Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Elsen Hacibalayev Soruşur Yazılma Tarixi:08.11.2015 19:16:52

Salam. sualim xaricde tehsille baglidir. 4 kursan qovulmuwam amma hemen il 2 aydan sonra berpa olunmuwam. Amma herbi komisariatliq bunu bilmir ver arayiwda vermemiwem . azerbaycana geldikde birbawa herbi komssiarliqda oldum mennen ne ucun 2 cagiriwdan yayindigimi soruwdular edimki diplomu almamiwam ona gore . menen izahat aldilar. eger men indi oxudugum instutdan arayiw getirsem hemen izahatdan imtina etsem meni herbi cagiriw gozleyirmi. ve ikinci sualim menim atam dovlet iwcisidir mene dediler ki onun baresindede tedbir gorulecek axi o hec bir wey etmeyib izahatimdada deyilirki valideyinim defelerle meni xeberdar edib.

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  21-ci maddəsinə əsasən, xarici ölkələrdə əyani təhsilalma formasında təhsil alanlara ali təhsil pilləsində (bakalavriat) müvafiq təhsilini bitirənədək çağırışa möhlət verilir.   
          Eyni zamanda bildiririk ki, təhsilini davam etdirmək üçün çağırışdan möhlət verilməsi haqqında qərar çağırış komissiyaları tərəfindən təhsil müəssisələrinin verdiyi arayış (Forma № 10) əsasında bir dəfə, bu məsələyə çağırış komissiyasında birinci dəfə baxılarkən qəbul olunur. O cümlədən, təhsilə görə möhlət verilmiş çağırışçılar hər il oktyabr ayının 1-nə qədər qeydiyyatda olduqları Xidmətin yerli idarə, şöbə və ya bölmələrinə təhsillərini davam etdirmələri haqqında arayış təqdim etməlidirlər.   Nəzərinizə çatdırırıq ki, “Hərbi vəzifə və hərbi xidmət haqqında” Azərbaycan Respublikası Qanununun  21.2.-ci maddəsinə əsasən, ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.    
       Sizin ali təhsil müəssisəsinə bərpa olunmağınız haqqında əmrin surətini və hazırda ali təhsil aldığınız barədə arayışı təcili olaraq q eydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsinə təqdim etməyiniz tövsiyə olunur.
orxan huseynov Soruşur Yazılma Tarixi:08.11.2015 10:23:10

Men lenkeranda yasiyiram 15 yasim var konullu esger olmaq isteyirem 11 ci sinif qurtarandan sora hara müraciyyet edim ?

Bildiririk ki, yalnız 18 yaşı tamam olan və müddətli həqiqi hərbi xidmətə çağırışdan möhlət hüququ olmayan vətəndaşlar ümumi əsaslarla həqiqi hərbi xidmətə çağırışa cəlb edilirlər. 
Rəşad Ələskərov Soruşur Yazılma Tarixi:08.11.2015 01:24:24

Salam.Mən 2011-ci ildə Azərbaycan Memarlıq və İnşaat Universitetinin Nəqliyyat fakultəsini bitirmişəm.Bilmək istərdimki mən SHXÇDX-də çalışa bilərəm?Bununla bağlı hansı sənədləri hansı ünvana təqdim etməliyəm?Minnətdaram.

Nəzərinizə çatdırırıq ki, ixtisasınız Azərbaycan Respublikası Səfərbər­lik və Hərbi Xidmətə Çağırış üzrə Dövlət Xidmətinin komplektləşdiril­məsi üçün mövcud olan vakant vəzifələrin ixtisas profilinə uyğun olmadığına görə Sizin işə qəbul olunmağınızla bağlı müraciətinizin müsbət həlli mümkün hesab edilməmişdir.
FUAD Soruşur Yazılma Tarixi:08.11.2015 01:24:22

SALAM.MEN BILMEK ISTEYIREMKI, OKTYABR AYINDA GEDEN ESGERLERIN AND ICME MERASIMI NOYABRIN NECESI VE SAAT NECEDE OLACAQ? COX XAIW ELIYIREM MUMKUNDURSE SUALIMA TEZ CAVAB VERIN.COXSAGOLUN.

Bildiririk ki, müddətli həqiqi hərbi xidmət qulluqçularının hərbi andı qəbul edəcəyi günün təyin edilməsi məsələsinə onların xidmət etdiyi qoşun növünün komandanlığı tərəfindən qərar verilir. 
Elvin Mustafayev Soruşur Yazılma Tarixi:07.11.2015 22:53:07

SALAM MENIM 17 YASIM VAR 2016 CI ILIN IYUL AYINDA HERBI XIDMETE DUSUREM YALNIZ ALILENIN TEK OQLUYAM MENEN BASQA EVDE USAQ YOXDUR MENI HERBI XIDMETE APARACAQLAR ??

Bildiririk ki, ailənin tək övladlarının həqiqi hərbi xidmətə çağırışdan azad edilməsi mövcud qanunvericilikdə nəzərdə tutulmamışdır.
Abdullayeva Çinarə Soruşur Yazılma Tarixi:07.11.2015 21:44:48

salam.Qardasimin herbi biletinde cuzi mehdudiyyetle yararsiz madde13d.a3 yazilib.bilmek isterdim hansi mehdudiyyetlere esasen yazilib bu? ve bu maddenin tam olaraq aciqlamasi nedir?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 15.1-ci maddəsinə əsasən, müddətli həqiqi hərbi xidmətə çağırılan bütün vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində həkim mütəxəssislər tərəfindən, əlavə tibbi müayinəyə ehtiyac olduqda isə digər müalicə müəssisələrində hökmən tibbi müayinədən keçirilirlər. Nəzərinizə çatdırırıq ki, Azərbaycan Respublikası Nazirlər Kabinetinin 29 fevral 2008-ci il 59 №-li qərarı ilə təsdiq edilmiş “Hərbi həkim ekspertizası haqqında Əsasnamə”nin Xəstəliklər cədvəlinin 13-cü maddəsinin “d” bəndi (zəif qidalanma və ya II dərəcəli alimentar piylənmə)          3-cü məhdudiyyət dərəcəsi ilə “müddətli həqiqi hərbi xidmətə yararlılı” kimi təyin edilir.
Gülnar Həsənova Soruşur Yazılma Tarixi:07.11.2015 18:59:09

Mən 2014 cü ildə Gəncə Dövlət Universitetinin Fiziki tərbiyə və çağırışaqədərki hazırlıqı müəllimi ixtisası üzrə təhsil almışam.Səfərbərlik və hərbi xidmətə çağırış üzrə dövlət xidməti orqanlarında çalışa bilərəmmi? Bu barədə informasya verə bilərsiniz mənə?

 Bildiririk ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, işə qəbulla əlaqədar müraciət edə bilərsiniz. Özünüz haqqında ətraflı məlumat təqdim etdikdən sonra barənizdə müvafiq qərar qəbul oluna bilər.
Eleddin Niyazoglu Soruşur Yazılma Tarixi:07.11.2015 11:02:49

Salam.Men ali tehsilli,komputer biliyimde var,suruculuk vesiqemde var herbi xidmetide avtorotada olmusam boyum 179.Xidmete qebul olmaq isdiyirem bunun ucun ne etmeliyem?Goranboy Rayon Borsunlu kend sakiniyem.Goranboy vey

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətə könüllü daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Sənan Əsgərov Soruşur Yazılma Tarixi:07.11.2015 02:54:16

Salam mən Xocalı rayon sakini,Azərbaycan Bayrağı ordenli şəhid polis övladı Əsgərov Sənan Xəzani oğluyam.2012 ci ildə Gəncə Dövlət Universitetinin Fiziki tərbiyə və gənçlərin çağrışaqədərki hazırlığı ixtisasın bitirmişəm.2012-2013 cu ildə Dövlət Sərhəd Xidmətində hərbi xidmət keçmişəm.2014 cu ildən orta məktəbdə gənçlərin çağrışaqədərki hazırlğı dərsin deyirəm.Həqiqi hərbi xidmətə qəbulla bağli Səfərbərlik və Hərbi Xidmətə Çağrış üzrə Dövlət Xidmətinə sənəd vermişəm imtahana dəvət olunmuşdum.Lakin keçid bali toplaya bilmədim yenidən imtahana girmək istəyirəm bununcun hara muraciət etməliyəm.Zəhmət olmazsa cavab verərdiz.Əlaqə nömrəm.051 569 32 32

Müraciətinizlə əlaqədar həftənin tək günləri Azərbaycan Respublikası  Səfərbərlik və Hərbi Xidmətə Çağırış üzrə Dövlət Xidmətinin Kadrlar və Kadr Hazırlığı idarəsinə gəlməyiniz təklif olunur. Özünüzlə şəxsiyyət vəsiqəsi, hərbi bilet, 3x4 sm ölçüdə 2 ədəd fotoşəkil, əmək kitabçası və təhsil haqqında sənədin olması vacibdir. Eyni zamanda nəzərinizə çatdırırıq ki, vətəndaşların Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə həqiqi hərbi xidmətə qəbulu keçirilən müsabiqənin (test imtahanı) və müsahibənin nəticələrindən asılı olaraq müəyyən edilir.
Havalayev Ranazan Soruşur Yazılma Tarixi:06.11.2015 21:46:26

Men Havalayev Ramazan Arif oglu.1993 Balaken rayonu.Ali tehsilliyem.Meni iyulda esger aparmadilar.1il mohlet vermisik dediler.Sentyabrin 28 City Hospitalda komisiyadan kecdim.Dediler cavab 15 gune biliner.Amma ustunden 1 ay 8 gun kecib xeber yoxdu.Men komisiyamin cavabini bilmek istiyirem.Mene bu meselede komeklik gosterin.Dunen de yazmisam size.Hele cavab gelmiyib.

Məlum olmuşdur ki, Siz, nəzarət qaydasında Xidmətin Mərkəzi Hərbi-Həkim Komissiyasında şəhadətləndirilmiş və müayinə nəticəsində təyin olunmuş diaqnoza müvafiq olaraq Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş “Hərbi-həkim ekspertizası haqqında Əsasnamə”nin “Xəstəliklər cədvəli”nin I qrafasına əsasən 6 (altı) ay müddətinə “Hərbi xidmətə müvəqqəti yararsızdır” hesab edilmisiniz. Möhlət hüququ bitdikdə Siz, təkrar tibbi müayinəyə cəlb olunacaqsınız.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.