Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
zabul Soruşur Yazılma Tarixi:18.09.2013 17:24:59

salam,men xaricde tehsil almisam,amma tehsil nazirliyinin xetti ile yox orda imtahan verib qebul olmusam.bilmek isteyirem menim diplomum burda taninacaq?yeni esgerlik muddetim 1il olacaq?

"Hərbi vəzifə və hərbi xidmət haqqında" Azərbaycan Respublikası Qanununun 38.1.1 maddəsinə əsasən, ali təhsilli çağırışçılar təqvim hesabı ilə 1 il müddətli həqiqi hərbi xidmət keçirlər. Bildiririk ki, müddətli həqiqi hərbi xidmət hərbi qulluqçuları təhsil müəssisəsindən verilmiş diplomun notarial qaydada təsdiq edilmiş kserosurətini xidmət etdikləri hərbi hissəyə təqdim etdikdə, onlar 1 ildən sonra ordu sıralarından tərxis olunurlar.
Elcin Soruşur Yazılma Tarixi:18.09.2013 11:55:14

Salam meni yanvarin 30herbi xidmete cagrdilar cekim duz gelmedi aparmadilar sonradan 2atpravka cagris vesiqesi geldi cekim duz olmadi oktyabrin 1-ne cagris vesiqesi gelib bu defe aparacaqlar xais edirem tez cavab yazin

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcəksiniz, ehtiyac olduğu halda dövlət səhiyyə müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 1 qrafasının tələblərinə əsasən qərar qəbul olunacaqdır.
Nurlan Soruşur Yazılma Tarixi:18.09.2013 11:46:27

salam xais edirem cavablandirasiz yanvar ayinin 30 u herbi xidmete cagirisda cekim catmadi 2defe bu defe 3atpravkada cagris vesiqesi gelib cekim duz gelmesede oktyabrda gedecem esger

Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcəksiniz, ehtiyac olduğu halda dövlət səhiyyə müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin 1 qrafasının tələblərinə əsasən qərar qəbul olunacaqdır.
Rüfət Soruşur Yazılma Tarixi:18.09.2013 09:40:27

Salam Aleykum. Men tibb universitetini bitirmişem ve leytenant hekim kimi esgerliyimi keçmek isteyirem. bütün senedlerimi komissarlıqda tamamladım ve ayın 3ü çağırış vereqimi aldım. indi öyrenmek isteyirem diger patok yoldaşlarım kimi (onlar bu yay herbi xidmete çağırılıblar) birbaşa Salyanski kozarmaya düşecem, yoxsa müvafiq herbi hisseye düşdükden sonra Erize İmtahannan sonra Salyanski kozarmaya gelecem? \nQısacası bizim uşağlar bir başa ora düşübler biz demi ele olacıq yoxsa çasta düşennen sora tezeden qaytarılacıq Bakıya?

Bildiririk ki, Azərbaycan Respublikası Müdafiə Nazirliyindən verilmiş sifarişə əsasən yalnız həkim ixtisaslı mütəxəssislərin Təlim və Tədris Mərkəzində ehtiyat zabit hazırlığı kursunda təhsil alması nəzərdə tutulmuşdur.
Xəlil Soruşur Yazılma Tarixi:18.09.2013 07:18:47

Salam mənim oğlum 4 yaşından Bronxial Astma diaqnozu ilə dispanser qeydiyyatdadır çağırış vaxtı gələndə hərbi komissarlıq göndəriş verdi lakin oğlumda Allergik rinit çıxdı ama hal hazırda aerozoldan istifadə edir,şikayəti hal hazırda yoxdur sualım odurki aerozoldan istifadə etməyə düşdüyü hərbi hissədə icazə veriləcəkmi?

Azərbaycan Respublikası Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə hərbi hospitallar, poliknikalar, tibb məntəqələri fəaliyyət göstərir. Müddətli həqiqi hərbi xidmət keçən hər bir vətəndaş səhhəti ilə əlaqədar xidmət etdiyi hərbi hissənin komandirinə müraciət edə bilər.
orxan Soruşur Yazılma Tarixi:17.09.2013 18:53:52

bilmek isteyirem ki,oktyabr ayinda ehtiyata buraxilan esgerler ucun prezident seckileri ile elaqadar her hansi bir gecikme olacaq yoxsa normal dak i kimi olacaq

"Hərbi vəzifə və hərbi xidmət haqqında" Azərbaycan Respublikası Qanununun 12.3-cü maddəsinə uyğun olaraq Azərbaycan Respublikasının Prezidentinin aktı əsasında ildə dörd dəfə - yanvar, aprel, iyul və oktyabr aylarının 1-dən 30-dək vətəndaşlar müddətli həqiqi hərbi xidmətə çağırılırlar və qanunla müəyyən olunmuş xidmət müddətləri başa çatmış müddətli həqiqi hərbi xidmət hərbi qulluqçuları ehtiyata buraxılırlar.
Vahid Soruşur Yazılma Tarixi:17.09.2013 15:19:17

Men kecen gonderisle herbi xidmete gede bilmedim!! adim gelmedi siyahida.indi tezden men hekim komisyasindan kecmeliyem?

Siz qeydiyyatda olduğunuz idarə, şöbə və ya bölmənin çağırış komissiyası tərəfindən tibbi şəhadətləndirildikdən və öyrənildikdən sonra barənizdə qanunvericiliyə müvafiq olaraq qərar qəbul ediləcəkdir.
Anar Soruşur Yazılma Tarixi:17.09.2013 09:47:30

Salam.Men ali tehsilli olaraq herbi xidmeti leytenant kimi basa vurmusam.Ve bu ilin iyul ayi terxis olmusam.Qeyd edim ki orduda maliyye xidmet uzre islemisem.Men is ucun size muraciet ede bileremmi?Muraciet ede bileremse nece muraciet etmeliyem?

Müraciətinizlə əlaqədar həftənin tək günləri Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazirliği İdarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, əmək kitabçası və təhsil haqqında sənədin olması vacibdir.
Ayten Abdullayeva Soruşur Yazılma Tarixi:16.09.2013 15:34:36

Salam menim qardasimi oktyabrin 2 sinde esger cagiriblar bilmek istiyirem hara dusecek.Birde ki qardasimin onurgasin yarsi yoxdu anadan gelme eledi bilmek istiyirem qardasim esger gede biler.Xahis edirem tez muraciyet edesiniz

Sizin ünvanladığınız suala dəqiq və dolğun cavab verilməsi üçün qardaşınızın soyadını, təvəllüdünü və qeydiyyatda olduğu Səfərbərlik və Hərbi Xİdmətə Çağırış üzrə Dövlət Xidmətinin idarə, şöbə və ya bölməsinin adını qeyd etməyiniz vacibdir.
Samir Soruşur Yazılma Tarixi:16.09.2013 10:50:12

Salam.Men ehtiyyatda olan zabitem(leytenant).Bilmek isteyirem ki,ehtiyyatda olan zabitler telimlere ne vaxtsa qatilacaq?\nBirde ehtiyyatda olanda ne qeder muddetden bir rutbe artir?Evvelceden tessekkur edirem.

Bildiririk ki, "Hərbi vəzifə və hərbi xidmət haqqında" Azərbaycan Respublikasının Qanununa əsasən ehtiyatda olan hərbi vəzifəlilərin toplanışlara cəlb olunması nəzərdə tutulmuşdur. Qanunun 47-ci maddəsinə əsasən, toplanışları keçmiş və tədris proqramı üzrə yoxlamaları müvəffəqiyyətlə vermiş hərbi vəzifəlilərə "Hərbi xidmətkeçmə haqqında" Əsasnamədə müəyyənləşdirilmiş qaydada polkovnik (1-ci dərəcəli kapitan) daxil olmaqla növbəti hərbi rütbələr verilir. Keçiriləcək toplanışların vaxtı və müddəti barədə toplanışlara cəlb olunacaq ehtiyatda olan hərbi vəzifəlilər məlumatlandırılacaqlar.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.