Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Namazade vuqar Soruşur Yazılma Tarixi:15.11.2015 10:54:15

Namazade vuqar 1997 bakı seherı suraxanı rayonu zıg qesebesi ev 47 unvanda yaşayan vuqar fayiq oglu herbı xıdmete cagrısı varmı

Bildiririk ki, sizin təcili olaraq Xidmətin Suraxanı rayon idarəsinin çağırış komissiyasına müraciət etməyiniz tövsiyə olunur.
rasim allahverdiyev Soruşur Yazılma Tarixi:14.11.2015 23:47:10

salam menim qardasim yanvarda esger getmelidi ama onun ureyinde qusuru var sol dos qefesi qabariqdi ve usaqliqda raxit xesteliyi kecirib rematizmasi var ve ayaqi duzdu bilmek isteyirem herbi xidmete yararlidi ya yox.

Qardaşınız qeydiyyatda olduğu Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsinin (şöbəsinin, bölməsinin) hərbi-həkim komissiyasında tibbi baxışdan keçiriləcək, ehtiyac olduğu halda tibb müəssisəsində müayinəsi təmin olunacaq və hərbi xidmətə yararlı olub-olmaması haqda rayon çağırış komissiyası tərəfindən qərar qəbul olunacaqdır. 
elvin huseynov Soruşur Yazılma Tarixi:14.11.2015 21:48:55

Salam .Mən H.Elvin 24 yasım var . Bilmək istəyərdim ki, mədəmdə ki problemlə bağlı hərbidə olmamışam(maddə 58b).Biletimdə sulh dövrü yarasız müharibə dövrü yararlı hesab edilib. hərbidə hərbi quluqcu kimi işləyə bilərəm.bunun üçün hara müraciət etməliyəm? Əvvəlcədən təşəkkürlər.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununa əsasən: Çağırışçılar üçün – bu Qanunun 12.2.1-ci maddəsinə əsasən, müddətli həqiqi hərbi xidmətə - Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları çağırılırlar. Hərbi vəzifəlilər üçün – bu Qanunun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Qeyd olunanlara və mövcud qanunvericiliyin tələblərinə əsasən sağlamlıq vəziyyətinə görə hərbi xidmətə yararlı olan vətəndaşlar həqiqi hərbi xidmətə qəbul edilirlər.
Ruslan Haciyev Soruşur Yazılma Tarixi:14.11.2015 20:22:13

Salam. MAXE xidmete uyqunsuzluq kimi herbiden cixardanin dovler ishinde ishdiye bilermi? ve yaxud herbiye tezden qayida bilermi ?

Bildiririk ki, müraciətdə qeyd etdiyiniz məsələnin həlli aidiyyəti üzrə Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinin səlahiyyətindədir. Belə ki, mövcud qanunvericilikdə xidməti uyğunsuzluğa görə həqiqi hərbi xidmətdən ehtiyata buraxılmış vətəndaşların yenidən bağlaşma əsasında həqiqi hərbi xidmətə daxil olmaları nəzərdə tutulmamışdır. Odur ki, aidiyyəti üzrə qulluq (xidmət) etmək və ya işləmək istədiyiniz müvafiq dövlət orqanına müraciət etməlisiniz.
Elnur Qasimov Soruşur Yazılma Tarixi:14.11.2015 19:14:10

Meni dünen vaenkomata çağırdılar yoxlanışdan keçdim, çağırış vereqesi de verdiler. Yanvar ayının 21ne. Amma çekim 42 kq boyum 1.68di. İndi bilmk isteyirsen yanvar ayında getmeliyem?

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasının tələblərinə əsasən yaxşı fiziki inkişafı və qidalanması, mütənasib bədən quruluşu olan, boyu 148 sm-dən və bədən çəkisi 45 kq-dan az olmayan çağırışçılar hərbi xidmətə yararlı hesab edilirlər.
Oruc Oruclu Soruşur Yazılma Tarixi:14.11.2015 19:11:30

Salam.men bilmek isderdim ki, herbi hissede olarket mezuniyyete nece ay sonra gelinir

Bildiririk ki, mövcud qanunvericiliyin tələblərinə uyğun olaraq 1 il 6 ay həqiqi hərbi xidmət keçməli olan hərbi qulluqçular 1 ildən, 1 il həqiqi hərbi xidmət keçməli olan hərbi qulluqçular isə 6 ay xidmət etdikdən sonra növbəti məzuniyyətə buraxılırlar. 
Raul Soruşur Yazılma Tarixi:14.11.2015 19:05:39

Salam. Mənim İlkin hərbi qeydiyyata alınma haqqında vəsiqəmdə Hərbi xidmətə müvəqqəti yararsızdır. mad.13ç,36 yazılıb. Bu nə deməkdir? xahiş edirəm cavab yazın.

Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 13-cü maddəsinin “ç” bəndinə “Endokrin sisteminin xəstəlikləri, qidalanma və maddələr mübadiləsi pozulmaları: kəskin xəstəliklərdən və ya xroniki xəstəliklərin kəskinləşməsindən, yaxud cərrahi müalicədən sonrakı hal, müvəqqəti funksional pozulmalarla” aiddir. Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin 36-cı maddəsinə “Kəskin xəstəliklərdən, xroniki xəstəliklərin kəskinləşməsindən, travmadan və ya cərrahi müalicədən sonra görmə orqanın müvəqqəti funksional pozulmaları” aiddir.
Sənan Şəfiyev Soruşur Yazılma Tarixi:14.11.2015 17:04:56

Salam, Mənə 6 ay müddətinə - 07.01.2016-cı il tarixədək çağırışdan möhlət hüququ verilmişdir. Bilmək istəyirəm ki, növbəti müayinə tarixi yanvarın 7-dən sonra olmalı deyil? Məni bu ay həkim komisiyasına çağırıblar. Birdə bilmək istəyirəm ki, hər dəfə mənə möhlət hüququ 6 ay verilməsi nə dərəcə düzgündü?

Müraciətinizlə bağlı müvafiq araşdırmanın aparılması məqsədi ilə atanızın adı, təvəllüdünüz və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Ezizaga Abdullayev Soruşur Yazılma Tarixi:14.11.2015 15:25:58

Salam men yanvar priziveyem kecen ay meni vayenkamat cagirmiwdi getdim med kamisyalardan kewdim ve mene cagiriw vereqi verilib 01.01.2016 tarixe bu cagiriw vereqinde yazildigi tarix men herbi xidmete gedecem???

Bildiririk ki, qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsi tərəfindən sizə göndərilən çağırış vərəqəsində göstərilən tarixdə orda olmalısınız. 
Kerim Elesgerov Soruşur Yazılma Tarixi:14.11.2015 14:16:40

Salam.Men seferberlik ve herbi xidmete caqiriw uzre Dovlet xidmetinde iwleye bilerem.1989 cu ilde Bakida anadan olmuwam.2007-2011 ci ilde Dovlet Beden terbiyesi Akademiyasinda oxumuwam.2011-2012 ci ilde DSX xidmet etmiwem.

Bildiririk ki, ixtisasınız Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin komplektləşdirilməsi üçün mövcud olan vəzifələrin ixtisas profilinə uyğun olmadığına görə Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.