Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Sürət Soruşur Yazılma Tarixi:13.03.2025 22:47:04

Oğlum göz müayinəsindən keçib və müayinə nəticəsində hər iki göz üçün SE -4.25 D qeyd edilib və astiqmatizmi var. Bu nəticəyə əsasən hərbi xidmətə yararlı hesab edilirmi?

Bildiririk ki, “Hər hansı gözün meridianlardan birində 3,0 DPTR-dən artıq və 6,0 DPTR-ə qədər yaxıngörməsi və ya hər hansı gözün meridianlardan birində                            6,0 DPTR-dən artıq və 8,0 DPTR-ə qədər uzaqgörməsi, yaxud hər hansı gözdə iki əsas meridianda 2,0 DPTR-dən artıq və 4,0 DPTR-ə qədər refraksiya fərqi ilə hər növ astiqmatizm” olan çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “A-3 təyinat göstəricisi ilə hərbi xidmətə yararlıdır” hesab edilirlər.    
Cavid Soruşur Yazılma Tarixi:13.03.2025 22:39:55

Salam şəkərli divar xesderleri hərbi xidmətə yararlıdır mi ?Yararlirdirsa minumum şəkər olcu narmativi necə olmalıdır ?

Bildirilir ki, “Endokrin sisteminin xəstəlikləri, qidalanma və maddələr mübadiləsi pozulmaları üzrə: Təsdiq olunmuş şəkərli diabet (Qlükoza tolerantlığı və aclıq şəkəri olanlar istisna)” diaqnozu ilə tibbi şəhadətləndirilən çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlı” hesab edilirlər. Çağırışçılar qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və bölməsi) çağırış komissiyası tərəfindən tibbi baxışdan keçirilir, ehtiyac olduğu halda tibb müəssisəsində müayinəsi təmin olunur və hərbi xidmətə yararlı olub-olmaması barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən qərar qəbul edilir.  
Vüqar Soruşur Yazılma Tarixi:13.03.2025 22:04:06

Salam meni 27.02.2025 tarixində artıq çəki diaqnozu ilə nizami tibb mərkəzinə göndərdilər nəticələri nevaxta gelecek 104kq boy 169 yaralıyam ya yararsız

Müəyyən edilmişdir ki Siz Səfərbərlik və Hərbi Xidmətə Çağırış üzrə Dövlət Xidmətinin Gədəbəy rayon şöbəsinin hərbi həkim komissiyası tərəfindən tibbi baxışdan keçirilmiş və səhhətiniz ilə əlaqədar dövlət tibb müəssisələrinə əlavə müayinəyə göndərilmisiniz. Müayinələriniz tam yekunlaşdıqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Bu barədə Sizə Xidmətin Gədəbəy rayon şöbəsi tərəfindən məlumat veriləcəkdir.
Elməddin Soruşur Yazılma Tarixi:13.03.2025 21:06:53

Salam. Məndə 2. Dərəcəli yastıpəncəlik var, Sıradankənar hərbi xidmətə yararlı sayılıram. Sıradankənar hərbi xidmətə yararlı (B) ilə, Hərbi xidmətə yararlı (A) arasında nə fərq var? Sıradankənar olduqda hansı güzəştlər olur? Məsələn mən uzun müddət sırada dayandığım zaman ayaqlarım ağrıyır, eyni zamanda ağrı kürəyimə, onurğama vurur. Həmçinin bronjilet geyinəndə də həm ayaqlarım, həm də onurğam ağrıyır. Hərbi xidmətdə olmuşam, səfərbərlikdən yenidən təlim üçün çağırılmışam. Ona görə bilmək istəyirəm ki, sıradankənar olduqda hansı güzəştlər olunur?

Sıradankənar həqiqi hərbi xidmətə yararlılıq barədə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır. Bildiririk ki, Azərbaycan Respublikası Nazirlər Kabinetinin 29 fevral 2008-ci il tarixli 59 nömrəli qərarı ilə təsdiq olunmuş “Hərbi-həkim ekspertizası haqqında Əsasnamə”nin 2.15-ci bəndinə əsasən ilkin hərbi qeydiyyata alınarkən və hərbi xidmətə çağırılarkən vətəndaşların şəhadətləndirilməsinin nəticələrinə görə həkim-mütəxəssislər hərbi xidmətə yararlılıq haqqında aşağıdakı kateqoriyalar üzrə rəy verirlər: A - hərbi xidmətə yararlıdır; B - sıradankənar hərbi xidmətə yararlıdır; C - dinc dövrdə hərbi xidmətə yararsız, müharibə dövründə məhdud yararlıdır; Ç - hərbi xidmətə müvəqqəti yararsızdır; D - həm dinc dövrdə, həm də müharibə dövründə hərbi xidmətə yararsızdır. Hərbi xidmətə yararlı sayılmış vətəndaşlar üçün “Xəstəliklər cədvəli”nə və ƏTC-yə uyğun olaraq hərbi xidmət keçməyə görə təyinat göstəricisi müəyyən edilir. Həmin Əsasnamənin 5.1-ci bəndinə əsasən sıradankənar hərbi xidmətə yararlı və (və ya) müəyyən qoşun növündə hərbi xidmətə yararsız sayılmış hərbi qulluqçular həmin qoşun növündə arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifələrə təyin edilirlər.
Pərviz Soruşur Yazılma Tarixi:13.03.2025 19:00:35

Salamlar, 2020 ci ildə hərbi xidmətə yararsız çıxmışam amma hərbi biletim gecikdi və onu almamış ölkədən getməli oldum. Ondan sonra nə evime zəng ya məktub gəlib, nə də üç il sonra yenidən çağırmayıblar. Beş ildir artıq yararsızam amma biletim yoxdur. Umumiyyetle niyə yenidən yoxlanış üçün cagirmirlar? Sadece maraqlidir proses nece gedir.

Hərbi biletinizin təqdim edilməsinə və təkrar tibbi müayinəyə cəlb edilməyinizə dair Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş elektron müraciətinizə baxılmışdır.   Bildiririk ki, 23 dekabr 2011-ci il tarixli 274 İVQ nömrəli “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, sağlamlıq vəziyyətinə görə 1 il müddətinədək möhlət verilmiş çağırışçılar möhlət müddəti bitdikdən sonra, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar isə 30 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.   Müəyyən edilmişdir ki, Sizə səhhətinizlə əlaqədar verilmiş möhlət hüququ 06.10.2023-cü il tarixdə bitmişdir.   Eyni zamanda bildiririk ki, hərbi biletinizi təhvil almağınız və təkrar tibbi müayinə olunmağınız üçün hərbi qeydiyyatda olduğunuz Xidmətin Bakı şəhəri Nizami rayon idarəsinə müraciət etməyiniz zəruridir.             Nəzərinizə çatdırırıq ki, Azərbaycan Respublikası İnzibati Xətalar Məcəlləsinin 606.3-cü maddəsinə əsasən, çağırışçıların və hərbi vəzifəlilərin bu Məcəllənin 604-cü maddəsində nəzərdə tutulan hal istisna olmaqla, qanunla nəzərdə tutulmuş hallarda çağırış üzrə müvafiq icra hakimiyyəti orqanına üzrlü səbəblər olmadan gəlməməsinə görə - əlli manat məbləğində cərimə edilir.                                        Qeyd: Bu Məcəllənin 606.3-cü maddəsində göstərilən əməl qanuni əsas olmadan hərbi xidmətdən yayınmaq üçün növbəti hərbi çağırış və ya səfərbərlik üzrə çağırış ilə bağlı törədildikdə Azərbaycan Respublikası Cinayət Məcəlləsinin müvafiq maddəsinə əsasən cinayət məsuliyyətinə səbəb olur.      
Ramal Soruşur Yazılma Tarixi:13.03.2025 18:52:16

Əgər səfərbərlik olarsa məndə getməyə hazıram.

Sizin, səfərbərliyin elan olunması barədə məlumat almaq istəyinizlə bağlı Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi elektron ünvanına daxil olmuş müraciətinizə baxılmışdır.   Bildiririk ki, “Azərbaycan Respublikasında səfərbərlik hazırlığı və səfərbərlik haqqında” Azərbaycan Respublikası Qanununun 3-cü maddəsinə əsasən səfərbərliyin elan olunması aşağıdakı bəndlərə uyğun olaraq həyata keçirilir: - 3.1. Azərbaycan Respublikasında ümumi və ya qismən səfərbərlik elan olunur; - 3.2. Səfərbərliyin elan olunması barədə Azərbaycan Respublikası Prezidentinin qərarı dərhal mediada, bu mümkün olmadıqda isə başqa üsullarla yayılır. Nəzərinizə çatdırırıq ki, hal-hazırda ölkəmizdə səfərbərlik elan olunmamışdır. Qanunla müəyyən edilmiş vəzifə kimi Vətəni qorumağı özünüzə borc bildiyiniz üçün Sizə təşəkkür edirik!
Hafiz Soruşur Yazılma Tarixi:13.03.2025 17:10:48

Salam mən 2018-ci ildə hərbi komisyadan yoxlanışdan keçdim skalyozuma görə məni Travmatologiya və Ortopediya İnstitutuna yoxlanışa göndərdilər və 2-ci dərəcəli skalyoz ilə yararsız yazıldı. 3 il sonra yenə yoxlanışdan keçdim yenə 2-ci dərəcəki skalyoz ilə yararsız yazıldı. 2024-cü il İyun ayında təkrar yoxlanışdan keçdim bu dəfə Nizami tibb instutuna göndərildim və oradanda mənə 2-ci dərəcəli skalyoz yazıldı. Daha sonra rayon xəstəxanasında hərbi komisyanın həkimi yararsız yazdı. Ardından yanvar ayında hərbi komisarlıqdan çağırıldım və Respublika Əlillərin Bərpa Mərkəzinə aparıldım 1 ay sonra məni yenidən hərbi komisarlığa çağırdılar və aprel ayının 1-i üçün mənə göndəriş vərəqəsi verdilər və yararlı olduğumu bildirdilər. Bilmək istəyirəm ki 2-ci dərəcəli skalyoz xəstələri hərbi xidmətə yararlı hesab edilirmi? Qanunda bunun ilə bağlı bir dəyişiklik varmı?

Bildiririk ki, Siz qeydiyyatda olduğunuz Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Balakən rayon şöbəsi tərəfindən növbəti tibbi şəhadətləndirilməyə cəlb edilmiş və Akademik Z.Əliyeva adına Milli Oftalmologiya Mərkəzinə, Nizami Tibb Mərkəzinə əlavə müayinələrə göndərilmisiniz. Sizin yekun tibbi müayinəniz ƏƏSMN-nin Dövlət Tibbi-Sosial Ekspertiza və Reabilitasiya Agentliyində aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “A-3 təyinat göstəricisi ilə hərbi xidmətə yararlı” hesab edilmisiniz. Sizin 2025-ci ilin aprel çağırışı zamanı ümumi əsaslarla müddətli həqiqi hərbi xidmətə göndərilməyiniz nəzərdə tutulmuşdur. Nəzərinizə çatdırırıq ki, Sizin Əmək və Əhalinin Sosial Müdafiəsi Nazirliyinin tərkibində yaradılmış “Çağırışçıların şəhadətləndirilməsi üzrə yekun tibbi müayinəyə dair qəbul edilmiş qərarlardan verilən şikayətlərə baxan Apellyasiya Şurası”na müraciət etmək hüququnuz var.    
Elyar Soruşur Yazılma Tarixi:13.03.2025 15:05:50

Salam mən sonuncu keçdiyim müayinənin cavabını öyrənmək istəyirəm

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır.  Bildiririk ki, eyniməzmunlu müraciətinizə baxılaraq nəticəsi haqqında Sizə      18.03.2025-ci il tarixdə cavab verilmişdir.
Fərid Soruşur Yazılma Tarixi:13.03.2025 11:41:50

Salam.mən mart ayında yekun tibbi müayinədən keçmişəm. Cavabını öyrənmək istəyirdim. Təşəkkürlər

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Bildiririk ki, Siz Əmək və Əhalinin Sosial Müdafiəsi Nazirliyinin tabeliyində Dövlət            Tibbi-Sosial Ekspertiza və Reabilitasiya Agentliyi tərəfindən yekun tibbi müayinəyə cəlb olunmuş və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin               I qrafasının tələblərinə əsasən 01.07.2025-ci il tarixədək “Hərbi xidmətə müvəqqəti yararsızdır” hesab edilmisiniz.  
Yusif Soruşur Yazılma Tarixi:13.03.2025 02:23:13

Salam.Mən 3 il bundan öncə dinc dövrdə həqiqi hərbi xidmətə yararsız, müharibə dövründə məhdud yararlı hesab edilmişəm. İndi isə ikinci dəfə yoxlanış üçün haradan məlumat almalıyam ?

Müəyyən edilmişdir ki, Səfərbərlik və Hərbi Xidmətə Çağırış üzrə Dövlət Xidmətinin Bərdə rayon şöbəsi tərəfindən səhhətiniz ilə əlaqədar Sizə 12.04.2025-ci il tarixədək möhlət hüququ verilmişdir. Möhlət hüququ bitdikdən sonra, təkrar tibbi müayinəyə cəlb olunacaq və barənizdə qanunamüvafiq qərar qəbul ediləcəkdir. Əlavə olaraq bildirilir ki, Sizin qeydiyyatda olduğunuz Xidmətin Bərdə rayon şöbəsinə müraciət etməyiniz məqsədəuyğundur.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.