Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nurəli Soruşur Yazılma Tarixi:23.01.2018 18:23:34

Salam. Herbi biletimde tekrar muayine tarixi 03.07.2020 yazilib. Bilmek isterdimki bu il universiteti bitirdikden sonra vaxtindan evvel tekrar muayineden kecib herbi xidmete gede bileremmi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövr üçün hərbi xidmətə yararlı hesab edilmiş vətəndaşlar ümumi əsaslarla müddətli həqiqi hərbi xidmətə çağırılırlar. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür. 
Müşviq Soruşur Yazılma Tarixi:23.01.2018 17:36:55

Salam.Mənim bacım oğlunun sağ böyrəki anadan gəlmə çanaq sümüyün üstündə yerləşir.Yeriyəndə uşaq deyir sağ ayağım dartınır.Həkimlərdə hərbi xidmətə yararlıdır yazıblar.Bu gün hərbi xidmətə yola salındı.Bu qanuna uyğundumu yoxsa nece.Mümkünsə ətraflı məlumat verərdiz.

Bildiririk ki, həqiqi hərbi xidmətə çağırılmış çağırışçılar  Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamənin sağlamlıq vəziyyətinə dair əlavə tələblər cədvəli nəzərə alınmaqla tibbi müayinə olunurlar.
Tural Soruşur Yazılma Tarixi:23.01.2018 12:38:44

Salam.Mən Səfərbərlik xidmətinə işə qəbulla bağlı yazılı muraciət göndərmişəm və cavabın almışam.Mənə göndərilən cavabda mənim ehtiyata buraxılmış zabit olmadığıma görə işə qulun musbət həlli gorulməmişdir.Mən bilmək istərdimki gizir rutbəsiylə xidmətə qəbul edilə bilərəmmi.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin gizir qismində həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Nursultan Soruşur Yazılma Tarixi:23.01.2018 01:29:55

Hara dusmusem ne vaxt bilinecek? 29 yanvar cagirilmisam

  Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Elmar Soruşur Yazılma Tarixi:22.01.2018 22:02:29

MƏN HARADA XİDMƏT EDƏCƏYİMİZİ BİLMƏK İSTİYİRƏM

  Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz.            Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Nazan Soruşur Yazılma Tarixi:22.01.2018 21:33:16

Salam.Mən müəllimə işləyirəm.Könüllü hərbi xidmətə getmək istəyirəm.Necə edə bilərəm bunu?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçməyi Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Fövqəladə Hallar Nazirliyi, Dövlət Təhlükəsizlyi Xidməti, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, qeyd etdiyiniz məsələ ilə əlaqədar aidiyyəti üzrə qulluq (xidmət) etmək istədiyiniz yuxarıda qeyd olunan müvafiq dövlət orqanına müraciət etməlisiniz.
Müşviq Soruşur Yazılma Tarixi:22.01.2018 20:45:30

Salam,Hərbi xidmətə çağrılan çağrışçının sol böyreyi anadan gəlmə çanaq sümüyünün üstündə yerləşir.Bu çağrışçı hərbi xidmətə yararlımı?Və ön cəphəyə yollanıla bilərmi?

Çağırışçıların “Sidik-cinsiyyət sisteminin xəstəlikləri” üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 72-ci maddəsinin I qrafasının tələblərinə əsasən aparılır: -böyrəklərin çanaq distopiyasında çağırışçılar - “Həm dinc dövrdə, həm də müharibə dövründə hərbi xidmətə yararsız”; -böyrəyin birtərəfli çanaq distopiysında çağırışçılar - “Dinc dövrdə hərbi xidmətə yararsız, müharibə dövründə məhdud yaralı”; -ifrazat funksiyasının cüzi dərəcədə pozulması ilə böyrəklərin bel distopiyasında çağırışçılar - “Dinc dövrdə hərbi xidmətə yararsız, müharibə dövründə məhdud yaralı”; -ifrazat funksiyası pozulmadıqda bel distopiyasında çağırışçılar - “Hərbi xidmətə yararlıdır.A-3” hesab edilirlər. Əlavə olaraq bildiririk ki, çağırışçı, qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçirilərək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda qərar qəbul olunacaqdır. 
Namiq Soruşur Yazılma Tarixi:22.01.2018 16:13:33

Salam. Sizin rəsmi saytın elektron xidmətlər bölümündən işə qəbulla bağlı ərizəni göndərirəm, anketlə tərcümeyi halı yazıram, amma əlavə edilən sənədlərdə qeyd etmisiz ki, təhsil haqqında sənədin və hərbi biletin surətlərini elektron formada əlavə etməklə göndərməlidir. Orda isə ancaq Təhsil haqqında sənədi yükləmək üçün yer var, hərbi bilet üçün yer niyə yoxdur, onu hara yükləyək? Tək diplomu da yükləyib müraciəti göndərmək istəyəndə deyilir ki, sənədlərin hamısı əlavə edilməyib. indi nə edək?? Artiq ikinci dəfədir sualı verirəm, lakin mənə cavab gondərilir ki, müraciət et bölümundən sənədləri əlavə edin. Demək istədiyim odur ki, axi həmin bölümdə hərbi bileti yukləmək uçün buton yoxdur. Xahiş ətraflı məlumat verin.

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla və ya poçt vasitəsilə, işə qəbulla əlaqədar müraciət edə bilərsiniz. Ərizəyə əlavə olunan İlkin sənədlər: - tərcümeyi-hal; - şəxsiyyət vəsiqəsinin sürəti; - diplomun sürəti (təhsil haqqında sənəd); - hərbi biletin sürəti. Özünüz barənizdə təqdim etdiyiniz məlumatlar öyrənildikdən sonra işə qəbulla bağlı namizədliyinizə baxıla bilər.
Tural Soruşur Yazılma Tarixi:21.01.2018 22:49:23

Salam.Mən Ali təhsil müəssisəsində təhsil alırdım.Bu il tələbə məzuniyyəti götürdüm yəni təhsilimi dondurdum.Hərbi xidmətə getmək üçün hara müraciət edim?

Məlumat üçün bildiririk ki, “Hərbi vəzifə və hərbi xidmət haqqında “Azərbaycan Respublikası Qanununun 21.2-ci maddəsinə əsasən ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.    Qeyd etdiyiniz məsələ ilə əlaqədar bildiririk ki, Siz oxuduğunuz təhsil müəssisəsindən xaric olunmağınız barədə sənədi  Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər.
SÜBHAN Soruşur Yazılma Tarixi:21.01.2018 21:43:49

Yazib bildirmek isderdimki men 1993 ci ilde anadan olmusam herbi xidmet cekmemisem bunu sebebi eseblerimle elaqelendrlib herbi biletmede yararli yazlb buna baxmayaraq herbi xidmete aparmirlar sebeb ne ola biler ve men konulu erzeyle muraciyet etsem apararlar

Portala daxil olmuş müraciətinizə əsasən bildiririk ki, Siz keçmiş Beyləqan rayon hərbi komissarlığının hərbi-həkim komissiyası tərəfindən 29.01.2012-ci il tarixdə Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş “Hərbi-həkim ekspertizası haqqında” Əsasnaməyə əsasən Xəstəliklər cədvəlinin I qrafasının 17-ci maddəsinin “b” bəndi ilə (diaqnoz: somatoform və stresslə bağlı nevrotik pozuntular: mülayim dərəcədə ifadə olunmuş, uzunmüddətli və ya təkrarlanan xəstəlik təzahürləri olduqda) “dinc dövr üçün hərbi xidmətə yararsız, müharibə dövrü üçün məhdud yararlı” hesab edilmisiniz. 08.07.2015-ci il tarixdə təkrar tibbi müayinəyə göndərilmiş, diaqnoz təsdiq olunaraq Sizə 08.07.2018-ci il tarixədək möhlət hüququ verilmişdir. Eyni zamanda bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.