Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Fərid Soruşur Yazılma Tarixi:05.09.2020 01:19:42

Hərbi çağırış zamani Qarabağ cəphə bölgəsində ki zonalara düşə bilirik mi öz istəyimiz ilə?

Bildiririk ki, həqiqi hərbi xidmətə çağırılmış vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü xüsusi kompüter proqramı vasitəsi ilə aparıldıqdan sonra onlar təyin olunduqları qoşun növlərinin daxili bölgüsünə əsasən hərbi hissələrə təyin edilirlər.
Nahid Soruşur Yazılma Tarixi:04.09.2020 22:52:38

Mən Quba Rayon Zərdabi qəsəbə sakini Nəcəfi Nahid Novruz oglu qeyd etmək istəyirəmki mənim sol gözümdə 3 ədəd yırtığ var (2si orta ölçüdə 1i böyük ülçüdə) Bundan əlavə məndə ən ağır dərəcəli bağırsağımda kista və çat var. Sizə sualım mən 6dəfə hər 6 aydan bir yoxlamada sizin Quba rayon filialınızın göndərişinən Komissiyadan keçmişəm mənə hərbi xidmətə yararsız vermək əvəzinə 3ildi bu yollarda süründürürlər .Sizdən xahiş edirəm bu məsələyə aydınlıq gətirib araşdırasız. Az təminatlı ailəyik mənim hər dəfə Bakıya gəlməyə pulum yoxdu xahiş edirəm .Bu barədə ilk öncə sizin rəhbərliyə Cənab Prezidentə və Birinci xanıma ünvanlayıram . Əlaqə nömrəsi 0773735323

Barənizdə rayon çağırış komissiyası tərəfindən qəbul edilən qərar təsdiq edilməsi üçün, Siz Xidmətin Mərkəzi hərbi həkim komissiyasına təqdim olunmusunuz. Mərkəzi hərbi həkim komissiyası tərəfindən səhhətiniz ilə əlaqədar əlavə müayinə olunmanız üçün akademik M.Ə.Mirqasımov adına Respublika Klinik Xəstəxanasına müayinəyə göndərilmisiniz. Sizin göndəriş vərəqəsində qeyd olunan dövlət tibb müəssisəsində müayinədən keçməyiniz vacibdir. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Mərkəzi hərbi həkim komissiyasına daxil olduqdan sonra Sizin müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Fərid Soruşur Yazılma Tarixi:04.09.2020 12:35:50

18 yaşı tamam olan bir şəxs Qarabağ zonasından istədiyi hər hansı bölgədə hərbi qulluğunu edə bilər mi?

Bildiririk ki, həqiqi hərbi xidmətə çağırılmış vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində Silahlı Qüvvələr üzrə bölgüsü xüsusi kompüter proqramı vasitəsi ilə aparıldıqdan sonra onlar təyin olunduqları qoşun növlərinin daxili bölgüsünə əsasən hərbi hissələrə təyin edilirlər.
Fərid Soruşur Yazılma Tarixi:04.09.2020 12:15:19

Salam mən gizirlik kursuna yazılmaq istəyirəm hara müraciyət edə bilərəm 21 yaşım var Şəmkirdə yaşayıram məndə hamı kimi vətənimi qorumaq istəyirəm

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.3-cü maddəsinə əsasən, gizirlərin və miçmanların həqiqi hərbi xidmətinə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla) könüllü daxil olurlar. Nəzərinizə çatdırırıq ki, “Gizir hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt və hansı müddətə keçirilməsi, kurslara qəbulun qayda və şərtləri Azərbaycan Respublikasının Müdafiə Nazirliyi tərəfindən müəyyən edilir. Odur ki, SQ TTM-də təşkil ediləcək növbəti kursda oxumaq üçün adınızın namizəd kimi siyahıya salınması və tələb olunan sənədlərin hazırlanaraq təqdim edilməsi üçün qeydiyyatda olduğunuz yer üzrə Xidmətin yerli idarə, şöbə və ya bölməsinə müraciət etməlisiniz.
Sübhan Soruşur Yazılma Tarixi:04.09.2020 08:21:24

Salam mənim adım Sübhan Şirəliyevdir.Mənim 17 yaşım var.Azərbaycan Respublikasının Milli Ordusuna Könüllü şəxs kimi qeydiyatdan keçmək istəyirəm online.Necə keçə bilərəm?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 3-cü maddəsinə əsasən, Azərbaycan Respublikası Konstitusiyasının 76-cı maddəsinin I hissəsinə uyğun olaraq, Vətəni müdafiə hər bir vətəndaşın borcudur.   
Azərbaycan Respublikasının 18 yaşına çatmış və sağlamlıq vəziyyətinə görə hərbi xidmətə yararlı hər bir kişi cinsli vətəndaşı Azərbaycan Respublikasının Silahlı Qüvvələrində müəyyən edilmiş qaydada müddətli həqiqi hərbi xidmət keçməlidir. Həmin Qanunun 12.4-cü maddəsinin tələblərinə əsasən, vətəndaşların müddətli həqiqi hərbi xidmətə çağırılması haqqında Azərbaycan Respublikasının Prezidentinin aktı qüvvəyə mindikdən sonra müddətli həqiqi hərbi xidmət keçməmiş, müddətli həqiqi hərbi xidmətə çağırışa möhlət hüququ olmayan və ya müddətli həqiqi hərbi xidmətə çağırışdan azad edilməyən çağırışçılar yaşayış yeri və ya olduğu yer üzrə hərbi qeydiyyatda olduğu, hərbi qeydiyyatda olmayan çağırışçılar isə yaşayış yeri üzrə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə gəlməlidirlər.
Əlavə olaraq bildiririk ki, vətəndaşların könüllü olaraq müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır.
Səbuhi Soruşur Yazılma Tarixi:03.09.2020 13:47:10

Salam , bilmək istərdim müharibə vəziyyətində olan bir ölkə üçün belə bir halların baş verməsi nə qədər doğrudur? Necə ola bilərki siz artıq 1 ildən çoxdur ki mənim barəmdə bir nəticəyə gələ bilmirsiz? Belə önəmli bir dövlət qurumunda bu cur halların olması çox acınacaqlıdır və məni məyus edir. Sizdən artıq dərəcədə xaiş və tələb edirem bu məsələyə diqqətlə baxasınız və mənə yardımçı olasınız. Minnətdaram.

Bildiririk ki, Siz razılaşdırılmış qrafikə əsasən şəxsi işiniz ilə birgə Xidmətin Mərkəzi hərbi həkim komissiyasına təqdim olunacaqsınız. Şəhadətləndirilmənin nəticəsinə müvafiq olaraq hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.
Murad Soruşur Yazılma Tarixi:31.08.2020 19:44:04

Salam .Ehtiyat zabit hazırlığı kursuna sənəd toplayıram .sualım - kursa qəbul olunmaq barədə ərizə (qəbul komissiyasının sədrinə) . Nümünəyə harda baxmaq olar ?

Portala daxil olan müraciətinizə əsasən bildiririk ki, Hal-hazirda  Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində qanunvericilikdə nəzərdə tutulmuş müddətli həqiqi hərbi xidmətini başa vurmuş, ehtiyatda olan 28 yaşına qədər ali təhsilli hərbi vəzifəlilər sırasından Azərbaycan Respublikası Silahlı Qüvvələrin Təlim və Tədris Mərkəzlərində keçiriləcək növbəti “Ehtiyat zabit hazirlığı kursu”na namizədlərin qeydiyyatı aparılır. Odur ki, qeydiyyatda olduğunuz rayon üzrə Xidmətin yerli idarə, şöbə və bölməsinə müraciət etməyiniz məqsədəuyğundur.
Fidan Soruşur Yazılma Tarixi:31.08.2020 00:59:42

Mənim 16 yaşım var aşpazam mende kpnüllü olaraq gele bilerem.?? Her zaman hazıramm

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 3-cü maddəsinə əsasən, Azərbaycan Respublikası Konstitusiyasının 76-cı maddəsinin I hissəsinə uyğun olaraq, Vətəni müdafiə hər bir vətəndaşın borcudur.   
Azərbaycan Respublikasının 18 yaşına çatmış və sağlamlıq vəziyyətinə görə hərbi xidmətə yararlı hər bir kişi cinsli vətəndaşı Azərbaycan Respublikasının Silahlı Qüvvələrində müəyyən edilmiş qaydada müddətli həqiqi hərbi xidmət keçməlidir. Həmin Qanunun 12.4-cü maddəsinin tələblərinə əsasən, vətəndaşların müddətli həqiqi hərbi xidmətə çağırılması haqqında Azərbaycan Respublikasının Prezidentinin aktı qüvvəyə mindikdən sonra müddətli həqiqi hərbi xidmət keçməmiş, müddətli həqiqi hərbi xidmətə çağırışa möhlət hüququ olmayan və ya müddətli həqiqi hərbi xidmətə çağırışdan azad edilməyən çağırışçılar yaşayış yeri və ya olduğu yer üzrə hərbi qeydiyyatda olduğu, hərbi qeydiyyatda olmayan çağırışçılar isə yaşayış yeri üzrə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə gəlməlidirlər.
Əlavə olaraq bildiririk ki, vətəndaşların könüllü olaraq müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır.
Əhməd Soruşur Yazılma Tarixi:30.08.2020 22:17:23

Salam.Mən ehtiyyatda olan hərbi qulluqşuyam.Qax rayonunda qeydiyyatdayam.Mən Şamaxı rayonundakı məktəbdə Gənclərin Hərbi Xidmətə Çağırış müəllimi kimi işləyə bilərəmmi.

Azərbaycan Respublikası Nazirlər Kabinetinin 29.05.1998-ci il tarixli 119 nömrəli qərarı ilə təsdiq edilmiş “Gənclərin ibtidai hərbi hazırlıq Əsasnaməsi”nə əsasən, gənclərin çağırışaqədərki hazırlığı üzrə rəhbər vəzifəsində ali və ya orta hərbi, yaxud ali mülki təhsilli, ehtiyatda (istefada) olan zabitlər, istisna olaraq kənd rayonlarında isə hazırlıqlı və təcrübəli ümumi orta, orta ixtisas təhsilli, ehtiyatda (istefada) olan gizirlərin və çavuşların  işləməsinə icazə verilir. Bildiririk ki, Azərbaycan Respublikası Təhsil Nazirliyinin müvafiq əmri ilə müəssisələrdə vakant olan gənclərin çağırışaqədərki hazırlığı üzrə rəhbər vəzifəsinə işə qəbul tabelik üzrə təhsili idarəetmə orqanı və Səfərbərlik və Hərbi Xidmətə Çağırış üzrə Dövlət Xidmətinin strukturuna daxil olan yerli idarəetmə orqanları ilə razılaşdırılmaqla müəssisə rəhbəri tərəfindən həyata keçirilir.
Elməddin Soruşur Yazılma Tarixi:04.08.2020 17:13:50

Mən bu il iyul ayında hərbi xidmətimi başa vurmuşam. Ali təhsilliyəm. SHXÇDX-nə işə (həqiqi hərbi xidmətə) qəbulla bağlı vakant yerlər və müsabiqənin keçirilməsi barədə nece məlumat ala bilərəm?

Nəzərinizə çatdırırıq ki, müraciətinizdə özünüz haqqında ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə və ya işə qəbulla əlaqədar müraciət edə bilərsiniz.
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.