Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Asiman Soruşur Yazılma Tarixi:12.07.2023 19:44:20

Salam. Mənim bağırsaqda xoralı kolit xəstəliyi var. Mən hərbiyə yararlı sayılıram

Hörmətli Asiman müəllim,     Bağırsağın xora xəstəliyi olan çağırışçılar Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin tələblərinə əsasən “Sülh dövründə hərbi xidmətə yararsız, müharibə dövründə məhdud yararlı” hesab edilirlər. Siz, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) yerli baş idarə (idarə, şöbə və bölmə) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqdır.
Orxan Soruşur Yazılma Tarixi:12.07.2023 16:49:22

Salam. Bir məlumat almaq istərdim. 169 sm boy və 50 kq çəki (17.5 BKİ 20 yaş) ilə hərbi həkim komissiyasından keçən şəxs hərbi xidmət üçün yararlıdırmı?

Bildiririk ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən yaxşı fiziki inkişafı və qidalanması, mütənasib bədən quruluşu olan, boyu 148 sm-dən və (və ya) bədən çəkisi 45 kq-dan az olmayan çağırışçılar müddətli həqiqi hərbi xidmətə yararlı hesab edilirlər.
Sədail Soruşur Yazılma Tarixi:12.07.2023 14:58:11

Salam. Çağırışçı çağrılan tarixdə xəstədirsə neyləmək lazımdı? Yaşayış yeri ilə qeydiyyatda olduğu rayon arasında 262 km məsafə var.

Bildiririk ki, vətəndaşlar müddətli həqiqi hərbi xidmət keçmək üçün təyin olunduqları hərbi hissələrə iyul ayının 1-dən 30-dək Xidmətin qeydiyyatda olduqları baş idarə, idarə, şöbə və bölmələri tərəfindən əvvəlcədən təyin olunmuş qrafikə əsasən göndərilirlər. Çağırışçılar hərbi xidmətə göndərilən zaman rayon (şəhər) çağırış komissiyalarında tibbi baxışdan keçirilirlər. Tibbi baxış zamanı səhhətində problem aşkar olunan çağırışçılar sağlamlıqları bərpa olunduqdan sonra çağırış ayı ərzində növbəti günlərdə xidmət yerlərinə göndərilirlər.
Rəvan Soruşur Yazılma Tarixi:11.07.2023 22:37:05

Quba rayon 25.08.2004 tevelludluyem men bilmek isteyirem esgerliye yararlıyam yoxsa yox?

Məlum olmuşdur ki, 2023-cü ilin iyul çağırışına hazırlıqla əlaqədar qeydiyyatda olduğunuz Xidmətin Quba rayon şöbəsinin çağırış komissiyası tərəfindən tibbi müayinələrdən (qanın, sidiyin ümumi analizləri, EKQ, USM və döş qəfəsi orqanlarının flüoroqrafik müayinələr) keçirilmiş və Akademik M.Ə.Mirqasımov adına Respublika Klinik Xəstəxanasına əlavə müayinəyə göndərilmisiniz. Səhiyyə müəssisəsinin tərtib etdiyi “Sağlamlıq vəziyyətinin müayinə edilməsi Aktı”na əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına uyğun 6 (altı) ay müddətinə “hərbi xidmətə müvəqqəti yararsız” qərar qəbul edilmişdir. Barənizdə qəbul edilmiş qərar Xidmətin Mərkəzi hərbi həkim komissiyası tərəfindən təsdiq edildikdən sonra Sizə bu barədə məlumat veriləcəkdir.
Elbəy Soruşur Yazılma Tarixi:11.07.2023 18:33:26

Salam. Mən 2022-ci ilin iyul ayı üçün komissiyaya çağırılmışam. Ayaqlarımda yastı pəncə əlamətləri olduğu üçün müayinəyə göndərilmişəm. Səfərbərlik və hərbi xidmətə çağırış üzrə dövlət komissiyasının Ağdam rayon şöbəsində öz təşəbbüsümlə dəfələrlə komissiyadan keçmişəm. Nəhayət qış aylarında şöbə tərəfindən Qobu rayonunda yerləşən məntəqədə daha bir yoxlanışdan keçmişəm. Artıq bu proseslərin 1 il müddətində davam etməsinə baxmayaraq hələ də mənə dəqiq məlumat və ya sənəd verilmir. Bu məsələ ilə bağlı nə etməliyəm? Əvvəlcədən təşəkkür edirəm.

Müəyyən edilmişdir ki, barənizdə rayon çağırış komissiyası tərəfindən qəbul edilən qərarın təsdiq edilməsi üçün, Siz Xidmətin Mərkəzi hərbi həkim komissiyasına təqdim edilmiş və müayinə nəticəsində təyin olunmuş diaqnoza müvafiq olaraq, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən “dinc dövrdə hərbi xidmətə yararsız, müharibə dövründə məhdud yararlıdır” hesab edilərək, 18.07.2023-cü il tarixdə SX № 0761020 hərbi biletlə təmin olunmusunuz.  
Sənan Soruşur Yazılma Tarixi:11.07.2023 14:55:55

Salam, mən yararlı, yararsız olduğumu öyrənmək istəyirəm. Təvəllüdüm 29.08.2000 Qeydiyyat İsmayıllı rayon şöbəsi.

Müəyyən olmuşdur ki, 2023-cü ilin iyul çağırışına cəlb edilərək qeydiyyatda olduğunuz Xidmətin İsmayıllı rayon şöbəsinin çağırış komissiyası tərəfindən tibbi baxışdan keçirilmiş və İsmayıllı Rayon Mərkəzi Xəstəxanasına əlavə müayinəyə göndərilmisiniz. Müayinə nəticəsində təyin olunmuş diaqnoza əsasən rayon çağırış komissiyası tərəfindən Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə uyğun “dinc dövrdə hərbi xidmətə yararsız, müharibə dövründə məhdud yararlıdır” hesab edilmisiniz. Rayon çağırış komissiyası tərəfindən qəbul edilən qərarın səhiyyə müəssisəsinin tərtib etdiyi “Sağlamlıq vəziyyətinin müayinə edilməsi Aktı”na uyğunluğu yoxlanıldıqdan sonra Siz hərbi biletlə təmin olunacaqsınız.  
Orxan Soruşur Yazılma Tarixi:11.07.2023 14:28:58

Salam Mən Qacarov Orxan Sabir oğlu Sumqayıt Dövlət Universitetində oxuyuram bu il 4 krusu bitdi amma kəsr olduğuna görə diplom ala bilmdim UNİVERSİTETDƏ dediləe hərbi kamisarlıq sorğu göndərsi biz arayış verək ki hələ oxuyur amma nə hərbi komisarlıq arayış verir nə də ki Universitet xahiş edirəm mənə köməklik edin təhsilimi bitirim hərbiyə sonra gedim.

Səfərbərlik və Hərbi Xidmətə Çağırış üzrə Dövlət Xidmətinin elektron ünvanına daxil olmuş müraciətinizə baxılmışdır. Müəyyən edilmişdir ki, Siz çağırış yaşına çatmağınızla əlaqədar Xidmətin Sabunçu rayon idarəsi tərəfindən 2020-ci ilin oktyabr çağırışına cəlb olunmuş və Azərbaycan Turizm və Menecment Universitetində təhsil almağınızla bağlı “Hərbi vəzifə və hərbi xidmət haqqında” Azərbaycan Respublikası Qanununun 21.1.4-cü maddəsinin tələbləri ilə 01.07.2023-cü il tarixədək müddətli həqiqi hərbi xidmətə çağırışdan möhlət əldə etmisiniz. Siz verilmiş möhlət müddətinin bitməsi ilə əlaqədar Xidmətin Sabunçu rayon idarəsi tərəfindən qanunamüvafiq qaydada 2023-cü ilin iyul çağırışına cəlb olunmuş, tibbi şəhadətləndirilmiş, öyrənilmiş və öyrənilmə zamanı rayon çağırış komissiyasına hər hansı təhsil müəssisəsində təhsil almağınızı təsdiq edən rəsmi sənəd təqdim etməmisiniz. Tibbi şəhadətləndirmənin və öyrənilmənin nəticələrinə əsasən, barənizdə 2023-cü ilin iyul çağırışında müddətli həqiqi hərbi xidmətə göndərilməyinizə dair qərar qəbul olunmuşdur. Nəzərə almağınızı xahiş edirik.
Rahil Soruşur Yazılma Tarixi:11.07.2023 11:53:03

Mən Zülfüqarlı Rahil Fazil oğlu 13 iyun Tarixində zəif görmə ilə bağlı Zərifə Əliyeva adına göz xəstəxanasında müayinədəm keçmişəm, ancaq nəticə barədə mənə məlumat verilməyib. Nəticəni öyrənmək istəyirəm. ( Laçın rayon şöbəsi )

Müəyyən edilmişdir ki, 2023-cü ilin iyul çağırışına hazırlıqla əlaqədar, Siz Xidmətin Laçıni rayon çağırış komissiyasında tibbi baxışdan keçirilmiş qanın, sidiyin ümumi analizləri, EKQ, döş qəfəsi orqanlarının flüoroqrafik, qarın boşluğunun ultrasəs müayinələri aparılmış və səhhətiniz ilə əlaqədar Akademik Z.Əliyeva adına Milli Oftalmologiya Mərkəzinə əlavə müayinəyə göndərilmisiniz. Müayinə nəticələrinə əsasən rayon çağırış komissiyası tərəfindən Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına müvafiq olaraq “6 (altı) ay müddətinə hərbi xidmətə müvəqqəti yararsız” hesab edilmisiniz. Möhlət hüququ bitdikdən sonra, Siz təkrar tibbi müayinəyə cəlb olunacaq və barənizdə yekun qərar qəbul ediləcəkdir
Vaqif Soruşur Yazılma Tarixi:10.07.2023 23:06:40

Salam mən Bayraməliyev Vaqif 2006-cı il təvəllüdüyəm,öyrənmək istəyirəm ki mən hərbi xidmətə yararlıyam ya yox

Bildiririk ki, Sizin 18 yaşınız tamam olduqdan sonra qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər baş idarəsi tərəfindən tibbi müayinələrdən keçirilib müddətli həqiqi hərbi xidmətə yararlı olub-olmamağınız barədə Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən qərar qəbul ediləcəkdir.  
Nahid Soruşur Yazılma Tarixi:10.07.2023 16:06:32

elle ola biler ki od kisesi lazerne emleyat olani herbiye yararli sayilsin

Müəyyən edilmişdir ki, çağırışçıların “Öd kisəsinin çıxarılmasından sonrakı vəziyyət” diaqnozu ilə tibbi şəhadətləndirilməsi zamanı Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 58 “b” maddəsinin I qrafasının tələblərinə əsasən “dinc dövrdə hərbi xidmətə yararsız, müharibə dövründə məhdud yararlıdır” qərarı çıxarılır.    
Cədvəldə sətir sayı :13933

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.