Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Emil Soruşur Yazılma Tarixi:06.08.2017 00:24:33

salam men universiteti bitirdikden sonra herbi hekim komissiyasindan kecmek ucun cagirilmisam daha sonra muxtelif xestexanalara gonderilmisem ve sonda aktimda funksiya pozgunlugu qeyd olunub herbi xidmete yararsizam lakin hele yararsiz herbi biletimi almamisam ve bu yaxinlarda bir yaxinimi Turkiye respublikasina universitete qeydiyyat ucun aparmaliyam bilmey isterdimki herbi biletimin olmamagi menim olkeden cixmagima her hansi bir manie ola bilermi,cavabiniz ucun onceden tesekkur

Bildiririk ki, Siz barənizdə yekun qərarın qəbul edilməsi üçün Xidmətin Sumqayıt şəhər  idarəsi tərəfindən Mərkəzi hərbi həkim komissiyasına  təqdim olunmalısınız.  Odur ki, təcili olaraq 11.08.2017-ci il tarixdə Xidmətin Sumqayıt şəhər  idarəsinə gəlməyiniz zəruridir. 
Eşqin Soruşur Yazılma Tarixi:05.08.2017 21:09:13

Salam men oktyabr ayında esger gedem . Menim bu ay 7 gunluk xarice cixmaq imkanim varmi ?

Bildiririk ki, 2017-ci ilin oktyabr çağırışı zamanı həqiqi hərbi xidmətə çağırılacaq vətəndaşlara avqust ayında sərhədkeçməyə məhdudiyyət qoyulmur.
Tural Soruşur Yazılma Tarixi:05.08.2017 19:45:27

Salam. Mən işlə bağlı nece müraciət edə bilərəm. ?yazılı surətdə

Bildiririk ki, 01.02.2017-ci il tarixdə keçirilmiş müsabiqədə zəif nəticə göstərdiyiniz üçün, Sizin yenidən Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Pərviz Soruşur Yazılma Tarixi:04.08.2017 21:00:12

Salam mənə 2015 ci ildə 3 illik yararsiz yaziblar 2018 ci ilə kimi. 2 ci kateqoriya ile .Xəstəliklər cədvəlinin 1ci qrafasinin 14b maddəsinə əsasən.Mən bilmək istəyirə bu ciddi bir şeydi? Mən hərbi xidmətə getmək istəyirəm yenidən kamisiyadan kece bilərəm? Qeyd edim ki mənim elə problemim yoxdur elə bir şeydən şikayətim yoxdu

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövr üçün hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür. Əlavə olaraq bildiririk ki, hərbi xidmətə yararlılıq kateqoriyasından narazı olan ehtiyatda olan hərbi vəzifəlilər barələrində çıxarılmış qərara yenidən baxılması məqsədi ilə, ərazi üzrə məhkəmə orqanlarına müraciət edə bilərlər.
Novruz Soruşur Yazılma Tarixi:04.08.2017 16:33:06

salam.Mən bu il universiteti bitirdim, komisiyadan kecdim ve müayinə üçün travmatalogiya instituna gonderiş aldım.Orada yoxlamadan sonra 3cü dərəcə yastıpəncəlik diaqnozu verildi.Yenidən Səfərbərlik və Hərbi Xidmətə Çağırış üzrə Dövlət Xidmətinin Mingəçevir Şəhər Şöbəsinə çağırıldım. Orada mənə 6 ay möhlət verildiyini və yenidən yoxlanacağımı dedilər. Halbuki həkim mənə bu xestəliyin bu yaşdan sonra müalicə edilə bilməyəcəyini söyləmişdi. Mənim işimin bu qədər uzanması nə dərəcə düzgündü və mən hərbi biletimi nə zaman ala biləcəm?

Vətəndaşlara sağlamlıq vəziyyətinə görə hərbi xidmətə çağırışdan azad edilməsinin əsaslılığı yoxlanılması məqsədi ilə Səfərbərlik və Hərbi Xidmətə Çağırış üzrə Dövlət Xidmətin rayon idarə, şöbə və ya bölməsinin hərbi həkim komissiyasının qərarlarına Xidmətin Mərkəzi hərbi həkim komissiyası tərəfindən nəzarət qaydasında baxılır. Barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Şəhadətləndirilmə nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Əlavə olaraq bildiririq ki, barənizdə rayon çağırış komissiyası tərəfindən qəbul edilən qərar Xidmətin Mərkəzi hərbi həkim komissiyasında təsdiq olunduğu halda, Siz hərbi biletlə təmin olunacaqsınız.
Mikayıl Soruşur Yazılma Tarixi:04.08.2017 15:14:08

Salam Mən Səhətimlə əlaqədar olaraq əyani təhsilimi qiyabi təhsilə transfer etdi və təhsil nazirliyi təsdiq etdi keçərli səbəb kimi və daha sonra Qeydiyyatda olduğum rayona çağrıldım daha sonra göstəriş və 2 dövlət xəstəxanasından sənədləri aldığdan sonra yenidən çağrıldıqdan sonra komisarlığın birgə hamını apardığı Səfərbərliyə məxsus tibb məntəqəsinə getdikdə orda aktda yazıldı ki Dinc dövrdə hərbi xidmətə yararsız, müharibə dövründə məhdud yararlı qeyd olundu lakin Səfərbərlik qeyd edib ki bizə hələdə sənədlər gəlməyib mənə maraqlıdı ki ildə 3 dəfə müalicə üçün Türkiyəyə xəstaxanaya gedirəm mənim ölkədən çıxışımda problem olmaz ki? qeyd edim hər il müntəzəm mualicə üçün gedirəm və İqtisad UNiversitetində Qiyabi təhsil alıram .

Müraciətinizlə bağlı müvafiq araşdırmanın aparılması məqsədi ilə  təvəllüdünüz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
İlhamə Soruşur Yazılma Tarixi:04.08.2017 10:30:49

Salam. Menim oglum idman akademiyasina qebul olacaq. Lakin akademiyaya daxil olandan sonra 17 yasi olacaq.Akademiyanin 1 kursunu bitirdikden sonra ise 18 yasi olur.Bilmek isteyirem ki qiyabi tehsil ve 1 ci kursu oxduqdan sonra her xidmete 1 il yoxsa 1 il 6 ay gedecek ? Zehmet olmasa cavablayardiz

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanunun 21.1.4-cü maddəsinə əsasən, ali təhsil müəssisələrində və onların filiallarında  əyani təhsilalma formasında bakalavriatda, magistraturada, doktoranturada, ali baza tibb təhsili və rezidenturada təhsil alanlara təhsilini bitirənədək həqiqi hərbi xidmətə çağırışdan möhlət hüququ verilir.  Qeyd edirik ki, “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsinə əsasən ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər. 
Mustafa Soruşur Yazılma Tarixi:02.08.2017 17:02:13

27 yaşlı Rusiya vətəndaşı öz ölkəsində hərbi xidmətdə olubsa, onun Azərbaycana qonaq gəlib, geri qayıtmasına qadağa qoyula bilərmi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 23.0.5-ci maddəsinə əsasən Azərbaycan Respublikasının vətəndaşlığına qəbul edilmiş və əvvəllər vətəndaşı olduğu ölkənin qanunvericiliyinə əsasən müddətli həqiqi hərbi xidmət keçmiş və ya müddətli həqiqi hərbi xidmətə çağırışdan azad edilmiş şəxslər müddətli həqiqi hərbi xidmətə çağırılmırlar.           Əlavə olaraq qeyd edirik ki, həqiqi hərbi xidmətə çağırışdan möhlət hüququ olan vətəndaşlara möhlət hüquqları qüvvədə olan müddətdə sərhədkeçməyə məhdudiyyət qoyulmur.   
Mustafa Soruşur Yazılma Tarixi:02.08.2017 16:53:22

Rusiya vətəndaşı Azərbaycanda hərbi xidmətdə ola bilərmi?

Sizin Rusiya Federasiyası vətəndaşının Azərbaycan Respublikasının Silahlı Qüvvələrində hərbi xidmətə qəbul olmasına dair müraciətinizə Səfərbərlik və Hərbi Xidmətə Çağırış üzrə Dövlət Xidmətində baxılmışdır. “Hərbi vəzifə və hərbi xidmət haqqında” Azərbaycan Respublikasının 2011-ci il 23 dekabr tarixli 274-IVQ nömrəli Qanununun 36.2-ci maddəsinə əsasən, bağlaşma əsasında həqiqi hərbi xidmətə, həmçinin əcnəbilər və vətəndaşlığı olmayan şəxslər qəbul olunurlar.
Orxan Soruşur Yazılma Tarixi:01.08.2017 14:32:12

Salam mən sizin sayta müraciət edərək özüm haqqındakı qərarı öyrənmək istiyirdim.Sizdən aldığım məlumata görə mənə 6 aylıq möhlət verilib. Bu müddət ərzində mən müalicə olunmalıyam? Əgər belə olduğu halda isə mənim müalicəmin xərci dövlət tərəfindən qarşılanırmı? Və yaxud da qeydiyyatda olduğum Bərdə rayon şöbəsi mənə müalicə üçün göndəriş verilirmi?

Bildiririk ki, həqiqi hərbi xidmətə çağırılmış çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş “Hərbi-həkim ekspertizası haqqında” Əsasnamənin sağlamlıq vəziyyətinə dair əlavə tələblər cədvəli nəzərə alınmaqla tibbi müayinə olunurlar. Əlavə olaraq qeyd edirik ki, “Hərbi vəzifə və hərbi xidmət haqqında” Azərbaycan Respublikası Qanununun 6.2-ci maddəsinə əsasən həqiqi hərbi xidmətə müvəqqəti yararsız hesab edilən şəxslər Azərbaycan Respublikasının dövlət büdcəsi hesabına dövlət tibb müəssisələrində mütləq qaydada müalicəyə göndərilməlidirlər.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.