Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Coşqun Soruşur Yazılma Tarixi:14.01.2018 23:14:14

Salam.men 20 yanvara cagriblar ama heleki hara dusmeyim haqqinda melumat yoxdur

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Teymur Soruşur Yazılma Tarixi:14.01.2018 20:28:44

Salam oglumun ayagimin alti duzdur. Herbiye yararsiz lakin muharibe zamani yararli yazilib. 1 defe komisyadan kecib bu il yene komisya vaxtimdi. Bilmek isteyirem deqiq nece dereceli olduqu halda herbiye yararsiz sayilir ve komisyaya odenis lazimdirmi? Birde bilmek isteyirem ki, bildiyim qeder dabansizliq xesteliyi omurluk olur yani sagalmir. Bilmek olar ki her 3ilden bir yoxlanisa getmesi birdefelik yoxlanilsin?

Çağırışçıların sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 68-ci maddəsinin I qrafasının tələblərinə əsasən yastıpəncəliyin dərəcəsindən asılı olaraq aparılır. Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən: III dərəcə yastıayaqlılıqda (boylama içəri tağın bucağı 155 dərəcədən çoxdur, tağın hündürlüyü 17 mm-dən azdır) çağırışçılar “Dinc dövrdə hərbi xidmətə yararsız, müharibə dövründə məhdud yararlı” hesab edilirlər.  “Hərbi vəzifə və hərbi xidmət haqqında” Azərbaycan Respublikası Qanununun 20.3 maddəsinə əsasən dinc dövrdə hərbi xidmətə yararsız, müharibə dövründə məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər.
Hikmət Soruşur Yazılma Tarixi:14.01.2018 15:21:46

Salam . mene herbi xidemete qore yanvarin 9 una poveska qelmishdi . amma bezi yoxlanishlara qonderildim ( yararli yazilib hamisinda )deye mene hara dushduyum barede melumat qelmeyib uji usdunnen 5 qun kechib , nosh qelmirki resmi saytdan yoxlayiram diyir qonderilen melumatlara uygun chagirishchi tapilmadi . zehmet olmasa cavablandraduzda .

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Cavid Soruşur Yazılma Tarixi:14.01.2018 12:10:21

hansi herbi hissede xidmet edecem

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 yanvar tarixindən etibarən Xidmətin rəsmi saytında yerləşdiriləcəkdir.
Tural Soruşur Yazılma Tarixi:13.01.2018 00:12:25

Salam .Mən 01. 02. 2017 ci il tarixində test imtahanında zəif nəticə göstərmişəm. Cənab general leytenant Arzu Rəhimov vətəndaşları qəbulda bildirmişdi ki yenidən imtahanda ən azı bir il müddətində iştirak etmək mümkündür. Xidmətə hədsiz maraqim və bacarıq im var.Men nə vaxt yenidən işə qəbulla müraciəti edə bilərəm. Xahiş edirəm ətraflı cavablandirardiniz.onceden Təşəkkür

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Bir daha nəzərinizə çatdırırıq ki,  01.02.2017-ci il tarixdə keçirilmiş müsabiqədə zəif nəticə göstərdiyiniz üçün, Sizin Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə (işə) qəbul olunmağınızla bağlı müraciətinizin müsbət həlli mümkün hesab edilməmişdir.
Zaur Soruşur Yazılma Tarixi:12.01.2018 17:43:05

SalaM -Mən həqiqi hərbi qulluqcu kimi işə qəbulla bağlı 04.01.2018 ci ildə ərizə ilə müraciət etmişəm ancaq ərizəmin Səfərbərlik və Hərbi Xidmətə Çağırış üzrə Dövlət Xidmətinə çatıb çatmadığı barədə məlumat verməyinizi xahiş edirəm.

Sizin, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin internet portalına daxil olmuş müraciətinizə baxılmışdır. Müraciətinizlə əlaqədar həftənin tək günləri Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbulu, keçirilən müsabiqənin (test imtahanı) və müsahibənin nəticələrinə, eləcə də fiziki hazırlıq göstəricilərinə (qəbul olunmuş normativlərə) uyğun olaraq müəyyən edilir. Test imtahanında ümumi bilik səviyyəsi və dünya görüşü yoxlanılır. Əlavə olaraq bildiririk ki, Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbul edildiyiniz təqdirdə Siz Azərbaycan Respublikasının istənilən bölgəsində xidmət etməyə şərtsiz hazır olmalısınız. Ünvan: Bakı şəhəri, Səbail rayonu, Zərifə Əliyeva küçəsi – 30.
Maşdı Soruşur Yazılma Tarixi:12.01.2018 17:14:52

Salam. Əgər hər iki gözün görməsi -7 olarsa, bu halda hərbi xidmətə yararlı hesab olunur?

Azərbaycan Respublikasının Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 34-ci maddəsinin I qrafasının tələblərinə əsasən hər hansı gözün meridianlardan birində 6,0 DPTR-dən artıq və 8,0 DPTR-ə qədər yaxın görməsi olan çağırışçılar “Sülh dövründə hərbi xidmətə yararsız, müharibə dövründə məhdud yararlı” hesab edilirlər.
Habil Soruşur Yazılma Tarixi:12.01.2018 16:01:41

istifade etnediyim mezuniyyet gunlerine gore odenilmeli mevlegle bagli

Müraciətinizin araşdırılması üçün özünüz haqqında məlumatları və nə istədiyinizi aydın yazmağınız zəruridir. 
Camal Soruşur Yazılma Tarixi:12.01.2018 14:33:15

Salam. Ağ biletimdə 1 saylı siyahı ilə müalicəyə ehtiyyacı var yazılmışdır. Xahiş edirəm cavablandırardız bunun mənası nədir ?

Müraciətinizlə bağlı müvafiq araşdırmanın aparılması məqsədilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Ramal Soruşur Yazılma Tarixi:12.01.2018 11:58:05

Salam mene yayda cagirs gelecek bilmek istiyirdim olkeden cixmaqa ne vaxt stop qoyulur nece vaxt qalmis

Bildiririk ki, müddətli həqiqi hərbi xidmətə çağırılacaq vətəndaşlara çağırış ayınadək sərhədkeçməyə məhdudiyyət qoyulmur.
Cədvəldə sətir sayı :13968

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.