Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Rasim Soruşur Yazılma Tarixi:01.06.2017 14:07:30

Salam.Mən iyul ayinin 1-i hərbi xidmətə çağırılmışam.Həkim komissiyasının sədri əlimin üstündə adi bir yara olduğuna görə deyir 3-4 gün dəlixanada yatmalısan.bu nə qədər düzgündür?Və dəlixanaya getməsəm nə baş verəcək?

Müəyyən olunmuşdur ki, 2017-ci ilin iyul çağırışına hazırlıqla əlaqədar, Siz, Xidmətin qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçirilmiş, qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və əlavə olaraq səhhətiniz ilə əlaqədar aidiyyəti üzrə müayinəyə göndərilməniz məqsədəuyğun hesab edilmişdir. Dövlət səhiyyə müəssisəsi tərəfindən tərtib edilən “Sağlamlıq vəziyyətinin müayinə edilməsi aktı” qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinə (bölmə və ya şöbəsinə) təqdim edildikdən sonra Sizin həqiqi hərbi xidmətə yararlı olub-olmaması barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir. Odur ki, əlavə tibi müayinələrdən keçməyiniz mütləqdir.
Kamran Soruşur Yazılma Tarixi:31.05.2017 23:54:35

Salam,men bilmek isterdim deniz qoşunlarına da aiddir nazirliyin saytındakı ehtiyyat zabit kursları ?

Səfərbərlik və Hərbi Xidmətə Çağırış üzrə Dövlət Xidmətinin portalına daxil olmuş müraciətinizə əsasən bildiririk ki, “Zabit hazırlığı kursu” Silahlı Qüvvələrin Təlim-Tədris Mərkəzində təşkil edilir. Kursların nə vaxt, hansı müddətə keçirilməsi, kurslara qəbulun qayda və şərtləri Azərbaycan Respublikasının Müdafiə Nazirliyi tərəfindən müəyyən edilir. Odur ki, qeyd etdiyiniz məslə ilə bağlı aidiyyəti üzrə müraciət etməyiniz tövsiyə olunur. 
Ceyhun Soruşur Yazılma Tarixi:31.05.2017 23:35:29

Salam. SHXÇDX-i dövlət qulluğu kateqoriyasına daxil edilib? Əgər edilibsə bu yerli idarə, şöbə və bölmələrdə çalışan mülki işçilərədə şamil ediləcək? Yəni onlarda dövlət qulluğçusu statusu daşıyacağlarmı? Xahiş edirəm sualımı ətraflı cavablandırasınız. Əvvəlcədən təşəkkür edirəm.

Azərbaycan Respublikası Prezidentinin 2012-ci il 13 fevral tarixli 593 nömrəli Fərmanı ilə təsdiq edilmiş “Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti haqqında”  Əsasnamənin 1.7-ci bəndinə əsasən, Səfərbərlik və Hərbi Xidmətə Çağırış üzrə Dövlət Xidmətin kadr tərkibi hərbi qulluqçulardan və işçilərdən (dövlət qulluqçularından və dövlət qulluqçusu olmayan mülki işçilərdən) ibarətdir. Azərbaycan Respublikasının Nazirlər Kabineti tərəfindən təsdiq olunmus “Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin ştat strukturu”na əsasən, dövlət qulluqçusu olan mülki işçilərin kadr tərkibi yalnız Xidmətin Aparatında müəyən edilmişdir.
Emil Soruşur Yazılma Tarixi:31.05.2017 20:25:16

Salam. Mən ehtiyat zabit kursunu keçərək leytenant rütbəsini almışam və 2008-2010-cu illərdə zabit olaraq hərbi xidmətdə olmuşam. Hərbi xidmət müddətində müvafiq olaraq maaş almışam və aldığım maaşdan Dövlət Sosial Müdafiə Fonduna tutulmalar olub. Belə olan təqdirdə zabit kimi xidmət etdiyim 1 il 6 ay (18 ay) müddət mənim sosial sığorta stajıma da aid edilməlidir. Amma belə bir problem yaranıb ki, mənim əmək kitabçam hərbi xidmətdən sonra açılıb və əmək kitabçamda hərbi xidmət müddətim aid edilməyib. Hazırda işlədiyim idarədə də əmək kitabçasında qeydiyyat olmadığı üçün problem yaranıb. Bu barədə soruşduqda bildirdilər ki, səfərbərlik və hərbi xidmətə çağırış üzrə dövlət xidmətindən əmək kitabçamda müvafiq dövrə dair qeydlərin aparılmalıdır. Mən özüm Qaradağ rayonunda uçotdayam. Sualım isə belədir ki, bu barədə mənə necəsə köməklik edə bilərsinizmi? Rayon şöbəsində əmək kitabçamda qeydiyyat apara bilərlərmi? Sualım anlaşılmayan olarsa, çox xahiş edirəm, 0506840647 nömrəsi ilə mənimlə əlaqə saxlayasınız. Öncədən minnətdaram. Hörmətlə.

Bildiririk ki, əmək kitabçanızda hərbi xidmət müddətinin qeyd edilməsi ilə bağlı aidiyyəti üzrə xidmət etdiyiniz hərbi hissəyə müraciət etməlisiniz.
Töhfə Soruşur Yazılma Tarixi:31.05.2017 09:54:04

menim nisanlim semkirde herbi hissededi il yarimligd bu ay 11 ayi tamam oldu 12 ci aya kecirik ama hele mezuniyyete gelmeyib bilmek isdiyirik ne vaxt gelecek ve nece gunluk gelecek

“ Azərbaycan Respublikasının 1997-ci il 3 oktyabr  tarixli  377-IQ nömrəli qanunu ilə təsdiq edilmiş “Hərbi xidmətkeçmə haqqında “ Əsasnamənin 120-ci maddəsinə əsasən, müddətli həqiqi hərbi xidmət hərbi qulluqçularına–müddətli həqiqi hərbi xidmət ərzində - bir dəfə 10 gün müddətinə növbəti məzuniyyət verilir.         Müddətli həqiqi hərbi xidmət hərbi qulluqçularının növbəti məzuniyyətə buraxılmaları barədə xidmət keçdikləri qoşun növünün komandanlığına müraciət etmələri tövsiyə olunur.           
Muxtar Soruşur Yazılma Tarixi:30.05.2017 22:18:59

Oğlum Ağayev Muxtar Mehman oğlunun ne vaxt hərbi xidmətə getməyinin vaxtını və harada xidmət edəcəyini öyrənmək istəyirəm.

Qeyd etdiyiniz məsələ ilə bağlı təcili olaraq  02.06.2017-ci il tarixdə Xidmətin Binəqədi rayon idarəsinə gəlməyiniz tövsiyə olunur.
Muxtar Soruşur Yazılma Tarixi:30.05.2017 21:58:13

Oğlum Ağayev Muxtar Mehman oğlu 03.07.1998-ci ildə Bakı şəhərində anadan olmuşdur.Hal-hazırda Göyçay Dövlət idarəetmə və Texnologiya kolleçinin məzunudur.Bilmək istəyirdik ki, o hərbi xidmətə nə vaxt çağırılacaqdır.

Qeyd etdiyiniz məsələ ilə bağlı təcili olaraq  02.06.2017-ci il tarixdə Xidmətin Binəqədi rayon idarəsinə gəlməyiniz tövsiyə olunur.
Elçin Soruşur Yazılma Tarixi:29.05.2017 20:58:43

Salam. Mən hərbi biletimi itirmişəm və elektron hökümət portalı vasitəsilə(itirilmə haqqında sənəd və işsizlik haqqında arayış) itirilməsi barədə müraciət etmişəm. Orada qeyd olundu ki, 3ün 4ə şəkillə və sənədlərin əsli ilə hərbi çağırış məntəqəsinə müraciət olunduqdan sonra hərbi biletin yenisi veriləcək. onu bilmək istərdim ki, hərbi çağırış məntəqəsinə nə zaman müraciət edim. Əvvəlcədən minnətdarlığımə bildirirəm.

Portala daxil olan müraciətinizə əsasən bildiririk ki, təkrar hərbi bilet verilməsi ilə bağlı hərbi qeydiyyatda olduğunuz Xidmətin Nizami rayon idarəsinə şəxsən müraciət etməlisiniz.  
Amin Soruşur Yazılma Tarixi:28.05.2017 22:37:11

salam men herbi hiseden 2 aylig esger olarag esebilikden texris olmusam mene Herbi pensiya dusur yoxsa yox?

“Hərbi-həkim ekspertizası haqqında Əsasnamə”nin təsdiq edilməsi barədə Azərbaycan Respublikası Nazirlər Kabinetinin 2008-ci il 29 fevral tarixli 59 nömrəli Qərarına əsasən,  xəstəliyin səbəb əlaqəsinin hərbi xidmətlə əlaqəli olması təyin edildiyi təqdirdə, müvafiq sənədlərlə  aidiyyəti üzrə qeydiyyatda olduğunuz Azərbaycan Respublikası Əmək və Əhalinin Sosial Müdafiəsi Nazirliyinin ərazi Tibbi sosial ekspertiza komissiyasına müraciət etməyiniz tövsiyə olunur.
Kamran Soruşur Yazılma Tarixi:28.05.2017 14:46:01

Salam. Mən Sumqayıt şəhər sakiniyəm. Hərbi xidmətdə 2011-2012 illərdə olmuşam. Səhhətimlə əlaqədar hərbi xidmətdən təxris olmuşam. Hərbi biletdə sülh dövründə yararsız müharibə dövründə məhdud yararlı qeyd olunub. Xəstəlik 2c di. Xarici pasportumun vaxtini uzatmaq istəyəndə hərbi biletimdə 2ci dəfə müayinədən keçməlidir qeydi mane olmuşdur. Bununla əlaqədar Sumqayıt şəhər SHÇDXya getdim.odan məni nüayinə üçün Sumqayit şəhər vərəm dispanserinə göndərdilər. Mənə ordan verilmiş rəylə birlikdə SHÇDX təzdən müraciət etdim. Orda baş həkim və digər həkimlər rəyi imzaladıqdan sonra bütün sənədləri arxiv otağına qoydular. Komissiyanın cavabını öyrənmək üçün iyun ayından başlayaraq hər dəfə müraciət etməli olduğumu bildirdilər. Bilmək istərdim bu proses nə qədər müddətə davam edir? Sadəcə mənə bütün bunlar süründürməçilik kimi gəlir. Bəzi xoşagəlməz halları mən qeyd etməmişəm. Bilmək istərdim qanunla bu proses nə qədər çəkir. Artiq bir aydan çoxdur ki mən vaxt itirirəm. Xahiş edirəm bu haqqda mənə məlumat verəsiniz.

Portala daxil olan müraciətinizlə bağlı aparılan araşdırma zamanı məlum olmuşdur ki, hərbi xidmət dövründə xəstəliklə əlaqədar ehtiyata buraxılmısınız. Bu səbəbdən qüvvədə olan qanunvericiliyin tələblərinə əsasən müvafiq tibb müəssisəsinə müayinəyə göndərilmisiniz. Tibbi müayinələrin nəticələrinə uyğun olaraq əvvəlki xəstəlik diaqnozunuz təsdiq olunmuşdur. Sağlamlıq vəziyyətinin müayinə aktı Xidmətin Sumqayıt şəhər idarəsinə daxil olduqdan sonra hərbi biletiniz rəsmiləşdirilərək 30 may 2017-ci il tarixdə özünüzə qaytarılmışdır.  
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.