Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nahide Eliyeva Soruşur Yazılma Tarixi:24.02.2015 18:21:54

Men bilmek isteyirem ki .Nazirler kabineti qerar Qebul edib ki.Qadinlarda konullu herbi xidmet kece bilerler.Bes bunu nece icra etmek olar?Sexsen men konullu herbi xidmet kecib Herbici kimi islemek isteyirem.bunun ucun hara muraciret etmek lazimdi?,ve bunun icrasina ne vaxt baslanacaq.?

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları bağlaşma əsasında aşağıdaki həqiqi hərbi xidmətlərə könüllü daxil olurlar:
 - Müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək üçün Azərbaycan Respublikası Silahlı Qüvvələrinin və qanunvericilikdə nəzərdə tutulmuş digər silahlı birləşmələrin Komandanlıqlarına müraciət edə bilərsiniz. 
Baxşəliyev Bəylər Soruşur Yazılma Tarixi:24.02.2015 16:32:42

Salam adım Bəylərdi.Mənim sualım yararsız hərbi bilətlə əlaqədardır.Mən 2012-ci ilin iyul ayında hərbi xidmətimi başa vurmalı idim.Lakin xidmətimin bitməyinə 10 gün qalmış ağ ciyərin vərəmi diaqnozu ilə Ələt qəsəbəsində yerləşən hərbi hospitala yerləşdirildim.Tam sağaldıqdan sonra 31.08.2012-ci ildə sülh dövründə hərbi xidmətə yararsız, müharibə dövründə məhdud yararlı hesab edilərək ordu sıralarından təxris olundum.Sualım ondan ibarətdir ki, mən hərbi xidmətə yararlı hesab edilib hərbi biletimi dəyişə bilərəm ya yox?

Bildiririk ki, təkrar tibbi müayinə zamanı dövlət səhiyyə sistemi müəssisələrində və ya digər tibb müəssisələrində müayinə nəticəsində Sizdə əvvəllər müəyyən edilmiş diaqnoz dəyişdirildiyi halda hərbi biletinizdə müvafiq qeydlər aparılacaqdır.
Rufet Memmedov Soruşur Yazılma Tarixi:24.02.2015 14:29:45

salam.menim atam anamla men teze doguldugum zamandan bosaniblar.men anamla tek yasayirdim.anam da yayda rehmete getdi.bir bacim var o da coxdandir ki, aile qurub bakida yasayir.bu yaxinlarda evlendim.meni esgeri apararlarmi?

Qeyd etdiyiniz məsələ ilə bağlı "Hərbi vəzifə və hərbi xidmət haqqında" Azərbaycan Respublikası Qanununda heç bir müddəa nəzərdə tutulmamışdır.Siz, qanunvericiliyə müvafiq olaraq ümumi əsaslarla həqiqi hərbi xidmətə çağırışa cəlb olunacaqsınız.
sahil Soruşur Yazılma Tarixi:24.02.2015 14:11:53

Aile veziyyetine gore nece mohlet goturmek olar

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 19-cu maddəsinə əsasən ailə vəziyyətinə görə müddətli həqiqi hərbi xidmətə çağırışa möhlət himayəsində aşağıdakı şəxslər olan çağırışçılara verilir:
1. başqa övladı olmayan I qrup əlil ata, yaxud ana;
2. 3 və daha çox uşaq;
3.I qrup əlil arvad;
4. 8 yaşınadək 3 və daha çox uşağı olan ana (ailədə ata olmadıqda) və ya ata (ailədə ana olmadıqda);
5. 18 yaşınadək və yaxud I qrup əlil qardaş və ya bacı, onları saxlamaq imkanına malik başqa ailə üzvləri olmadıqda.
huseynov elnur Soruşur Yazılma Tarixi:24.02.2015 02:32:26

Salam xais edrem sualma cavab veresiniz.Mayda menim 17 yasim olacaq elebir herbi mekteb var ki men herbini oxuyum.Men herbici olmaq cox isteyrem. Esger getmemisden qabaq oxmaq isteyrem

Qeyd etdiyiniz məsələ ilə bağlı hərbi qulluqçu hazırlayan xüsusi təinatlı təhsil müəssisələrinə müraciət etməyiniz tövsiyə olunur.
Famil Ekberli Soruşur Yazılma Tarixi:23.02.2015 23:31:57

Salam men 1995tevelutdenem meni disimde 2 ci derece arali qalma var bu esger getmeyime mane olmur?gede bilerem

N.İ. Aqapova görə 60 faizdən az çeynəmə səməriliyi ilə II dərəcəli dişləm animaliyası (dişləmin 5 mm-dən 10 mm-ə qədər aparılması) və ya dişlımin 10 mm-dən  artıq aralanması ilə (çeynəmənin səmərəliyi nəzərə alınmadan) II dərəcəli dişləm anomaliyası olduqda çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 56-cı maddəsinin "b" bəndinin I qrafasının tələblərinə əsasən "Sülh dövründə hərbi xidmətə yararsız, müharibə dövründə müvəqqəti yararsız" hesab edilirlər.
Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında  tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Logman Hemzeyev Soruşur Yazılma Tarixi:23.02.2015 20:47:40

Salam. Mene rayon cagiris komissiyasinda tibbi baxisdan kecerken elimde olan kesiye gore Respublika Psixatriya xestexanasina gonderis vermisdiler. Bu ayin 11-de hemen xestexanaya getdim komissiyadan kecdim. Artiq ustunnen 10gunnen cox kecib helede rayon sobesine cavab qayitmayib. Aprel ayinda 18yasim tamam olur ve herbi xitmete getmeliyem, helede mene cagiris vereqesi verilmeyilib. Bilmek isteyirdimki bu cavab nece gune qayitmalidi?

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
samadov kenan Soruşur Yazılma Tarixi:23.02.2015 20:21:51

Salam aleykum menim size bir sualim var xais edirem cavablandirasiz.. men hal hazirda rusiya vetandawiyam ve azerbaycanda olanda sumqayit herbi kamisarliqinda qeydiyatda olmusam sora geldim rusiyaya ve buranin vetandasliqin aldim ve buranin herbi kamisarliqina qeydiyata dusdum indi men burda kollecde oxuyuram ve 2 aya qurtariram ve meni esgerliye caqiracaqlar burdan ama men iseemirem burda esgerlik cekmek .. sualim odurki men ora gelsem orda nece il xidmet edecem 1 il ya 1 il 6 ay ? Onuda deyimki 95 ci ilem 3 ildi oxuyuram burda mayda qurtaracam azerbaycan vetandadliqindanda otkaz elememisem

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 12.9-cu maddəsinə əsasən xarici dövlətin vətəndaşlığınıı qəbul etmiş, lakin Azərbaycan Respublikasının vətəndaşlığına xitam verilməmiş çağırıçılar ümumi əsaslarla müddətli həqiqi hərbi xidmətə çağırılırlar.
"Hərbi vəzifə və hərbi xidmət haqqında Azərbaycan Respublikası Qanununun 38.1.1 maddəsinə əsasən, ali təhsili olanlar 1 il, qalan bütün əsgərlər, matroslar və çavuşlar - 1 il 6 ay
Memmedov Elsen Soruşur Yazılma Tarixi:23.02.2015 18:03:44

Salam. men ali tehsilliyem..Azerbaycan Turizm Inistitutun bitirmishem..esgerliyimi 2012-2013 cu illerde Daxili Qoshunlarda esger kimi cekmishem..indi zabit kimi yeniden herbiye qayida bilerem? Milli Orduya..

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununun 36.1-ci maddəsinə əsasən həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları bağlaşma əsasında aşağıdaki həqiqi hərbi xidmətlərə könüllü daxil olurlar:
 - Zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdəolan hərbi qulluqçular və ehtiyatda olan hərbi vəzifəlilər və qadınlar daxil olurlar.
Bu səbəbdən Siz yuxarıda qeyd olunan tələblərə cavab verdiyiniz halda, hərbi xidmət keçmək üçün Azərbaycan Respublikası Silahlı Qüvvələrinin və qanunvericilikdə nəzərdə tutulmuş digər silahlı birləşmələrin Komandanlıqlarına müraciət edə bilərsiniz. 
Babayev Ramin EfladdIn oglu Soruşur Yazılma Tarixi:23.02.2015 16:12:14

salam xidmet etmek isteyirem konuluk

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 12.3-cü maddəsinə uyğun olaraq Azərbaycan Respublikası Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayanvə ya müddətli həqiqi hərbi xidmətə çağırışdan azad edilməyən çağırış günü üçün 18 yaşı tamam olmuş 35 yaşınadək vətəndaşlar müddətli həqiqi hərbi xidmətə çağırılırlar.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.