Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Seymur Soruşur Yazılma Tarixi:01.09.2023 21:22:21

Mən 25.04.2023 cü il tarixində Quba rayon Hərbi komisarlığı tərəfindən hərbi xidmətə yararlı sayılaraq hərbi xidmətə göndərilmiş 31.08 2023 cü il tarixində yararsız olaraq təxris olmuşam mənə bu problemə görə təzminat ödənməlidirmi əyər ödənməlidirsə necə və nə qədər götürə bilərəm

Sizin müraciətinizə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətində baxılmışdır. Xidmətə yararsız olma ilə əlaqədar müddətli həqiqi hərbi xidmətdən tərxis zamanı araşdırma aparılmadan və müvafiq səbəb əlaqələri müəyyən edilmədən mövcud qanunvericiliyin müddəalarına əsasən təzminat ödənilməsi nəzərdə tutulmayıb. Bununla yanaşı,  “Hərbi qulluqçuların dövlət icbari şəxsi sığortası haqqında” 20 may 1997-ci il tarixli 296-IQ nömrəli Azərbaycan Respublikası Qanununa əsasən, Sizin həqiqi hərbi xidmətə yararsız hesab edilməniz sığorta hadisəsi hesab olunarsa, sığorta ödənişini ödəməli sığortaçı barədə məlumat verilməsi və ilkin sənədlərin təqdim edilməsi üçün aidiyyəti üzrə Sizə münasibətdə sığortalı hesab edilən Azərbaycan Respublikası Müdafiə Nazirliyinə müraciət edə bilərsiniz.
Cəbrayıl Soruşur Yazılma Tarixi:01.09.2023 12:36:47

Salam mən müharibə iştirakçısıyam, SHXÇDX- bu yaxında mətbuata bildirdi ki, hərbi vəzifəsi olmayanlar da, təlim toplanışlara cəlb edilirlər mən ehtiyatda olan əsgər və müharibə iştirakçısı kimi bu toplanışlara könüllü şəkildə qatılmaq istəyirəm və ya təyin olunmuş qayda da. Bunun üçün haradan necə qeydiyyatdan keçməliyəm, zəhmət olmasa yardımçı olardınız.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə daxil olmuş müraciətlərinizə baxılmışdır.
Bildiririk ki, gələcəkdə keçirilməsi nəzərdə tutulan təlim toplanışları ilə əlaqədar Azərbaycan Respublikası Müdafiə Nazirliyi tərəfindən verilmiş sifarişlərə əsasən yaş kateqoriyanız, qöşun növünüz, vəzifəniz, hərbi uçot ixtisasınız və s. tələblərə uyğun olduğu halda, hərbi qeydiyyatda olduğunuz Xidmətin yerli struktur bölməsi tərəfindən müvafiq tədbirlərə cəlb oluna bilərsiniz.
Vüsal Soruşur Yazılma Tarixi:01.09.2023 00:53:21

Men esger getmek isdeyirem nece gede bilerem? Hara muraciet edim?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz Abşeron rayon çağırış komissiyasının 17.10.2017-ci il tarixli qərarı ilə “Dinc dövrdə həqiqi hərbi xidmətə yararsız, müharibə dövründə məhdud yararlı” hesab edilmiş və hərbi vəzifəlilərin ehtiyatına keçirilmisiniz. Sizin 2023-cü ilin noyabr ayında təkrar tibbi müayinədən keçirilməyiniz nəzərdə tutulmuşdur. Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 20.3-cü maddəsinə əsasən, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Əlavə olaraq bildiririk ki, “Dinc dövrdə həqiqi hərbi xidmətə yararsız, müharibə dövründə məhdud yararlı” sayılaraq, ehtiyata keçirilmiş vətəndaşın barəsində qanunla müəyyən olunmuş müddət (Sizin halda 2023-cü ilin noyabr ayı) başa çatmadan təkrar tibbi müayinədən keçirilməsi və həqiqi hərbi xidmətə çağırışa cəlb edilməsi mümkün hesab olunmur.  
Toğrul Soruşur Yazılma Tarixi:31.08.2023 22:34:56

Salam, menim qardasim Warsawa Dovlet universitetine magist derecesine qebul alib. Oktyabr ayinin 1den orada tehsil heyatina baslayacaq. Senedleri mohlet almaq ucun herbi cagiris idaresine verdik.Bele bir meqam ortaya cixdiki qardasimin tehsil metodu part time eyani imis ve bunu da qebul etmirler yeni mohlet verilmir. Biraz arasdirdiqdan sonra melum olur ki hem tehsil nazirliyi hem de nazirler kabineti artiq bizde de buna icaze verilir.. Part time (qismen) eyani tehsil sistemi telebelerin oz proqramlarini qurmagi ucun yaradilmis bir sistemdir. Qardasim eyni zamanda orada islemek istediyi ucun bele sistemi secib. Heftenin 4 gunu yene de tehsil alacaq. Bele bir hal yarandiqda biz ne etmeliyik? Dunyanin top 500 siyahisinda olan universietde olan tehsili yarimciq buraxmaliyiq?

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Məlum olduğu kimi, əyani təhsilalma forması (full time–tədrisə tam cəlb olunma) dərs və məşğələlərə müntəzəm surətdə davametmə yolu ilə təhsil alma üsuludur. Part time təhsilalma forması isə tələbənin müəyyən olunmuş müddət ərzində tədrisə cəlb olunması ilə yanaşı, iş imkanlarını reallaşdırmasına və icazəli əmək fəaliyyəti ilə məşğul olmasına da şərait yaradır. Part time, yəni tədrisə qismən cəlb olunma formasında əyani təhsilalma üsulu xarici ölkələrin təhsil sistemində tətbiq olunmasına, habelə həmin təcrübənin ölkəmizdə ali təhsil və orta ixtisas təhsili pilləsində sınaqdan çıxarılmasına dair uzunmüddətli müzakirələrin aparılmasına  baxmayaraq, hal-hazıradək bununla bağlı təhsil qanunvericiliyinə əlavələr təsdiqlənməmişdir. Qeyd olunanlara müvafiq olaraq təhsil alan çağırışçılara müddətli həqiqi hərbi xidmətə çağırışdan möhlət verilməsinin əsaslarını tənzimləyən “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsində də part time təhsilalma formasına dair hər hansı norma təsbit edilməmiş və həmin üsulla təhsil alan çağırışçılara çağırışdan möhlət verilməsi ilə bağlı müddəalar müəyyən olunmamışdır. Bununla əlaqədar bildiririk ki, Səfərbərlik və Hərbi Xidmətə Çağırış üzrə Dövlət Xidmətinin yerli baş idarə, idarə, şöbə və bölmələrinə xarici ölkələrdə təhsil alan çağırışçılar tərəfindən təqdim olunan təhsilalma haqqında arayışlara mövcud qanunvericiliyin tələblərinə uyğun olaraq baxılır və həmin şəxslərə “Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsində əks olunmuş əsaslarla müddətli həqiqi hərbi xidmətə çağırışdan möhlət verilir. Nəzərə almağınızı xahiş edirik.
Nigar Soruşur Yazılma Tarixi:31.08.2023 19:49:11

Hər vaxtınız xeyir. Mənim adım Nigardı və mən ADA üniversitesinin 2ci il tələbəsiyəm. Mənim iki qardaşım var və biri əlil olduğuna görə, bizim ailəmizdə anam, mən, və büyük qardaşım onun qayğısına qalırıq. Amma eyni vaxtdada anam işləyir, məndə universitetə gedirem və balaca qardaşım büyük qardaşıma əmanət qalır. Balaca qardaşımın ağır xəstəliyinə görə, ailə üzvlərindən başqa onun qayğısına heç kim qala bilmir. Lakin, büyük qardaşımın hərbi xidmətə gedəcəyi bizim situasiyamızı çözülməz hala gətirir. Nə anam işə gedə biləcək, nə mən universitetə. Büyük qardaşım, Rövşənin, hərbi xidmətə getməsi bizə daşınılmaz yük verəcək. Ona görədə, bu situasiyanı necə həll edə bilərik deyə, sizə muraciət edirəm. Hörmətlə, Əliyeva Nigar.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Qeyd etmək istərdik ki, çağırışçılara ailə vəziyyətinə görə müddətli həqiqi hərbi xidmətə çağırışdan möhlət “Hərbi vəzifə və hərbi xidmət haqqında” Azərbaycan Respublikası Qanununun 19-cu maddəsinin tələbləri ilə verilir. Bildiririk ki, Sizin qardaşınız müddətli həqiqi hərbi xidmətə çağırıldıqda çağırış komissiyasına cəlb olunaraq, ətraflı öyrənildikdən sonra barəsində müddətli həqiqi hərbi xidmətə göndərilməsinə (göndərilməməsinə) və ya ailə vəziyyətinə görə müddətli həqiqi hərbi xidmətə çağırışdan möhlət verilməsinə dair qanunvericiliyin tələblərinə uyğun qərar qəbul oluna bilər. Nəzərə almağınızı xahiş edirik.
Nigar Soruşur Yazılma Tarixi:31.08.2023 00:05:08

Hər vaxtınız xeyir. Mənim adım Nigardı və mən ADA üniversitesinin 2ci il tələbəsiyəm. Mənim iki qardaşım var və biri əlil olduğuna görə, bizim ailəmizdə anam, mən, və büyük qardaşım onun qayğısına qalırıq. Amma eyni vaxtdada anam işləyir, məndə universitetə gedirem və balaca qardaşım büyük qardaşıma əmanət qalır. Balaca qardaşımın ağır xəstəliyinə görə, ailə üzvlərindən başqa onun qayğısına heç kim qala bilmir. Lakin, büyük qardaşımın hərbi xidmətə gedəcəyi bizim situasiyamızı çözülməz hala gətirir. Nə anam işə gedə biləcək, nə mən universitetə. Büyük qardaşım, Rövşənin, hərbi xidmətə getməsi bizə daşınılmaz yük verəcək. Ona görədə, bu situasiyanı necə həll edə bilərik deyə, sizə muraciət edirəm. Hörmətlə, Əliyeva Nigar.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Qeyd etmək istərdik ki, çağırışçılara ailə vəziyyətinə görə müddətli həqiqi hərbi xidmətə çağırışdan möhlət “Hərbi vəzifə və hərbi xidmət haqqında” Azərbaycan Respublikası Qanununun 19-cu maddəsinin tələbləri ilə verilir. Bildiririk ki, Sizin qardaşınız müddətli həqiqi hərbi xidmətə çağırıldıqda çağırış komissiyasına cəlb olunaraq, ətraflı öyrənildikdən sonra barəsində müddətli həqiqi hərbi xidmətə göndərilməsinə (göndərilməməsinə) və ya ailə vəziyyətinə görə müddətli həqiqi hərbi xidmətə çağırışdan möhlət verilməsinə dair qanunvericiliyin tələblərinə uyğun qərar qəbul oluna bilər. Nəzərə almağınızı xahiş edirik.
Kənan Soruşur Yazılma Tarixi:28.08.2023 21:56:56

Salam mən LGBTQ fərdiyəm bele deyim ki geyəm oğlanlardan xoşum gəlir bu halda əsgərlik məcburidirmi zəhmət olmasa sualımı cavablandırardız

Müraciətinizlə əlaqədar bildiririk ki, "Hərbi vəzifə və hərbi xidmət haqqında" Azərbaycan Respublikası Qanununun 15.1-ci maddəsinə əsasən müddətli həqiqi hərbi xidmətə çağırılan bütün vətəndaşlar Səfərbərlik və Hərbi Xidmətə çağırış üzrə Dövlət Xidmətinin qeydiyyatda  olduqları yerli struktur bölmələrində  həkim mütəxəssislər tərəfindən, əlavə tibbi müayinəyə ehtiyac olduqda isə digər müalicə müəssisələrində hökmən tibbi müayinədən keçirilirlər.
Aparılan tibbi müayinənin nəticəsində yalnız müddətli həqiqi hərbi xidmətə yararlı hüsab olunan və çağırışa  möhlət hüququ olmayan çağırışcılar ümumi əsaslarla müddətli həqiqi hərbi xidmətə çağırılırlar.
Nəzərə almağınızı xahiş edirik.
Nicat Soruşur Yazılma Tarixi:28.08.2023 13:43:27

Salam,yazmışdım zəhmət olmasa cavab verərdiniz.Mən həkim yoxlanışlarından keçmişəm,travmagologiyadan da keçmişəm yastıpəncəliyə görə.Bilmək istərdim yararlıyam ya yararsız?

Müəyyən edilmişdir ki, Siz Xidmətin Füzuli rayon şöbəsinin hərbi həkim komissiyası tərəfindən tibbi baxışdan, çağırışçılar üçün nəzərdə tutulmuş bütün məcburi diaqnostik müayinələrdən keçirilmiş və səhhətiniz ilə əlaqədar Elmi-Tədqiqat Travmatologiya və Ortopediya İnstitutuna, Akademik M.Ə.Mirqasımov adına Respublika Klinik Xəstəxanasına əlavə müayinələrə göndərilmisiniz. Dövlət səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”ları Xidmətin Füzuli rayon şöbəsinə daxil olduqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Nicat Soruşur Yazılma Tarixi:28.08.2023 13:42:45

Salam,yazmışdım zəhmət olmasa cavab verərdiniz.Mən həkim yoxlanışlarından keçmişəm,travmagologiyadan da keçmişəm yastıpəncəliyə görə.Bilmək istərdim yararlıyam ya yararsız?

Müəyyən edilmişdir ki, Siz Xidmətin Füzuli rayon şöbəsinin hərbi həkim komissiyası tərəfindən tibbi baxışdan, çağırışçılar üçün nəzərdə tutulmuş bütün məcburi diaqnostik müayinələrdən keçirilmiş və səhhətiniz ilə əlaqədar Elmi-Tədqiqat Travmatologiya və Ortopediya İnstitutuna, Akademik M.Ə.Mirqasımov adına Respublika Klinik Xəstəxanasına əlavə müayinələrə göndərilmisiniz. Dövlət səhiyyə müəssisələri tərəfindən tərtib olunan “Sağlamlıq vəziyyətinin müayinə edilməsi Akt”ları Xidmətin Füzuli rayon şöbəsinə daxil olduqdan sonra barənizdə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Pərviz Soruşur Yazılma Tarixi:28.08.2023 13:38:45

Salam.Talesemiyya daşıyıcısı xəstəliyiniz çıxdı.Əsgər getdiyim vaxt problem yaradırmı?

Bildiririk ki, Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “Talassemiya xəstəliyinin gen daşıyıcısı” diaqnozla şəhadətləndirilən çağırışçılar “Həm dinc dövrdə, həm də müharibə dövründə hərbi xidmətə yararsızdır” hesab edilirlər.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.