Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Nihat Semedov Soruşur Yazılma Tarixi:10.01.2015 18:20:21

Men SHXCDX-nin oguz rayonu bolmesine ise qebul olunmaq ucun elektron senedlerimi hansi unvana vere bilerem?

Bildiririk ki, www.seferberlik.gov.az saytının "elektron xidmətlər" bölümünə daxil olaraq müvafiq elektron xidmətlərdən birini  seçərək müraciət edə bilərsiniz.
huseyn muradov Soruşur Yazılma Tarixi:10.01.2015 00:11:15

salam men muradov huseyn azer oglu 1996ci ilde anadan olmusam xetai rayonu herbi kamisarliqindan oktyabir ayinda tibbi muayineye gonderilmisem yasti pencelik uzre yanvar ayidi hele bir cavab gelmiyib xahs edirem men herbi xidmete yararliyam ya yox ? bir cavab deyerdiz cox isderdim ama herbi xidmetde olum herbici olmaqdi en boyuk arzum

Siz, 11.11.2014-cü il tarixdə Xidmətin Mərkəzi Hərbi-Həkim Komissiyasında tibbi şəhadətləndirilmiş və müayinə nəticəsində təyin olunmuş diaqnoza müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 68-ci maddəsinin "c" bəndinin I qrafasının tələblərinə uyğun olaraq "Sülh dövründə hərbi xidmətə yararsız, müharibə dövründə məhdud yararlı" hesab edilmisiniz.
Əlavə olaraq bildiririk ki, hərbi qeydiyyat sənədləri ilə təmin edilməniz üçün Xidmətin Xətai rayon idarəsinəmüraciət etməlisiniz. 
Miri Seyidov Soruşur Yazılma Tarixi:09.01.2015 23:50:19

Salam men nekadr leytenant kimi getmey isdiyirem.bu haqada hardan melumat ala bilerem?

Bildiririk ki, Azərbaycan Respublikası Müdafiə Nazirliyindən  verilmiş müəyyən sayda sifarişə əsasən yalnız həkim ixtisaslı mütəxəssislərin Təlim və Tədris Mərkəzindən ehtiyat zabit hazırlığı kursunda təhsil alması nəzərdə tutulmuşdur.
Mustafayev Camaleddin Soruşur Yazılma Tarixi:09.01.2015 22:46:47

Salam Bir valdeyin olaraq bilmek isteyirem oglumun agciyer inustutundan akdi gelmemis dusduyu herbi hisse teyin edilmisdi. Bu duzgundumu?

Sizin ünvanladığınız suala dəqiq və dolğun cavab verilməsi üçün oğlunuzun soyadını, adını, atasının adını, təvəllüdünü və qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Sahil Aslanov Soruşur Yazılma Tarixi:09.01.2015 22:17:18

Salam men 28 oktiyabr 2014 cu il tarixindeGedebey rayon komisarliqindan herbi hospitala yoxlanisa gonderildim ve bu gune qeder nece defe muraciet etsemde helede cvb gonderilmeyib sonuncu defe dekabrin 19 getdim dediler bir hefteye gondereceyik helede bir xeber yoxdu defelerle Gedebey rayon Herbi komissarliqna getsemde deyilir hele cavab gelmeyib bizlik bir is yoxdu ve men dovllet qulluqna senet vermisem ve uqurla birinci merheleni 89 balla kecmisem ve ikinci merhele 10-15 gun icerisinde olacaq ve neticede mende herbi haqqinda sened teleb edecekler,cavabin gonderilmesi ucun men hara muraciet etmeliyem basqa?ya hara sikayet ede bilere cavab gonderilsin deye

Siz, 28.10.2014-cü il tarixdə Xidmətin Mərkəzi Hərbi-Həkim Komissiyasında tibbi şəhadətləndirilmiş və müayinə nəticəsində təyin olunmuş diaqnoza müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 2-ci maddəsinin "c" bəndinin I qrafasının tələblərinə uyğun olaraq "Sülh dövründə hərbi xidmətə yararsız, müharibə dövründə məhdud yararlı" hesab edilmisiniz.
Əlavə olaraq bildiririk ki, hərbi qeydiyyat sənədləri ilə təmin edilməniz üçün Xidmətin Gədəbəy rayon şöbəsinə müraciət etməlisiniz. 
Hecer Esedova Soruşur Yazılma Tarixi:09.01.2015 21:45:15

Salam.qardasim Sekmir193e dusub.amma Genceye apariblar.indi 3aydan sonra Semkire aparacaqlar?sonra orda/Semkir 193 de/ xidmet edecek?yoxsa yene basqa yere gonderecekler?

Qeyd etdiyiniz məsələ ilə bağlı qardaşınızın xidmət etdiyi hərbi hissənin komandirinə müraciət etməyiniz tövsiyə olunur.
Jalə Rəhimova Soruşur Yazılma Tarixi:09.01.2015 20:21:23

Salam. Mәnim dostum bu il universiteti bitirib mabistraturaya imtahan verәcәk. İndi bilmәk istәyirәm magistraturaya qәbul olsa hәrbi xidmәtә gedәcәkmi? yoxsa oxuyub başa vurandan sonra.

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 21-ci maddəsinə əsasən təhsilini davam etdirmək üçün çağırışçılara təhsilini bitirənədək yalnız bir dəfə möhlət verilir.
Məhərrəm Şisrnalıyev Soruşur Yazılma Tarixi:09.01.2015 16:03:39

Salam. Mən ali təhsilli hüquqşunasam.Təhsilimi Moskava şəhərində almışam. SHXÇDX -nə işə qəbul olmaq istəyərdim. Hara müraciət və hansı qaydada etmək lazımdır.

Bildiririk ki, Səfərbərlik və Hərbi Xidmətə Çağırış üzrə Dövlət Xidmətinə işə qəbulla əlaqədar barənizdə ətraflı məlumat verilməklə ərizə ilə müraciət etməyiniz tövsiyə olunur.
Ünvan: Bakı şəhəri, Səbail rayonu, Zərifə Əliyeva küçəsi 30.
Tural Zeynalov Soruşur Yazılma Tarixi:09.01.2015 15:12:07

Salam.Mən evin tək oğluyam nə bacım nə də qardaşım var.Atam rəhmətə gedib.Mən hərbi xidmətə gedəcəm?

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununda qeyd etdiyiniz məsələ ilə bağlı heç bir müddəa nəzərdə tutulmamışdır.
namazov zahid Soruşur Yazılma Tarixi:09.01.2015 12:46:04

salam men MN 950 ye havada quvvelere duwmuwem deye bilersiz ora haradi ?

Hərbi hissə nömrələrinin və dislokasiya yerlərinin məxfi olduğunu nəzərə almağınızı xahiş edirik və bu mövzuda suallar tərəfimizdən cavablandırılmayacaqdır.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.