Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Araz qasimov Soruşur Yazılma Tarixi:27.02.2015 17:26:56

Bineqedi rayonu herbi kamissarliqdan tezeden komissiyadan kecmek isdeyirem sebeb saxta madde qoyulub guya ruhi xestelik olub ele bir sey yoxdur usaq vaxtinda sudurqa olub qutaribdi hammisini eden herbi kamissarligin hekimleri birde 2 sayli psixiatrik xestexana bas hekim qoyubdu

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrnində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatında olduğunuz Səfərbərlik və Hərbi Xidmətə Çağırış üzrə Dövlət Xidmətinin Binəqədi rayon idarəsinə təqdim edildiyi halda mümkündür.
Samir abilov Soruşur Yazılma Tarixi:27.02.2015 14:58:37

salam mende xayamda qirja var men herbi xidmete gede bileremmi?

Yırtıq olduqda "Xəstəliklər cədvəli"nin I-III qrafaları üzrə şəhadətləndirilənlərə cərrahi müalicə  təklif olunur. Uğurlu müalicədən sonra onlar hərbi xidmətə yararlıdırlar.
izzet celilov Soruşur Yazılma Tarixi:27.02.2015 00:40:46

Salam men qabaqcadan bile bilerem? harda herbi xidmetde olacam?

Çağırışçıların təyin olunduqları hərbi hissə haqqında məlumatları 31 dekabr, 31 mart, 30 iyun, 30 sentyabr tarixlərindən etibarən şəxsi məlumatları daxil etməklə Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər.
Zaur Huseynov Soruşur Yazılma Tarixi:27.02.2015 00:05:15

Salam. Bilmek isteyirem, rayon qeydiyatiyam. Bakida esger kimi herbi xidmetdeyem. Mezuniyyete buraxilanda mutleq qeydiyyatda oldugum herbi komisarliqda qeydiyete dushmeliyem. yoxsa Bakida da olar?

Bildiririk ki, "Hərbi xidmətkeçmə haqqında" Azərbaycan Respublikası Qanununa əsasən hərbi qulluqçulara məzuniyyətə getmək və məzuniyyətdən qayıtmaq hərbi hissə üzrə əmrlə elan olunur.
Siz, məzuniyyətin keçirildiyi yerə çatan kimi  qeydiyyatda olduğunuz idarə, şöbə və ya bölməsinə məzuniyyət biletini (vəsiqəsini) təqdim edərək hərbi qedyiyyata durmalı, qayıdanda isə qeydiyyatdan çıxmağınız tövsiyə olunur.
Azer Quliyev Soruşur Yazılma Tarixi:27.02.2015 00:02:35

10.04.1979-cu il tevelludlu ehtiyyatda olan zabitem. Saglamam. Aileliyem. Qulluga qayitmaq isteyirem. Erize ile muraciet etmishem. Cavab yoxdur.

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları bağlaşma əsasında aşağıdaki həqiqi hərbi xidmətlərə könüllü daxil olurlar:
 - Zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdəolan hərbi qulluqçular və ehtiyatda olan hərbi vəzifəlilər və qadınlar daxil olurlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək üçün Azərbaycan Respublikası Silahlı Qüvvələrinin və qanunvericilikdə nəzərdə tutulmuş digər silahlı birləşmələrin Komandanlıqlarına müraciət edə bilərsiniz. 
Eliyev Nurlan Soruşur Yazılma Tarixi:26.02.2015 21:10:19

Men 15.12.2014-cu ilde,Muddutden artiq xidmet etmek ucun sened vermisem.Hal-hazirda da cagrilmamisam.Ne vaxt cagirlacagim haqda melumat bilmek isterdim.

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları bağlaşma əsasında aşağıdaki həqiqi hərbi xidmətlərə könüllü daxil olurlar:
 - Müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək üçün Azərbaycan Respublikası Silahlı Qüvvələrinin və qanunvericilikdə nəzərdə tutulmuş digər silahlı birləşmələrin Komandanlıqlarına müraciət edə bilərsiniz. 
Təhmasib Həmidzadə Soruşur Yazılma Tarixi:26.02.2015 14:18:12

Mən bu il iyul ayında çağırışçı kimi hərbi xidmətə getməliyəm. Sağlamlığımda olan problemə - ayaqlarımın altı yastı olduğundan normal qaça bilmirəm.Həkim ayaqqabıya xüsusis "postavka" qoymağı, kökəlməməyi və ayaqüstə az durmağımı bildirir. Bilmək istərdim belə sağlamlıq vəziyyətimə görə mən hansı qoşun növündə hərbi xidmətə göndərilə bilərəm.?

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında  tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır.
Həqiqi hərbi xidmətə çağırılmış vətəndaşlar Azərbaycan Respublikası Silahlı Qüvvələrinin və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrin arasında bölünür. Çağırışçılar hansı hərbi hissədə xidmət keçməsi məsələsinə yuxarıda göstərilmiş qurumlarda baxılır.
mirsaleh memmedov Soruşur Yazılma Tarixi:26.02.2015 12:56:15

xais edirem sualima semimi cavab yazin 11.08.1998-ci ilde anadan olmusam. Men esgerliye necenci ilde ve hansi ayda, umumiyetle ne vaxt gedecem.....

"Hərbi vəzifə və hərbi xidmət haqqında" Azərbaycan Respublikası Qanununun 12-ci maddəsinin 12.2.1-ci bəndinə əsasən Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaları həqiqi hərbi xidmətə çağırılırlar.
Siz, 2016-cı ilin oktyabr çağırışında qanunvericiliyə müvafiq olaraq ümumi əsaslarla həqiqi hərbi xidmətə çağırışa cəlb olunacaqsınız.
Araz Vəliyev Soruşur Yazılma Tarixi:26.02.2015 11:44:53

Salam mən SHÇÜDX-ə işe qebulla bağlı imtahanvermişəm.özüm ehtiyyatda olan zabitəm.İmtahnadan 100 dunyagörüşü sualında 72 bal topladım.20 herbi sualından 10 düz yazdım.Yəni 5 balla kəsildim sizdən xahiş edirəm məni nəzərə alıb işə götürəsiz.Əgər mümkündürsə imtahana yenə qatıla bilərəmmi?

Nəzərinizə çatdırırıq ki, 11.09.2014-cü il tarixdə keçirilmiş müsabiqənin nəticələrinə əsasən Sizin, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınız məqsədəuyğun hesab edilməmişdir.
Shemsi Semedov Soruşur Yazılma Tarixi:26.02.2015 10:00:26

men konullu herbi xidmete getmek ucun butun senedlerimi toplamisam..topladigim senedleri getmek istediyim herbi hisseye verdim..emrim hele gelmeyib..bilmisiz neye gore olar?

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları bağlaşma əsasında aşağıdaki həqiqi hərbi xidmətlərə könüllü daxil olurlar:
 - Müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək üçün Azərbaycan Respublikası Silahlı Qüvvələrinin və qanunvericilikdə nəzərdə tutulmuş digər silahlı birləşmələrin Komandanlıqlarına müraciət edə bilərsiniz. 
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.