Sual/Cavab
HÖRMƏTLİ İSTİFADƏÇİLƏR!

Azərbaycan Respublikası Prezidenti cənab İlham Əliyevin internet səhifəsi Konstitusiyanın 57-ci maddəsinə uyğun olaraq vətəndaşların müraciət etmək hüququnun reallaşdırılması vasitəsidir.Hər bir istifadəçinin məktub göndərmək, arzularını bildirmək, onu maraqlandıran məsələlər barədə yazmaq, təklif, ərizə və şikayətlə müraciət etmək imkanı vardır.

SƏFƏRBƏRLİK VƏ HƏRBİ XİDMƏTƏ ÇAĞIRIŞ ÜZRƏ DÖVLƏT XİDMƏTİNİN ÜNVANINA ELEKTRON FORMADA MÜRACİƏT GÖNDƏRMƏZDƏN ƏVVƏL, XAHİŞ EDİRİK QAYDALARLA TANIŞ OLUN:

1.Mətni yazmazdan əvvəl nəzərdə tutulmuş formanın düzgün cavablandırılması vacibdir.

2.Mətn mütləq yazıldığı dilin əlifbası ilə tərtib olunmalıdır, bütövlükdə böyük və ya kiçik hərflərlə yazılmamalı, cümlələrə bölünməli, durğu işarələrindən istifadə qaydalarına riayət edilməlidir.

3.Müraciət aydın və səlis cümlələrlə yazılmalıdır.

4.Müraciət edərkən etika qaydaları gözlənilməlidir. Nəzakətsiz ifadələr işlədildikdə və ya müəllif özü barədə məlumatları dəqiq göstərmədikdə müraciətə cavab verilmir.

5.Hörmətli internet səhifəsi istifadəçiləri! Böyük informasiya axınının işlənməsi xüsusiyyətlərini nəzərə alaraq, xahiş edirik bəzi məhdudiyyətlərə hörmətlə yanaşasınız:

Sualınızı yazın


Verilən suallar
tofiq kerimov Soruşur Yazılma Tarixi:09.09.2015 17:34:53

men 02 02 2000 ci ilden 06 08 2006 kimi 052 sayli hebi hissede gizir kimi xidmet etmisem 334 cu made ile texris olmusam bilmek isteyirem ki men istifade etmediyim mezuniyet pulunu ala bilerem yoxsa yox

Bildiririk ki, istifadə edilməmiş növbəti məzuniyyət günlərinə görə pul kompensasiyasının verilməsi Azərbaycan Respublikası Nazirlər Kabinetinin 2012-ci il 28 sentyabr tarixli 217 №-li və 2014-cü il 26 dekabr tarixli 399 №-li Qərarlarına əsasən həyata keçirilir. Odur ki, son xidmət yeriniz Müdafiə Nazirliyinin hərbi hissəsi olduğu üçün aidiyyəti üzrə Müdafiə Nazirliyində fəaliyyət göstərən istifadə edilməmiş növbəti məzuniyyət günlərinə görə pul kompensasiyasının hesablanması komissiyasına müraciət etməyiniz tövsiyə olunur.
Esgerov Tural Soruşur Yazılma Tarixi:09.09.2015 17:17:22

Salam men bilmek isdeyirem ki esgerliyn cekib gelenlerde caqrilacaq

“Hərbi vəzifə və hərbi xidmət haqqında” Azərbaycan Respublikası Qanununun 45-ci maddəsinə əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırıla bilərlər. Hərbi vəzifəlilər 50 yaşları tamam olana qədər hərbi qeydiyyatda olurlar və bu müddət ərzində ölkədə səfərbərlik elan olunarsa  onlar çağırıla  bilərlər.
Vüqar İsmayılov Soruşur Yazılma Tarixi:09.09.2015 17:02:36

Oğlum 04.07.1997-ci il təvəllüdlüdür, lakin ürəyində açıq əməliyyat keçirib. O, hərbi-həkim komisiyasından nə vaxt keçməlidir və sənədləri nə vaxt təqdim olacaq.

Müraciətinizlə bağlı müvafiq araşdırmanın aparılması məqsədi ilə övladınızın adı və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin rayon (şəhər) idarəsi (şöbəsi, bölməsi) göstərilməlidir.
Tagi Ehmedbeyli Soruşur Yazılma Tarixi:09.09.2015 15:59:12

Salam Men Herbi prokrorluqdan ag bilet ala bilmirem. Butun senedleri vermisem. Mene deyirler ki, polisden mektub gelmelidi, nece gune vererler bileti?

Sualınızın düzgün cavablandırılması üçün atanızın adını, təvəllüdünüzü və qeydiyyatda olduğunuz Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və ya bölməsinin adını Xidmətin portalına göndərməyiniz tövsiyə olunur. 
Zaur Imanov Soruşur Yazılma Tarixi:09.09.2015 15:41:49

salam men herbi gulluga getmek istayirem amma imkanim yoxdu sened yigmaga men muraciyat eladim n sayli herbi issee hava gosunlugu mene ayin 15 sentiyabirnakimi senedleri getirmeleri dediler menim ise imkanim yoxdu yol pul senedlere pul uzum lerik rayon ucotundayam xais edirem mene komek edasiz menim numrem 0708981425

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun 36.1-ci maddəsinə əsasən, həqiqi hərbi xidmətə qəbul üçün müəyyən edilmiş tələblərə cavab verən Azərbaycan Respublikasının vətəndaşları Azərbaycan Respublikasının Nazirlər Kabinetinin müəyyən etdiyi hallarda və qaydada bağlaşma əsasında həqiqi hərbi xidmətlərə könüllü daxil olurlar. Odur ki, aidiyyəti üzrə qulluq (xidmət) etmək istədiyiniz Azərbaycan Respublikası Müdafiə Nazirliyi, Daxili İşlər Nazirliyi, Ədliyyə Nazirliyi, Milli Təhlükəsizlik Nazirliyi, Fövqəladə Hallar Nazirliyi, Dövlət Sərhəd Xidməti, Xüsusi Dövlət Mühafizə Xidməti, Səfərbərlik və Hərbi Xidmətə Çağırış üzrə Dövlət Xidmətinə müraciət etməlisiniz.
Rauf Yusifov Soruşur Yazılma Tarixi:09.09.2015 15:30:08

Salam,mənim 15 yaşım var istərdim snayper kursları keçim bu mümkündür?Və hara yaxınlaşa bilərəm?

Bildiririk ki, Azərbaycan Respublikası Nazirlər Kabinetinin müvafiq sərəncamına əsasən qeyd etdiyiniz ixtisas üzrə hazırlıq kurslarına yalnız çağırışçılar cəlb edilir. “Hərbi vəzifə və hərbi xidmət haqqında” Azərbaycan Respublikasının Qanununa əsasən çağırışçılar – ilkin hərbi qeydiyyata alınmış və ya alınmalı olan müddətli həqiqi hərbi xidmət keçməmiş 18 yaşından 35 yaşınadək Azərbaycan Respublikasının kişi cinsli vətəndaşları hesab edilirlər. Hal-hazırda Səfərbərlik və Hərbi Xidmətə Çağırış üzrə Dövlət Xidməti tərəfindən çağırışçı olmayan vətəndaşlar üçün snayper ixtisası üzrə hazırlıq kursları təşkil edilmir.    
Cabir Əhədov Soruşur Yazılma Tarixi:09.09.2015 15:11:48

Son günlərdə təşkil olunan təlim yığıncaqlarına könüllü olaraq qoşulmaq üçün nə edə bilərəm?

Sizdə olan yüksək hərbi vətənpərvərlik hissini qiymətləndirir, eyni zamanda məlumat veririk ki, “Hərbi vəzifə və hərbi xidmət haqqında” Azərbaycan Respublikası Qanununun 45-ci maddəsinə əsasən, hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırıla bilərlər. Silahlı Qüvvələrdə keçiriləcək növbəti təlimlər zamanı hərbi uçot ixtisasınız üzrə  hərbi vəzifəlilərin çağırılmasına zərurət yaranarsa, Siz də təlimlərə cəlb oluna bilərsiniz.
Taleh Soruşur Yazılma Tarixi:09.09.2015 15:09:29

heqiqi herbi xidmetde olmayan ve 18 yawi tamam olmayan wexsler konullu herbi xidmete gede bikerker?

Bildiririk ki, “Hərbi vəzifə və hərbi xidmət haqqında” Azərbaycan Respublikası Qanununun  12.2.1-ci maddəsinə əsasən, Azərbaycan Respublikasının 18 yaşına çatmış kişi cinsli vətəndaşları müddətli həqiqi hərbi xidmətə çağırılırlar.
Musfiq Serifov Soruşur Yazılma Tarixi:09.09.2015 15:08:17

salam men 2010.cilde herbi xidmeti basa vurmusam..men 2015 cilde seferberlike dusurem yoxsa yox?

“Hərbi vəzifə və hərbi xidmət haqqında” Azərbaycan Respublikası Qanununun 45-ci maddəsinə əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırıla bilərlər. Hərbi vəzifəlilər 50 yaşları tamam olana qədər hərbi qeydiyyatda olurlar və bu müddət ərzində  ölkədə səfərbərlik elan olunarsa çağırıla  bilərlər.
Xeyal ehmedli Soruşur Yazılma Tarixi:09.09.2015 14:38:49

Adim xeyaldi.Ewitdiyime gore seferberlik elan olunub.Menim qardawim esgerliye gedibde qayidibda indi bilmek istiyem qardawim seferberliye gore yeniden cebheye gedecek ve getmesi mutleqdirmi

Xeyr, ölkəmizdə səfərbərlik elan olunmayıb, lakin Azərbaycan Respublikasının Prezidenti cənab İlham Əliyevin təsdiq etdiyi plana əsasən, 06-13 sentyabr 2015-ci il tarixlərində Silahlı Qüvvələrdə təlimlər keçirilir. “Hərbi vəzifə və hərbi xidmət haqqında” Azərbaycan Respublikası Qanununun 45-ci maddəsinə əsasən, hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırıla bilərlər.
Cədvəldə sətir sayı :14804

2014 - Səfərbərlik və Hərbi Xidmətə Çağırış üzrə Dövlət Xidməti. Müəllif hüquqları, "Müəlliflik hüququ və əlaqəli hüquqlar haqqında" Azərbaycan Respublikası Qanununa əsasən qorunur.