Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Zabit Memmedov Soruşur Yazılma Tarixi:03.12.2015 20:05:49

Salam.Men Mudafie Nazirlliyi Silahli Quvvelerin Ehtiyyat zabit hazirliq kursunu Tank Taqim komandiri ixtisasini bitrib leytenant herbi rutbesin alib Mudafie Nazirliyinin terkibinde olan N sayli herbi hissede xidmet etmisem.Xidmet muddetim basa catdiqi ucun ehtiyyata buraxilmisam.Bilmek isteyrem ki Mudafie Nazirliyinden basqa hansi Nazirliye Zabit kimi xidmete qebul ola bilerem??Mudafie Nazirliyinin verdiyi herbi rutbeni hansi nazirlikler taniyir yeni kecerlidir???

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında aşağıdakı həqiqi hərbi xidmətlərə könüllü daxil olurlar: 36.1.4. zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Nicat Əliyarov Soruşur Yazılma Tarixi:03.12.2015 16:52:04

Menim 18 yasm var yanvarda aparmasalar xarici olkeye gede bilerem

Bildiririk ki, 18 yaşınız tamam olduğu üçün 2016-cı ilin yanvar çağırışı zamanı müddətli həqiqi hərbi xidmətə çağırışa cəlb ediləcəksiniz.
Heyderov Nahid Soruşur Yazılma Tarixi:03.12.2015 15:36:10

Salam. Men 2013 cu ilde qax rayon herbi komissarligindan herbi xidmete cagirilmisam ve 2013 cu ilde komissarligin xettiyle zaqatala rayon suruculuk mektebinde surucu kimi tehsil almisam. Lakin mueyyen sebeblerden imtahanda istirak ede bilmedm ve suruculuk vesiqesini ala bilmedm. Hazirda suruculuk tehsilini aldigim barede senedi men hardan ala bilerem?? Men suruculuk mektebine muraciet etdim mene bildirildiki bu senedi vere bilmeyeceyik. Bildirdilerki rusum odemelisiz. Cox xahis edirem mene bu barede komeklik gosteresiniz.

Bildiririk ki, Xidmətin yerli idarə, şöbə və bölmələrinin göndərişi ilə xüsusi hərbi ixtisaslar üzrə hazırlıq keçirən təhsil müəssisələrində təşkil olunan sürücülük kurslarında hazırlıq Azərbaycan Respublikası Silahlı Qüvvələrinin və başqa silahlı birləşmələrin sürücü mütəxəssislərlə komplektləşdirilməsi məqsədilə aparılır. Belə ki, bu kursları bitirmiş çağırışçılar müəyyən olunmuş qaydada BDYPİ-nin aidiyyəti struktur bölmələrində imtahanları verərək sürücülük vəsiqəsi əldə etməli və müddətli həqiqi hərbi xidmətdə sürücü ixtisaslı mütəxəssis kimi hərbi xidmət keçməlidirlər. Bununla yanaşı hal-hazırda Azərbaycan Respublikası Müdafiə Nazirliyi və “Hərbi Vətənpərvərlik və Mütəxəssis Hazırlığı Mərkəzi” MMC arasında bağlanmış müqavilələrin şərtlərinə əsasən, hazırlıq aparan quruma dövlət büdcəsindən yalnız sürücülük vəsiqəsi ilə müddətli həqiqi hərbi xidmətə göndərilmiş çağırışçılar üçün nəzərdə tutulmuş maliyyə vəsaiti ödənilir. Hazırlığı bitirərək sürücülük vəsiqəsi almadan müddətli həqiqi hərbi xidmətə getmiş çağırışçılar üçün isə heç bir maliyyə vəsaiti ödənilmir. Bu səbəbdən, eləcə də MMC-nin və onun filiallarının təsərrüfat hesablı (komersiya) təşkilatlar olduğunu nəzərə alaraq, müəyyən maliyyə çətinlikləri (nəzəri dərs və sürmə təlimi müəllimlərinin əmək haqlarının verilməsində və s.) yaranır. Yuxarıda qeyd olunanlarla əlaqədar “Hərbi Vətənpərvərlik və Mütəxəssis Hazırlığı Mərkəzi” MMC öz maliyyə-təsərrüfat fəaliyyətinin tənzimlənməsi məqsədilə bu məsələlərin həlli üçün müəyyən qaydalar tətbiq etmişdir. Bu səbəbdən qeyd etdiyiniz məsələ ilə bağlı MMC-nin İcra Orqanına müraciət etməyiniz tövsiyyə olunur.
Gulmemmedov Kamran Soruşur Yazılma Tarixi:03.12.2015 15:34:39

Salam . Men 2013-cu il Yanvar ayinda herbi xidmete cagrildim ve herbiye yararsiz cixdim .. Yekunda mene herbi bilet verdiler . Ama men pensiyaya cixmaq ucun Hekimden xestelik kagizimi istedim dedi vaenkomat vermelidir , geldim vaenkomata dedi hekim vermelidir , kstati meni belece firlatdilar.. 3 - cu il olmagina az qalib helede mene poveska gelmeyib ki yeniden gedim hekimden kecim .. ve size sualim budurki mene Xestelik kagizimin verilmemesi ne derecede dogrudur ? men hara shikayet etmeliyem ? Teshekkurler ..

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Namiq Museyibov Soruşur Yazılma Tarixi:03.12.2015 14:09:04

Salam. Snayper kurslarna gedmeylə snayper ixtisasına yiyələnmək olar?

Bildiririk ki, qeyd etdiyiniz ixtisas üzrə hazırlıq kursları Səfərbərlik və Hərbi Xidmətə Çağırış üzrə Dövlət Xidmətinin tabeliyində olan “Hərbi Vətənpərvərlik və Mütəxəssis Hazırlığı Mərkəzi” MMC-nin filiallarında təşkil olunur və bu kursları bitirmiş çağırışçılara müvafiq silahlı birləşmələrdə snayper vəzifəsində müddətli həqiqi hərbi xidmət keçmək üçün sertifikat verilir. Əlavə olaraq nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikasının Qanununun tələblərinə uyğun olaraq, Azərbaycan Respublikası Silahlı Qüvvələri və başqa silahlı birləşmələr tərəfindən xüsusi hərbi ixtisaslı mütəxəssislərin hazırlığına dair verilmiş sifarişlər əsasında növbəti il üçün müvafiq ixtisaslar üzrə hazırlığın keçirilib-keçirilməməsi və hazırlanmalı olan çağırışçıların sayı Azərbaycan Respublikasının Nazirlər Kabineti tərəfindən müəyyən edilir. Bununla əlaqədar 2016-cı ildə bu ixtisas üzrə hazırlığın keçirilməsi planlaşdırılmamışdır. 
Gunel Soruşur Yazılma Tarixi:02.12.2015 22:57:08

Salam men DSX de ise duzelmek isteyirem 23 yasim var tehsilim orta ixtisas tehsilidi Qax rayonunda yasayiram Rayonumuzda DSX nin qerargahi yoxdu.nece ede bilerem

Bildiririk ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Dövlət Sərhəd Xidmətinə müraciət etməlisiniz.
emin hacili Soruşur Yazılma Tarixi:02.12.2015 21:46:21

salam.evvelcenden minetdarliqimi bildirirem.polis emekdashi olub oz erizesiyle xairc olmush,hansi vezifeyle temin etmek olar sizde?yeni qebul edile biler?cox saolun..

Nəzərinizə çatdırırıq ki, müraciətinizdə özünüz barədə ətraflı məlumat vermədiyinizə görə barənizdə qərar qəbul olunması mümkün hesab edilməmişdir.
Abdullayev Hüseyn Soruşur Yazılma Tarixi:02.12.2015 16:24:20

Salam,Xahiş edirem menim sualimi cavablandirardiniz. Men 19 noyabr 2014cu il tarixinde bakida ağ ciyer exinakok qurdundan emeliyyat olunmuşam. 2017 ci il aprel ayinda esgere gedecem hemin vaxt komissiya mene yararsiz yaza bilermi?Amma menim hec bir şikayetim yoxdu. Birde mene yararli yazsalar meni cəphə xettine yaza bilerlermi?

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Rəsul Ələsgəriv Soruşur Yazılma Tarixi:02.12.2015 15:51:30

Salam mənim 18 yaşım aprel ayının 19 u tamam olur.Ağ biletdə almışam.Mən aprel ayı əsgər gedəcəm?

Bildiririk ki, 18.04.2016-cı il tarixdə 18 yaşınız tamam olduğu üçün 2016-cı ilin aprel çağırışı zamanı müddətli həqiqi hərbi xidmətə çağırışa cəlb ediləcəksiniz.
Azər Əhmədov Soruşur Yazılma Tarixi:02.12.2015 13:22:35

SHXÇDX-nə işə qəbul olmaq üçün növbəti test imtahani nə vaxt olacaq?

Müsabiqəyə dəvət olunmağınızın vaxtı barədə Sizə əlavə məlumat veriləcəkdir. 
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.