yer

Çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən şəxsi məlumatları daxil etməklə Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər.\n
Bəxtiyar Soruşur Yazılma Tarixi:13.06.2014 08:13:50

Salam.mənim gözüm görmə dərəcəsi -(mənfi)5.75dir. İyul ayına hərbi xidmətə çağırılmışam. Hərbi xidmətə yararlılıq üçün gözün görmə dərəcəsinin limiti neçə olmalıdır? Mənim gözümə uyğun olaraq hansı güzəştlər edilə bilər? İndidən təşəkkürlər.

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 29-36-cı maddələrinin I qrafasının tələblərinə əsasən hər gözün görmə itiliyindən və funksiyalarının pozulma dərəcəsindən asılı olaraq aparılır.\nSiz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır.
Ehmed Soruşur Yazılma Tarixi:13.06.2014 08:06:22

salam qardasim Ehmed sameddin oglu 01 05 1996 ci ilde agdas rayon kukel kendinde anadan olub esgerlyde hara dusduyunu oyrenmek isdeyirem

Çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən şəxsi məlumatları daxil etməklə Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.