Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Tərlan Soruşur Yazılma Tarixi:20.07.2020 22:52:20

10 mart1994 cu il 58 nomreli əmrlə ordudan təxris olunmuşam .yeniden 97 ci ilde hərbi xidmətə gedib 99 cu ildə ordudan təxris olunmuşam.veteranlig ala bilməmişəm.bu ne qeder duzgundur.

Bildiririk ki, “Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnamənin və müvafiq vəsiqələrin nümunəsinin, eskizinin və təsvirinin təsdiq edilməsi haqqında” Azərbaycan Respublikası Nazirlər Kabinetinin 22 sentyabr 1995-ci il tarixli 216 nömrəli qərarına əsasən veteran adı və müvafiq vəsiqələri şəxsin hal-hazırda xidmət keçdiyi (qulluq etdiyi), əvvəllər ehtiyata və istefaya buraxılmış şəxslərə isə sonuncu xidmət keçdiyi (qulluq etdiyi) yerdən asılı olaraq tələb olunan sənədlər (nizami hissə üzrə əmrdən çıxarışlar və ya arxiv arayışları mütləqdir) əsasında Azərbaycan Respublikasının Müdafiə, Daxili İşlər, Fövqəladə Hallar, Ədliyyə Nazirliklərinin, Dövlət Təhlükəsizliyi, Xarici Kəşfiyyat, Xüsusi Dövlət Mühafizə, Dövlət Sərhəd, Səfərbərlik və Hərbi Xidmətə Çağırış üzrə Dövlət Xidmətləri nəzdində yaradılmış komissiyaların rəyi ilə verilir. Odur ki, döyüş əməliyyatlarında iştirakınızı sübut edən sənədlər və ya hüquqi qüvvəsi olan sənədlər əsasında yazılmış arayışlar (sənədlərin (arayışların) imza və möhürlə təsdiq olunmuş əsli və ya notarial qaydada təsdiq edilmiş surəti) olduğu təqdirdə Sizə “Müharibə veteranı” adı və vəsiqəsinin verilməsi məsələsinə müvafiq dövlət orqanının aidiyyəti komissiyasında baxıla bilər.
Rafael Soruşur Yazılma Tarixi:20.07.2020 22:48:32

Men 2012ci ilde muddetden artiq herbi qulluqcu kimi herbide agdam rayonda xidmet etmiwem ve hemin h hissede 2016 mart ayin 6da cinayet mesuliyyetine celb olunub tutulmuwam ve 1 il 7 ay 23gunden sonra Ali mehkemenin qerari ile yeniden agdam rayon en sayli herbi hisseye xidmetime herbi hisse komandiri bir il nezareti ile derhal mehkeme zalindan buraxlmwam ve mene Ali mehkeme dedi ki sene qerar gonderilecey gotur ve get agdam rayon herbi hisseye komandirine ver yeniden xidmetini davam etdir.mende geldim agdam rayon en sayli herbi hisseye Mehkemenin qerarini verdim aldilar amma meni yeniden Ali Mehkemenin qerarina hec cur riayet etmeyib menide seni texris etmiwiy dediler indi deyin mene zehmet olmasa Ali mehkemenin bucurne qerari hec yerine yetirilmiye biler? Ve yaxud men 2017 ci il noyabr ayinin iksinde verilen qerar indiye qeder nece yerine yetirilmiye biler?

Səfərbərlik və Hərbi Xidmətə Çağırış üzrə Dövlət Xidmətinə ünvanladığınız müraciətinizə tərəfimizdən baxılmışdır. Bildiririk ki, məhkəmələrin mülki, iqtisadi mübahisələrə və inzibati xətalara dair işlər üzrə qərarlarının, habelə cinayət işləri üzrə azadlıqdan məhrumetmə ilə əlaqədar olmayan müvafiq cəzaların, mülki iddianın və vurulmuş ziyanın ödənilməsi hissəsində hökmlərin, məhkəmə əmrlərinin icrası Azərbaycan Respublikası Ədliyyə Nazirliyinin yerli icra qurumları tərəfindən təmin edilir. Qeyd etdiyiniz məsələ ilə bağlı aidiyyəti üzrə xidmət keçdiyiniz qoşun növünə və ya Ədliyyə Nazirliyinin müvafiq icra qurumuna müraciət etməyiniz məqsədəuyğundur.  
İbrahim Soruşur Yazılma Tarixi:20.07.2020 22:15:36

Salam mənim xidmət edəcəyim yer saytınızda qoyulub, lakin nə vaxt gedəcəyim barədə heç bir şey yazılmayıb. Hərbi komisarlıq mənə zəng eləyib çağıracaq yoxsa özüm getməliyəm? Zəhmət olmasa cavablandırardız

Bildiririk ki, Siz Xidmətin qeydiyyatda olduğunuz yerli idarə, şöbə və ya bölməsi tərəfindən müəyyən edilmiş tarixdə müddətli həqiqi hərbi xidmət keçmək üçün təyin olunduğunuz hərbi hissəyə təhvil veriləcəksiniz.
SURAC Soruşur Yazılma Tarixi:20.07.2020 17:51:41

Salam bağı.layın sizi narahat ediyim üçün bilmək olar Azərbaycan Respublikasında Müddətdən artıq xidmət neçə yaşa kimidir və MAXE yenidən xidmətə başlamaq üçün nə edməliyəm diqqətinizə görə çox sağ olun

Portala daxil olan müraciətinizə əsasən bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Bu səbəbdən qeyd etdiyiniz məsələ ilə bağlı xidmət keçmək istədiyiniz qoşun növü üzrə aidiyyəti nazirliyə və ya müvafiq hərbi hissə komandanlığına müraciət etməyiniz məqsədəuyğundur.
Nurlan Soruşur Yazılma Tarixi:20.07.2020 17:20:09

Salam . İcraatına xitam verilmiş cinayət işləri (Cinayət məcəlləsinin 83.2 ci maddəsinə əsasən məhkumluq sayılmır) Müddətdən artıq həqiqi hərbi xidmətə başlamağa problem yaradırmı?

“Bağlaşma əsasında həqiqi hərbi xidmətə daxilolmanın halları və Qaydası”-nın 3.9.2-ci yarımbəndinə əsasən, məhkumluğu ödənilmədikdə və ya üzərindən götürülmədikdə, həmçinin ağır və ya xüsusilə ağır, habelə hərbi xidmət əleyhinə cinayət törətdikdə müvafiq dövlət orqanları və ya hərbi hissələr tərəfindən bağlaşmanın imzalanmasından imtina edilir.Qaydaya əsasən, vətəndaşın məhkumluğu ödənilmədikdə və ya üzərindən götürülmədikdə bağlaşmanın imzalanmasından imtina edilir.Əlavə olaraq bildirirəm ki, “Normativ hüquqi aktlar haqqında” Azərbaycan Respublikasının Konstitusiya Qanununun 90.1-ci maddəsinə normativ hüquqi aktın məzmununda qeyri-müəyyənliklər və fərqlər, habelə tətbiqi təcrübəsində ziddiyyətlər aşkar edildikdə həmin aktı qəbul etmiş normayaratmaorqanı və ya Azərbaycan Respublikası Konstitusiyasının 130-cu maddəsinin IV hissəsinə uyğun olaraq Azərbaycan Respublikasının Konstitusiya Məhkəməsi müvafiq normaları rəsmi şərh edir.
Elmir Soruşur Yazılma Tarixi:20.07.2020 12:37:21

Salam. Mən hal-hazırda magistr təhsilinin 1-ci kursunu bitirmişəm, 2-ci kursa keçmişəm, xidmətdə olmamışam. Mən təhsilimi dondurub könüllü olaraq xidmətə getmək istəyirəm, qeydiyyatda olduğum şöbəyə yaxınlaşıb müraciət etdim, aparmadılar. Mənə dedilər əgər sən təhsilini dondursan ancaq yanvarda gedə bilərsən. İndi mən istəyirəm oktyabrda xidmətə gedi. Bunun üçün nə lazımdı? Hara müraciət etməliyəm? Hansı sənədləri toplamaq lazımdı? Oktyabr ayında xidmətə yollanmaq üçün.

Bildiririk ki, magistratura təhsilini hərbi xidmətini başa vurduqdan sonra davam etdirmək istəyən vətəndaşlar akademik məzuniyyət götürərək hərbi xidmətə gedə bilərlər. Əlavə olaraq bildiririk ki, qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Ülviyyə Soruşur Yazılma Tarixi:20.07.2020 07:19:32

Salam.mən SHXÇDX üzrə müddətdən artıq həqiqi hərbi xidmətə müraciət etmək istəyirəm.magistr təhsilimi bitirmişəm tam ali təhsilliyəm.Lakin bir məsələ var ki, bu haqda sizdən məlumat almaq istəyirəm.özüm Mingəçevir şəhərində daimi qeydiyyatdayam.Hazırda 15ildən çoxdu Bakı şəhərində faktiki olaraq yaşayıram.Qeydiyyata düşmək üçün mütləq Mingəçevir şəhərindəki yerli idarəyə müraciət etməliyəm ya Bakı şəhərində yaşadığım rayon üzrə müraciət edə bilərəm? Və müddətdən artıq həqiqi hərbi xidmətə qəbul üçün hansı sənədlər gərəklidir? Öncədən təşəkkürümü bildirirəm.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Nəzərinizə çatdırırıq ki, hal-hazırda Səfərbərlik və Hərbi Xidmətə Çağırış üzrə Dövlət Xidmətində qadınlar üçün nəzərdə tutulmuş hərbi vəzifələr üzrə vakant yerlər olmadığı üçün, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün deyil.
Zaminəli Soruşur Yazılma Tarixi:20.07.2020 06:43:31

Salam Sualıma Cavab Verin Zəhmət olmasa ,mən 3 aylığ müvəqqəti yararsız hesab olundum müalicə alırdım deyə,oktyabrda yararlı olsam əsgər getsəm ,bu iyul ayında əsgər gedən qardaşımın düşdüyü yerə düşəcəm?ya ayrı ayrı? Və ya ərizə ilə müraciət etsəm baxılarmı? Ailənin maddi imkanı yetməyəcək ayrı ayrı yerlərə getməyə. Cavablayardız zəhmət olmasa

Bildiririk ki, qardaşlar eyni vaxtda və eyni rayon çağırış komissiyası tərəfindən həqiqi hərbi xidmətə çağırılarlarsa, onlar bir qayda olaraq hərbi xidmət keçmək üçün eyni hərbi hissəyə göndərilirlər.
Fuad Soruşur Yazılma Tarixi:20.07.2020 02:52:14

Salam, bu iyul prizivi olanların hara düşdükləri barədə növbəti nə vaxt bəlli olacaq ?

Bildiririk ki, 20.07.2020-ci il tarixdə çağırışçılar müddətli həqiqi hərbi xidmət keçmək üçün Silahlı Qüvvələr üzrə təyinatları ilə bağlı SMS xidməti vasitəsilə məlumatlandırılmışlar. Bundan əlavə çağırışçılar SHXÇDX-nin rəsmi saytında “Elektron xidmət” bölməsinə daxil olaraq özləri haqqında məlumatları Xidmətin saytına daxil edərək xidmət edəcəkləri qoşun növünü dəqiqləşdirə bilərlər. Əks halda Xidmətin qeydiyyatda olduqları yerli idarə, şöbə və ya bölməsinə müraciət etmələri tövsiyə olunur.
Günel Soruşur Yazılma Tarixi:19.07.2020 23:09:25

Salam Men men konullu olaraq herbide ehtiyac olarsa muharibe olarsa konullu qeydiyyatdan kecdim.kecib kecmediyimi hardan oyrene bilerem.portala giris deyirler amma tapmiram sehfede

Müraciətiniz üçün təşəkkür edirik. Bildiririk ki, könüllü olaraq orduda xidmət etmək istəyən vətəndaşlar bu gündən Xidmətin www.seferberlik.gov.az saytında aşağıdakı keçid vasitəsilə öz müraciətlərini elektron qaydada həyata keçirə bilərlər. https://exidmet.seferberlik.gov.az/Volunteer/Service
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.