Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Taleh Soruşur Yazılma Tarixi:13.09.2023 20:13:45

Salam. Mən təhsil aldığım universitetdən öz xahişimlə xaric olunmuşam. Bu halda mənim qanunvericiliyə əsasən 6 ay möhlət hüququm var. Mən bu möhlət hüququndan könüllü şəkildə imtina edib Oktyabr ayında xidmətə gedə bilərəm?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş eyni məzmunlu müraciətlərinizə baxılmışdır. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.2-ci maddəsinin tələbləri ilə ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar. Ali təhsil müəssisələrindən tədris ilinin başlanğıcında – sentyabr ayında xaric olunmasına dair əmr verilən vətəndaşların möhlət hüququnu itirərək, müddətli həqiqi hərbi xidmətə çağırılması növbəti təqvim ilin aprel çağırışında təmin edilir. Əlavə olaraq bildiririk ki, ali təhsil müəssisələrindən xaric edilmiş vətəndaşların təhsil müəssisəsinə bərpa olunması üçün müəyyən olunmuş müddət (6 aylıq dövr) başa çatmadan onların müddətli həqiqi hərbi xidmətə çağırışa cəlb olunması qanunvericilikdə nəzərdə tutulmamışdır.
Əhməd Soruşur Yazılma Tarixi:13.09.2023 19:16:32

Salam ,hər vaxtınız xeyir. Mən Doktronturaya qəbul olmuşam ( qiyabi). Qiyabi təhsildə hərbi xidmətə möhlət verilir? Yoxsa hərbi xidmətdən gələndən sonra davam etməliyəm.

Müraciətinizə cavab olaraq bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinin tələblərinə əsasən, ali təhsil pilləsinin doktorantura (adyunktura) səviyyəsində yalnız əyani təhsilalma formasında təhsil alanlara müddətli həqiqi hərbi xidmətə çağırışdan möhlət verilir. Qiyabi təhsilalma formasında doktoranturaya qəbul olan çağırışçılar ümumi əsaslarla müddətli həqiqi hərbi xidmətə çağırışa cəlb olunurlar.
Nicat Soruşur Yazılma Tarixi:13.09.2023 14:52:36

Salam. Ailədə 3 nəfərik.Mənim Qardaşımın 25 yaşı var və 1.qrup əlildir. Valideynlərim boşanıb,və anam işsizdir. Onları saxlamaq imkanına malik başqa ailə üzvü yoxdur. Aşağıda qeyd olunan bənd mənə şamil olunurmu? Hərbi vəzifə və hərbi xidmət haqqında AZƏRBAYCAN RESPUBLİKASININ QANUNU 5-ci fəsil Müddətli həqiqi hərbi xidmətə çağırışa möhlət verilməsi və çağırışdan azad etmə Maddə 19. Ailə vəziyyətinə görə çağırışa möhlət verilməsi 19.1.5. 18 yaşınadək və yaxud I dərəcə əlilliyi olan qardaş və ya bacı, onları saxlamaq imkanına malik başqa ailə üzvləri olmadıqda.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Sizə Azərbaycan Dövlət İqtisad Universitetində təhsil almağınızla əlaqədar Suraxanı rayon çağırış komissiyasının qərarı ilə 01.07.2026-cı il tarixədək müddətli həqiqi hərbi xidmətə çağırışdan möhlət verilmişdir. Siz təhsilinizi davam etdirmək üçün verilmiş möhlət müddətinin bitməsi ilə əlaqədar 2026-cı ilin iyul çağırışına cəlb olunaraq, rayon çağırış komissiyasında tibbi şəhadətləndiriləcək və öyrəniləcəksiniz. Müraciətinizdə qeyd etdiyiniz xüsusatların dəqiqləşdirilməsi üçün müvafiq komissiya tərəfindən ailə vəziyyətiniz yoxlanıldıqdan sonra ailə vəziyyətinizin “Hərbi vəzifə və hərbi xidmət haqqında” Azərbaycan Respublikası Qanununun 19-cu maddəsinin müddəalarına uyğunluğu və  həmin maddənin Sizə şamil olunub-olunmaması barədə qərar qəbul olunacaqdır.
Bəylər Soruşur Yazılma Tarixi:12.09.2023 17:35:49

Teyin oldugum herbi hiiise haqinda melumat isteyirdim

Müraciətinizlə əlaqədar bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.2.1-ci maddəsinin tələblərinə əsasən, müddətli həqiqi hərbi xidmətə Azərbaycan Respublikasının 18 yaşına çatmış kişi cinsli vətəndaşları çağırılırlar.             Qanunvericiliyə uyğun olaraq, Siz 18 yaşınızın 15 aprel 2024-cü il tarixdə tamam olması ilə əlaqədar Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz Sabunçu rayon idarəsi tərəfindən 2024-cü ilin aprel çağırışına cəlb olunacaqsınız. Məlumat üçün qeyd edirik ki, Siz 2024-cü ilin aprel çağırışına hazırlıq dövründə Sabunçu rayon çağırış komissiyası tərəfindən tibbi şəhadətləndirildikdən və öyrənildikdən sonra barənizdə hərbi xidmətə yararlılığa və hərbi hissəyə təyin olunmağınıza dair qərar qəbul edilə bilər.  
Tural Soruşur Yazılma Tarixi:12.09.2023 17:31:30

Salam. Hərbi xidmətdə olarkən 35 yaşı tamam olmuş şəxs (əsgər) hərbi xidmətdən tərxis olunurmu?

Müraciətinizə cavab olaraq bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 39-cu maddəsinə uyğun olaraq, müddətli həqiqi hərbi xidmət hərbi qulluqçuları üçün dinc dövrdə həqiqi hərbi xidmətdə olmağın son yaş həddi 36,5 yaş müəyyən edilir. Müddətli həqiqi hərbi xidmət hərbi qulluqçusu hərbi xidmətdə olarkən 35 yaşının tamam olmasına baxmayaraq, hərbi xidmət müddətini (ali təhsili olanlar – 1 il, qalan bütün əsgərlər– 1 il 6 ay) tam başa vurduqdan sonra həqiqi hərbi xidmətdən ehtiyata buraxılır.  
Bayram Soruşur Yazılma Tarixi:11.09.2023 21:00:40

Salam mən Türkiyədə Tibbdə Uzmanlıq təhsili alıram. Təhsil müddətim 5 il olduğuna dair qeydiyyatda olduğum hərbi komissarlığa təhvil vermişəm.Mənə müddətli həqiqi hərbi xidmətə çağırışdan neçə il möhlət verildiyinə dair məlumat ala bilərəmmi?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, Siz Qubadlı rayon çağırış komissiyası tərəfindən 2019-cu ilin iyul çağırışında Azərbaycan Respublikası Nazirlər Kabinetinin 2008-ci il 29 fevral tarixli 59 nömrəli qərarı ilə təsdiq olunmuş “Hərbi-həkim ekspertizası haqqında Əsasnamə”nin “Xəstəliklər cədvəli”nin müvafiq maddəsi ilə şəhadətləndirilərək, “Dinc dövrdə həqiqi hərbi xidmətə yararsız, müharibə dövründə məhdud yararlı” hesab edilmiş və hərbi vəzifəlilərin ehtiyatına keçirilmisiniz. “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinin tələblərinə əsasən, Siz hərbi vəzifəli şəxs olaraq yenidən tibbi müayinədən keçirilməyiniz və barənizdə qanunamüvafiq qərar qəbul edilməsi üçün 2022-ci ilin iyul ayından etibarən Xidmətin Qubadlı rayon bölməsinə çağırılmağınıza baxmayaraq, bu günədək çağırış üzrə struktur bölməyə gəlməmiş və təkrar tibbi müayinədən yayınmısınız (yayınırsınız). Müraciətinizə cavab olaraq bildiririk ki, sağlamlıq vəziyyətinə görə dinc dövrdə həqiqi hərbi xidmətə yararsız, müharibə dövründə məhdud yararlı sayılaraq müddətli həqiqi hərbi xidmətə çağırışdan azad edilən və 35 yaşına çatana qədər hər 3 ildən bir təkrar tibbi müayinədən keçirilməli olan vətəndaşlara digər əsaslarla (eləcə də təhsilini davam etdirmək üçün) çağırışdan möhlət verilməsi qanunamüvafiq sayılmır.  
Bayram Soruşur Yazılma Tarixi:11.09.2023 20:51:01

Salam mən Türkiyədə Tibbdə Uzmanlıq təhsili alıram. Təhsil müddətim 5 il olduğuna dair qeydiyyatda olduğum hərbi komissarlığa təhvil vermişəm.Mənə müddətli həqiqi hərbi xidmətə çağırışdan neçə il möhlət verildiyinə dair məlumat ala bilərəmmi?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, Siz Qubadlı rayon çağırış komissiyası tərəfindən 2019-cu ilin iyul çağırışında Azərbaycan Respublikası Nazirlər Kabinetinin 2008-ci il 29 fevral tarixli 59 nömrəli qərarı ilə təsdiq olunmuş “Hərbi-həkim ekspertizası haqqında Əsasnamə”nin “Xəstəliklər cədvəli”nin müvafiq maddəsi ilə şəhadətləndirilərək, “Dinc dövrdə həqiqi hərbi xidmətə yararsız, müharibə dövründə məhdud yararlı” hesab edilmiş və hərbi vəzifəlilərin ehtiyatına keçirilmisiniz. “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinin tələblərinə əsasən, Siz hərbi vəzifəli şəxs olaraq yenidən tibbi müayinədən keçirilməyiniz və barənizdə qanunamüvafiq qərar qəbul edilməsi üçün 2022-ci ilin iyul ayından etibarən Xidmətin Qubadlı rayon bölməsinə çağırılmağınıza baxmayaraq, bu günədək çağırış üzrə struktur bölməyə gəlməmiş və təkrar tibbi müayinədən yayınmısınız (yayınırsınız). Müraciətinizə cavab olaraq bildiririk ki, sağlamlıq vəziyyətinə görə dinc dövrdə həqiqi hərbi xidmətə yararsız, müharibə dövründə məhdud yararlı sayılaraq müddətli həqiqi hərbi xidmətə çağırışdan azad edilən və 35 yaşına çatana qədər hər 3 ildən bir təkrar tibbi müayinədən keçirilməli olan vətəndaşlara digər əsaslarla (eləcə də təhsilini davam etdirmək üçün) çağırışdan möhlət verilməsi qanunamüvafiq sayılmır.  
Sübhan Soruşur Yazılma Tarixi:11.09.2023 09:31:24

Salam menim ogum 2024 oktyabir 14 i 18 yaswi tamam olacaq .2024 iyul avqust aylarinda aile ile birlikde 10 gunlik gezintiye getmeye ona olkeden cixiwa icare verile biler?

Müraciətinizlə əlaqədar bildiririk ki, oktyabr çağırışına cəlb olunan və həmin çağırış ayında müddətli həqiqi hərbi xidmətə göndərilməsinə dair qərar verilən çağırışçılara çağırış ayınadək (qeyd etdiyiniz halda 2024-cü ilin oktyabr ayınadək) sərhədkeçməyə məhdudiyyət tətbiq olunmur. Bununla yanaşı bildirmək istərdik ki, vətəndaşların müddətli həqiqi hərbi xidmətə oktyabr çağırışına avqust ayından başlanılır və çağırışçıların tibbi şəhadətləndirilmələri və öyrənilmələri üçün tələb olunan vaxtda rayon (şəhər) çağırış komissiyasına gəlmələri xahiş olunur.
İlkin Soruşur Yazılma Tarixi:11.09.2023 09:28:00

Salam, övladım 2006-cı təvəllüdür. Kollecdə 2-ci kursda təhsil alır. Bilmək istəyirəm ki, hərbi xidmətdən möhlət huququ var təhsili bitənədək?

Müraciətinizlə əlaqədar bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.3-cü maddəsinə əsasən, orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış çağırışçılara 22 yaşınadək müddətli həqiqi hərbi xidmətə çağırışdan möhlət verilir. Vətəndaş tam orta təhsil səviyyəsini, yəni XI sinifi bitirərək, orta ixtisas təhsili müəssisəsinə daxil olursa, ona təhsilini davam etdirmək üçün müddətli həqiqi hərbi xidmətə çağırışdan möhlət verilmir və həmin şəxs 18 yaşı tamam olduqda ümumi əsaslarla müddətli həqiqi hərbi xidmətə çağırılır.  
Səbuhi Soruşur Yazılma Tarixi:09.09.2023 15:04:18

Salam, mən universiteti 2020-ci ildə bitirməli idim, lakin kəsrlərim olduğu üçün universiteti bitirə bilməmişəm. Təhsil aldığım ali məktəbdən mənə 2022-ci ildə arayış verilmiş və həmin arayış əsasında mənə bir il möhlət verilmişdir. 2023-cü ilin oktyabr çağırışları üçün mən tibbi komissiyadan keçdim və yəqin ki bu ayın sonunda hərbi hissəyə təyin olunacam. Lakin yenidən kəsrlərim olduğu üçün mən universitetdən arayış alaraq SHÇDX-ya təqdim etdim və orada mənim arayışım qəbul olunmadı. Hərbi vəzifə və hərbi xidmət haqqında qanunun 21-ci maddəsinə əsasən mənə təhsilimi bitirənədək möhlət verilməlidir, belə olan halda yəni mən təhsilimi bitirmədiyim halda mənim hərbi xidmətə çağırılmağım nə qədər düzgündür və hansı qanun və ya əmrlə tənzimlənir.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Bildiririk ki, müraciətiniz ilə bağlı ətraflı araşdırma aparılması və nəticəsinə dair məlumat verilməsi üçün barənizdə tələb olunan əsasların (ad, soyad, ata adı, təvəllüd, Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğunuz struktur bölməsinin adı) düzgün qeyd olunması xahiş olunur. Əlavə məlumat üçün qeyd edirik ki, təhsil alan çağırışçılara çağırışdan möhlət “Hərbi vəzifə və hərbi xidmət haqqında” Azərbaycan Respublikasının Qanununa uyğun olaraq verilir və çağırışdan möhlət hüququ olmayan və ya verilmiş möhlət müddəti bitən vətəndaşların müddətli həqiqi hərbi xidmətə çağırılması da məhz həmin qanunvericilik aktının tələbləri ilə tənzimlənir. Müddətli həqiqi hərbi xidmətə çağırışa cəlb olunan çağırışçıların hərbi xidmətə yararlılığına və bundan sonra hərbi hissələrə təyin olunmalarına dair qərarlar onların tibbi şəhadətləndirilməsi və öyrənilməsi başa çatdırıldıqdan sonra qəbul edilir. Odur ki, vətəndaşların sağlamlıq və ailə vəziyyətində mövcud olan xüsusatlar barədə məlumatları, eləcə də təhsilini davam etdirməsi barədə təhsil müəssisəsindən verilən rəsmi sənədləri çağırıldıqları çağırışa hazırlıq dövründə öyrənilmə mərhələsində rayon (şəhər) çağırış komissiyasına təqdim etmələri tələb olunur.
Cədvəldə sətir sayı :13924

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.