Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Mahmud Həməşəyev Soruşur Yazılma Tarixi:30.11.2015 12:24:26

Salam mən oktyabr ın 24ü sizin xidmətə imtahan vermişəm ama keçə bilməmişəm, təzədən nə vaxt imtahanda ola bilərəm və bunun üçün nə edə bilərəm? öncədən təşəkkürlər

Bir daha nəzərinizə çatdırırıq ki, 24.10.2015-ci il tarixdə keçirilmiş müsabiqənin nəticələrinə əsasən Sizin, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınız məqsədəuyğun hesab edilməmişdir.
Suleyman Sadixov Soruşur Yazılma Tarixi:29.11.2015 20:50:53

Salam. May ayin axirinda 2013 mende olmusdu komissia, dusdum negodniy. Avgust 29 2013 ilde mene verdiler herbi bilet. Indi her 3 il birdefe 35 yasina geder men gelmeliyam. 2016 ci ilde men hacan gelmeliyam mayda yada avgusta?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Nəzərinizə çatdırırıq ki, Çağırış Komissiyası və ya Hərbi-Həkim Komissiyası tərəfindən qəbul edilən qərarın tarixinə əsasən ehtiyata olan vətəndaşların (hərbi vəzifəlilərin) təkrar tibbi müayinə vaxtı müəyyən olunur. 
Mustafayev QİSMƏT Soruşur Yazılma Tarixi:29.11.2015 19:41:28

Salam. Mənim yaşım 05.11.2015 tamam olub amma çağırış gəlməyib bilmək istəyərdim çağırış nə vaxt gələcək.

Bildirilir ki, çağırış günü üçün 18 yaşı tamam olmuş və heç bir möhlət hüququna malik olmayan vətəndaşlar qanunvericiliyə müvafiq olaraq ümumi əsaslarla müddətli həqiqi hərbi xidmətə cəlb olunurlar. “Hərbi vəzifə və hərbi xidmət haqqında” Azərbaycan Respublikası Qanununun 12.3-cü maddəsinə uyğun olaraq Azərbaycan Respublikasının Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək vətəndaşlar müddətli həqiqi hərbi xidmətə çağırılırlar. Qeyd etdiyiniz məsələ ilə bağlı Xidmətin qeydiyyatda olduğunuz idarə, şöbə və ya bölməsinə müraciət etməyiniz tövsiyə olunur.
Ervin Rommel Soruşur Yazılma Tarixi:29.11.2015 18:37:47

Deməli belə,desəm ki,hərbi xidmətə getmək istəmirəm və səbəbini açıqlasam bilirəm ki,haqlıyam.O,zaman mən hərbi xidmətə yararsız hesab edilirəm(get bizə belə əsgər lazım deyil deyəcəklər?) inkişaf etmiş dövlətlərdəki kimi,yoxsa ARCM-nin 321.2-ci maddəsi ilə cinayət işi başladacaqlar inkişaf etməmiş dövlətlərdəki kimi?

Azərbaycan Respublikası Konstitusiyasının 76-cı maddəsinin I hissəsinə uyğun olaraq Vətəni müdafiə hər bir vətəndaşın borcudur.     
         “Hərbi vəzifə və hərbi xidmət haqqında” Azərbaycan Respublikası Qanununun 3.2-ci maddəsinə əsasən, Azərbaycan Respublikasının 18 yaşına çatmış və sağlamlıq vəziyyətinə görə hərbi xidmətə yararlı hər bir kişi cinsli vətəndaşı, Azərbaycan Respublikası Silahlı Qüvvələrində və qanunvericiliyə uyğun olaraq yaradılmış başqa silahlı birləşmələrdə bu Qanunla müəyyən edilmiş qaydada müddətli həqiqi hərbi xidmət keçməlidirlər.
yunis memmedov Soruşur Yazılma Tarixi:29.11.2015 15:10:28

18 yawdan yuxari pibsno almaq olar

“Hərbi vəzifə və hərbi xidmət haqqında” Azərbaycan Respublikası Qanununun 6-cı maddəsinin 1-ci bəndinə uyğun olaraq hər il yanvar-mart ayları ərzində həmin il 16 yaşı tamam olan Azərbaycan Respublikasının kişi cinsli vətəndaşları yaşayış və ya olduğu yer üzrə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində ilkin hərbi qeydiyyata alınmalıdırlar.          
   İlkin hərbi qeydiyyata alınmış vətəndaşlara ilkin hərbi qeydiyyata alma komissiyasının qərarı elan edilir, onların hüqüq və vəzifələri, ilkin hərbi qeydiyyatın qaydaları, hərbi xidmətə hazırlığın keçilməsi qaydası izah olunur və ilkin hərbi qeydiyyata alınma haqqında vəsiqə verilir. Qeyd etdiyiniz məsələ ilə bağlı Xidmətin qeydiyyatda olduğunuz idarə, şöbə və ya bölməsinə müraciət etməyiniz tövsiyə olunur.
Mövsüm Tağıyev Soruşur Yazılma Tarixi:29.11.2015 04:50:37

Salam. Mən 2016-cı ilin təxminən iyul ayında əsgər getməliyəm. Ama gözümdə zəiflik olduğu üçün qorxuram ki əsgər aparmasınlar. bu nəsə bir problem yarada bilər? . Bir sualım da var. Mənim 1.90 sm boyum var. və idman cüssəliyəm. idmanla da məşğul oluram. və istəyim odur ki Milli qvardiyada xidmət edərək cənab Prezidenti qoruyum. bunun üçün hara müraciət etmək lazımdır?

Siz tibbi şəhadətləndirilikdən və öyrənildikdən sonra rayon çağırış komissiyasında barənizdə qanunvericiliyə müvafiq qərar qəbul ediləcəkdir. Bildirilir ki, həqiqi hərbi xidmətə çağırılmış  vətəndaşlar Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında Azərbaycan Respublikası Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası haqqında» Əsasnamənin sağlamlıq vəziyyətinə dair əlavə tələblər cədvəli nəzərə alınmaqla bölünür.
Müşviq Yasinov Soruşur Yazılma Tarixi:28.11.2015 20:17:55

Ailə başçısını itirmiş , ananın himayəsində və ailədə tək uşaq olan şəxs həqiqi hərbi xidmətə çağrılırmı ?

Bildirilir ki, ailənin tək övladı olan çağırışçılara mövcud qanunvericilikdə hərbi xidmətə çağırışdan möhlət verilməsi nəzərdə tutulmamışdır.             
Ehmed Eliyev Soruşur Yazılma Tarixi:28.11.2015 19:53:24

Salam Men Beyleqan Rayon N sayli H H muddetden artiq herbi qulluqçu olmaq üçün müraciet etdim Menden istenilen senedler Beyleqan Rayon korpusa teqdim etdim 2 ay vaxt keçib hele çagirmiyiblar Sizden xaişim budur ki çagiriş haçan olaca

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Odur ki, qeyd etdiyiniz məsələ ilə əlaqədar aidiyyəti üzrə Azərbaycan Respublikasının Müdafiə Nazirliyinə müraciət etməlisiniz.
Rovzet Memmedov Soruşur Yazılma Tarixi:28.11.2015 19:41:34

Salam men Ali Tehsilliyem ve herbi xidmetide basa vurmusam.Hal hazirda ishsizem.Sizin komiteye ise duzelmey istiyirem.Ise qebul ne vaxt olacaq sizde?

Nəzərinizə çatdırırıq ki, müraciətinizdə özünüz barədə ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin işə qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz.
Cemile Soruşur Yazılma Tarixi:28.11.2015 13:10:27

Salam 23yawim var.Ali tehsilliyem Riyazi mexanika ve informasiya texnologiyalari uzre bitirmiwem.Herbide iwlemey isteyirem hara muraciet ede bilerem.Qeyd edimki Sumqayit weher sakiniyem ve burda her hansi bir herbi hissede iw tapsam cox sevinerem.

Bildiririk ki, müraciətdə qeyd etdiyiniz məsələnin həlli aidiyyəti üzrə Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinin səlahiyyətindədir. Odur ki, aidiyyəti üzrə qulluq (xidmət) etmək və ya işləmək istədiyiniz müvafiq dövlət orqanına və ya hərbi hissənin komandanlığına müraciət etməlisiniz.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.