Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
İsmayıl Soruşur Yazılma Tarixi:16.04.2018 14:22:52

Hərbi vətənpərvərlik və mütəxəssis hazırlığı mərkəzi-nin tərkibində olan kurslar hələ də fəaliyyət göstərir?

Bildiririk ki hal-hazırda Səfərbərlik və Hərbi Xidmətə Çağırış üzrə Dövlət Xidməti tərəfindən  vətəndaşlar üçün sürücü ixtisası üzrə  hazırlıq kursları təşkil edilir.
Nağı Soruşur Yazılma Tarixi:16.04.2018 12:32:14

Salam, mən Türkiyədə yüksək lisans təhsil almaq üçün başvuru etmək istəyirəm. Nəticələr avqust ayında çıxacaq. Məndə iyul ayı üçün həqiqi hərbi xidmətə çağırılacam. Möhlət hüququ verilirmi və ya verilmirsə hansı sənədləri vermək lazımdı bunun üçün. indidən təşəkkürlər.

Bildiririk  ki, çağıış yaşlı vətəndaşlar , xarici ölkələrin təhsil müəssisələrinə keçiriləcək qəbul imtahanlarında sağlamlıq və ya ailə vəziyyətinə görə möhlət hüquqları olduğu halda iştirak edə bilərlər.
Hüseyn Soruşur Yazılma Tarixi:15.04.2018 22:38:43

Salam mene axi uje herbi komissarlig herbi bilete yazib axi evvelki xesteliyi men axi saglamam mende hecbir problem yoxdu mende 2021 ci ilecen gozdemek istemiremde istiyirem 5, 6 ayacan mesele hell olunsun

Portala daxil olan növbəti müraciətinizlə bağlı bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş «Hərbi-həkim ekspertizası haqqında» Əsasnamənin 6.3-cü maddəsinə əsasən hərbi xidmətə yararsız hesab edilmiş vətəndaşlar dövlət səhiyyə sistemi müəssisələrində və ya digər tibb müəssisələrində müayinə nəticəsində onlarda əvvəllər müəyyən edilmiş diaqnoz dəyişdirildiyi və ya onların sağlam hesab edildikləri halda təkrar şəhadətləndirilirlər.           Araşdırma zamanı məlum olmuşdur ki, təkrar tibbi müayinə zamanı Xidmətin Qaradağ rayon idarəsi tərəfindən Bakı şəhər 2 saylı Klinik Psixiatriya xəstəxanasına tibbi müayinəyə gondərilmiş və sağlamlıq vəziyyətinin müayinə aktına əsasən («Xəstəliklər cədvəli»nin 14«b» maddəsi ilə) fevral 2018-ci il tarixdə «dinc dövr üçün hərbi xidmətə yararsız, müharibə dövrü üçün məhdud yararlı» hesab edilmisiniz. Bu səbəbdən Sizin qeyd etdiyiniz müddət ərzində yenidən tibbi şahadətləndirilməyiniz mümkün deyil.
Hüseyn Soruşur Yazılma Tarixi:15.04.2018 16:59:08

Yeniki gedib oz wotuma tibbi muayineden kecib saglamlig vereqesini alib herbi komisarliga teqdim ede bilerem? Esgerliye aparacaglar ya yox?

Bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin tələblərinə əsasən tibbi baxışların, müayinələrin (müşahidələrin), müalicə-sağlamlıq tədbirlərin və profilaktik peyvəndlərin təşkili və keçirilməsi dövlət səhiyyə sisteminin yerli idarəetmə orqanlarına və tibb müəssisələrinə həvalə olunmuşdur. Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
elşən Soruşur Yazılma Tarixi:15.04.2018 16:20:49

salam men 1994cü il təvəllüdəm əsgərlikdə olmamışam könüllü olaraq əsgərliyə gedməy isdəyirəm hara və kimə müraciət etməliyəm?

Bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 20.3-cü maddəsinə əsasən dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər. Təkrar tibbi müayinə zamanı həqiqi hərbi xidmətə yararlı hesab olunanlar ümumi əsaslarla müddətli həqiqi hərbi xidmətə çağırılırlar. Eyni zamanda nəzərinizə çatdırırıq ki, vətəndaşların könüllü olaraq müddətli həqiqi hərbi xidmətə göndərilməsi məsələsi mövcud qanunvericilikdə nəzərdə tutulmamışdır.
Əli Soruşur Yazılma Tarixi:14.04.2018 03:31:07

Salam .Mən kolleci bitirmişəm hərbi xidmətdə olmuşam fəxri fərmanım və təşəkkür məktubumda var . SHXÇDX də həqiqi hərbi xidmətə sənət verə bilərəm .yoxsa ali təhsil lazımdı ?

Bildiririk ki, hal-hazırda Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Əlisina Soruşur Yazılma Tarixi:13.04.2018 14:51:21

Salam.Men esger getmek isteyirem sizden cavab gelmelidiki meni komisiyadan kecirtsinler nece elemey olarki sizden cavab mene tez gelsinki komisiyadan kecib aprelde gedim esger men yararsiz idim indi sagalmiwam xahiw elirem tezlewdirin

Sizin vaxtından əvvəl təkrar tibbi şəhadətləndirilməniz, dövlət səhiyyə sistemi müəssisələrində və ya digər tibb müəssisələrində müayinə nəticəsində əvvəllər müəyyən edilmiş diaqnozun dəyişdirildiyi və ya sağlam hesab edildiyiniz barədə tibbi sənədlərin hərbi qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildiyi halda mümkündür.
Asiman Soruşur Yazılma Tarixi:12.04.2018 22:44:45

Salam. Men 1988 ci il tevelludluyem. Ali tehsilliyem. Herbi xidmetde olmusam. Tovuz rayon herbi komissarliginda muvafiq ise qebul olunmaq isteyirem. Zehmet olmasa komeklik gosteresiniz. Tesekkurler

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin elektron ünvanına göndərdiyiniz ərizəyə tərəfimizdən baxılmışdır.    Bildiririk ki, hal-hazırda Səfərbərlik və Hərbi Xidmətə Çağırış üzrə Dövlət Xidmətinin Tovuz rayon şöbəsində vakant vəzifələr olmadığına görə, Sizin işə qəbul olunmağınızla bağlı müraciətinizin müsbət həlli mümkün deyil.
yunis Soruşur Yazılma Tarixi:12.04.2018 16:49:39

Mən 29.01.2018 də 18 yaşım tamam olub özüm texnikomda oxuyuram iyun ayının axırında diplom alacam mən sənəd verəbilərəm

“Hərbi vəzifə və hərbi xidmət haqqında “Azərbaycan Respublikası Qanununun 21.1-ci maddəsinə əsasən, mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında təhsilini davam etdirmək üçün çağırışçılara möhlət yalnız bir dəfə verilir. Bildiririk ki, Siz 2018-ci ilin iyul çağırışı zamanı ümumi əsaslarla müddətli həqiqi hərbi xidmətə çağırışa cəlb ediləcəksiniz.
Taleh Soruşur Yazılma Tarixi:11.04.2018 23:15:46

Salam. Belimdə 2-ci dərəcəli skalyozum var , birdə gözümün altında kista var. Bilmək isdəyirdim ki, əsgər aparacaqlar ? zəhmət olmasa cavab yazardınız.

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən onurğanın II mərhələ skoliozu olan çağırışçılar “Dinc dövrdə hərbi xidmətə yararsız, müharibə dövründə məhdud yararlıdır” hesab edilirlər. Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Əlavə olaraq bildiririk ki, Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır.
Cədvəldə sətir sayı :13967

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.