Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Yaşar Soruşur Yazılma Tarixi:20.02.2020 12:08:28

Salam mənim hərbi biletimə yazılıb 66 ç MD3 hərbi xidmətə yararlı...ali təhsilliyəm 1 ildə Ədliyyədə əsgərlikdə oldum.polise işə girmek istirem deyir siz herbi siralarinnan azadsız....başa düşə bilmirəm mən umumiyyetce Polis.Fhn.milli ordu ya Gömrük vergi yeni paqon işinə girə bilmərem....eger yararsızamsa meni niye esgere aparirdiz 1 il demeli men bos bosuna xidmet etmişəm??? Bu ne demekdi?? Muharibe olsa ama ele aparasinizki ama ise giremeye yararsiz oluram...Tələb edirəm cavab verin sualıma

Portala daxil olan müraciətinizlə bağlı bildiririk ki, hərbi vəzifəlilərin hərbi xidmətə yararlılıq dərəcəsi «Hərbi-həkim ekspertizası haqqında Əsasnamə»yə uyğun olaraq Xidmətin yerli idarə, şöbə və bölmələrinin hərbi-həkim komissiyaları tərəfindən müəyyən edilir. Mövcud qanunvericiliyin tələblərinə əsasən çağırış komissiyasının qərarı ilə razılaşmayan vətəndaşlar, dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi halda hərbi xidmətə yararlılıq kateqoriyasının təyin edilməsi məqsədi ilə hərbi-həkim komissiyası tərəfindən təkrar şəhadətləndirilə bilərlər. Bu səbəbdən hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölməsinə şəxsən müraciət etməyiniz məqsədəuyğundur.
Ümman Soruşur Yazılma Tarixi:20.02.2020 11:32:25

Salam mən hərbi biletimi itirmişəm amma səfərbərlik üçün verilən kağızım qalır. Nə etməliyəm

Portala daxil olan müraciətinizlə bağlı bildiririk ki, mövcud qanunvericiliyin tələblərinə əsasən hərbi bilet etinasız saxlanılması nəticəsində korlandığı və ya itirildiyi halda, inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 607-ci maddəsi) tələb olunan sənədlər əsasında hərbi vəzifəlinin hərbi qeydiyyatda olduqları yer üzrə Xidmətin struktur bölmələri tərəfindən yeni hərbi bilet verilir.            Bildiririk ki, itirilmiş və ya korlanmış hərbi biletin əvəzinə yeni hərbi biletin verilməsi üçün hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölməsinə şəxsən müraciət etməyiniz məqsədəuyğundur.
Elsevər Soruşur Yazılma Tarixi:20.02.2020 01:58:11

Salam, Mən Qərbi Kaspi Universitetinin tərcümə (ingilis dili) ixtisası üzrə bitirmişəm,SHXÇDX-də iş üçün müraciət edə bilərəm və hansı qaydada?

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, ixtisasınız Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vakant vəzifələrin ixtisas profilinə uyğun olmadığına görə, Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Əli Soruşur Yazılma Tarixi:20.02.2020 00:34:48

Salam Səfərbərlik Xidməti. Əvvəla bu bölmənin yaradılmasında əməyi keçən hər kəsə dərin təşəkkürümü bildirirəm. Rəsmi saytınız və bilavasitə bu sual- cavab bölməsi çox operativ işləyir. Sizə sualım ondan ibarətdir ki, 3 və daha artıq övladı olan şəxs hərbi xidmətə aparılırmı? Sağlamlığında olan problemlərə görə hərbi xidmətə getməyən, lakin hər 3 ildən bir hərbi həkim komisiyasından keçən şəxsin əyər 3- cü övladı dünyaya gəlibsə o hərbi xidmətdən azad olunurmu? Yoxsa yenə hərbi həkim komisiyasından keçməkdə davam etməlidir? Sualımı cavablandırdığınız üçün qabaqcadan təşəkkür edirəm.

“Hərbi vəzifə və hərbi xidmət haqqında” Azərbaycan Respublikası Qanununun 19.1.2-ci maddəsinə əsasən, 3 və daha çox uşağı olan çağırışçılara ailə vəziyyətinə görə müddətli həqiqi hərbi xidmətə çağırışa möhlət verilir.  Həmin Qanunun 20.3-cü maddəsinə uyğun olaraq, dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı dinc dövrdə həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Bildiririk ki, 3 və daha çox uşağı olan, təkrar tibbi müayinə zamanı hərbi xidmətə yararlı hesab olunanlar müddətli həqiqi hərbi xidmətə çağırılır və “Hərbi vəzifə və hərbi xidmət haqqında” Azərbaycan Respublikası Qanununun 19.1.2-ci maddəsinə əsasən, ailə vəziyyətinə görə 35 yaşa qədər müddətli həqiqi hərbi xidmətə çağırışa möhlət verilir.
Rusif Soruşur Yazılma Tarixi:19.02.2020 12:58:52

Salam mən SHXÇDX-nə həqiqi hərbi xidmətə işə qəbulla bağlı sənədlərimi təqdim etmişəm.Həftənin tək günü 05.02.2020-ci il tarixdə Zərifə Əliyeva 30 ünvanına müraciət edərək istənilən sənədləri təqdim etmişəmzəhmət olmazsa mənə nə zaman cavab veriləcəyini öyrənə bilərəm?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, həqiqi hərbi xidmətə (işə) qəbulla bağlı müraciət etmiş vətəndaşların sayı çox olduğundan onların Xidmətin Aparatına müsabiqəyə (test imtahanı) dəvət olunmaları növbəli qaydada həyata keçirilir. Müsabiqəyə dəvət olunmağınız barədə Sizə (telefon rabitəsi vasitəsi ilə) əlavə məlumat veriləcəkdir.
Asif Soruşur Yazılma Tarixi:19.02.2020 01:22:02

Salam mən dsx-də gizir kimi xidmət olmuşam bəzi səbəblərə görə 41.0.6-ci maddəyə əsasən sülh dövründə xidmətə uyğunsuz kimi ehtiyata buraxilmisam mən yenidən hərbi biletimi necə xidmətə yararlı edə bilərəm

Portala daxil olan müraciətinizə əsasən bildiririk ki, qeyd olunan maddənin dəyişdirilməsi yalnız Məhkəmə qaydasında mümkündür. Odur ki, aidiyyəti üzrə Məhkəmə orqanlarına müraciət etməyiniz tövsiyə olunur.
Səlim Soruşur Yazılma Tarixi:18.02.2020 20:47:47

Salam mən yaxınlaşmışam Nərimanov rayon şöbəsinə yaxınlaşdım dedilər ki fevral ayının 6 sı sizin mərkəzi şöbənizə dedilər ki 10 gün ərzində qərar təstiqləndikdən sonra hərbi bilet veriləcək. Amma bu gün yaxınlaşdım hazır deyl. Bu ləngimənin səbəbini bilmək istərdim. Keçən ilin may ayından uzadılır hələ də mənə aid olan sənədim hərbi biletimi verilmir. Əgər verilməsə mən məcbur olub muvafiq orqanlara müraciət edəcəm. Ona görədə mən tələb edirəm hərbi biletimi

Barənizdə rayon çağırış komissiyası tərəfindən qəbul edilən qərar təsdiq olduğu üçün, Siz S/X-0548499 nömrəli hərbi biletlə təmin olunacaqsınız. Bu səbəbdən, Sizin 27.02.2020-ci il tarixdə qeydiyyatda olduğunuz Xidmətin Nərimanov rayon idarəsinə müraciət etməyiniz məqsədəuyğundur.
Babaxan Soruşur Yazılma Tarixi:18.02.2020 13:24:39

Salam mən ehtiyyatda olan zabitem leytenant.2012-2015-ci llerde DSX xidmət etmişəm.2017ci ildə sizə xidmətə qəbulla bağlı müraciət edərək imtahanda iştirak etmişəm və 72 balla kesilmisem.Biomek istəyirdim növbəti dəfə müraciət edə bilərəm?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, Sizin Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul olunmağınızla bağlı müraciətinizə yenidən baxılması məqsədəuyğun hesab etmirik.
Nurlan Soruşur Yazılma Tarixi:16.02.2020 22:29:27

SalamMən Şəki rayonu Oraban kənd sakini Nəsrullayev Nurlan Mayis oğlu 22 yaşım var. 2018 ci ildə Azərbaycan Dövlət Neft və Sənaye Universitetinin Energetika fakultəsini bitirmişəm .2019 cu ildə Hərbi xidmətdən gəlmişəm.Səfərbərlik idarəsində necə işə düzələ bilərəm? Vakansiya varmı?

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bildiririk ki, ixtisasınız Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vakant vəzifələrin ixtisas profilinə uyğun olmadığına görə, Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Nahib Soruşur Yazılma Tarixi:16.02.2020 19:01:49

Salam men işlə bağlı senedlerimi vermişem Seferberliye. 11 gündü hele cavab yoxdu. İmtahan verecem yoxsa yox?

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Müraciətinizlə əlaqədar həftənin tək günləri Səfərbərlik və Hərbi Xidmətə Çağırış üzrə Dövlət Xidmətinin Kadrlar və kadr hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Səfərbərlik və Hərbi Xidmətə Çağırış üzrə Dövlət Xidmətinə işə qəbulu, keçirilən müsabiqənin (test imtahanı) və müsahibənin nəticələrindən asılı olaraq müəyyən edilir. Məlumat üçün bildiririk ki, test imtahanında ümumi bilik səviyyəsi və dünya görüşü yoxlanılır. Ünvan: Bakı şəhəri, Səbail rayonu, Zərifə Əliyeva küçəsi – 30.
Cədvəldə sətir sayı :13946

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.