Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elişən Soruşur Yazılma Tarixi:13.01.2020 15:50:54

Salam. İşə qəbulla bağlı necə müraciət edə bilərəm?

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə və ya işə qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz. Özünüz barədə təqdim etdiyiniz məlumatlar öyrənildikdən sonra işə qəbulla bağlı namizədliyinizə baxıla bilər. 
Fərhad Soruşur Yazılma Tarixi:13.01.2020 12:45:18

Hərkəzi hərbi həkim komissiyası yararlı olub olmamağım haqqında rəyi nə zaman verəcək?

Məlum olmuşdur ki, Xidmətin Mərkəzi hərbi həkim komissiyası tərəfindən təkrar tibbi şəhadətləndirilməniz üçün Azərbaycan Respublikasının Səhiyyə Nazirliyinə məktubla müraciət edilmışdır. Siz Səhiyyə Nazirliyinin aparıcı və baş mütəxəssisləri tərəfindən tibbi baxışdan keçiriləcək və müayinənin nəticəsinə müvafiq olaraq barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Mehman Soruşur Yazılma Tarixi:13.01.2020 11:19:07

Salam Qardaşım Hərbi xidmətə çağırışçıdır qardaşımda xəstəlik var amma Başında Travma.Epilepsiya və Belində əyrilik.Skolioz bununla belə 20.01.2020 bu tarixə çağırış vərəqəsi verilib Bu xəstəliyləri olanı əsgərliyə aparmaq olar? Hara müraciət edə bilərik bununla bağlı?

Qeyd etdiyiniz xəstəliklərin dərəcəsindən, yayılmasından, yaratdığı fəsadlardan, orqanların funksiyaların pozulmasından və davamlılığından asılı olaraq çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin tələblərinə əsasən şəhadətləndirilirlər.
Fərhad Soruşur Yazılma Tarixi:13.01.2020 08:47:47

Salam, mənə gözümlə əlaqəli may ya iyunda 6 ay möhlət verilmişdi retinada dejenerasiya ilə əlaqəli olaraq. Əməliyya olub Noyabrda yenidən yoxlanışdan keçdim, deyəsən yenə möhlət veriləcəyi deyildi. İndi öyrənmək istəyirəmki möhlətim nə vaxta kimi verilib və möhlət bitmədən gözümü yenidən yoxlatmaq üçün sərhəd keçə bilərəm?

Məlum olmuşdur ki, Siz 2020-ci ilin yanvar çağırışına hazırlıqla əlaqədar Xidmətin Nərimanov rayon idarəsinin hərbi həkim komissiyasında tibbi baxışdan keçirilmiş və səhhətiniz ilə əlaqədar akademik Z.Əliyeva adına Milli Oftalmologiya Mərkəzinə müayinəyə göndərilmisiniz. Müayinə nəticəsində təyin olunmuş diaqnoza müvafiq olaraq Siz, rayon çağırış komissiyası tərəfindən şəhadətləndirilərək Azərbaycan Respublikası Nazirlər Kabinetinin 29.02.2008-ci il tatixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən 3 (üç) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz təkrar tibbi müayinəyə cəlb olunacaqsınız.
İlham Soruşur Yazılma Tarixi:13.01.2020 00:46:36

Salam yenə narahat edirəm sizi mənə məlumat verdiniz ki mən dinc dövrdə xidmətə yararsızam. Bu qərarla razı deyiləm yenidən həkim komissiyası təşkil olunsun yenidən yoxlanışdan keçim bunun üçün hara müraciət etməliyəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilir və sağlam hesab edildiyi halda, hərbi xidmətə yararlı hesab edilirlər. Əlavə olaraq bildiririk ki, hərbi xidmətə yararlılıq kateqoriyasından narazı vətəndaşlar barələrində çıxarılmış qərara yenidən baxılması məqsədi ilə ərazi üzrə məhkəmə orqanlarına müraciət edə bilərlər.
Səlim Soruşur Yazılma Tarixi:12.01.2020 23:02:11

Salam mənim haqqımda qərar nə yərdə qaldı? Mən nə vaxt hərbi bileti götürə bilərəm?

Qeyd etdiyiniz  məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyyə olunur. 
Hüseyn Soruşur Yazılma Tarixi:12.01.2020 21:07:21

Salam. Mən yastı pəncəliyəm mənim vaxtımdı ama hələ heçbirşey demirler men hara düşdüyümü bilmek istiyrem.

Qeyd etdiyiniz məsələ ilə əlaqədar Xidmətin qeydiyyatda olduğunuz idarə, şöbə və ya bölməsinə müraciət etməyinizi tövsiyə edirik.
Səid Soruşur Yazılma Tarixi:11.01.2020 21:20:54

Salam 07.01.2020 tarixində Xidmətin Mərkəzi hərbi həkim komissiyasında müayinədən keçmişəm. Ondan əvvəl də iyul ayında 2019 6 ay möhlət almışam və möhlətim bitib . Mən haqda qərar nə olacaq ? Bu arada ürək döyüntüm 116 döyünür . Təşəkkürlər

 Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş şikayət ərizəniz araşdırılmış və Sizin nəzarət qaydasında Səhiyyə Nazirliyinin aparıcı baş mütəxəssisləri tərəfindən tibbi müayinə olunmağınız nəzərdə tutulmuşdur. Müayinə nəticəsinə müvafiq olaraq Sizin hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin II qrafasının tələblərinə əsasən qərar qəbul ediləcəkdir.
Mənsur Soruşur Yazılma Tarixi:11.01.2020 13:09:44

Salam. Mənim 21.01.2020 tarixində çağırış vərəqəm gəlib, amma hara düşməyimlə bağlı hələki məlumatım yoxdur axtarışa verəndə də çağırışçı tapılmadı yazılır. Hara düşdüyümü necə öyrənə bilərəm?

Bildiririk ki, vətəndaşların hərbi hissələrə təyin olunmaları haqqında növbəti məlumat 24-25 yanvar tarixindən etibarən Xidmətin rəsmi saytında yerləşdiriləcəkdir.
Fərhad Soruşur Yazılma Tarixi:11.01.2020 12:27:08

Hərbi həkim ekspertizası tərəfindən yenidən xəstəxanaya təyin oluna bilərəmmi? Yoxsa son qərarı onlar verir?

Məlum olmuşdur ki, Xidmətin Mərkəzi hərbi həkim komissiyası tərəfindən təkrar tibbi şəhadətləndirilməniz üçün Azərbaycan Respublikasının Səhiyyə Nazirliyinə məktubla müraciət edilmışdır. Siz Səhiyyə Nazirliyinin aparıcı və baş mütəxəssisləri tərəfindən tibbi baxışdan keçiriləcək və müayinənin nəticəsinə müvafiq olaraq barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.