Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Kamran Soruşur Yazılma Tarixi:29.06.2017 17:12:37

Salam məni iyunun 7si travmatologiya institutuna skalioz diaqnozu ile yoxlanışa yolladilar yoxlandim və heç bir problem olmadigi deyildi yəni yararliyam, ve bugunde çagirişçilarin hara dusduyu bilindi ama menim hara dusduyum bilinmedi ununiyetle bele cagirişci olmadigi yazildi, Agstafa rayonunda qeydiyyatdayam oranin vayenkomati ile maraqlandim dedilerki senin senedlerin hele gelmeyib, men bilmek isterdim menim senedlerim ne vaxt gelecek? Men bu cagiriş esgerliye gede bilecem ya yox? Xahiş etrafli melumat vererdiz

Bildiririk ki, müayinənin nəticəsi («Sağlamlıq vəziyyətinin  müayinə edilməsi aktı») Xidmətin Ağstafa rayon şöbəsinə daxil olduqdan sonra Sizin müddətli həqiqi hərbi xidmətə çağırışa cəlb olunma məsələnizə qanunvericiliyin tələblərinə uyğun olaraq baxılacaqdır.
ELCAN Soruşur Yazılma Tarixi:29.06.2017 16:43:45

herbi xidmete hara dusmusuz

Bildiririk ki, özünüz haqqında olan məlumatları dəqiq, Azərbaycan dilində Xidmətin saytına daxil edib cavab ala bilərsiniz. Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Elşən Soruşur Yazılma Tarixi:29.06.2017 15:18:17

Salam men hekim komisiyasindan kecmisem amma mene ferdi cagiris vereqesi verilmeyib bunun sebebi nedir

Bildiririk ki, müayinənin nəticəsi («Sağlamlıq vəziyyətinin  müayinə edilməsi aktı») Xidmətin qeydiyyatda olduğunuz idarə, şöbə və ya bölməsinə daxil olduqdan sonra Sizin müddətli həqiqi hərbi xidmətə çağırışa cəlb olunma məsələnizə qanunvericiliyin tələblərinə uyğun olaraq baxılacaqdır
Məhəmməd Soruşur Yazılma Tarixi:29.06.2017 14:58:06

Salam Mən bu il Magistraturaya qəbul olmuşam. Mən qəbul olduğum Universitetdən qeydiyyatdan keçib Ordan arayış alıb Komisarlığa verməliyəm Lakin bu il Ramazan Bayramı ilə əlaqədər olaraq Universitetdə gecikmə yaşanır və bəzi sənədləri gec alacam Təxmini İyul ayının 7 si tarixində qeydiyyatdan keçə biləcəm . Lakin Mənə İyul ayının 3 tarixinə Çağırış Gəlib.Əgər ayın 7 si Arayış aparsam komisarlığa bu problem yaratmazki? Qeyd edimki Universitetlərə qeydiyyat tarixi 29 iyun -10 iyul tarixləri arasındadır. Xaiş edirəm cavablandırın

Bildiririk ki, Respublikanın ali təhsil müəssisəsinin magistratura səviyyəsinə qəbul imtahanlarından müvəffəqiyyət qazanmış çağırışçıların adlı siyahısı Dövlət İmtahan Mərkəzindən Xidmətə təqdim olunmuşdur. Bununla əlaqədar qəbul olduğunuz ali təhsil müəssisəsindən qeydiyyatdan keçdikdən və qəbul olunmağınız barədə arayışı hərbi qeydiyyatda olduğunuz Xidmətin yerli idarə, şöbə və ya bölməsinə təqdim etdikdən sonra barənizdə qanunamüvafiq qərar qəbul ediləcəkdir.  
şəmşir Soruşur Yazılma Tarixi:29.06.2017 14:06:50

salam men 3 iyul tarixinde heqiqi herbi xidmete cagrilmiwam.hara duwduyumu oyrenmek isdeyirem

Bildiririk ki, özünüz haqqında olan məlumatları dəqiq, Azərbaycan dilində Xidmətin saytına daxil edib cavab ala bilərsiniz. Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Qismət Soruşur Yazılma Tarixi:29.06.2017 13:25:08

Salam buğun artıq səhifədə (saytda) iyul ayının çağırışçıları üçün hansı hərbi xidmətdə xidmət edəcəyi haqqında məlumat verildi. Amma mən özüm haqqımda məlumatları qeyd edirəm və yazılır Göndərilən məlumatlara uyğun çağırışçı tapılmadı. Əmim oğlu da iyulda xidmətə yollanır onun haqqında da eyni məlumat verilir tapılmadı yazılır. Nə zaman məlumat tam bazaya oturacaq? Mənim çağırış vərəqimdə 1 iyul yazılıb xidmətə yollanma haqqında mən 1 iyul tarixində yollanacam xidmətə?

Bildiririk ki, vətəndaşların hərbi hissələrə təyin olunmaları haqqında növbəti məlumat 20-25 iyul tarixindən etibarən Xidmətin rəsmi saytında yerləşdiriləcəkdir.
Orxan Soruşur Yazılma Tarixi:29.06.2017 13:08:20

Demeli 2017 ci il iyun ayında kecdiyini herbi tibbi komisiya zamanı aydın oldu ki, menim gözlerimin her biri ayrı ayrılıqda -4 görür ve elave olaraq gözlerimde işıqa qarşı hessasiyet var işıq olan kimi ağrıyır ve qıcıqlanır. Bu veziyyetde men qanunen herbi xidmete gede bilerem yoxsa yox? Ve onu da qeyd edim ki tam yararlı herbi xidmet etmek istirem müalice alıb bele natamam yararlı yox.

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Əlavə olaraq bildiririk ki, çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
Əfran Soruşur Yazılma Tarixi:29.06.2017 12:01:33

Salam. Bilmek isteyirem ki, hansi herbi hissedi xidmet edeceyimiz haqqinda melumati saytinizda hansi panelden istifade ederek oyrene bilerik? Hemin panel iyunun 30-u gece aktiv olacaq?

Bildiririk ki, özünüz haqqında məlumatları dəqiq, Azərbaycan dilində Xidmətin saytına ( “elektron xidmət”) bölməsinə daxil edib cavab ala bilərsiniz.           
Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.
Ədalət Soruşur Yazılma Tarixi:29.06.2017 02:13:31

Salam.Mən təhsil aldığı universitetdə buraxılış işimin müdafiəsi səbəbilə verməli olduğum analizlərin bəzilərini çatdırıb verə bilməmişəm.İyun ayının 30-u isə son gündür.Bunun bir həll yolu var mı?Yəni mənə 1 günlük möhlət verilə bilər mi ki,gedib verə bilmədiyim 3 analizi də verim?

Qeyd etdiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.
Alışan Soruşur Yazılma Tarixi:29.06.2017 01:12:51

Iyulda herbi xidmete gedenlerin siyahisi ne vaxt bilinecek ?

Bildiririk ki, özünüz haqqında məlumatları dəqiq, Azərbaycan dilində Xidmətin saytına daxil edib cavab ala bilərsiniz. Əks halda qeydiyyatda olduğunuz idarə, şöbə və ya bölməyə müraciət etməyiniz tövsiyə olunur.  
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.