Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Tural Soruşur Yazılma Tarixi:11.06.2017 10:53:17

Salam.Mən gizir kimi xidmət eləmək istəyirəm.Eşitmişəmki hər şəhər üzrə çağırılış məntəqəsinə gedib müraciət eləməliyəm.bilmək istədiyim buduki əlavə nə suallar veriləcək və narmativ nə qədərdi.Mənim 26 yaşım var

Portala daxil olan müraciətinizə əsasən bildiririk ki, «Hərbi vəzifə və hərbi xidmət haqqında» Azərbaycan Respublikası Qanununun 36.1.3 maddəsinə əsasən gizirlərin və miçmanların həqiqi hərbi xidmətinə -ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar bağlaşma əsasında həqiqi hərbi xidmətə könüllü daxil olurlar. «Gizir hazırlığı kursu»na namizədlərin seçimi Silahlı Qüvvələrin Təlim və Tədris mərkəzində təşkil edilir. Bu səbəbdən kursların hansı müddətdə keçirilməsi ilə əlaqədar Azərbaycan Respublikasının Müdafiə Nazirliyinə müraciət etməlisiniz. .
Əli Soruşur Yazılma Tarixi:10.06.2017 21:21:04

Salam Aleykum Mən bilmək iüdəyirəmki muddetden artiq herbi xidmet nece ede bilerem? Mənim diplomum yoxdu gizirliyi oxya bileremmi? mumkundurse cavab yazin.

Portala daxil olmuş müraciətinizə əsasən bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə – ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Həmin Qanununun 36.1.3-cü maddəsinə əsasən, gizirlərin və miçmanların həqiqi hərbi xidmətə – ən azı tam orta təhsilli, azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlər istisna olmaqla), habelə 19 yaşından 40 yaşınadək qadınlar daxil olurlar. Vətəndaşların harada və hansı vəzifədə hərbi xidmət keçmələri qulluq (xidmət) etmək istədikləri Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Fövqəladə Hallar Nazirliyi, Dövlət Təhlükəsizliyi Xidməti (keçmiş Milli Təhlükəsizlik Nazirliyi), Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidməti tərəfindən müəyyən edilir. Odur ki, qulluq (xidmət) etmək istədiyiniz müvafiq dövlət orqanına müraciət etməyiniz tövsiyə olunur. 
Rauf Soruşur Yazılma Tarixi:10.06.2017 20:20:55

Salam Demeli men halhazirda 1 ci kursu bitirirəm.Üniversitetdən arayış apardım (arayışda 2021ci ilə kimi orda oxuyacağım yazılır)və mənə möhlət yazıldı.Möhlət 2017 iyul ayının 1 -ə kimi verilib.Mən də iyulun 3ü ölkə xaricinə gedəcəm . Bu möhlətin dolması mənə problem yaradarmı?Deyilmişdi yaradacaq.İndi mən nə etməliyəm?Hərbi komissarlıq məndən 2 ci kursa keçmək haqqında sənəd istəyir hansıkı üniversitet onu özü hər il oktyabr ayında verir və mən üniversitetdən istəyəndə deyildiki biz özümüz oktyabrda yolluyacıq indi verə bilmərik. Bununla bağlı kömək gözlüyürəm zəhmət olmasa yazardız nə etməli olduğumu

Qeyd etdiyiniz məsələ ilə bağlı təcili olaraq  19.06.2017-ci il tarixdə Xidmətin Abşeron rayon şöbəsinə gəlməyiniz tövsiyə olunur.
Vüqar Soruşur Yazılma Tarixi:08.06.2017 20:56:40

Qanda Q-6-FD fermentinin çatişmamazlığı olan çağırışçı herbi xitmetə gedirmi.

Qanda qlükoza-6-fosfat-dehidrogenaza fermentinin çatışmazlığı olan çağırışçılar qanyaradıcı sisteminin funksiyalarının pozulması dərəcəsindən aşılı olaraq “Hərbi-həkim ekspertizası haqqında Əsasnamə”nin “Xəstəliklər cədvəli”nin 80-cı maddəsinin I qrafasına uyğun şəhadətləndirilirlər.  
KƏKLİK Soruşur Yazılma Tarixi:08.06.2017 19:10:09

Mən Sərdarov Tural Ramis oğlunun xalasi sizdən xahiş edirəm Sərdərov Tural hər iki valideynini itirdiyinə və evin tək övladı olduğuna hərbi xidmətini nəzərə alasınız.Bu haqda zəhmət olmasa məlumat verardiniz.Əvvəldən təşəkkürlər.

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr  üzrə xüsusi kompüter proqramı vasitəsi ilə bölündükdən sonra onlar həmin qoşun növlərinin daxili bölgüsünə əsasən hərbi hissələrə təyin olunurlar.  
Kamran Soruşur Yazılma Tarixi:08.06.2017 15:37:03

Salam. Hərbi xidməti səhhətimdə yaranmış promleblə bağlı yarımçıq başa vurmuşam, 3 aya yaxın qospitalda yatmışam, hərbi biletdə xəstəliklər cədvəlinin 2ci qrafasının 2c maddəsi üzrə sülh dövründə hərbi xidmətə yararsız, hərbi dövrdə məhdud yaralı sayılıb, bilmək istərdim mənə pensiya düşürmü? Və hansı əllillik kateqoriyasına aid edilirəm?

Səfərbərlik və Hərbi Xidmətə Çağırış üzrə Dövlət Xidmətinin portalına daxil olmuş müraciətinizə əsasən bildiririk ki, pensiya təminatı əlillik təyin olunduqdan sonra sosial təminat orqanları tərəfindən həyata keçirilir. Əlillik qrupları, əlilliyin səbəbləri, habelə başvermə müddətinin müəyyən edilməsi Azərbaycan Respublikası Əmək və Əhalinin Sosial Müdafiəsi Nazirliyinin səlahiyyəti daxilindədir. Odur ki, qeyd etdiyiniz məsələ ilə bağlı aidiyyəti üzrə müraciət etməyiniz tövsiyə olunur. 
Anar Soruşur Yazılma Tarixi:07.06.2017 19:18:03

Salam,mənim oğlum bu il universiteti bitirir.Magistraturaya imtahan verib İ və İİ turu keçib,demək olar ki, qəbul olub. Sebail rayonu xidmətə çagiriş idarəsi ona çagiriş vərəqi göndərib,oglum da ora gedib hətta tibbi müayinədən keçib ona deyiblər ki,iyul çağirişinda əsgər gedəcəksən.Hələ onda İİ turun imtahani olmamişdi.İndi 2 turu da keçib.Mən bu gün ora zəng etdim dedilər ki bize kagiz gətirin.Mən də müraciət etdim Dovlət imtahan komissiyasina onlar bildirdilər ki,əgər vətəndaş ərizə veribsə magistraturaya ona avtomatik oktyabra qədər möhlət verilir,bu qanunda var.Çünki bu qəbulun cavabi avqustda bilinəcək.Bunlar isə bizdən sənəd istəyir,Biz nə etməliyik?

Sualınızla əlaqədar bildiririk ki, ali təhsil müəssisəsinin magistratura səviyyəsinə qəbul imtahanlarında iştirak etməyiniz barədə hər hansı sənədi Xidmətin qeydiyyatda olduğunuz idarə, şöbə və ya bölməsinə təqdim etdikdən sonra barənizdə qanunvericiliyin tələblərinə uyğun olaraq qərar qəbul edilə bilər. 
Əsəd Soruşur Yazılma Tarixi:07.06.2017 11:59:48

Salam. Zehmet olmasa, hanası bölgəyə (herbi hisseye) düşdüyüm barədə melumat verin.

Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin internet saytında çağırışçıların məlumatlandırılması xidməti hər il çağırış başlamazdan bir gün öncə - 31 dekabr, 31 mart, 30 iyun, 30 sentyabr tarixlərində aktivləşir.            Bununla yanaşı, çağırışçılar mobil telefonlardan şəxsiyyət vəsiqələrinin nömrələrini 9100 nömrəsinə qısa mesaj şəklində göndərməklə hansı qoşun növünə və ya hansı hərbi hissəyə düşdükləri barədə məlumatı öyrənə bilərlər. Bu xidmətdən bütün mobil operatorlara məxsus nömrələri olan şəxslərin istifadəsi mümkündür. Eyni zamanda Siz 30 iyun tarixindən etibarən Xidmətin qeydiyyatda olduğunuz yerli idarə, şöbə və ya bölməsinə müraciət edə bilərsiniz.  
Əliheydər Soruşur Yazılma Tarixi:06.06.2017 22:38:26

Uzağı zəif görməyə görə hansı halda hərbi xidmətdən möhlət verilir?

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 29-36-cı maddələrinin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır. 
Azər Soruşur Yazılma Tarixi:05.06.2017 22:51:46

Salam.Məbim belimdə skolyoz var və məni vaynkamatda yararsız hesab eləyib hərbi bilet verdilər.Ancaq mən qəti şəkildə könüllü olaraq hərbi xidmətə gerətmək isdəyirəm.Bu mümkündür? Mümkündürsə hara müraciət edim?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 15.1.-ci maddəsinin tələblərinə əsasən müddətli həqiqi hərbi xidmətə çağırılan bütün vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində həkim mütəxəssislər tərəfindən, əlavə tibbi müayinəyə ehtiyac olduqda isə digər müalicə müəssisələrində hökmən tibbi müayinədən keçirilirlər.           Əlavə olaraq qeyd edirik ki, Azərbaycan Respublikasının xaricdə yaşayan vətəndaşları müddətli həqiqi hərbi xidmətə bu Qanunla və Azərbaycan Respublikasının Konsul Nizamnaməsi ilə müəyyən edilmiş qaydada çağırılırlar.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.