Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Orxan Soruşur Yazılma Tarixi:24.12.2024 04:30:09

Salam, mən bütün yoxlanışlardan keçmişəm. Ağır əməliyyatım olub yoğun bağırsağım bütövlüklə çıxarılıb və bununla bağlı çox problemlərim olur. Bilmək istəyirdim yoxlanışımın nəticəsində nə qərar verilib öyrənmək istəyirdim. İndidən təşəkkürlər.

Müraciətinizlə bağlı müvafiq araşdırmanın aparılması məqsədilə təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) yerli baş idarəsi (idarə, şöbə və bölmə) göstərilməlidir.  
Fazil Soruşur Yazılma Tarixi:23.12.2024 16:40:33

Salam,mən 09.12.2024 tarixində yastıpəncəliyə görə yoxlamadan keçdim, zəhmət olmasa cavabı deyərdiz.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Sizin yekun tibbi müayinəniz Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə müvafiq olaraq “Dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz.
Rəsul Soruşur Yazılma Tarixi:23.12.2024 15:32:17

Salam. Mən 2022 də tibbi müayinədən keçmişəm. Mənim növbəti müayinə vaxtım, və hazırda ki, çağırış statusum haqqında ətraflı məlumat verə bilərsiniz zəhmət olmasa.

Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətinizə baxılmışdır. Hərbi vəzifə və hərbi xidmət haqqında Azərbaycan Respublikasının qanununun 20.3-cü maddəsinə əsasən “Dinc dövr üçün hərbi xidmətə yararsız, müharibə dövrü üçün məhdud yararlı hesab edilərək ehtiyata keçirilən vətəndaşlar 35 yaşına çatana qədər hər 3 ildən bir təkrar tibbi müayinədən keçirilirlər.
Pərvin Soruşur Yazılma Tarixi:22.12.2024 15:43:05

Salam. Mən rayonda və Bakıda komissiyadan keçmişəm noyabr ayının 8 i amma hələdə məni sosial müdafiəyə cagırmayıblar yekun rey üçün.

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Sizin yekun tibbi müayinəniz ƏƏSMN-nin tabeliyində Dövlət Tibbi-Sosial Ekspertiza və Reabilitasiya Agentliyində aparılacaq və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qəbul olunan qərar barəsində Sizə Xidmətin Şəki rayon şöbəsi tərəfindən məlumat veriləcəkdir.
Zülfüqar Soruşur Yazılma Tarixi:22.12.2024 11:37:26

Salam 3 ilim tamam oldu Tekrar Tibbi Muaineden Kecdim yekun neticeni bilmek isterdim. Onceden Tesekkur edirem.

Müəyyən edilmişdir ki, möhlət müddətiniz bitdiyi üçün Siz Səfərbərlik və Hərbi Xidmətə Çağırış üzrə Dövlət Xidmətinin Ağsu rayon şöbəsinin hərbi həkim komissiyası tərəfindən təkrar tibbi müayinəyə cəlb olunaraq 09.12.2024-cü il tarixdə Akademik M.Mirqasımov adına Respublika Klinik Xəstəxanasına əlavə müayinəyə göndərilmisiniz. Tibb müəssisəsi tərəfindən tərtib edilən “Sağlamlıq vəziyyətinin müayinə edilməsi Aktı” Xidmətin Ağsu rayon şöbəsinə daxil olduqdan sonra müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə uyğun qərar qəbul ediləcəkdir.              Bu barədə Sizə Xidmətin Ağsu rayon şöbəsi tərəfindən məlumat veriləcəkdir.
Elnur Soruşur Yazılma Tarixi:21.12.2024 22:13:50

Salam, mənim mənfi yeddi görmə zəifliyim var, həkim yoxlanışından keçdiyim zaman da müəyyən olunmuşdur ki, göz pərdəsi nazik olduğundan əməliyyata yararsızdır.Mən magistr təhsiilini başa vurduğumda könüllü şəkildə hərbi xidmətə qatılmaq istəyirəm.Amma müxtəlif mənbələrdən fərqli xəbər eşidirəm ki, gah deyirlər hərbiyə yararsızam gah da deyirlər yararlı sayılıram.Bu barədə mənə aydınlıq gətirə bilərsinizmi?

Çağırışçıların göz və onun əlavə aparatının xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən hər gözün görmə itiliyinin, refraksiyanın və ya akkomodasiyanın pozulma dərəcəsindən asılı olaraq aparılır. Müddətli həqiqi hərbi xidmətə cəlb olunan zaman Siz qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) hərbi həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinə olunacaq və müddətli həqiqi hərbi xidmətə yararlı olub-olmamağınız barədə qərar qəbul ediləcəkdir.    
Elvin Soruşur Yazılma Tarixi:21.12.2024 18:05:28

Salam məndə öd kisəsində polib,döş qəfəsində 2 ci derece sklaioz ,onurğada 1 ci derece skalioz,ayaq(bud nahiyəsində) ödem maye yığılması var .Əsgərliyə yararlıyanmı

Çağırışçıların həzm orqanlarının, qan dövranı sistemi, sümük-əzələ sistemi və birləşdirici toxumanın xəstəlikləri üzrə tibbi şəhadətləndirilməsi Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən funksiyaların pozulması dərəcəsindən asılı olaraq aparılır. Müddətli həqiqi hərbi xidmətə cəlb olunan zaman çağırışçı qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) baş idarəsinin (idarə, şöbə və ya bölməsinin) hərbi həkim komissiyasında tibbi baxışdan keçirilir, ehtiyac olduğu halda səhiyyə müəssisəsində müayinə olunur və müddətli həqiqi hərbi xidmətə yararlı olub-olmaması barədə qərar qəbul edilir.
Hafiz Soruşur Yazılma Tarixi:21.12.2024 17:39:02

Salam.Mən ümumi yoxlanışlarımı noyabr ayında bitirmişəm.Cavablar barədə məlumat almaq istəyirəm.Zəhmət olmasa

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytına ünvanladığınız elektron müraciətə baxılmışdır. Müəyyən edilmişdir ki, Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən Sizin yekun tibbi müayinəniz aparılmış və Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq 6 (altı) ay müddətinə “hərbi xidmətə müvəqqəti yararsızdır” hesab edilmisiniz. Əlavə olaraq bildirilir ki, səhhətiniz ilə əlaqədar verilmiş möhlət hüququ bitdikdən sonra təkrar tibbi müayinəyə cəlb olunacaq və barənizdə qanunamüvafiq qərar qəbul ediləcəkdir.
Vurğun Soruşur Yazılma Tarixi:21.12.2024 15:15:06

Salam, Naxçıvan MR Culfa rayon qeydiyyatındayam. İyul ayında 3 illik yoxlamada iştirak etmişəm və göndərildiyim xəstəxanda ürəyimlə bağlı hələ də problem olduğu aşkarlandı. Culfa rayon səfərbərlik şöbəsi tərəfindən Bakı Kardiologiya İnstitutuna əlavə yoxlanış üçün göndəriş verildi. Həmin yoxlamanın nəticəsindəysə eTəbib-dən gördüyüm qədərilə Revmatik Miokardit I09.0 diaqnozu qoyulub. Halhazırdakı çağırış vəziyyətimi öyrənmək istəyirdim. Zəhmət olmasa köməklik göstərə bilərsinizmi? Nəzərinizə çatdırım ki, hal-hazırda Magistr üzrə təhsil alıram. Təşəkkürlər.

Müəyyən edilmişdir ki, Siz növbəti təkrar şəhadətləndirilmə zamanı qeydiyyatda olduğunuz Naxçıvan Muxtar Respublikası üzrə baş idarəsinin Culfa rayon bölməsində hərbi həkim komissiyası tərəfindən tibbi baxışdan keçirilmiş və səhhətiniz ilə bağlı 23.07.2024-cü il tarixdə Naxçıvan Muxtar Respublikası Mərkəzi Xəstəxanasına, 26.07.2024-cü il tarixdə Akademik C.M.Abdullayev adına Elmi Tədqiqat Kardiologiya İnstitutuna əlavə müayinələrə göndərilmisiniz. Müayinələr nəticəsində təyin olunmuş diaqnozlara müvafiq olaraq Siz rayon hərbi həkim komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən “Hərbi xidmətə yararlıdır” hesab edilmisiniz.
Qadir Soruşur Yazılma Tarixi:21.12.2024 13:59:52

Salam, talassemiya daşıyıcısıyam. 2014 də yararsız kimi geyd olunmuşam.xəstəliklər cədvəlinin 1 ci qrafasinin 11 a maddəsinə əsasen 59 nomrəli qərarla ucotdan cixmisam. Bilmək istərdim ki, mənə pensiya düşur? Düşür sə sizdən sənəd almaliyammi təqdim etmək ucun harasa.

Bildiririk ki, Pensiya təminatı sosial təminat orqanları tərəfindən həyata keçirilir. Əlillik qrupları, əlilliyin dərəcəsi, habelə onların başvermə müddəti müvafiq icra hakimiyyəti orqanı tərəfindən qanunvericiliyə uyğun olaraq müəyyən olunur. Bu səbəbdən Sizin Əmək və Əhalinin Sosial Müdafiəsi Nazirliyinin ərazi üzrə tibbi-sosial ekspert komissiyasına müraciət etmək hüququnuz var.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.