Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nadir Soruşur Yazılma Tarixi:07.02.2018 18:05:58

Əlizadə Ağababa Murtuz oğlu, 1995 təvəllüd, Nəsimi SXHÇDX rayon idarəsindən 2016-cı il iyul çağırışında hərbi xidmətə çağırılmışdır. Sağlamlıq vəziyyəti ilə əlaqədar müayinə göndərilmişdir. Bir sıra müayinə olub. Yastıpəncəlilik və ürəyində taxikardiya var. Yastıpəncə diaqnozu ilə hərbi xidmətə yararlı olduğunu bilir, ancaq taxikardiya ilə əlaqədar hərbi xidmətə yararlı-yararsız olduğunu bilmək istəyir. Rayon idarəsindən ona bu barədə məlumat verilməyib, yararlı-yararsız olduğunu araşdırıb, zəhmət olmasa bu barədə məlumatı qeyd edərdiz. Əvvəlcədən təşəkkürlər...

Məlum olmuşdur ki, 1995-ci il təvəllüdlü Əlizadə Ağababa Murtuz oğlu, 2018-ci ilin yanvar çağırışına hazırlıqla əlaqədar, Xidmətin Nəsimi rayon idarəsinin hərbi-həkim komissiyasında tibbi baxışdan keçirilmiş, səhhəti ilə əlaqədar aidiyyəti üzrə müayinəyə göndərilmiş və nəticədə təyin olunmuş diaqnoza müvafiq olaraq rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında Əsasnamə»nin «Xəstəliklər cədvəli»nin I qrafasına əsasən “Dinc dövründə hərbi xidmətə yararsız, müharibə dövründə məhdud yararlıdır” hesab edilmişdir. Barəsində rayon çağırış komissiyası tərəfindən qəbul edilən qərarın təsdiq edilməsi üçün, A.M.Əlizadənin şəxsi işi 07.02.2018-ci il tarixdə Xidmətin Mərkəzi hərbi həkim komissiyasına təqdim olunmuşdur. Şəhadətləndirilmə nəticəsində A.M.Əlizadə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Dinc dövrdə hərbi xidmətə yararsız, müharibə dövründə məhdud yararlıdır” hesab edilmişdir.
Yaqub Soruşur Yazılma Tarixi:07.02.2018 14:46:53

Məzunam keçən il qəbul imtahanlarında 464 bal toplamışam ancaq istədiyim universtitetə qəbul ola bilmədiyim üçün bu ilki qəbul imtahanlarındada iştirak etmək istəyirəm bu ilin iyun ayında 18 yaşım tamam olur bilmək istiyərdimki bu ilin qəbul imtahanlarında iştiral etmək üçün möhlət ala bilərəmmi və bunun üçün nə etməliyəm

Müraciətinizlə əlaqədar bildiririk ki,  2018-ci ildə respublikanın ali və orta ixtisas məktəblərinə qəbul imtahanlarında iştirak etməyiniz barədə hər hansı sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər. 
Günel Soruşur Yazılma Tarixi:06.02.2018 18:46:03

Salam.Men Seferberlik ve Herbi Xidmətə Çağırış üzrə Dövlət Xidmətinə işe qebul olmaq ücun kecirilen musabiqe ile bağlı etraflı melumatı hardan elde ede bilerem?

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz. Özünüz haqqında ətraflı məlumat təqdim etdikdən sonra barənizdə müvafiq qərar qəbul oluna bilər. Nəzərinizə çatdırırıq ki, işə qəbulla bağlı müraciət edən vətəndaşların test imtahanında ümumi bilik səviyyələri və dünya görüşləri yoxlanılır. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. İşə qəbulla bağlı müraciət etmiş vətəndaşlar Xidmətin Aparatına müsabiqəyə (test imtahanı) dəvət olunmaları növbəli qaydada həyata keçirilir.
Pərvin Soruşur Yazılma Tarixi:06.02.2018 16:02:46

Salam. Zəhmət olmasa, sualımı cavablandırardınız. Mən magistratura pilləsi üzrə ikinci kursda təhsil alıram. Magistratura təhsilini bitirdikdən sonra əyani formada doktorantura təhsili almaq fikrindəyəm. Magistratura təhsilim iyun ayında bitir, iyul ayı üçün hərbi xidmətə çağırılacağam. Doktoranturaya imtahan üçün sənədlərin qəbulu isə noyabr-dekabr aylarında olur. Sizlərə də məlum olduğu kimi, qanunvericilikdə əyani təhsilalma forması üzrə doktorantlara möhlət hüququ verilir. Mən bu hüququmdan necə istifadə edə bilərəm? Doktoranturaya qəbul imtahanlarında iştiraka görə möhlət almaq üçün hansısa sənədlər tələb olunurmu?

Müraciətinizlə əlaqədar bildiririk ki, ali təhsil müəssisəsinin doktorantura  səviyyəsinə qəbul imtahanlarında iştirak etməyiniz barədə hər hansı sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər. 
Elməddin Soruşur Yazılma Tarixi:06.02.2018 15:34:43

Salam, Mən, 2016-cı ildə Bakalavr təhsilimi bitirərək, Magistraturaya qəbul olmuşam və magistrlara verilən hərbi xidmətdən möhlət hüququndan istifadə edərək hazırda təhsilimi davam etdirirəm. 2018-ci ilin İyul ayında Universiteti bitirdiyimə görə mənə hərbi xidmətə çağırış göndəriləcək. Mən doktoranturada təhsilimi davam etdirmək istəyirəm. Bunun üçün qəbul imtahanlarında iştirak etmək üçün mənə möhlət veriləcəkmi ?

Müraciətinizlə əlaqədar bildiririk ki, ali təhsil müəssisəsinin doktorantura  səviyyəsinə qəbul imtahanlarında iştirak etməyiniz barədə hər hansı sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər. 
Salman Soruşur Yazılma Tarixi:06.02.2018 14:25:41

Salam. Mən ehtiyatda olan zabitəm. Sizdən xahiş edirəm ki, hərbi geyim forması daşımaq hüququ verilməklə həqiqi hərbi xidmətdən ehtiyata buraxılmış hərbi qulluqçulara geyim formasının və ya geyim əmlakının əvəzinə pul kompensasiyasının verilməsi qaydaları barədə məlumat verəsiniz. Əvvəlcədən Sizə öz minnətdarlığımı bildirirəm.

Müraciətinizdə qeyd etdiyiniz məsələ ilə bağlı bildiririk ki, hərbi geyim forması və ya geyim əmlakının əvəzinə pul kompensasiyası hərbi qulluqçulara həqiqi hərbi xidmətdə olduğu dövr üçün təminat normalarına əsasən verilir. Mövcud qanunvericilikdə hərbi geyim forması daşımaq hüququ verilməklə həqiqi hərbi xidmətdən ehtiyata buraxılmış şəxslərə hərbi geyim formasının və ya geyim əmlakının əvəzinə pul kompensasiyasının verilməsi nəzərdə tutulmamışdır.  
Asif Soruşur Yazılma Tarixi:06.02.2018 10:42:24

Salam mən bilmək istəyirəm ki, mənim sizdə olan sağlamlıq haqqındakı sənədim Binıqədi Voenkomadına gndərilib.

Sizin Səfərbərlik və Hərbi Xidmətə Çağırış üzrə Dövlət Xidmətinin “Sual-cavab” bölümünə göndərdiyiniz müraciətinizə tərəfimizdən baxılmışdır. Məlumat üçün bildiririk ki, sizin sağlamlıq haqqında müayinə aktınız 06.02.2018-ci il tarixdə Xidmətin Binəqədi rayon İdarəsinə daxil olmuşdur. Aidiyyəti üzrə Binəqədi rayon İdarəsinə müraciət etməyiniz tövsiyyə olunur.
Elmir Soruşur Yazılma Tarixi:06.02.2018 02:14:27

Salam Mən Vaxtindan 2 Ay Əvvəl Hərbi Xidmətə Getmək Üçün Kimə Müraciət Edə Bilərəm

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 12.2.1-ci maddəsinə əsasən Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları müddətli həqiqi hərbi xidmətə çağırılırlar. 
Hüseyn Soruşur Yazılma Tarixi:05.02.2018 13:04:06

Salam aleykum.xahiw edirem sualimi etrafli ve deqiq cavablandirardiz.men 2014cu ilde sol ag ciyer exinakokuna gore emeliyat olunmuwam.emeliyyat zamani ag ciyerime toxunulmayib.vayankumatdan meni yararli olub olmadigimi deqiqlesdirmey ucun bakiya ag ciyer instutuna gonderdiler.orda kamisiyadan kecdim ve akt gonderdiler vayankumata.aktda diaqnoz qoyulubki sol ag ciyerin exinakoka gore emeliyatdan soraki veziyyeti KLINIKI SAGALMA.bilmey isdeyirem bu diaqnoza esasen men yararli sayilib bu ilin apreli herbi xidmete gedecem yoxsa yararsiz sayilib bilet alacam.xahiw edirem arawdirib mene deqiq cavab deyerdiz.onceden sagolun.

Müraciətinizlə bağlı müvafiq araşdırmanın aparılması məqsədi ilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Cavid Soruşur Yazılma Tarixi:05.02.2018 12:53:29

Salam.Mənə göstərcəyiniz köməyə görə əvvəlcədən təşəkkürümü bildirirəm. Qisaca olaraq özüm haqda məlumat verim.Ehtiyyatda olan zabitəm.2017-ci il aprelin 19-u Səfərbırlik və Hərbi Xidmətə Çağrış üzrə Dövlət Xidmətinə imtahan vermişəm.İmtahanda zəif nəticə göstərmişəm.Təkrak imtahanda iştirak etmək üçün dəfələrlə müraciyət etmişəm.Deyilən bütün sənədləri göndərmeyimə ramən mənə təkrar imtahandan kəsilməyim haqqında məktub göndərilir. İsəyirəm ki, yenidən imtahanda iştirak etmeyimə köməkliy göstərəsiniz.Təkrar imtahanda iştirak etmək üçün nə etməliyəm?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bir daha nəzərinizə çatdırırıq ki, 01.02.2017-ci il tarixdə keçirilmiş müsabiqədə zəif nəticə göstərdiyiniz üçün, Sizin Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.