Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Hafiz Soruşur Yazılma Tarixi:05.04.2017 00:59:08

Salam, zehmet olmazsa siradan kenar xidmet haqqinda biraz melumat vere bilersiniz ? Mene siradan kenar xidmet yazilib, bele cixirki siraya cixmayacam ?Tam olaraq orada ne ishle meshgul olacam ? zehmet olmazsa etrafli bildirerdiniz. Teshekkurler

Bildiririk ki, sağlamlıq vəziyyəti ilə əlaqədar sıradankənar hərbi xidmətə yararlı hesab edilmiş çağırışçılar hava-disant qoşunları, üzən heyətlər, dəniz piyadası və xüsusi təyinatlı desantlar istisna olmaqla digər qoşunlarda hərbi xidmət keçməyə yararlıdırlar. Həmin çağırışçılar qeyd olunan qoşun növlərində arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifələrə xidmət olduqları hərbi hissə komandanlığı tərəfindən təyin edilə bilərlər. 
Heybət Soruşur Yazılma Tarixi:04.04.2017 15:05:36

ad familyami deyisdirecem .herbi biletide deyisdirmek lazimdi bunun ucun ne etmeliyem . xais edirem bu hakda meluma yazasiniz.dovlet rusumu nedi

Portala daxil olmuş müraciətinizə əsasən bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 8.3-cü maddəsinə əsasən, müvafiq icra hakimiyyəti orqanı hərbi vəzifəlilərin və çağırışçıların öz soyadının, adının, atasının adının dəyişdirilməsinin, vətəndaşlıq vəziyyəti aktlarının qeydiyyatında onların doğum tarixi və yeri haqqında dəyişikliklər edilməsinin, habelə bu şəxslərin ölümünün qeydiyyatı barədə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə 7 gün müddətində məlumat verməlidir. Eyni zamanda bildiririk ki, dəyişiklik barədə hərbi biletinizin “Xüsusi qeydlər” bölümündə müvafiq qeydiyyatın aparılması üçün hərbi qeydiyyatda olduğunuz Xidmətin yerli idarə, şöbə və ya bölməsinə mövcud sənədlərinizlə müraciət etməlisiniz. Hərbi biletinizdə aparılacaq qeydlərə görə dövlət rüsumu nəzərdə tutulmamışdır.
Abduləli Soruşur Yazılma Tarixi:04.04.2017 14:54:56

salam hörmətli hərbiçilərimiz. Mənim sizlərə bir sualım var xahiş edirəm mənə dolğun və düzgün cavab verəsiniz. Mənim yaxın qohumum keçən il orta məktəbi bitirib lakin 12 may 2017 ci il tarixində 18 yaşı tamam olur. Bu uşaq keçən il ali məktəbə sənət verib lakin kəsilib bu günə kimi hazırlaşıb ki ikinci dəfə ali təhsil almaq üçün sənəd versin, ancaq sənəd verə bilmir çünki səfərbərlik hərbi xidmətə çağrış üzrə dövlət xidmətindən arayış verməlidi onuda almaq mümkin deyil. İndi mənə xahiş edrəm izzah verin görüm bu uşağın vətəni üçün aili təhsilli hərbiçi olmağı gərəkdir yoxsa siravi bir əsgər kimi? Sizdən artıq dərəcədə xahiş edirəm mənə necə etməyim barədə köməklik üçün düzgün yol göstərin. əlaqə telefonu 050 212 81 12

Bildiririk  ki, 2016-cı ildə Respublikanın ali və orta ixtisas məktəblərinə qəbul imtahanlarında iştirak etmək şansı olmuş çağırış yaşlı vətəndaşlara qəbul imtahanlarında təkrar iştirak etmək üçün möhlət verilmir.   Əlavə olaraq qeyd edirik ki, 2016-cı ildə orta ümumtəhsil məktəblərini bitirmiş və 2017-ci ilin aprel ayının 30-dan iyul ayının 30-dək 18 yaşı tamam olan, səhhəti ilə əlaqədar olaraq vaxtından əvvəl tibbi şəhadətləndirilməsi üçün Xidmətin qeydiyyatda olduqları yerli idarə, şöbə və bölmələrinə ərizə ilə müraciət edən çağırışçılar əlavə tibbi müayinəyə göndərildikdən sonra “Sağlamlıq vəziyyətinin müayinə edilməsi aktı”nda hərbi xidmətə çağırışdan möhlət verilməsinə əsas verən diaqnoz qeyd edildikdə onlar müvafiq arayışlarla təmin edilirlər.
Hüseyn Soruşur Yazılma Tarixi:04.04.2017 14:28:12

Salam. Men aprelde esger gedeceyim ucun kamissiyadan keçdim. exinakokdan emeliyyat olundugum ucun meni muayine ucun bakiya xestexanaya gonderdiler. ordan saglamliq haqda akt verdiler. Yeni saglam sayildim. Bilmey isdeyirem men aprelde esger gede bilecemmi?

Qeyd eydiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.  
Abdulrəhim Soruşur Yazılma Tarixi:04.04.2017 11:22:29

Mən keçən il universitet imtahanından kesilmisem bu il yenə vermək istəyirəm amma hərbi komisarliqdan möhlət almaq lazımdır bunu necə edə bilərəm? Doğum tarixim 11iyun1999

Bildiririk  ki, 2016-cı ildə Respublikanın ali və orta ixtisas məktəblərinə qəbul imtahanlarında iştirak etmək şansı olmuş çağırış yaşlı vətəndaşlara qəbul imtahanlarında təkrar iştirak etmək üçün möhlət verilmir.   Əlavə olaraq qeyd edirik ki, 2016-cı ildə orta ümumtəhsil məktəblərini bitirmiş və 2017-ci ilin aprel ayının 30-dan iyul ayının 30-dək 18 yaşı tamam olan, səhhəti ilə əlaqədar olaraq vaxtından əvvəl tibbi şəhadətləndirilməsi üçün Xidmətin qeydiyyatda olduqları yerli idarə, şöbə və bölmələrinə ərizə ilə müraciət edən çağırışçılar əlavə tibbi müayinəyə göndərildikdən sonra “Sağlamlıq vəziyyətinin müayinə edilməsi aktı”nda hərbi xidmətə çağırışdan möhlət verilməsinə əsas verən diaqnoz qeyd edildikdə onlar müvafiq arayışlarla təmin edilirlər.
Şahin Soruşur Yazılma Tarixi:03.04.2017 23:28:11

Salam men aprelin 27-i herbi xidmete çağrılmışam. Və örgəndim ki, Dövlət Sərhəd Xitmət qoşun növünə qəbul omuşam və istəyirəm ki, herbi xidmətimi müvəqiyyətlə başa vurduqdan sonra qalıb hərbiçi olaraq fəaliyyət göstərəm, Özüm orta təhsilliyəm atestatım var, ancaq ali təhsilsizəm və (bc) kataqoriyalı sürücülük vəsiqəmdə var. qohumlrimizda məhkum olan yoxdur. mən DSX-da işləyə bilərəmmi, boyum 1.68

Qeyd etdiyiniz məsələ ilə bağlı xidmət edəcəyiniz qoşun növünün komandanlığına müraciət etməyiniz tövsiyə olunur.
Ayaz Soruşur Yazılma Tarixi:03.04.2017 17:36:41

salam oğlumu fevralın 2 si mərkəzi hərbi həkim komissiyasına apardılar.amma hələdə cavab gəlməyib.cavablar nə vaxt gələcəy

Müraciətinizlə bağlı müvafiq araşdırmanın aparılması məqsədi ilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Kənan Soruşur Yazılma Tarixi:02.04.2017 23:06:01

salam.men 2015 ci ilde ali mektebi bitirmiwem,lakin ginekomastiya sebebinden mohlet verildiyi ucun herbi xidmetde olmamisam.sualim ondan ibaretdir ki,is yerlerine muraciet zamani herbi bilet teleb olundugu ucun ise qebulda cetinlikler yasayiram..bu halda men 35 yasina qeder herbi bilet ala bilmeyeceyem ve avtomatik olaraq bir cox dovlet muessiselerinde ise qebul ola bilmeyeceyem?

Müəyyən edilmişdir ki, 21.01.2017-ci il tarixdə Sizə verilmiş möhlət müddəti bitdikdən sonra 2017-ci ilin aprel çağırışına hazırlıqla əlaqədar Xidmətin qeydiyyatda olduğunuz Gədəbəy rayon şöbəsinin hərbi həkim komissiyası tərəfindən tibbi şəhadətləndirilərək 28.03.2017-ci il tarixli göndərişlə tibb müəssisəsinə əlavə müayinəyə göndərilmisiniz.        Odur ki, sənədləriniz Xidmətin Gədəbəy rayon şöbəsinə daxil olduqdan sonra barənizdə qanunamüvafiq qərar qəbul ediləcəkdir. 
Fuad Soruşur Yazılma Tarixi:02.04.2017 21:10:04

Salam məni əsgərliyə niə aparmirlar və aparmamaqlarinin səbəbi nədir diyəsiz zəhmət olmasa?

Qeyd eydiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.  
Fuad Soruşur Yazılma Tarixi:02.04.2017 21:07:43

Salam məni əsgərliyə niə aparmirlar və aparmamaqlarinin səbəbi nədir diyəsiz zəhmət olmasa?

Qeyd eydiyiniz məsələ ilə bağlı Xidmətin qeydiyyatda olduğunuz yerli idarə, şöbə və ya bölməsinə müraciət etməyiniz tövsiyə olunur.  
Cədvəldə sətir sayı :14890

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.