Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
Yasin Vəliyev Soruşur Yazılma Tarixi:12.10.2015 21:25:42

Salam mən müddətdən artıq hərbi xidmət etmək istəyirəm hara müraciət etməliyəm ?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1.1-ci maddəsinə əsasən, müddətdən artıq həqiqi hərbi xidmətə - ən azı ümumi orta təhsilli, qanunla müəyyənləşdirilən müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlər, gizirlər və miçmanlar istisna olmaqla), habelə 19 yaşından 40 yaşınadək qadınlar daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Murad Agayev Soruşur Yazılma Tarixi:12.10.2015 12:55:36

salam.Men Sumqayit weher Vayonkamatindan oktyabrin 1ine cagiriw vereqesi verilib ve Men Helede Herbi xidmete getmemiwem.Naxcivana duwduyumden deyirler ki xeber edeceyik.Dovlet Samalyot ayirmalidir.ve biz size xeber edeceyik.bilmek isteyerdim ki men ne vaxt HERBİ XİDMETE gedecem?xaiw edirem Cavablandirardiz

Bildiririk ki, sizin 20.10.2015-ci il tarixində Naxçıvan MR-ə göndərilməyiniz nəzərdə tutulmuşdur.
Senan Esgerov Soruşur Yazılma Tarixi:12.10.2015 12:45:28

Salam GDU -nin fiziki terbiye ve genclerin cagrisaqederki hazirligi ixtisasin bitirmisem.Herbi xidmetimide basa vurmusam.Sizin xidmete zabit kimi ise goturule bilerem???

Bildiririk ki, hal-hazırda Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinə Silahlı Qüvvələrdə zabit qismində həqiqi hərbi xidmət keçmiş ehtiyatda olan zabitlərin qəbul edilməsi məsələsinə baxıldığına görə, Sizin həqiqi hərbi xidmətə qəbul olunmağınızla bağlı müraciətinizin müsbət həlli mümkün hesab edilməmişdir.
Yunus Memmedov Soruşur Yazılma Tarixi:12.10.2015 12:35:17

Salam. Men Memmedov Yunus Arif oglu Suraxani rayon komissarligi mene herbi bilet ne vaxt verilecek? men mede xestesiyem 2009 ilden hal hazirda 2 ci defe cagrildim ve muayine olundum 12 barmag bagirsagda xora xesteliyi var qida borusu xesteliyide var xaiw edirem melumat veresiz

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 23.0.2-ci maddəsinə əsasən, sağlamlıq vəziyyətinə görə dinc dövrdə həqiqi hərbi xidmətə yararsız, müharibə dövründə məhdud yararlı, yaxud həm dinc dövrdə, həm də müharibə dövründə hərbi xidmətə yarasız sayılmış çağırışçılar müddətli həqiqi hərbi xidmətə çağırışdan azad edilirlər. Bu Qanunun 28.6-cı maddəsinə əsasən, müddətli həqiqi hərbi xidmətə çağırılan vətəndaşlara, hərbi qulluqçu hazırlayan xüsusi təyinatlı təhsil müəssisələrinin kursantlarına, çağırış komissiyasının qərarı ilə çağırışdan azad edilib ehtiyata keçirilmiş, həm dinc dövrdə, həm də müharibə dövründə hərbi xidmətə yararsız hesab edilmiş vətəndaşlara, öz razılığı ilə hərbi qeydiyyata götürülmüş 19 yaşdan 40 yaşadək qadınlara və ehtiyatda olan zabitlərə hərbi bilet verilir. Odur ki, şəxsiyyətinizi təsdiq edən sənədlə hərbi qeydiyyatda olduğunuz yer üzrə Xidmətin aidiyyəti idarə, şöbə və ya bölməsinə şəxsən müraciət etməlisiniz.
Rauf Abbaszade Soruşur Yazılma Tarixi:12.10.2015 10:22:22

Men 11ci sinifde oxuyuram DSX ismi vermek isdiyirem,bilmirem saglamligi ne vagt kecirilir.

Qeyd etdiyiniz məsələ ilə bağlı Tələbə Qəbulu üzrə Dövlət Komissiyasına müraciət etməyinizi tövsiyə edirik.
Vahid Hesenov Soruşur Yazılma Tarixi:12.10.2015 02:30:20

Salam, biz iki qardasiq ve valdeyinlermizi itirmisik, men hal-hazirda telebeyem, qardasim ise cagriscidir. Onun esgerliye aparilmasi ne derecede duzgundur, yasi az olmagina baxmayaraq o calisib mene maddi destek olur, Onu esgerliye aparmaya bilerlermi?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 12.2.1-ci maddəsinə əsasən, Azərbaycan Respublikasının 18 yaşına çatmış, sağlamlıq vəziyyətinə görə hərbi xidmətə yararlı olan, çağırışa möhlət hüququ olmayan və ya çağırışdan azad edilməmiş kişi cinsli vətəndaşları müddətli həqiqi hərbi xidmətə çağırılırlar.         Eyni zamanda bildiririk ki, qardaşınızın hazırki ailə vəziyyəti ilə əlaqədar ona mövcud qanunvericilikdə hər hansı güzəşt nəzərdə tutulmayıb.  
Tural Rüstəmov Soruşur Yazılma Tarixi:11.10.2015 23:18:36

Salam Səfərbərlik xidmətinə işə düzəlmək üçün nə etməliyəm?Hərbi xidmətdə olmuşam Ali təhsilliyəm.Xaiş edirəm məlumatlandirasiz

Nəzərinizə çatdırırıq ki, müraciətinizdə özünüz barədə ətraflı məlumat vermədiyinizə görə barənizdə qərar qəbul olunması mümkün hesab edilməmişdir. Nəzərinizə çatdırırıq ki, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin saytında yerləşdirilmiş elektron xidmətlər bölümündəki “Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmətə (işə) qəbulla əlaqədar müraciət və sənədlərin qəbulu” alt bölümünə daxil olmaqla, həqiqi hərbi xidmətə (işə) qəbulla əlaqədar müraciət edə bilərsiniz.
Kamil Quliyev Soruşur Yazılma Tarixi:11.10.2015 21:46:29

salam. məktəblərdə Gənclərin çağırışaqədərki hazırlığ rəhbərlərinə hərbi rütbə haçan veriləcək?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 30.1-ci maddəsinə əsasən, hərbi qulluqçuya və hərbi vəzifəliyə onun tutduğu vəzifədən, hərbi və xüsusi hazırlığından, hərbi xidmət müddətindən, ehtiyatda olma vəziyyətindən, qoşun növünə və ya xidmətinə mənsubiyyətindən asılı olaraq müvafiq hərbi rütbə verilir.         
    Bu Qanunun 47-ci maddəsinə əsasən, toplanışları keçmiş və tədris proqramları üzrə yoxlamaları müvəffəqiyyətlə vermiş hərbi vəzifəlilərə “Hərbi xidmətkeçmə haqqında Əsasnamə”də müəyyənləşdirilmiş qaydada, polkovnik (1-ci dərəcəli kapitan) daxil olmaqla, növbəti hərbi rütbə verilir.
Mustafayev Elman Soruşur Yazılma Tarixi:11.10.2015 20:42:33

Salam Menim 17 Yawim Var Cagriwa Geder Men Herbi Kursuna Girmek istiyirem Xaiw Cavab Yazin Mene 0513300620

Bildiririk ki, “Hərbi vəzifə və hərbi xidmət haqqında” Azərbaycan Respublikasının Qanununa əsasən, hərbi qulluqçu hazırlayan xüsusi təyinatlı ali təhsil müəssisələrinə qəbul edildiyi ildə 17 yaşı tamam olan və 20 yaşı tamam olmayan vətəndaşlar, habelə zabit hərbi rütbəsi olmayan, hərbi qulluqçu hazırlayan xüsusi təyinatlı ali təhsil müəssisələrində oxumaq arzusunu bildirən 18 yaşından 23 yaşınadək hərbi qulluqçular və hərbi vəzifəlilər qəbul edilirlər.  Hərbi qulluqçu hazırlayan xüsusi təyinatlı ali təhsil müəssisələrinə qəbul “Azərbaycan Respublikasının ali təhsil müəssisələrinə və tam orta təhsil bazasında orta ixtisas təhsili müəssisələrinə tələbə qəbulu qaydaları”na uyğun həyata keçirilir.
Elman Cəlilov Soruşur Yazılma Tarixi:11.10.2015 20:10:11

Evin tək övladı olan (nə qardaş nə baçısı olan) xidməti arxa cəhbədə apara bilər mən özüm Qarabağ vetranıyam qabaqcadan təşəkkür edirəm

Bildiririk ki, həqiqi hərbi xidmətə çağırılmış vətəndaşlar Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətində  Silahlı Qüvvələr və qanunvericiliyə uyğun olaraq yaradılmış başqa silahlı birləşmələr arasında xüsusi kompüter proqramı vasitəsi ilə bölünür və çağırışçıların gələcəkdə hansı hərbi hissədə xidmət keçməsi məsələsinə onların təyin edildiyi qoşunun komandanlığı tərəfindən qərar verilir.
Cədvəldə sətir sayı :14891

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.