Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Sübhan Soruşur Yazılma Tarixi:17.01.2025 18:47:09

Salam mən tibbi kamisyanı keçmişəm və yararlı olduğumu bilmirəm mən necə öyrənə bilərəm ki yararlıyam ?

Müəyyən edilmişdir ki, 2025-ci ilin yanvar çağırışına hazırlıqla əlaqədar Siz Səfərbərlik və Hərbi Xidmətə Çağırış üzrə Dövlət Xidmətinin Gədəbəy rayon çağırış komissiyası tərəfindən çağırışçılar üçün nəzərdə tutulmuş mütləq müayinələrdən keçirilmiş, səhhətiniz ilə əlaqədar 04.12.2024-cü il tarixdə Akademik M.Ə.Mirqasımov adına Respublika Klinik Xəstəxanasına və Gəncə şəhər Psixonevroloji Dispanserinə əlavə müayinələrə göndərilmisiniz. Dövlət səhiyyə müəssisələri tərəfindən tərtib edilən “Sağlamlıq vəziyyətinin müayinə edilməsi Akt”larına müvafiq olaraq Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparıldıqdan sonra müddətli həqiqi hərbi xidmətə yararlığınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Rəhman Soruşur Yazılma Tarixi:17.01.2025 15:20:37

Hörmətli SHXÇDX,ötən ilin iyul ayında hərbi xidmətə cəlb olunmuşam. Təssüflər olsun ki, hələ də Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən yekun tibbi müayinə aparılmıyıb. Əlqərəz, 6 aydır ki yekun qərar verilməyib. Agentlik tərəfindən yekun müayinə tariximi dəqiqləşdirməyinizi xahiş edirəm.

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Müəyyən edilmişdir ki, Siz 2024-cü ilin oktyabr çağırışına hazırlıqla əlaqədar hərbi qeydiyyatda olduğunuz Xidmətin Şəki rayon şöbəsinin hərbi həkim komissiyası tərəfindən tibbi baxışdan keçirilmiş və səhhətiniz ilə bağlı əlavə müayinələrə cəlb olunmusunuz. Bildiririr ki, müayinələriniz yekunlaşdıqdan sonra Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına uyğun olaraq hərbi xidmətə yararlılığınız barədə qanunamüvafiq qərar qəbul ediləcəkdir.  
Rauf Soruşur Yazılma Tarixi:17.01.2025 14:24:45

Hərbi-həkim ekspertizası haqqında Əsasnamədə A-4 kateqoriyasının mənasını aydınlaşdırarsınız zəhmət olmasa. Məlumdurki A yararlı kateqoriyasıdır. Yanındakı rəqəm nə mənasında işlədilir?

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinə ünvanladığınız müraciətə baxılmışdır. Bildiririk ki, Siz Xidmətin Ağdam rayon şöbəsinin hərbi həkim komissiyası tərəfindən tibbi müayinələrə cəlb olunmuş və səhhətiniz ilə bağlı dövlət tibb müəssisəsinə əlavə müayinəyə göndərilmisiniz. Dövlət tibb müəssisəsi tərəfindən tərtib olunan “Sağlamlıq vəziyyətinin müayinə edilməsi Aktı”na müvafiq olaraq Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyində yekun tibbi müayinəyə cəlb olunmuş və verilən yekun tibbi rəyə əsasən Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına uyğun olaraq “hərbi xidmətə müvəqqəti yararsızdır” hesab edilmisiniz. Əlavə olaraq bildiririk ki, müddətli həqiqi hərbi xidmətə “A-4 təyinat göstəricisi ilə hərbi xidmətə yararlı” hesab edilən çağırışçılara bəzi qoşun növlərində xidmət keçməyə məhdudiyyət qoyulur (xüsusi təyinatlı hərbi hissələr, dəniz piyadası, hava desant, desant hücum heyəti və s)
Elcan Soruşur Yazılma Tarixi:17.01.2025 13:26:30

Salam mən dekabrda yekun həkim kamisyasindan keçmişəm 10 gün ərzində nəticələri deyəcik dedilər ama hələdə bir xəbər yoxdur mən son nəticəni öyrənmək istəyirəm zəhmət olmasa məlumat verərdiz .

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Müəyyən edilmişdir ki, Siz Xidmətin Ağstafa rayon şöbəsinin hərbi həkim komissiyası tərəfindən tibbi baxışdan keçirilmiş və səhhətiniz ilə bağlı dövlət tibb müəssisələrinə əlavə müayinələrə göndərilmisiniz. Barənizdə yekun tibbi rəy verilməsi üçün Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinə yekun tibbi müayinəyə cəlb olunmuş və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Hərbi xidmətə müvəqqəti yararsızdır” hesab edilmisiniz.  
Ceyhun Soruşur Yazılma Tarixi:17.01.2025 12:36:23

Salam hər vaxtınız xeyir olsun təkrar çağırış oldu və psixi problemim olduğundan Ruhi əsəb xəstəxanasına göndəriş verildi orada həkim rəyi sülh dövründə yararsız müharibə dövründə məhdud yararlı olaraq təsdiqləndi lakin vaynkamat hərbi bileti verməməkdə israr edir və bu rəylə razılaşmır amma halbuki həmin həkimə məni yönləndirən özləri olmuşdur

Hərbi xidmətə yararsız olmağınızın təsdiq edildiyi halda hərbi biletinizin verilməməsinə dair  Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır.    Bildiririk ki, 23 dekabr 2011-ci il tarixli 274 İVQ nömrəli “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, sağlamlıq vəziyyətinə görə 1 il müddətinədək möhlət verilmiş çağırışçılar möhlət müddəti bitdikdən sonra, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar isə 30 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar   Müəyyən edilmişdir ki, 15.01.2024-cü il tarixdə Xidmətin Ağdam rayon şöbəsi tərəfindən təkrar tibbi müayinəyə cəlb edilmisiniz. Nəzərdə tutulan tibbi müayinələr tam yekunlaşdıqdan sonra Xidmətin Ağdam rayon şöbəsi tərəfindən qəbul ediləcək qərar barədə Sizə məlumat veriləcəkdir. Hərbi biletiniz 28.01.2024-cü il tarixdə Xidmətin Ağdam rayon şöbəsi tərəfindən Sizə təqdim edilmişdir.            
İbrahim Soruşur Yazılma Tarixi:17.01.2025 11:27:04

Salam mən dos qefesinin hemangiomasi diaqnozu ilə hərbi xidmətə yararsiz hesab olunmuşam sonuncu dəfə 18.12.24 tarixində Milli Onkologiya Mərkəzində 14.01.25 tarixində isə Reabilitasiya mərkəzində yoxlanişdan kecmişəm.Yekun nəticələr haqqinda məlumat almaq istəyirəm zəhmət olmasa .

Müəyyən edilmişdir ki, Siz növbəti təkrar şəhadətləndirilmə zamanı qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Quba rayon şöbəsinin hərbi həkim komissiyasında tibbi baxışdan keçirilmiş və səhhətiniz ilə bağlı 16.12.2024-cü il tarixdə Milli Onkologiya Mərkəzinə, Quba rayon Mərkəzi Xəstəxanasına əlavə müayinələrə göndərilmisiniz. Dövlət tibb müəssisələrinin təqdim etdiyi “Sağlamlıq vəziyyətinin müayinə edilməsi Akt”larına müvafiq olaraq, Sizin yekun tibbi müayinəniz Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyində aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin       I qrafasının tələblərinə əsasən 17.01.2025-ci il tarixdə 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz təkrar tibbi müayinəyə cəlb olunacaq və barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin       I qrafasının tələblərinə əsasən qərar qəbul ediləcəkdir
Kamil Soruşur Yazılma Tarixi:17.01.2025 11:14:08

Salam. Dekabrın 20 sində reabilitasiya mərkəzində yoxlanışdan keçmişəm. Cavablar barədə məlumat verərdiz zəhmət olmasa.

Sizin yekun tibbi müayinəniz ƏƏSMN-nin tabeliyində Dövlət             Tibbi-Sosial Ekspertiza və Reabilitasiya Agentliyində aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin                   I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz.
Nahid Soruşur Yazılma Tarixi:16.01.2025 22:54:09

Salam Mən Əskərov Nahid Namik oğlu Masallı rayon Qeydiyatıdayam. Reabilitasiya Cavablarımı örgənmək istəyirəm. Artıq 1 il 6 aydır Heç bir cavab verilmir Gözümdən zəifliyim var Dəri üzrə reabilitasiyaya göndərmişdilər Hərbi akademiyasına sənəd verən zaman Göz dərəcəmin zəif olduğundan yararsız hesab olunmuşdum. Ama hərbi xidmətə yararlı yazmışdılar gözümdən. Reabilitasiyaya gözdən deyil dəri xəstəlikindən yazmışdılar Xahiş edirəm Bu məsələyə baxardınız

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən Sizin yekun tibbi müayinəniz aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə müvafiq olaraq “Hərbi xidmətə yararlıdır” hesab edilmisiniz. 2025-ci ilin aprel çağırışında müddətli həqiqi hərbi xidmətə göndərilməniz nəzərdə tutulmuşdur.
Ruslan Soruşur Yazılma Tarixi:16.01.2025 22:53:12

Salam 2020 vətən muharbesi iştirak etdikdən sonra dekabr aynda ağciyərə ləkə düşmesiyle 10 ay xidmət dövründə vaxdndan əvvəl ehtiyata buraxldim apreldə kamisyadan keçəcem əyər heçbir şey yoxdursa hərbi biletin yaralı olacaq ?

Təkrar tibbi müayinənin nəticəsinə əsasən sağlam hesab olunduğunuz təqdirdə hərbi biletinizdə yararlı olmağınız barədə müvafiq qeydlərin aparılmasına dair Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır.   Bildiririk ki, Azərbaycan Respublikası Nazirlər Kabinetinin 29 fevral 2008-ci il tarixli 59 nömrəli qərarı ilə təsdiq olunmuş “Hərbi-həkim ekspertizası haqqında Əsasnamə”nin 6.2-ci maddəsinə əsasən birinci və ikinci dərəcə ehtiyatda olan, əvvəllər “dinc dövrdə hərbi xidmətə yararsız, müharibə dövründə məhdud yararlı” sayılmış zabitlərin, ehtiyatda olan vətəndaşların, tibbi şəhadətləndirilmə tələb olunan hərbi vəzifələrə təyin olunmaq üçün ehtiyatda olan vətəndaşların şəhadətləndirilməsi 5 ildən bir keçirilir.            Müəyyən edilmişdir ki, Siz 15.07.2020-ci il tarixdə Xidmətin Astara rayon şöbəsinin çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq olunmuş “Hərbi-həkim ekspertizası haqqında Əsasnamə"yə əsasən “hərbi xidmətə yararlı” hesab edilərək Azərbaycan Respublikasının Silahlı Qüvvələrinə müddətli həqiqi hərbi xidmətə göndərilmisiniz. Azərbaycan Respublikası Müdafiə Nazirliyi Mərkəzi Hərbi Poliklinikasının hərbi-həkim komissiyasının 17.04.2021-ci il tarixli qərarı və “Hərbi-həkim ekspertizası haqqında Əsasnamə"nin “Xəstəliklər cədvəli”nin ll qrafasının 2-ci maddəsinin “b” bəndinə (Diaqnoz: Sol ağciyərin yuxarı payının ocaqlı vərəmi, sorulma mərhələsində, TDM(-) mənfi) əsasən “dinc dövrdə hərbi xidmətə yararsız, müharibə dövründə məhdud yararlı” hesab edilərək sağlamlıq vəziyyətinə görə vaxtından əvvəl müddətli həqiqi hərbi xidmətdən  ehtiyata  buraxılmısınız. Nəzərinizə çatdırırıq ki, bu kateqoriyadan olan vətəndaşlar təkrar tibbi müayinə zamanı “hərbi xidmətə yararlı” hesab edildikdə yararlı olmaqlarına dair hərbi biletlərində müvafiq qeydlər aparılır, lakin müddətli həqiqi hərbi xidmət müddətinin çəkilməmiş hissəsini keçmək üçün hərbi xidmətə çağırılmaları mövcud qanunvericilikdə nəzərdə tutulmamışdır.  
Sabir Soruşur Yazılma Tarixi:16.01.2025 22:02:28

Salam, bilmək istərdim ki, görmə qabiliyyətim -7 DPTR, yaxıngörməsi(miyopi), hansı kateqoriyaya aidəm bilmek istiyirdim?

Bildiririk ki, “Meridianlardan birində 6,0 DPTR-dən artıq və 8,0 DPTR-ə qədər yaxıngörməsi, anizometropiya hallarında gözlər arasında 5,0 DPTR-dən artıq istənilən refraksiya fərqinin olması” diaqnozu ilə tibbi şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər.    
Cədvəldə sətir sayı :14596

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.