Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nahid Soruşur Yazılma Tarixi:19.09.2020 16:39:28

Salam. Mən bakalavriat səviyyəsində təhsil alıram mənə 2021-ci ilədək əsgərlikdən möhlət hüququ verilmişdir. Bilmək istərdim ki, magistr təhsili alsam (ölkə daxilində) möhlət hüququ veriləcəkmi yoxsa əsgərlikdən sonra oxumağa davam edəcəm

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21.1.4-cü maddəsinə əsasən, əyani təhsilalma formasında bakalavriatda, magistraturada, doktoranturada (adyunkturada), əsas (baza ali) tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət verilir.
Murad Soruşur Yazılma Tarixi:19.09.2020 02:26:59

Salam . Mənim boyum 1.95 çəkim 115-dir . Milli Qvardiya Düşə Bilərəm (XDMX-ya)? Vaynkomat Göndərdi və Respublikanski Xəstəxanasında Lazımi Müayinələrdən Keçdim . Zəhmət Olmasa Bu Haqda Məlumat Almaq İsdəyirdim.

Bildiririk ki, həqiqi hərbi xidmətə çağırılmış vətəndaşlar Silahlı Qüvvələr üzrə Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamənin sağlamlıq vəziyyətinə dair əlavə tələblər cədvəli nəzərə alınmaqla xüsusi kompüter proqramı vasitəsi ilə bölünür. Bu zaman çağırışçının antropometrik göstəriciləri (boy, çəki) onun təyin olunduğu  qoşun növünün tələblərinə cavab verməlidir.
Siyavuş Soruşur Yazılma Tarixi:15.09.2020 21:06:52

Salam mən oktyabr çağırışçısıyam Yasamal Rayon hərbi komissarlığından keçdim və məndə uşağlığda yaşadığım problemə görə məni başqa yerə yoxlanışa göndərdilər. Onlar dedilər ki cavabı özümüz göndərəcəyik mən nə vaxt biləcəm hərbiyə yararlı və ya yararsız olduğumu.

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün Siz şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsız. Şəhadətləndirilmənin nəticəsinə müvafiq olaraq hərbi xidmətə yararlı olub-olmamağınız haqqında Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır.
Sənan Soruşur Yazılma Tarixi:15.09.2020 01:30:29

Salam.Mən Culfa rayonunda qeydiyyatdayam Bakıda qalıram.Mən 3 dəfə C.Abdullayev adına Kardiologiya İnstitutunnan yoxlanışdan keçmişəm 3 dəfə də Naxçıvan Kardiologiya Mərkəzinnən qeydiyyatdan keçmişəm.Mənimdə imkanım olmur hər 3-6 aydan bir Naxçıvana getməyə.Mənim xidmətə yararsız hərbi biletim nə vaxt veriləcəy.Niyə verilmir mənim xidmətə yararsız biletim?Hansı işə müraciət eliyirsən birinci hərbi bileti isdiyirlər.Ona görə qalmışam işsiz.Xahiş edirəm köməklik gösdərəsiz bu mövzuda mənə.

Qeyd etdiyiniz məsələ ilə bağlı Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Culfa rayon şöbəsinə müraciət etməyiniz məqsədəmüvafiqdir.
Seman Soruşur Yazılma Tarixi:13.09.2020 11:36:27

Salam, mən Bakı Mühəndislik Universitetində 2-ci kursda bakalavr üzrə Mühasibat oxuyuram. 2023-cü ildə bitirəcəm. Sonra isə xarici universitetlərə yenidən bakalavr və daha sonra isə magistrı da xaricdə oxumağı planlaşdırıram. Bilmək istədiyim odur ki, mən hansı halda hərbi xidmətə çağırılmış oluram? Bakalavra müraciət edəndə , yoxsa magistra müraciət edəndə ? Yoxsa bunların hər ikisini bitirəndən sonra ?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21-ci maddəsinə əsasən, ali təhsil müəssisələrində və onların filiallarında  əyani təhsilalma formasında bakalavriatda, magistraturada, doktoranturada, ali baza tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət yalnız bir dəfə verilir.
Lalə Soruşur Yazılma Tarixi:12.09.2020 15:29:04

Salam mən Cavadova Lalə Lənkaran rayonundanam təhsilliyəm . BIlmək isdəyirəmki müddətdən artiq həqiqi hərbi xidmətdə Gizir kimi işləyə bilərəm vakant yerin olub olmadigini nece oyrənə hara müraciət edə bilərəm.. Təşəkkurlər

Portala daxil olan müraciətinizə əsasən bildiririk ki, qeyd etdiyiniz məsələ ilə bağlı xidmət etmək istədiyiniz qoşun növü üzrə aidiyyəti nazirliyə və ya müvafiq hərbi hissə komandanlığına müraciət etməyiniz məqsədəuyğundur.
Azər Soruşur Yazılma Tarixi:11.09.2020 16:13:17

Salam mene zeng elediler ve getdim vayonkamata lakin hansi bolgeye duseceyimi demediler

Bildiririk ki, çağırışçılar müddətli həqiqi hərbi xidmət keçmək üçün təyin olunduqları xidmət yerləri barədə sms vasitəsilə məlumatlandırılacaq və 30 sentyabr tarixdən etibarən xidmət yerləri barədə məlumatlar Xidmətin rəsmi saytında yerləşdiriləcəkdir. Çağırışçılar SHXÇDX-nin rəsmi saytında “Elektron xidmət” bölməsinə daxil olaraq özləri haqqında məlumatları Xidmətin saytına daxil edərək xidmət edəcəkləri qoşun növünü dəqiqləşdirə bilərlər.
Rüfət Soruşur Yazılma Tarixi:10.09.2020 14:34:38

Salam Mən Azərbaycan Dövlət İqtisad Üniversitetinin Beynəlxalq Magistratura və Doktorantura Mərkəzinin magistrantı Əsədov Rüfət Səyavuş oğlu bu ilin iyun ayında öz istəyimlə üniversitetdən xaric oldum lakin , qeydiyyatda olduğum hərbi komissarlığa ( Gəncə şəh.Nizami ray. Hərbi komisarlığı ) baş vurdum ki , məni hərbi xidmətə yola salsınlar. Ancaq hərbi komissarlıq məndən xaric olmağıma dair ünivrsitetdən rəsmi sənəd istədilər. Üniversitet ilə əlaqə saxladım belə bir sənədi verə bilmədiklərini mənə bildirdilər. Belə olan halda mən nə vaxt xidmətə gedəcəm ( hal hazırda üniversitetdən azadam)

Məlumat üçün bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar. Qeyd etdiyiniz məsələ ilə əlaqədar bildiririk ki, Siz oxuduğunuz təhsil müəssisəsindən xaric olunmağınız barədə sənədi  Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər.
Əlvan Soruşur Yazılma Tarixi:10.09.2020 01:06:22

Salam.Mən bu ilin iyul ayında hərbi xidmətə çağırıldım.02.07.2020 tarixində Quba rayon komisarlığından hərbi xidmətə yola salındım. TTM də yoxlanış zamanı onurğa stünumda əyrilik aşkarlandığına görə mən geri qaytarıldım.10.07.2020 tarixində yenidən komisarlığdan hərbi xitmətə yola salındım. Bu səfər məni TTM dən Travmatologiya ınstitutuna yoxlanış üçün göndərdilər.Yoxlanış zamanı onurğa sütunumda 16 dərəcə çərçivəsində əyrilik olduğunu və yararsız olduğumu bildirdilər.Ondan sonra isə mənə heç bir məlumat verilmədi.Zəhmət olmazsa məni bu barədə məlumatlandırın.Diqqətinizə görə təşəkkürümü bildirirəm.

Bildiririk ki, Xidmətin Quba rayon şöbəsi tərəfindən barənizdə qəbul edilmiş qərarın təsdiq olunması üçün Xidmətin Mərkəzi hərbi həkim komissiyasına təqdim olunmağınız nəzərdə tutulmuşdur. Mərkəzi hərbi həkim komissiyasında nəzarət qaydasında tibbi şəhadətləndirildikdən  sonra barənizdə müvafiq qərar qəbul ediləcəkdir. 
Elnur Soruşur Yazılma Tarixi:09.09.2020 15:39:32

Yazıb sizdən xahiş edirəm yoxlanışdan keçmişəm hələm cavabı gəlməyib xahiş edirəm araşdırın 2019 ci il iyul ayından getməli idim həqiqi hərbi xidmətə

Bildiririk ki, Siz razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Şəhadətləndirilmənin nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Cədvəldə sətir sayı :14897

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.