Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Sənan Şəfiyev Soruşur Yazılma Tarixi:14.11.2015 17:04:56

Salam, Mənə 6 ay müddətinə - 07.01.2016-cı il tarixədək çağırışdan möhlət hüququ verilmişdir. Bilmək istəyirəm ki, növbəti müayinə tarixi yanvarın 7-dən sonra olmalı deyil? Məni bu ay həkim komisiyasına çağırıblar. Birdə bilmək istəyirəm ki, hər dəfə mənə möhlət hüququ 6 ay verilməsi nə dərəcə düzgündü?

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Ezizaga Abdullayev Soruşur Yazılma Tarixi:14.11.2015 15:25:58

Salam men yanvar priziveyem kecen ay meni vayenkamat cagirmiwdi getdim med kamisyalardan kewdim ve mene cagiriw vereqi verilib 01.01.2016 tarixe bu cagiriw vereqinde yazildigi tarix men herbi xidmete gedecem???

Bildiririk ki, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsi tərəfindən sizə göndərilən çağırış vərəqəsində göstərilən tarixdə orda olmalısınız. 
Kerim Elesgerov Soruşur Yazılma Tarixi:14.11.2015 14:16:40

Salam.Men seferberlik ve herbi xidmete caqiriw uzre Dovlet xidmetinde iwleye bilerem.1989 cu ilde Bakida anadan olmuwam.2007-2011 ci ilde Dovlet Beden terbiyesi Akademiyasinda oxumuwam.2011-2012 ci ilde DSX xidmet etmiwem.

Bildiririk ki, ixtisasınız Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Kamil Quliyev Soruşur Yazılma Tarixi:14.11.2015 10:16:32

salam. Mən Quliyev Kamil İbrahim oğlu Səfərbərlik xidmətimə işə qəbul olunmaq üçün sənətlərimi(Tərcümeyi-hal, ərizə, diplomun surəti, hərbi biletin surəti və şəxsiyyət vəsiqəsinin surəti) məktubla poçtdan göndərmişəm. bilmək istiyirəm sənətlərimə Kadarlar idarəsində baxılmışdır və məni test imtahanına dəvət edrlər???

Müraciətinizlə əlaqədar həftənin tək günləri Azərbaycan Respublikası  Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız. Ünvan: Bakı şəhəri, Səbail rayonu, Zərifə Əliyeva küçəsi – 30.
Rizvan Abdullayev Soruşur Yazılma Tarixi:13.11.2015 23:15:11

Salam kürəyimdə xal olduğu üçün mənə xəstəliklər cədvəlinin 10 cu maddəsinin ç bəndinə əsasən 6 ay möhlət verilib.Bu xal nə müalicə olunası bir şey deyil, nə də ki mən əməliyyat olmaq istəmirəm.Bilmək istəyirəm ki, konkret olaraq mən hərbi xidmətə yararlıyam ya yox?.

Xoşxassəli yenitörəmələrə görə şəhadətləndirilənlərə müalicə təklif olunur. Müalicə qeyri-qənaətbəxş nəticələndiyi və ya ondan imtina edildiyi hallarda Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 10-cu maddəsi tətbiq olunur.
Sənan Hüseynzadə Soruşur Yazılma Tarixi:13.11.2015 22:52:27

Salam. Mən 28.09.1999 cu ildə Bakı şəhərində doğulmuşam. 2006 cı ilə kimi Sabunçu rayonunda şəxsi evimizdə qeydiyyatda olmuşam.2006 cı ildən valideynlərimlə birlikdə Almaniyada yaşayıram.2012 ci ildən alman vətəndaşıyam və Azərbaycan Respublikası vətəndaşlığından rəsmi olaraq çıxmışam.(prezident sərəncamı ilə).Sabunçu rayonu hərbi komissarlığından hərbi mükəlləfiyyətli olmaması barədə arayış ala bilərəmmi? Təşəkkür edirəm.

Bildiririk ki, Azərbaycan Respublikasının vətəndaşı başqa ölkədə yaşayış yeri seçdikdə, yalnız həmin ölkənin vətəndaşlığını qəbul etməsi və Azərbaycan Respublikasının vətəndaşlığına xitam verilməsi barədə sənədi olduğu təqdirdə hərbi qeydiyyatdan çıxarılır. Müraciətinizə əsasən Xidmətin Sabuçu rayon idarəsi tərəfindən hazırda hərbi qeydiyyatda olmamağınız barədə arayışla təmin edilə bilərsiniz. Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 2.0.12-ci maddəsinə əsasən, Azərbaycan Respublikasının vətəndaşlığı olmayan şəxslər hərbi qeydiyyata götürülməli olmayan şəxslər hesab olunur. Bu Qanunun 2.0.11-ci maddəsinə əsasən, hərbi qeydiyyata götürülməli olmayan və istefaya buraxılmış (keçirilmiş) Azərbaycan Respublikasının vətəndaşları hərbi vəzifəli hesab edilmir.
Surac Novruzov Soruşur Yazılma Tarixi:13.11.2015 21:30:06

Salam ilk Olkemin Mudafie Eden her bir qullugcunun qasisinda bas eyrem ve sizlerle qurur duyram sualim beledir men 2010 cu ilde herbi xidmetimi bitirmisem ... men yeniden herbiye xidmete qayitmag isteyirem Maxe kimi men nece muraciyet etmeliyem ??? Xais edrem etrafli melumat yazsasiniz .cox sagolun

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Pərvin Qurbanlı Soruşur Yazılma Tarixi:13.11.2015 15:31:25

Salam men oktyabr ayinin 21-də həqiqi hərbi xidməti basa vurub təxris olunmusam və 1 gun sonra SHXÇDX-nin qeydiyat olduqum rayon uzre qeyiddiyata dusmusem lakin 1 həftə sonra Siniq korpu buraxilis menteqesinden menim olkeni terk etmeyime icaze verilmedi ve rayon SHXÇDX-ni muracet etmeyimi dediler muracet etdiyim rayon SHXÇDX-nin numayendeleri ise bizden asli bir seyin olmacdiqini bildirdilər mənə bu barədə necə komək edə bilersiniz men kimə muraciət edim?

Bildiririk ki, müraciətinizdə atanızın adı, təvəllüdünüz, Xidmətin hansı idarə, şöbə və ya bölməsində hərbi qeydiyyatda olmağınız barədə məlumat qeyd etmədiyiniz üçün müraciətinizin ətraflı araşdırılması mümkün deyil. Yuxarıda qeyd edilən məlumatlar Xidmətin saytına ediləcək təkrar müraciətinizdə qeyd edildiyi təqdirdə barənizdə araşdırma aparılaraq Sizə məlumat veriləcəkdir.
Huseyn Qurbanov Soruşur Yazılma Tarixi:13.11.2015 15:00:03

Salam men Quba Rayonunda yasayiram. Men Xarici Passport almaq isteyirem.Lakin herbiye yararsiz olduquma gore pensiyaciyam.2006 ci ilde boyreklerimden iki defe emeliuyyat olunmusam.Herbi Kamisarliqdan Nece defe gonderis veribler. Getmisem Cavablarinda getirib Herbi Kamisarliqa vermisem.Hetta 15 gun bundan once Kamisarliq meni ve menim timsalimda herbiye yararsiz usaqlari muayineye aparib.Men Xarici passport almaqnucun getdim dediler ki sen herbiye heqiqeten yararsizsansa get Kamisarliqa prapisnoyna pecat vursunlar ki sen herbiye heqiqeten yarasizsan.Kamisarliqa getdim dediler ki senin Herbi biletin gelsin ondan sora sen get xarici passport al.Mene xarici passport tecili lazimdi .Xahis edirem sizden artiq derecede mene deye bilersiz?men xarici passport almaq ucun basqa ne edim Herbi bilet gelib cixmir.Xahis edirem

Bildiririk ki, rayon və ya şəhər çağırış komissiyasının qərarı ilə (Azərbaycan Respublikası Nazirlər Kabinetinin 29 fevral 2008-ci il tarixli 59 saylı qərarı ilə təsdiq edilmiş “Hərbi həkim ekspertizası haqqında Əsasnamə”yə əsasən) “dinc dövrdə hərbi xidmətə yararsız, müharibə dövründə məhdud yararlı” hesab edilmiş çağırışçılar, barələrində qəbul edilmiş qərar təsdiq edilməsi üçün şəxsi işləri ilə birlikdə Xidmətin Mərkəzi Hərbi-Həkim Komissiyasına göndərilirlər. Xidmətin Mərkəzi Hərbi-Həkim Komissiyasının müvafiq qərarı ilə çağırışçıların hərbi xidmətə yararlılıq kateqoriyası təyin edildikdən sonra şəxsi işləri aidiyyəti üzrə Xidmətin yerli idarə, şöbə və bölməsinə geri qaytarılır. Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun 23.0.2-ci maddəsinə əsasən, sağlamlıq vəziyyətinə görə dinc dövrdə həqiqi hərbi xidmətə yararsız, müharibə dövründə məhdud yararlı, yaxud həm dinc dövrdə, həm də müharibə dövründə hərbi xidmətə yarasız sayılmış çağırışçılar müddətli həqiqi hərbi xidmətə çağırışdan azad edilirlər. Bu Qanunun 28.6-cı maddəsinə əsasən, müddətli həqiqi hərbi xidmətə çağırılan vətəndaşlara, hərbi qulluqçu hazırlayan xüsusi təyinatlı təhsil müəssisələrinin kursantlarına, çağırış komissiyasının qərarı ilə çağırışdan azad edilib ehtiyata keçirilmiş, həm dinc dövrdə, həm də müharibə dövründə hərbi xidmətə yararsız hesab edilmiş vətəndaşlara, öz razılığı ilə hərbi qeydiyyata götürülmüş 19 yaşdan 40 yaşadək qadınlara və ehtiyatda olan zabitlərə hərbi bilet verilir. Xidmətin Mərkəzi Hərbi-Həkim Komissiyasının müvafiq qərarı ilə hərbi xidmətə yararlılıq kateqoriyanız təyin edildikdən sonra şəxsi işiniz aidiyyəti üzrə Xidmətin Quba rayon şöbəsinə geri qaytarılacaq və hərbi biletin götürülməsi üçün Sizə məlumat veriləcəkdir.
Nihat Həsənli Soruşur Yazılma Tarixi:13.11.2015 14:25:23

Salam. Bu ilin sentyabr ayında Nəsimi hərbi komissarlığa çağrıldım və həkim müayinələrindən keçdim. Fərəqədəki əyrilərə görə yararsız yazdılar. Sonra oktyabr ayında mərkəsi komisiyaya çağıldım və orda da həkimlərdən keçdim. Bu gün hər bir komissarlığa getdim dedilər səni yararlı yazıblar. Halbuki, problemim ciddidir, həkimlərlərdən . Şikyəti sizə eləməliyem ya başqa bir orqana?

Sizin Xidmətin Mərkəzi Hərbi-Həkim Komissiyasında tibbi şəhadətləndirilməniz üçün Xidmətin Bakı şəhəri Nəsimi rayon idarəsinə göstəriş verilmişdir. Müayinənin nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.