Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Orxan Həsənov Soruşur Yazılma Tarixi:30.10.2015 20:43:38

Mən Həsənov Orxan Rafiq Oğlu 24.10.15 tarixində işe qebulla bağlı imtahan vermişəm ve neticemi öyrənmək istəyirəm.

Müsahibəyə dəvət olunmağınız barədə Sizə əlavə məlumat veriləcəkdir.
Famiq Mirzeyev Soruşur Yazılma Tarixi:30.10.2015 19:39:20

Salam.Ehtiyyatda olan zabitem rutbem Leytinatdir.Men zabit kimi erizile muraciyyet etdim seferberlik xidmetine mene bildirdiler ki siz burda isleye bilmesiniz.Xestelikle texris olundugunuz ucun siz burda isleye bilmesiniz.Men bilmek isterdim mufetis kimi seferberlik xidmetinde isleye bilerem?Zehmet olmasa mene melumat veresiniz.

Bir daha nəzərinizə çatdırırıq ki, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız məqsədəuyğun hesab edilməmişdir.
Rövşən Məmmədov Soruşur Yazılma Tarixi:30.10.2015 18:01:31

Salam mən hərbi xidmətdən gəldikdən sonra hərbi biletimi itirdim. Bilmək istərdim yeni bilet almaq üçün mən neynəməliyəm və rüsumu nə qədərdir. Əvvəlcədən təşəkkürlər. Sağ olun

Bildiririk ki, mövcud qanunvericiliyin tələblərinə əsasən etinasız saxlanılması nəticəsində hərbi bilet korlandığı və ya itirildiyi halda inzibati məsuliyyətə cəlb edilməklə (Azərbaycan Respublikası İnzibati Xətalar Məcəlləsinin 355-ci maddəsinə əsasən 50 manat miqdarında cərimə) tələb olunan sənədlər əsasında hərbi vəzifəlilərin hərbi qeydiyyatda olduqları yer üzrə Xidmətin yerli idarə, şöbə və bölmələri tərəfindən təkrar (yeni) hərbi bilet verilir. Hərbi biletin korlanma və ya itirilmə şəraitinin yoxlanılması və təkrar (yeni) hərbi biletin verilməsinə əsas verən sənədlərin toplanılması müddətində hərbi vəzifəlilərə hərbi bilet əvəzi arayış verilir. Bu səbəbdən mövcud sənədlərinizlə hərbi qeydiyyatda olduğunuz Xidmətin aidiyyəti idarə, şöbə və ya bölməsinə şəxsən müraciət etməyiniz tövsiyə olunur.
heyderov elcin Soruşur Yazılma Tarixi:30.10.2015 16:27:14

salam sualim sadece bunnan ibaretdir men muddetden artiq xidmet etmekcun ne etmeliyem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Elnur Haciyev Soruşur Yazılma Tarixi:30.10.2015 10:19:50

Salam. 2016-cı ilin mart ayının 4-ü 18 yaşım tamam olacaq. Hal-hazırda xarici dövlətdə ali təhsil alıram. Bununla əlaqəli müvafiq qanuna əsasən təhsil aldığım müddətdə möhlət əldə edəcəm. Ali təhsilimin davamı haqqındakı arayışı aprel çağırışından əvvəl təqdim edib möhlət ala bilərəmmi?

Bildiririk ki, xarici ölkələrin təhsil müəssisələrində oxuyan vətəndaşlar onlara təhsilə görə həqiqi hərbi xidmətə çağırışdan möhlət verilməsi üçün tərcümə olunaraq notarial qaydada təsdiq olunmuş təhsil haqqında arayışı Xidmətin qeydiyyatda olduqları idarə, şöbə və ya bölməsinə şəxsən təqdim etdikləri halda barələrində qanunamüvafiq qərar qəbul edilir. Sizə təhsilə görə möhlət verilməsi məsələsinə baxılması üçün təhsil almanız barədə arayışı 2016-cı ilin mart ayında Xidmətin qeydiyyatda olduğunuz idarə, şöbə və ya bölməsinə təqdim etməlisiniz.
Orxan Məcidli Soruşur Yazılma Tarixi:30.10.2015 09:15:31

salam.zəhmət olmasa Nəsimi rayon şöbəsinin əlaqə nömrəsini yazardız. 0125948875 nömrəsinə zəng eetdim, belə bir nömrənin mövcud olmadığı bildirildi.

Nəzərinizə çatdırırıq ki, Səfərbərlik və Hərbi Xidmətə Çağırış üzrə Dövlət Xidmətinin Nəsimi rayon idarəsi, Bakı şəhəri, Bakıxanov küçəsi 21 ünvanında yerləşir. Əlaqə nömrəsi (012) 594-88-76
memmedov tural Soruşur Yazılma Tarixi:30.10.2015 03:14:48

salam cox saolunki bundan qabagki sualimi cavablandirdiniz.bir seyde bilmek isterdimki esgere namaz qilmaga icaze verilir?

“Hərbi qulluqçuların statusu haqqında” Azərbaycan Respublikası Qanununun 7-ci maddəsinin 1-ci və 2-ci bəndlərinə əsasən, hərbi qulluqçuların dini əqidə azadlığına təminat verilir, dini əqidə hərbi qulluqçuları hərbi xidmət vəzifələrinin icrasından azad etmir.
Gunel Huseynzade Soruşur Yazılma Tarixi:30.10.2015 01:38:01

salam. men xidmete yeni ise qebul ucun nece muraciet ede bilerem. Aileliyem. iki ovladim var. Tehsilliyem. boyum 168. kilom 60. 27 yasim var. Astarada qeydiyyatdayam ve burda yasayiram ailemle.Komputer biliyleri uzre dovletin tesdigi ile sertifikatim var. Harda olsa xidmet ederem. Aile veziyyetimiz cox cetin durumdadi. vetene xidmet etmek her bir vetendasin seref borcudur.

Nəzərinizə çatdırırıq ki, hal-hazırda Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətində qadınlar üçün nəzərdə tutulmuş vəzifələr üzrə vakant yerlər olmadığı üçün, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün deyil.
Memmedyar Veliyev Soruşur Yazılma Tarixi:29.10.2015 23:31:10

Salam. Men ali tehsilliyem, herbi xidmeti basa vurmusam. Leytenant rutbesi alib herbici olsam muqavile nece illik olacaq? Nece il zabit kimi islemeliyem?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.4-cü maddəsinə əsasən, zabitlərin həqiqi hərbi xidmətinə – hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər  daxil olurlar. Bu Qanunun 38.1-ci maddəsinə əsasən, dinc dövrdə həqiqi hərbi xidmətin müddətləri təqvim hesabı ilə aşağıdakı kimi müəyyənləşdiri­lir: 38.1.5. zabitlər üçün: ehtiyatdan müddətli həqiqi hərbi xidmətə çağırılanlar və ya bağlaşma əsasında həqiqi hərbi xidmətə könüllü daxil olanlar – 1 il 6 ay. Bu müddət bitdikdən sonra tərəflərin razılığı ilə onlar kadr zabit heyətinə keçirilirlər. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Famiq Mirzeyev Soruşur Yazılma Tarixi:29.10.2015 21:20:38

Salam.Sizi narahat etmeyimin sebebi bir nece gunen qabaq size mektub unvanlamisdin onun baresinde melumat almaq isteyirdim ve yene ozume borc bildim yeniden suali tekirarlayim.Men ehtiyyatda olan zabitem 3-cu qurup pensiya aliram rutbem leytenatdir.Men zabit kimi size muraciyyet etdim mene bildiler ki xestelikle texris olundugunuz ucun burda isleye bilmesiniz.Bes nece men mufetis kimi seferberlik xidmetinde isleye bilerem?isleye bilermse hara ve nece muraciyyet edim.Zehmet olmasa mene melumat veresiniz.

Nəzərinizə çatdırırıq ki, Sizin Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə işə qəbul olunmağınız məqsədəuyğun hesab edilməmişdir.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.