Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Şahin Soruşur Yazılma Tarixi:02.10.2023 18:04:19

Salam men birsey sorusacam men Turkiyede tehsil aliram universitetim devam edir. Yalniz Anam xestelendiyi ucun tecili bakiya geldim ve mohlet kagizini ala bilmedim geldiyim gunun sabahi Herbi xidmetten mene muraciet olundu ki gelip mohlet kagizi getirmelisiniz. Men indi ise mohlet kagizini istemisem poct yoluyla gonderibler ve ama menim derslerim basladigi ucun getmeliyem mene serhedde her hansi bir mehdudiyyet qoyulubmu? Gemteyimde her hansi bir prablem varmi? Yoxsa ki mohlet kagizini gozdemeliyemmi?

Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə aidiyyəti üzrə baxılmışdır. Bildiririk ki, Siz təhsilə görə verilmiş möhlət müddətinin bitməsi ilə əlaqədar Xidmətin Abşeron rayon şöbəsi tərəfindən 2023-cü ilin yanvar çağırışına cəlb edilmiş, çağırış üzrə struktur bölməyə gəlməmiş və müddətli həqiqi hərbi xidmətə çağırışdan yayınmısınız. Sizin barənizdə aparılmış axtarış tədbirləri hər hansı nəticə vermədiyinə görə adınız 19.02.2023-cü il tarixdə “Sərhədkeçməyə məhdudiyyət siyahısı”na daxil edilmiş və dövlət sərhədindən sərbəst hərəkətiniz məhdudlaşdırılmışdır. Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinə əsasən, ali təhsil müəssisələrində və onların filiallarında  əyani təhsilalma formasında bakalavriatda, magistraturada, doktoranturada, ali baza tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət yalnız bir dəfə verilir. Eyni zamanda qeyd edirik ki, müddətli həqiqi hərbi xidmətə çağırışdan möhlət verilməsinə dair qanunvericilikdə nəzərdə tutulmuş müddəalar təkrar ali təhsil alan çağırışçılara şamil edilmir. Odur ki, Sizin barənizdə qanunamüvafiq qərar qəbul edilməsi üçün Xidmətin Abşeron rayon şöbəsinə gəlməyiniz tələb olunur.
Tural Soruşur Yazılma Tarixi:02.10.2023 00:36:41

Salam herbi xidmete hara düşməyimlə bağlı melumat istəyrəm. Baxşaliyev Tural Şakir Oğlu 30.09.2005 Şirvan Şəhəri saqolun.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz 2023-cü ilin oktyabr çağırışına hazırlıqla əlaqədar Xidmətin Şirvan şəhər şöbəsi tərəfindən tibbi şəhadətləndirilmiş, öyrənilmiş, sağlamlıq və ailə vəziyyətinizdə, eləcə də təhsilinizi davam etdirmək üçün müddətli həqiqi hərbi xidmətə çağırışdan möhlət verilməsinə əsas verən xüsusat aşkar edilməmiş və Şirvan şəhər çağırış komissiyası tərəfindən hərbi xidmətə yararlı hesab olunmusunuz. Sizin oktyabr çağırışında müddətli həqiqi hərbi xidmətə göndərilməyiniz nəzərdə tutulmuşdur. Bildiririk ki, vətəndaşların hərbi hissələrə təyin olunmaları haqqında növbəti məlumat 2023-cü il 20-25 oktyabr tarixlərində Səfərbərlik və Hərbi Xidmətə Çağırış üzrə Dövlət Xidmətinin saytında  yerləşdiriləcəkdir. Bununla yanaşı, çağırışçılar hərbi hissələrə təyin olunmaları barədə SMS vasitəsilə məlumatlandırılacaqlar.
Nahid Soruşur Yazılma Tarixi:30.09.2023 14:06:45

İyul çağrisciyam amma bir xəbər yoxdu yaralıyam yoxsa yararsiz

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz barənizdə Xaçmaz rayon çağırış komissiyası tərəfindən verilmiş qərara baxılması üçün 05.10.2023-cü il tarixdə Səfərbərlik və Hərbi Xidmətə Çağırış üzrə Dövlət Xidmətinin Mərkəzi hərbi həkim komissiyasına təqdim olunmusunuz. Mərkəzi hərbi həkim komissiyasında tibbi şəhadətləndirilmənin nəticəsinə uyğun olaraq barənizdə yekun qərar qəbul ediləcəkdir.
Şahid Soruşur Yazılma Tarixi:29.09.2023 17:42:18

Salam. Mən universitetdən çıxıram, və mənə dedilər ki 6 ay gözləməlisən, universitetdə kəsirim var idi deyə mənə iyul 2024 ə gədər möhlət vermişdilər. Mən isə oktyabrda əsgərliyə getməyi planlaşdırıram amma deyirlər 6 ay gözdəməlisən. Necə həll edə bilərəm ki oktyabrda gedə bilim əsgərliyə.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, Siz Xidmətin Sabunçu rayon idarəsinə təqdim etdiyiniz Azərbaycan Dövlət İqtisad Universitetindən xaric olmağınız barədə 02.10.2023-cü il tarixli əmrə müvafiq olaraq, qeydiyyatda olduğunuz struktur bölmə tərəfindən 2024-cü ilin aprel çağırışına cəlb olunacaqsınız. Həmçinin “Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.    
Cavid Soruşur Yazılma Tarixi:29.09.2023 14:13:00

Zəhmət olmasa hansı hərbi hissədə xidmət edəcəyimi deyə bilərsiniz? (Əlizadə Cavid Elşən oglu)

Bildiririk ki, Siz 2023-cü ilin oktyabr çağırışında Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Dövlət Sərhəd Xidmətinin Sərhəd Qoşunlarına təyin olunmusunuz.
Ruzi Soruşur Yazılma Tarixi:28.09.2023 02:04:40

Salam Sualım Hərbi Caxırışla baxlıdı.Mən Okdıyabırın 2 si Əsgər gedirəm amma hara Düşdüyüm barəsində hec bir məlumat gəlməyib sayıtda yazılır ki belə bir caxışırcı tapımadı xayiş edirəm mənə bu barədə köməylik edərdiz

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz 2023-cü ilin oktyabr çağırışına hazırlıqla əlaqədar Xidmətin Ağstafa rayon şöbəsi tərəfindən tibbi şəhadətləndirilmiş, öyrənilmiş, sağlamlıq və ailə vəziyyətinizdə, eləcə də təhsilinizi davam etdirmək üçün müddətli həqiqi hərbi xidmətə çağırışdan möhlət verilməsinə əsas verən xüsusat aşkar edilməmiş və Ağstafa rayon çağırış komissiyası tərəfindən hərbi xidmətə yararlı hesab olunmusunuz. Sizin oktyabr çağırışında müddətli həqiqi hərbi xidmətə göndərilməyiniz nəzərdə tutulmuşdur. Bildiririk ki, vətəndaşların hərbi hissələrə təyin olunmaları haqqında növbəti məlumat 2023-cü il 20-25 oktyabr tarixlərində Səfərbərlik və Hərbi Xidmətə Çağırış üzrə Dövlət Xidmətinin saytında  yerləşdiriləcəkdir. Bununla yanaşı, çağırışçılar hərbi hissələrə təyin olunmaları barədə SMS vasitəsilə məlumatlandırılacaqlar.
Toğrul Soruşur Yazılma Tarixi:27.09.2023 17:54:02

Hara düşdüm haqda məlumat

Bildiririk ki, Siz 2023-cü ilin oktyabr çağırışında Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Azərbaycan Ordusuna təyin olunmusunuz. Müvafiq olaraq Azərbaycan Ordusuna təyin olunan çağırışçıların Müdafiə Nazirliyi tərəfindən hərbi hissələr üzrə daxili bölgüsünə əsasən isə xidmət yeriniz Heydər Əliyev adına Hərbi İnstitut müəyyənləşdirilmişdir.  
Cavid Soruşur Yazılma Tarixi:27.09.2023 15:57:45

Zəhmət olmasa hansı hərbi hissədə xidmət edəcəyimi deyə bilərsiniz? (Əlizadə Cavid Elşən oglu). Xocavənd rayon Səfərbərlik və Hərbi Xidmətə Çağırış idarəsində qeydiyyatdayam.

Bildiririk ki, Siz 2023-cü ilin oktyabr çağırışında Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Dövlət Sərhəd Xidmətinin Sərhəd Qoşunlarına təyin olunmusunuz.
Rafiq Soruşur Yazılma Tarixi:27.09.2023 14:22:42

Salam. Mən Hüseynov Rafiq Ramil oğlu Sumqayıt şəhər hərbi komissarlığının qeydiyyatındayam. Təvəllüdüm 15.10.2005-ci il. Zəhmət olmasa ərazi olaraq hansı bölgədə xidmət edəcəyim barədə məlumat verərdiz. Nəzərinizə çatdırım ki, xidmət edəcəyim qoşun növü Dövlət Sərhəd Xidməti olması barədə sms məlumat almışam.

Bildiririk ki, Siz 2023-cü ilin oktyabr çağırışında Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Dövlət Sərhəd Xidmətinin Sərhəd Qoşunlarına təyin olunmusunuz. Sizin xidmət yerinizin təyin olunduğunuz hərbi hissə tərəfindən müəyyənləşdirildiyini nəzərə alaraq, aidiyyəti üzrə Dövlət Sərhəd Xidmətinə müraciət etməyinizi xahiş edirik.  
Mənsurə Soruşur Yazılma Tarixi:27.09.2023 14:06:30

Salam. Mən öyrənmək istəyirəm, uşaq - Hüseynov Rafiq Ramil oğlu (15.10.2005) ərazi olaraq hansı bölgədə hərbi xidmətdə olacaq? Nəzərinizə çatdırım ki, xidmət edəcəyi qoşun növü Dövlət Sərhəd Xidməti olması barədə sms məlumat almışıq. Minnətdarlığımı bildirirəm.

Bildiririk ki, 2023-cü ilin oktyabr çağırışına cəlb olunmuş 15.10.2005-ci il təvəllüdlü çağırışçı Hüseynov Rafiq Ramil oğlu Səfərbərlik və Hərbi Xidmətə Çağırış üzrə Dövlət Xidməti tərəfindən vətəndaşların Silahlı Qüvvələr üzrə bölgüsü əsasında müddətli həqiqi hərbi xidmət keçmək üçün Dövlət Sərhəd Xidmətinin Sərhəd Qoşunlarına təyin olunmuşdur. Silahlı Qüvvələr üzrə təyin olunan çağırışçıların xidmət yerinin təyin olunduqları hərbi hissə tərəfindən müəyyənləşdirildiyini nəzərə alaraq, Sizin aidiyyəti üzrə Dövlət Sərhəd Xidmətinə müraciət etməyinizi xahiş edirik.  
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.