Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Samir Orucov Soruşur Yazılma Tarixi:13.11.2015 02:33:05

Men Orucov Samir Saleh oglu01.10. 1990 ci ilde baki seherinde anadan olmusam. 18 yasim tamam olan zaman sehhetimde nasazliq yarandigi ucun herbi xidmete yollana bilmemisem. Hal hazirda tam saglamam. Tibbi ekspert komissiyasinin da musbet reyi var. Elillikdende imtina etmisem. Q eydiyyatda oldugum Nerimanov rayon komisarligina da muraciet etmisem. Onuda qeyd edimki Memarliq ve Insaat kollecinde tehsil aliram. Yeniden herbi ekspertizanin hekimlerinden kecib heqiqi herbi xidmete yollanmaq ucun ne etmeliyem

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
Memmedov Yunus Soruşur Yazılma Tarixi:12.11.2015 21:03:52

Salam Men Memmedov Yunus Arif oglu qeydiyyatim Suraxani rayon herbi kamissarlig. Bilmek isteyirem ki Merkezi Herbi Kamisyanin cavabi cixib ya yox? menim haqqimda hansi rey verilib xesteliyimle elaqeli. xaiw edirem cavab yazarsiz.

Məlum olmuşdur ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz, razılaşdırılmış qrafikə əsasən şəxsi işiniz ilə birgə 10.11.2015-ci il tarixdə Xidmətin Mərkəzi Hərbi-Həkim Komissiyasına təqdim olunmusunuz. Müayinənin nəticəsinə müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdır. 
Elvin Əliyev Soruşur Yazılma Tarixi:12.11.2015 19:56:01

Salam çox xaiş edirəm sualıma cavab yazın 18.01.1998 təvəllüdlüyəm Əsgərliyə nəvax aparacağlar??????

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  12.2.1-ci maddəsinə əsasən, Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları müddətli həqiqi hərbi xidmətə çağırılırlar.         Eyni zamanda bildiririk ki, 18 yaşı 2016-cı ilin yanvar ayında tamam olan kişi cinsli vətəndaşlar həmin ilin yanvar çağırışı zamanı ümumi əsaslarla müddətli həqiqi hərbi xidmətə cəlb ediləcəkdir.
Eli Ferhadov Soruşur Yazılma Tarixi:12.11.2015 18:58:01

Menim ali tehsilim yoxdur.Men esgerlikde qalib leytinat kimi isleye bilerem?

Bildiririk ki, mövcud qanunvericilikdə ali təhsil müəssisəsini bitirmiş çağırışçıların zabit hazırlığı kursuna cəlb edilməsi nəzərdə tutulmuşdur.
ELNUR BAĞIROV Soruşur Yazılma Tarixi:12.11.2015 18:14:38

SALAM MEN 25 YAŞINDA KÖNÜLÜ OLARAQ HERBİYE GETMİŞEM 2014 İYUL AYINDA TEXRİS OLMUŞAM VE HERBİ POLİSDE İŞLEMEK İSTİYİREM NECE DAXİL OLA BİLEREM HERBİ POLİS SIRALARINA XAİŞ EDİREM MENİ YÖNLENDİRESİZ DİQQETİNİZE GÖRE SAĞOLUN

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Vətəndaşların harada və hansı hərbi hissədə hərbi xidmət keçməyi qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, aidiyyəti üzrə qulluq (xidmət) etmək istədiyiniz Azərbaycan Respublikasının Müdafiə Nazirliyinə müraciət etməlisiniz.
sahil Eliyev Soruşur Yazılma Tarixi:12.11.2015 17:39:18

salam men kecen il herbiye gedmeliydim caqrs olmadi indide caqrs yolunu gozlerem gelen il martta 19yasim olacaq artq bu barede melumat almaq isderdm

Sizin təcili olaraq qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsinə müraciət etməyiniz tövsiyə olunur.
Fuad quliyev Soruşur Yazılma Tarixi:12.11.2015 17:02:58

Salam sizden bir soz sorusmaq isdeyirem Anasi 2 ci qrup olub atasi olmayan ailenin tek ovladi esger gede biler

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 19.1.1-ci maddəsinin tələblərinə əsasən, ailə vəziyyətinə görə həqiqi hərbi xidmətə çağırışdan möhlət himayəsində başqa övladı olmayan 1-ci qrup əlil ata, yaxud ana olan çağırışçılara verilir.       Eyni zamanda bildiririk ki, hazırki ailə vəziyyətinizlə əlaqədar mövcud qanunvericilikdə sizə hər hansı güzəşt nəzərdə tutulmamışdır. 
Məhəmməd Rəhimov Soruşur Yazılma Tarixi:12.11.2015 16:10:17

Mənim 18 yasim 20.01.2016 tarixində bitir. hal hazırda LDHK 9 illik bazadan 1 kurs tələbəsiyem mən 21.01.2016 tarixində həqiqi hərbi xidmətə çağırılmisam . 9 illik bazadan qebul olunanlar həqiqi hərbi xidmətə tehsil müddəti bitdikdən sonra cagrilir ola bilər ki men muəyyən muddete mohlet hüququndan istifadə edib təhsilimi davam etdirim

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinə əsasən, orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara təhsilini davam etdirmək üçün çağırışa möhlət verilir.
Orxan ehedov Soruşur Yazılma Tarixi:12.11.2015 16:05:53

Salam, Men Ehedov Orxan Elxan oglu 1998.01.31 ci ilde baki seherinde anad olmusam, size sualim odur ki men 2016 ci il yanvar cagirinda konullu olaraq gede bilerem? bele aprel cagrisina dusurem ama yanvarin 31 ad gunumdur 18 tamam olur yaraliyam herbi ag biletimde var

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.3-cü maddəsinə uyğun olaraq 2016-cı ilin yanvar ayının 1-dən 30-dək çağırış günü üçün 18 yaşı tamam olmuş kişi cinsli vətəndaşlar müddətli həqiqi hərbi xidmətə çağırılacaqlar.         Eyni zamanda bildiririk ki, siz 2016-cı ilin aprel çağırışı zamanı ümumi əsaslarla müddətli həqiqi hərbi xidmətə cəlb ediləcəksiniz.
Ruzi Cəlilov Soruşur Yazılma Tarixi:12.11.2015 15:02:34

Salam.Mən ali təhsili 2008-2012 ildə bitirmişəm.2012-2013-cü illərdə hərbi xidmətdə olmuşam.Mən zabit kimi qulluq etmək istəyirəm. Bunun üçün hansı mərhələləri keçməliyəm.Zəhmət olmazsa mənə bu haqda məlumat verəsiniz. Təşəkkür edirəm.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər  daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.