Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Emin Soruşur Yazılma Tarixi:01.07.2014 11:34:12

salam.mənim çağırış vərəqəmdə 11 iyul yazılıb.elektron xidmətdən hansı hissəyə düşdüyümü öyrənmək istədim ama axtarışa uygun nəticə çıxmadı.qeydiyyatda oldugum yasamal rayon dövlət idarəsinə getdim,divarda çağırışçıların gedəcəyi hissələr yazılmışdı.siyahıda adım yox idi.oradaki məsul şəxslərdən birindən soruşdum xəstə oldugum üçün adımın siyahıya salınmadığını və yenə zəng edib çağıracaqlarını dedi.\nindi mən bilmək istəyirəm ki çağırış vərəqəsi verildiyi halda adım siyahıya salınmayıbsa hərbi xidmətə yararsız bileti ala bilərəm mi?

Siz, 2014-cü ilin iyul çağırışı zamanı Səfərbərlik və Hərbi Xidmətə Çağırış üzrə Dövlət Xidmətinin Mərkəzi Hərbi-Həkim Komissiyası tərəfindən təkrar şəhadətləndirildikdən və öyrənildikdən sonra barənizdə qanuna müvafiq qərar qəbul ediləcəkdir. Hər hansı qərar qəbul edildikdən sonra Sizə əlavə olaraq məlumat veriləcəkdir.
novruz Soruşur Yazılma Tarixi:01.07.2014 11:24:10

texnikomda oxuyuram 30.06.2015 de qutaracam texnikomu.universitede vermek isdeyirem.alina biler.yoxsa qutaran kimi getmeliyem.vaxt verilecek.universitete hazirlawmaq ucun??

Siz, 30.06.2015-ci ildə orta-ixtisas təhsil müəssisəsini bitirdikdən sonra çağırışdan möhlət hüququnu itirərək, ümumi əsaslarla həqiqi hərbi xidmətə çağırışa cəlb ediləcəksiniz.\nBildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 21-ci maddəsinə əsasən təhsilini davam etdirmək üçün çağırışçılara təhsilini bitirənədək yalnız bir dəfə möhlət verilir.
Balabəy Soruşur Yazılma Tarixi:01.07.2014 10:56:30

Salam.Size sualım beledir ki,men ali tehsilliyem iyul ayının 25 i herbi xidmete gedirem.Men 1 ilden sora herbi xidmeti başa vurduqdan sonra ayın necesi getmişemse həmin vaxtda da qayıdıram? yoxsa ferqi yoxdur?

Bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 38.1.1 maddəsinə əsasən, ali təhsilli çağırışçılar təqvim hesabı ilə 1 il, qalan çağırışçılar isə 1 il 6 ay müddətli həqiqi hərbi xidmət keçirlər.
Anar Salmanzade Nizami oglu 1991.11.23 Soruşur Yazılma Tarixi:01.07.2014 10:35:08

Salam. Menim ayagimda birinde 2-ci birinde 3-cu dereceli yastipencelik qeyd olunub.Bilmek isterdim men herbiye gedeceyem ya yox.

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır..
ferid Soruşur Yazılma Tarixi:01.07.2014 10:26:31

051 nomreli herbi hisse harda yerlesir ve hansina aiddir:dq dsx sq ve s.

Qeyd etdiyiniz məsələ ilə bağlı Müdafiə Nazirliyinə müraciət etməyiniz tövsiyə olunur.
Zulfuqar Soruşur Yazılma Tarixi:01.07.2014 10:22:57

Salam,men yasamal rayonu vaenkomatinin iyul caqiriwcisiyam,men vaenkomata gedib muayinelerden kecdim,meni 2n-li xestexanaya gonderdiler,netice hec bir problem cixmadi,ama caqiriwcilar siyahisinda adim cixmayib indi vaenkomata getdim dediler umumi muayine ucun Seferberliyin xestexanasinda muayine ol bunun sebebini bilmek istirem hec bir problem yoxdusa niye yubadirlar meni? men bu prizriv getmek istirem xidmete...

Vətəndaşlara saölamlıq vəziyyətinə görə hərbi xidmətə çağırışdan möhlət verilməsinin və ya çağırışdan azad edilməsinin əsaslılığı yoxlanılması məqsədi ilə Səfərbərlik və Hərbi Xidmətə Çağırış üzrə Dövlət Xidmətin rayon idarə, şöbə və ya bölməsinin hərbi-həkim komissiyasının qərarlarına Xidmətin Mərkəzi Hərbi-Həkim Komissiyası tərəfindən nəzarət qaydasında baxılır.\nSiz, təkrar şəhadətləndirildikdən və öyrənildikdən sonra barənizdə qanuna müvafiq qərar qəbul ediləcək və hərbi xidmətə cəlb olunmağınız barədə əlavə olaraq məlumatlandırılacaqsınız.
Turkane Soruşur Yazılma Tarixi:01.07.2014 10:08:10

Salam,qardawim DSX.ya duwub ancaq herbi hissenin nomresi gosterilmeyib

Qeyd etdiyiniz məsələ ilə bağlı Dövlər Sərhəd Xidmətinə müraciət etməyiniz tövsiyə olunur.
Rəşad Soruşur Yazılma Tarixi:01.07.2014 08:13:07

mene bakiya gonderiliw verilmiwdiki muayineden kecim. Iyunun 23 kecdim hekimler yararli oldugumu dediler ama menim burda adim cixmir niye?

Sizin ünvanladığınız suala dəqiq və dolğun cavab verilməsi üçün soyadınızı, adınızı, atanızın adını, təvəllüdünüzü və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin idarə, şöbə və ya bölməsinin adını qeyd etməyiniz vacibdir.
Samir Soruşur Yazılma Tarixi:01.07.2014 07:46:52

salam men ali tehsilliyem daxili qosunlara dusmusem ama milli orduda zabit kimi getmek isteyirem bu mumkundur ?

Bildiririk ki, Azərbaycan Respublikası Müdafiə Nazirliyindən verilmiş sifarişə əsasən həkim ixtisaslı mütəxəssislərin Təlim və Tədris Mərkəzindən ehtiyat zabit hazırlığı kursunda təhsil alması nəzərdə tutulmuşdur.
Ceyhun Soruşur Yazılma Tarixi:01.07.2014 07:44:22

Salam mən ali təsilliyəm 27 yasim var Zabit kimi hərbi xidmətə gedə bilərə?

Bildiririk ki, Azərbaycan Respublikası Müdafiə Nazirliyindən verilmiş sifarişə əsasən həkim ixtisaslı mütəxəssislərin Təlim və Tədris Mərkəzindən ehtiyat zabit hazırlığı kursunda təhsil alması nəzərdə tutulmuşdur.
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.